📖TARJUMA-E-KANZUL IMAAN SHARIF, ALBUM:- 06

📖TARJUMA-E-KANZUL IMAAN SHARIF, ALBUM:- 06
SUREH HOOD..

①.
✏Ye Ek Qitab Hai Jiski Ayate Hiqmat Bhari Hai Fir Tafseel Ki Gayi Hiqmat Wale Khabardar ki Taraf se..
②.
✒Ke Bandagi Na Karo Magar Allah ki Beshak Me Tumhare Liye Uski Taraf se Darr Aur Khushi Sunane Wala hu.
③.
✏Aur Ye ke Apne Rabb se Muafi Mango Fir Uski Taraf Touba Karo Tumhe Bahut Acha Baratna Dega Ek Thehraye Waade Tak Aur Har Fazilat Wale Ko Uska Fazal Pahuchayega Aur Agar Munh Fero To Me Tumpar Bade din Ke Azab Ka Khouf Karta hu..
④.
✒Tumhe Allah Hi ki Taraf Firna hai Aur Woh Har Shay Par Qadir hai..
⑤.
✏Suno Woh Apne Seene Dohre Karte Hai Ke Allah Se Parda Kare Suno Jis Waqt Woh Kapdo se Apna Sara Badan Dhanp Lete hai Us Waqt bhi Allah Unka Chupa Aur Zahir Sab Kuch Janta hai Beshak Woh Dilo ki Baat Janne Wala hai...
⑥.
✏Aur Zameen Par Chalne Wala koi Esa Nahi Jiska Rizk Allah Ke Zimme Karam Par na ho Aur Janta hai Ke Kaha Thehrega Aur Kaha Supurd Hoga Sab-Kuch Ek Saaf Bayan Karne Wali Qitab Me hai..
⑦.
✒Aur Wohi Hai Jisne Aasman-O-Zameen Ko 6 Din Me Banaya Aur Uska Arsh Pani Par Tha Ke Tumhe Aazmaye Tumme kiska Kaam Acha hai Aur Agar Tum Farmao Ke Beshak Tum Marne ke Bad Uthaye Jaoge To Kafir Zarur Kahenge Ke Yeh To Nahi Magar Khula Jaadu..
⑧.
✏Aur Agar Hum Unse Azab Kuch Ginti ki Muddat Tak Hata de To Zarur Kahenge Kis Cheez ne Roka hai Sun lo Jis Din Unpar Ayega Unse Fera Na Jaega Aur Unhe Gher Lega Wohi Azab Jiski Hasi Udate The...
⑨.
✒Aur Agar Hum Aadmi ko Apni Kisi Rehmat ka Maza De Fir Use Usse Cheen le Zaroor Wo Bada Na'ummid Na'Shukra hai...
⑩.
✏Aur Agar Hum Use Ne'mat ka Maza De Us Musibat Ke Bad Jo Use Pahuchi To Zarur Kahega Ke Buraiya Mujhse Door Huyi Beshak Woh Khush Hone Wala Badhai Marne Wala hai...
⑪.
✏Magar Jinhone Sabr Kiya Aur Ache Kaam Kiye Unke Liye Bakshish Aur Bada Sawab hai..
⑫.
✒To Kya Jo Wahi Tumhari Taraf Hoti hai Usme se Kuch Tum Chod Doge Aur Uspar Dil Tang Honge Is Bina Par ke Woh Kehte hai Unke Sath Koi Khazana Kyo na Utra Ya Unke Sath Koi Farishta Aata Tum To Darr Sunane Wale ho Aur Allah Har Cheez Par Muhafiz hai..
⑬.
✏Kya Ye Kehte hai Ke Unhone Use Jise Bana Liya Tum Farmao Esi Banayi Huyi Ke Tum 10 Soorte Le Aao Aur Allah Ke Siwa Jo Mil Sake Sabko Bula Lo Agar Tum Sacche ho.
⑭.
✒To Aye Musalmano Agar Woh Tumhari Is Bat ka Jawab Na De Sake To Samaj Lo Ke Woh Allah Ke Huqm Hi se Utra hai Aur Ye ke Uske Siwa Koi Saccha Ma'bood nahi To Kya Ab Tum Manoge...
⑮.
✏Jo Duniya Ki Zindagi Aur Uski Aaraish Chahta Ho Hum Usme Unka Poora Phal De Denge Aur Usme Kami na Denge...
⑯.
✒Ye Hai Wo Jinke Liye Akhirat Me Kuch Nahi Magar Aag Aur Aqarat Gaya Jo Kuch Waha Karte The Aur Na'bood Ho Gaye Jo Unke Amal The..
①⑦.
✏To Kya Woh Jo Apne Rabb ki Taraf se Roshan Daleel Par ho Aur Uspar Allah ki Taraf se Gawah Aaye Aur Usse Pehle Moosa ki Qitab Peshwa Aur Rehmat Woh Uspar Imaan Late Hai  Aur Jo Uska Munkar Ho Sare Giroh me To Aag Uska Wa'da Hai To Aye Sunne Wale Tujhe Kuch Usme Shak Na ho Beshak Woh Haqq hai Tere Rabb ki Taraf se Lekin Bhot Aadmi Imaan Nahi Rakhte..
①⑧.
✒Aur Usse Badhkar Zalim Koun Jo Allah Par Jooth Bandhe Wo Apne Rabb Ke Huzur Pesh Kiye Jaenge Aur Gawah Kahenge Ye hai Jinhone Apne Rabb Par Jooth Bola Tha Are Zalimo Par Khuda ki La'nat..
①⑨..
✏Jo Allah ki Raah Se Rokte Hai Aur Usme Kaji Chahte Hai Aur Wohi Akhirat ke Munkir hai..
②ⓞ.
✒Woh Thakane Wale Nahi Zameen me Aur Na Allah Se Juda Unke Koi Himayati Unhe Azab Par Azab Hoga Woh Na Sun Sakte the Aur na Dekhte...


②①.
✏Wohi hai Jinhone Apni Jaan Ghaate Me Daali Aur Unse Khoyi Gayi Jo Bate Jodte the...
②②.
✒Khawah Na'Khawah Wohi Akhirat me Sabse Zyada Nuksan me hai...
②③.
✏Beshak Jo Imaan Laye Aur Ache Kaam Kiye Aur Apne Rabb ki Taraf Ruj'u Laye Woh Jannat Wale hai Woh Usme Hamesha Rahenge...
②④.
✒Dono Farik Ka Haal Esa hai Jese Ek Andha Aur Behra Aur Dusra Dekhta Aur Sunta Kya Un Dono ka Haal Ek'Saa Hai To Kya Tum Dhayan Nahi Karte..
②⑤.
✏Aur Beshak Humne Nooh Ko Uski Qoum Ki Taraf Bheja Ke Me Tumhare Liye Sareeh Darr Sunane Wala hu.
②⑥.
✒Allah Ke Siwa Kisiko Na Poojo Beshak Me Tumpar Ek Musibat Wale Din ke Azab Se Darta hu..
②⑦.
✏To Uski Qoum ke Sardar Jo Kafir Huwe the Bole Hum To Tumhe Apne Hi Jesa Aadmi Dekhte hai Aur Hum Nahi Dekhte Ke Tumhari Pairvi Kisi Ne Ki Ho Magar Humare Kamino Ne Sarsari Nazar se Aur Hum Tumme Apne Upar Koi Badhai Nahi Pate Balke Hum Tumhe Jootha Khayal Karte hai..
②⑧.
✒Bola Aye Meri Qoum Batao To Agar Me Apne Rabb ki Taraf se Roshan Daleel Par hu Aur Usne Muje Apne Pas se Rehmat Bakshi To Tum Usse Andhe Rahe Kya Hum Use Tumhare Gale Chipat De Aur Tum Bezar ho...
②⑨.
✏Aur Aye Qoum Me Tumse Kuch Uspar Maal Nahi Mangta Mera Ajr to Allah Hi Par hai Aur Me Musalmano ko Door Karne Wala nahi Beshak Woh Apne Rabb se Milne Wale hai Lekin Me Tumko Neere Jahil Log Pata hu..
③ⓞ.
✒Aur Aye Qoum Muje Allah Se Koun Bacha Lega Agar Me Inhe Door Karunga To Kya Tumhe Dhayan Nahi.
③①.
✏Aur Me Tumse Nahi Kehta Ke Mere Pas Allah Ke Khazane hai Aur Na Ye Ke Me Gaib Jaan Leta hu Aur Na Ye Kehta hu Ke Me Farishta Hu Aur Me Unhe Nahi Kehta Jinko Tumhari Nigahe Haqeer Samajti hai Ke Hargiz Unhe Allah Koi Bhalai Na Dega Allah Khoob Janta hai Jo Unke Dilo me hai Esa Karu To Zarur Zalimo Me Se hu.
③②.
✒Bole Aye Nooh ! Tum Humse Jhagde Aur Bahot hi Zhagde To Le Aao Jiska Hume Wa'da De Rahe ho Agar Tum Sacche ho..
③③.
✏Bola Woh To Allah Tumpar Layega Agar Chahe Aur Tum Thaka Na Sakoge..
③④.
✒Aur Tumhe Meri Nasihat Nafa Na Degi Agar Me Tumhara Bhala Chahu Jab Ke Allah Tumhari Gumrahi Chahe Woh Tumhara Rabb hai Aur Usiki Taraf Firoge..
③⑤.
✏Kya Ye Kehte hai Ke Unhone Apne Jee se Bana Liya Hoga Tum Farmao Agar Mene Bana Liya hoga To Mera Gunaah Mujhpar hai...
③⑥.
✏Aur Me Tumhare Gunaho se Alag Hu Aur Nooh Ko "Wahi" Huyi Ke Tumhari Qoum se Musalman Na Honge Magar Jitne Imaan La Chuke To Ghum Na Kha Ispar Jo Woh Karte hai..
③⑦.
✒Aur Kashti Banao Humare Samne Aur Humare Huqm Se Aur Zalimo ke Bare me Mujse Bat na Karna Woh Zarur Dubaye Jaenge..
③⑧.
✏Aur Nooh Kashti Banata Hai Aur Jab Uski Qoum ke Sardar Uspar Guzarte to Uspar Haste Bola Agar Tum Humpar Haste ho To Ek Waqt Hum Tumpar Hasenge Jesa Tum Haste ho..
③⑨.
✒To Ab Jaan Jaoge Kispar Aata hai Wo Azab Ke Use Ruswa Kare Aur Utarta hai Woh Azab Jo Hamesha Rahe..
④ⓞ.
✏Yaha Tak ke Humara Huqm Aaya Aur Ta,noor Ubla Humne Farmaya Kashti me Sawar Karle Har Jins se Ek Joda Narr-Wa-Mada Aur Jinpar Baat Pad Chuki Hai Unke Siwa Apne Ghar Walo Aur Baaki Musalmano Ko Aur Uske Sath Musalman Na The Magar Thode..


④①.
✒Aur Bola Usme Sawar ho Allah Ke Naam Par Uska Chalna Aur Uska Theherna Beshak Mera Rabb Zarur Bakshne Wala Meharbaan hai..
④②.
✏Aur Woh Unhe Liye Ja Rahi Hai Esi Mojo Me Jese Pahad Aur Nooh Ne Apne Bete Ko Pukara Aur Woh Usse Kinare Tha Aye Mere Bacche Humare Sath Sawar Hoja Aur Kafiro ke Sath Na ho...
④③.
✒Bola Ab Me Kisi Pahad ki Panah Leta hu Woh Muje Paani Se Bacha Lega Kaha Aaj Allah ke Azab Se Koi Bachane Wala nahi Magar Jispar Woh Reham Kare Aur Unke Bich me Mouje Aade Aayi To Woh Doobto Me Reh Gaya..
④④.
✏Aur Huqm Farmaya Gaya Ke Aye Zameen ! Apna Paani Nigal Le Aur Aye Aasman ! Tham Jaa Aur Pani Khushk Kar Diya gaya Aur Kaam Tamam Huwa Aur Kashti Koohe Judi Par Thehri Aur Farmaya Gaya Ke Door ho Be-Insaaf log..
④⑤
✒Aur Nooh Ne Apne Rabb ko Pukara Arz Ki Aye Mere Rabb ! Mera Beta bhi to Mera Ghar Wala hai Aur Beshak Tera Wa'da Saccha hai Aur Tu Sabse Badhkar Huqm Wala...
④⑥
✏Farmaya Aye Nooh ! Woh Tere Gharwalo Me Nahi Beshak Uske Kaam Bade Na'layak Hai Tu Mujse Wo Bat na Mang Jiska Tujhe Ilm Nahi Me Tujhe Nasihat Farmata hu Ke Naadan Na Ban..
④⑦.
✏Arz Ki Aye Mere Rabb ! Me Teri Panah Chahta hu Ke Tujhse Wo Cheez Mangu Jiska Muje Ilm Nahi Aur Agar Tu Muje Na Bakshe Aur Reham Na Kare To Me Ziyakar Ho Jau...
④⑧.
✒Farmaya Gaya Aye Nooh ! Kashti Se Utar Humari Taraf se Salam Aur Barkato Ke Sath Jo Tujhpar Hai Aur Tere Sath Ke Kuch Giroh Par Aur Kuch Giroh Woh hai Jinhe Hum Duniya Baratne Denge Fir Unhe Humari Taraf se Dardnaak Azab Pahuchega..
④⑨.
✏Ye Gaib Ki Khabre Hum Tumhari Taraf "Wahi" Karte Hai Unhe Na Tum Jante the Aur Na Tumhari Qoum Issse Pehle To Sabr Karo Beshak Bhala Andaz Parhezgaro ka...
⑤ⓞ.
✒Aur Aad Ki Taraf Unke Hum Qoum Hood ko Kaha Aye Meri Qoum ! Allah Ko Poojo Uske Siwa Tumhara Koi Maa'bood Nahi Tum Neere Muftari ho.
⑤①.
✏Aye Qoum ! Me Ispar Tumse Kuch Ujrat Nahi Mangta Meri Majdoori to Usi Ke Zimme hai Jisne Muje Paida Kiya To Kya Tumhe Aqal nahi...
⑤②.
✒Aur Aye Meri Qoum ! Apne Rabb Se Muafi Chaho Fir Uski Taraf Ruj'a Lao Tumpar Zor ka Pani Bhejega Aur Tumme Jitni Quwwat hai Usse Aur Zyada Dega Aur Zurm Karte Huwe Roo-Gardani Na Karo...
⑤③.
✏Bole Aye Hood ! Tum Koi Daleel Lekar Humare Pas na Aaye Aur Hum Khali Tumhare Kehne se Apne Khudao Ko Chodne ke nahi Na Tumhari Baat Par Yakeen Laye...
⑤④.
✏Hum to Yahi Khete hai Ke Humare Kisi Khuda ki Tumhe Buri Zhapat Pahuchi Kaha me Allah Ko Gawah Karta hu Aur Tum Sab Gawah ho Jao Ke Me Bezar Hu.
⑤⑤.
✒Aur Un Sabse Jinhe Tum Allah ke Siwa Uska Sharik Thehrate ho  Tum Sab Milkar Mera Bura Chaho Fir Muje Mohlat na do...
⑤⑥.
✏Mene Allah Par Bharosa Kiya Jo Mera Rabb hai Aur Tumhara Rabb Koi Chalne Wala nahi Jiski Choti Uske Qabz-E-Qudrat me Naa ho Beshak Mera Rabb Sidhe Raaste Par Milta hai...
⑤⑦.
✒Fir Agar Tum Munh Fero To Me Tumhe Pahucha Chuka Jo Tumhari Taraf Lekar Bheja Gaya Aur Mera Rabb Tumhari Taraf Auro ko Le Aayega Aur Tum Uska Kuch Na Bigad Sakoge Beshak Mera Rabb Har Shay Par Nigehbaan hai...
⑤⑧.
✏Aur Jab Humara Huqm Aaya Humne Hood Aur Uske Sath Ke Musalmano Ko Apni Remat Farmakar Bacha Liya Aur Unhe Sakht Azab Se Najat di..
⑤⑨.
✒Aur Ye Aad hai Ke Apne Rabb ki Ayato se Munkar Huwe Aur Uske Rasoolo Ki Na'Farmani Ki Aur Har Bade Sarkash Hatt Dharm Ke Kehne Par Chale...
⑥ⓞ.
✏Aur Unke Piche Lagi Duniya me La'nat Aur Qayamat ke Din Sun lo Beshak Aad Apne Rabb Se Munkir Huwe Are Door Ho Aad Hood ki Qoum..


⑥①.
✒Aur Samood ki Taraf Unke Hum-Qoum Saleh ko Kaha Aye Meri Qoum ! Allah ko Poojo Uske Siwa Tumhara Koi Ma'bood nahi Usne Tumhe Zameen se Paida kiya Aur Usme Tumhe Basaya To Usse Muafi Chaho Fir Uski Taraf Ruj'a Lao Beshak Mera Rabb Qareeb hai Duwa Sunne Wala..
⑥②.
✏Bole Aye Saleh Isse Pehle to Tum Humme Honhaar Maloom Hote the Kya Tum Hume Isse Mana Karte ho Ke Apne Baap-Dada ke Ma'boodo ko Pooje Aur Beshak Jis Bat ki Taraf Hume Bulate ho Hum Usse Ek Bade Dhoka Dalne Wale ke Shak me hai..
⑥③.
✒Bola Aye Meri Qoum ! Bhala Batao To Agar Me Apne Rabb Ki Taraf se Roshan Daleel Par hu Aur Usne Muje Apne Pas se Rehmat Bakshi To Muje Usse Koun Bachayega Agar me Uski Na'farmani Karu To Tum Muje Siwa Nuksan Ke Kuch na Badhaoge...
⑥④.
✏Aur Aye Meri Qoum ! Ye Allah ka Naaka hai Tumhare Liye Nishani to Use Chod do Ke Allah ki Zameen me Khaye Aur Use Buri Trah Hath na Lagana Ke Tumko Nazdik Azab Pahuchega...
⑥⑤.
✏To Unhone Uski Konche Kati To Saleh Ne Kaha Apne Gharo me 3 Din Aur Barat lo Ye Wa'da hai Ke Jootha Na Hoga..
⑥⑥.
✒Fir Jab Humara Huqm Aaya Humne Saleh Aur Uske Sath Ke Musalmano ko Apni Rehmat Farmakar Bacha Liya Aur Us Din ki Ruswayi Se Beshak Tumhara Rabb Qavi Izzat Wala hai.
⑥⑦.
✏Aur Zalimo Ko Chinghad ne Aa liya To Subha Apne Gharo Me Ghutno Ke Bal Pade Reg Gaye..
⑥⑧.
✒Goya Kabhi Yaha Base Hi Na The, Sun Lo Beshak Samood Apne Rabb se Munkar Huwe Are La'nat ho Samood Par..
⑥⑨.
✏Aur Beshak Humare Farishte Ibrahim Ke pas Muzda Lekar Aaye Bole Salam Kaha Salam Fir Kuch Der na Ki Ek Bachda Bhuna Le Aaye..
⑦ⓞ.
✒Fir Jab Dekha ke Unke Hath Khane ki Taraf Nahi Pahuchte Unke Upri Samjha Aur Jee Hi Jee me Unse Darne Laga Bole Dariye Nahi Hum Qoum Loot ki Taraf Bheje Gaye hai...
⑦①.
✏Aur Uski Biwi Khadi thi Woh Hasne Lagi To Humne Use Ishak ki Khushkhabri Di Aur Ishak ke Piche Yakub ki...
⑦②.
✒Boli Haye Kharabi Kya Mere Baccha Hoga Aur Me Budhi Hu Aur Ye hai Mere Sohar Budhe Beshak Ye to Achambe ki Baat hai..
⑦③.
✏Farishte Bole Kya Allah ke Kaam Ka Achamba Karti ho Allah ki Rehmat Aur uski Barkate Tumpar Us Ghar walo,Beshak Wahi hai Sab Khoobiyo wala Izzat Wala..
⑦④.
✒Fir Jab Ibrahim Ka Khouf Zaeel Huwa Aur use Khush Khabri Mili Humse Qoum-E-Loot Ke Bare me Jhagadne Laga..
⑦⑤.
✏Beshak Ibrahim Tahammul Wala Bhot Aahen Karne Wala Ruj'a Lane Wala Hai...
⑦⑥.
✏Aye Ibrahim ! Is Khayal me Na Padd Beshak Tere Rabb Ka Huqm Aa Chuka Aur Beshak Unpar Azab Aane Wala hai Ke Fera Na Jaega..
⑦⑦.
✒Aur Jab Loot Ke Pas Humare Farishte Aaye Use Unka Ghum Huwa Aur Unke Sabab Dil Tang Huwa Aur Bola Ye Badi Sakhti Ka Din hai..
⑦⑧.
✏Aur Uske Pas Uski Qoum Doudti Aayi Aur Unhe Aage Hi se Bure Kaamo ki Aadat Padi thi Kaha Aye  Qoum ! Ye Meri Qoum ki Betiya hai Ye Tumhare Liye Suthri hai To Allah se Daro Aur Muje Mere Mehmano me Ruswa na karo Kya Tumme Ek Aadmi Bhi Nek Chalan Nahi..
⑦⑨.
✒Bole Tumhe Maloo'm Hai ke Tumhari Qoum ki Betiyo Me Humara Koi Haq Nahi Aur Tum Zarur Jante ho Jo Humari Khawaish Hai .
⑧ⓞ.
✏Bole Aye Kash ! Muje Tumhare Mukabil Zor Hota ya Kisi Mazboot Paye ki Panah Leta...


⑧①.
✏Farishte Bole Aye Loot ! Hum Tumhare Rabb Ke Bheje huwe hai Woh Tum Tak Nahi Pahuch Sakte To Apne Ghar Walo ko Raato Raat le jao Aur Tumme koi Pith Ferkar na Dekhe Siwaye Tumhari Aurat ke use bhi Wahi Pahuchta hai Jo Unhe Pahuchega Beshak Unka Wa'da Subha ke Waqt hai Kya Subha Qareeb Nahi..
⑧②.
✒Fir Jab Humara Huqm Aaya Humne Us Basti ke Upar ko Uska Nicha Kar diya Aur Uspar Kankar ke Patthar Lagatar barsaye Jo Nishan Kiye Huwe Tere Rabb ke Pas hai..
⑧③.
✏Aur Woh Patthar Kuch Zalimo Se Door nahi..
⑧④.
✒Aur Madiyan Ki Taraf Unke Hum Qoum Shoyeb Ko Kaha Aye Meri Qoum ! Allah Ko Poojo Uske Siwa Koi Ma'bood Nahi Aur Naap Aur Toll me Kami na Karo Beshak Me Tumhe Aasuda Haal Dekhta hu Aur Muje Tumpar Gherlene Wale Din ke Azab Ka Darr hai...
⑧⑤.
✏Aur Aye Meri Qoum ! Naap Aur Toll Insaf ke Sath Pura karo Aur Logo ko Unki Cheeze Ghatakar na Do Aur Zameen me Fasad Machate Naa Firo..
⑧⑥.
✒Allah Ka Diya Jo Bach Rahe Woh Tumhare Liye Behter hai Agar Tumhe Yakeen Ho Aur Me Kuch Tumpar Nigehbaan Nahi.
⑧⑦.
✏Bole Aye Shoyeb ! Kya Tumhari Namaz Tumhe Ye Huqm Deti hai Ke Apne Baap-Dada ke Khudao Ko Chod De Ya Apne Maal me Jo Chahe Na Kare Haan Jee Tumhi Bade Aqalmand Nek Chalan Ho..
⑧⑧.
✒Kaha Aye Meri Qoum ! Bhala Batao To Me Apne Rabb ki Taraf se Ek Roshan Daleel Par hu Aur Usne Muje Apne Pas se Achi Rozi Di Aur Me Nahi Chahta hu ke Jis Bat se Tumhe Mana Karta hu Aap Uske Khilaf Karne Lago Me to Jaha Tak Bane Sanwarna hi Chahta hu Aur Meri Toufiq Allah ki Taraf se hai Mene Uspar Bharosa Kiya Aur Usi Ki Taraf Ruj'a Hota hai..
⑧⑨.
✏Aur Aye Meri Qoum ! Tumhe Meri Zidd Ye Na Kamwa De Ke Tumpar Pade Jo Pada tha Nooh ki Qoum Ya Yahoodi Qoum Ya Saleh ki Qoum par Aur Loot ki Qoum To Kuch Tumse Door nahi...
⑨ⓞ.
✏Aur Apne Rabb se Muafi Chaho Fir Uski Taraf Ruj'a Lao Beshak Mera Rabb Meharban Mohabbat Wala Hai...
⑨①
✒Bola Aye Shoyeb ! Humari Samajh Me Nahi Aati Tumhari Bahot si Bate Aur Beshak Hum Tumhe Apne me Kamzor Dekhte hai Aur Agar Tumhara Kumba Na Hota To Humne Tumhe Pathraw Kar Diya Hota Aur Kuch Humari Nigah Me Tumhe Izzat Nahi...
⑨②.
✏Kaha Aye Meri Qoum ! Kya Tumpar Mere Kumbe Dabaw Allah Se Zyada hai Aur Use Tumne Apni Pith Ke Piche Daal Rakha Beshak Jo Kuch Tum Karte Ho Sab Mere Rabb ke Bas me Hai...
⑨③
✒Aur Aye Meri Qoum ! Tum Apni Jagah Apna Kaam Kiye Jao Me apna Kaam Karta hu Ab Janna Chahte ho Kis Bat Par Aata Hai Wo Azab Ke Use Ruswa Karega Aur Koun Jhoota hai Aur Intezar Karo Me bhi Tumhare Sath Intezar me hu...
⑨④.
✏Aur Jab Humara Huqm Aaya Humne Shoyeb Aur Unke Sath ke Musalmano ko Apni Rehmat Farmakar Bacha Liya Aur Zalimo Ko Chinghad ne Aa liya To Subha Apne Gharo me Ghutno ke Bal Pade Reh Gaye Goya Kabhi Waha Base hi na the...
⑨⑤.
✒Are Door ho Madiyan Jese Door Huwe Samood...
⑨⑥.
✏Aur Beshak Humne Moosa ko Apni Ayato Aur Sareeh Galbe ke Sath Fir'on Aur Uske Darbariyo ki Taraf Bheja..
⑨⑦.
✒To Woh Fir'on Ke Kehne Par Chale Aur Fir'on Ka Kaam Raste Ka Naa Tha...
⑨⑧.
✏Apni Qoum ke Aage Hoga Qayamat ke Din To Unhe Dozakh me La Utarega Aur Woh Kya hi Bura Ghat Utarne ka..
⑨⑨.
✒Aur Unke Piche Padi Is Jahan Me La'nat Aur Qayamat ke Din Kya Hi Bura In'aam Jo Unhe Mila...
①ⓞⓞ.
✏Ye Bastiyo ki Khabre hai Ke Hum Tumhe Sunate hai Unme Koi Khadi hai Aur Koi Katt Gayi...


✏Ye Bastiyo ki Khabre hai Ke Hum Tumhe Sunate hai Unme Koi Khadi hai Aur Koi Katt Gayi...
①ⓞ①.
✏Aur Humne Unpar Zulm Na kiya Balke Khud Unhone Apna Bura kiya To Unke Ma'bood Jinhe Allah ke Siwa Poojte the Unke Kuch Kaam Na Aaye Jab Tumhare Rabb Ka Huqm Aaya Aur Unse Unhe Halak Ke Siwa Kuch Na Badha...
①ⓞ②.
✒Aur Esi Hi Pakad hai Tere Rabb ki Jab Bastiyo ko Pakadta hai Unke Zulm par Beshak Uski Pakad Dardnaak Kadi hai...
①ⓞ③.
✏Beshak Usme Nishani hai Uske Liye Jo Akhirat ke Azab se Dare Wo Din hai Jisme Sab Log Ikatthe Honge Aur Wo Din Hazrika Hai...
①ⓞ④
✒Aur Hum Use Piche Nahi Hatate Magar Ek Gini Huyi Muddat ke Liye..
①ⓞ⑤.
✏Jab Woh Din Ayega koi Be-Huqme Khuda baat na Karega To Unke Koi Badbakht hai Aur Koi Khush Naseeb...
①ⓞ⑥.
✏To Woh Jo Badbakht hai Woh To Dozakh me hai Aur Woh Usme Gadhe ki Trah Regenge...
①ⓞ⑦.
✒Wo Usme Rahenge Jab Tak Aasman Aur Zameen Rahe  Magar Jitna Tumhare Rabb ne Chaha Beshak Tumhara Rabb jab Jo Chahe Kare...
①ⓞ⑧
✏Aur Woh Jo Khush-Naseeb Huwe Woh Jannat Me hai Hamesha Usme Rahenge Jab Tak Aasman wa Zameen Rahe Magar Jitna Tumhare Rabb ne chaha Ye Bakshish Hai Kabhi Khatm na Hogi..
①ⓞ⑨.
✒To Aye Sunne Wale Dhoke me Na Pad Usse Jise Ye Kafir Poojte hai Ye Wesa Hi Poojte hai Jesa Pehle Inke Baap-Dada Poojte The Aur Hum Unka Hissa Unhe Pura Fer Denge Jisme Kami Na hogi..
①①ⓞ.
✏Aur Beshak Humne Moosa ko Qitab Di To Usme Foot Padd Gayi Agar Tumhare Rabb ki Ek Bat Pehle Na ho Chuki hoti To Jabhi Unka Faisla Kar Diya Jata Aur Beshak Wo Uski Taraf se Dhoka Dalne Wale Shak me hai..
①①①.
✏Aur Beshak Jitne hai Ek-Ek Ko Tumhara Rabb Uska Amal Pura Bhar Dega Use Unke Kaamo Ki Khabar hai..
①①②.
✒To Qayam Raho Jesa Tumhe Huqm Hai Aur Jo Tumhare Sath Ruj'ua Laya hai Aur Aye Logo ! Sarkashi Na Karo Beshak Beshak Wo Tumhare Kaam Dekh Raha ha..
①①③.
✏Aur Zalimo Ki Taraf Na Jhuko Ke Tumhe Aag Chuyegi Aur Allah ke Siwa Tumhara Koi Himayati Nahi Fir Madad na Paoge..
①①④.
✒Aur Namaz Qayam Rakho Din Ke Dono Kanaro Aur Kuch Raat ke Hisso Me Beshak Nekiya Buraiiyo ko Mita Deti hai Ye Nasihat hai Nasihat Manne Walo ko..
①①⑤.
✏Aur Sabr Karo Ke Allah Nekiyo ka Neg Zaye Nahi Karta..
①①⑥.
✒To Kyo na Huwe Tumse Agli Sangato me Ese Jinme Bhalai Ka Kuch Hissa Laga Raha hota Ke Zameen me Fasad se Rokte Haan Unme Thode the Wahi Jinko Humne Najat di Aur Zalim Isi Aish Ke Piche Pade rahe Jo Unhe Diya gaya Aur Woh Gunaahgar the...
①①⑦.
✏Aur Tumhara Rabb Esa nahi ke Bastiyo ko Be-Wajah Halak Kar De Aur Unke Log Ache ho..
①①⑧.
✏Aur Agar Tumhara Rabb Chahta To Sab Aadmiyo Ko Ek Hi Ummat Kar Deta Aur Wo Hamesha Ikhtilaf me Rahenge..
①①⑨.
✒Magar Jinpar Tumhare Rabb ne Reham Kiya Aur Log Isliye banaye hai Aur Tumhare Rabb ki Bat Puri ho Chuki Ke Beshak Jahannam Bhar Dunga Jinno Aur Aadmiyo ko Milakar..
①②ⓞ.
✏Aur Sab Kuch Hum Tumhe Rasoolo ki Khabare Sunate hai Jisse Tumhara Dil Thehraye Aur Is Soorat me Tumhare Pas Haq Aaya Aur Musalmano ko Pind Wa Nasihat...


①②①.
✒Aur Kafiro Se Farmawo Tum Apni Jagah Kaam Kiye Jao Hum Apna Kaam Karte hai..
①②②.
✏Aur Raah Dekho Hum Bhi Raah Dekhte hai..
①②③.
✒Aur Allah Hi Ke liye hai Aasmano Zameen ke Gaib Aur Usi Ki taraf Sab Kaamo Ki Ruj'u Hai To Uski Bandagi Karo Aur Uspar Bharosa Rakho Aur Tumhara Rabb Tumhare Kaamo se Gafil Nahi..

SUREH HOOD MUKAMMAL....

Read More

KARBALA KE BAA'AD

🌹KARBALA KE BAA'AD🌹

🔮KARBALA KE BAA'AD........

⛩PESH-E-LAFZ....

GULZARE SHOHDA WAAQYAT KO PADHNE KE LIYE YAHA CLICK KARE...

A'ASHOORA (10 MOHARRAM KI FAZILAT) KO PADHNE KE LIYE YAHA CLICK KARE..

🎴Ghada(MATKA) Bharne Me Der Lagti hai, Lekin Jab Ghada Bhar Jata Hai To Usko Dubane Ke Liye Ek Halki Si Mouj Kafi Hoti hai, Zalim Apni Tagooti Aur Maal-Wa-Doulat Ke Nashe Me Anjam Se Be'parwah Hokar Zulm Ke Kisi Bhi Imkani Tarika Ko Apnane Se Gurez Nahi Karta...
!
🎴Mazloom Ki Cheekh-Wa-Pukar Uske Liye Bagma-E-Purqaif Hoti hai, Mazloom Ka Dard-Wa-Qarb Se Bechain Hokar Tadapna Uske Liye Nazaar-E-Aish Hota hai, Lekin Jab Uske Zulm Ka Ghada Bhar Jata Hai to Azab-E-Ilahi Ki Ma'muli Si Lehar Usko Hamesha Ke Liye Zillat Aur Ruswayi Ke Samandar Me Dubo Deti hai, Zalim Mitt Jata hai Lekin Duniya Hamesha Uspar La'nat Bhejti hai...

🎴Medane Karbala Me Aale Muhammad ﷺ Par Yazeediyo Ne Zulm Ka Wo Konsa Harba Hai Jo Na Aazmaya Ho, Unki Zalimana Rawish Ko Dekhkar Aasman Bhi Khoon ke Aansu Ro Diya, Imam-E-Aali Maqam Aur Unke Sathiyo Ne Zulm-Wa-Sitam Ke Har Waar ko Saha Aur Har Zakhm Par Muskuraye...

🎴Aaj Anjam Humare Samne Hai, Yazeedi Ek-Ek Karke Mita Diye Gaye, Unke Aatishe Zulm Ne Unhi ko Aur Unki Har Nishani Ko Is Trah Jalakar Khaak Kar Diya Goya Unka Wajood Tha hi Nahi, Yazeedi Mitt Gaye Lekin Us Waqt Se Aaj Tak Aur Aaj se Subhe Qayamat Tak Har Insaf Pasand Tabiyat Inpar Malamat Bhejti hai Aur Bhejti Rahegi...

🎴Aaj Bhi Wo Islam Ke Dushman Jama'ate Jo Musalman Ko Ya To Fana Kar Dena Chahti Hai, Ya Apni Darindagi Aur Bahmiyat Ka Badtareen Muzahira Karke Musalmano Ko Imaan-Wa-Islam Se Bargashna Karke Apni Gumrahi-Wa-Zalalat Ke Rang me Rangnqa Chahti hai...

🛡Unhe Achi Trah Ye Yakeen Kar Lena Chahiye Ke Unki Ye Koshish Kabhi bhi Bar'aawar Na ho Sakegi, Musalmano Ke Ragg-Wa-Resha Me Hussainiyat Rachi Basi Huyi hai Maal Aulad Jaan Sab De Sakte hai, Lekin Iman-Wa-Islam Ki Aabru Nahi Denge..

💜JO MAAL MANGO TO MAAL DE DE.

💚JO JAAN MANGO TO HAAN DE DE.

💜MAGAR YE HUMSE NA HO SAKEGA.

💚NABI KA JAHO JALAL DE DE.

🎴Agarche Is Waqt Musalmano Par Zulm-Wa-Sitam Ke Teerah Wa Taar Badal Chaye Huwe hai, Aur Rozana Kahin Na Kahin Baraste Hi Rehte hai Lekin Muttmaeen Hai Agar Aaj Unke Sero Par Zulm Ki Tariq Raat Saya Kiye Huwe hai To Kal Addal Ka Sawera bhi Zarur Hoga, Jiske Ujale Me Duniya Zalimo Ka Ibratnaak Anjam Dekhegi...

🛡Zere Bazar Qitab Me Karbala ke Roo'numa Hone Wale Un Dil Doz Waqeat Ki Tafseel Hai Jinko Sunkar Aur Padhkar Iman Laraz Uthtta hai, Karbalayi Zalimo Ka Bhayanak Anjam Duniya ke Jafa Pesha Afrad Ke Liye Nihayat Hi Ibrat Angez Aur Sabak Aamez Hai....

⛩JAB IMAM-E-HUSSAIN رضی الله عنہ NE SAHADAT PAYI US WAQT KANKARIYO SE KHOON BAHA..

🎴Hazrat Umme Salma رضی الله عنہ Farmati hai Ke Jis Raat Ki Subha Imam-E-Aali Maqam Ki Sahadat Huyi Us Raat mene Kisi ko Ye Sher Padhte Suna..

🔰AYYOHAL QATILOON JAHILLAN HUSSAINA, 

AB SHERU BIL AZABE VAT'TANKIL

KAD LA'NATUL LISAAN IBNE DAWOOD WA MOOSA WA HAAMILUL INJEEL...

🛡Ye Sunte hi Me Chonk Padi Charo Taraf Sher Padhne Walo Ko Talash Kiya Lekin Kahin Koi Bhi Nishan Na Mil Saka, Be Sakhta Aankho se Aansu Jari Ho Gaye Aur Shishe Ko Kholkar Dekha Jisme Sarkar ki Ata Karda Kankariya Rakhi Huyi thi...

🎴Wo Kankariya Jinhe Dekar Sarkar ﷺ Ne Irshad Farmaya Tha Ki "JIS DIN YE KHOON BAN JAYE SAMAJ LENA MERA HUSSAIN MEDAN-E-KARBALA NE SAHEED KAR DIYA GAYA" To Mene Dekha Ke In Kankariyo se Khoon Beh Raha hai...

🔰Allahu Akbar....

⛩KHOON KA SHISHA...

🎴Hazrat Ibne Abbas رضی الله عنہ Dophar Ke Waqt Huzur ﷺ Ko Khawab Me Dekha Ke Apke Sar-E-Aqdas Aur Dadhi Mubarak Ke Baal Gubar Aalud hai Aur Khoon Se Bhara Huwa Shisha Aapke Daste Aqdas Me hai,..

🛡Mene Arz Kiya Mere Maa-Baap Aap Par Kurban Ye Khoon se Bhara Shisha Kesa hai??? Huzur ﷺ Be Ba'deede Tarr Irshad Farmaya Ke Aaj Subha Se Hussain Aur Unke Rufqa Ka Khoon Jama Kar raha hu, Is Shishe Me Hussain Aur Unke Sathiyo Ka Khoon hai Hazrat Ibne Abbas Farmate hai Ke Me Ye Baat Sunkar Chonk Pada, Jab Sahadate Imam-E-Aali Maqam رضی الله عنہ Ki Khabar Aayi Aur Mene Khawab Ke Waqt Par Gour kiya To Mere Khawab Dekhne Aur Sahadate Imam Ka Waqt Ek hi tha...

⛩KHOON SE BHARE BARTAN...

🎴Naziyah Azmiyah Kehti hai Ke Jis Din Imam-E-Aali Maqam رضی الله عنہ Medane Karbala Me Saheed Huwe Uske Dusre Roz Hum Log Subha Uthe to Tamama Bartan Khoon Se Bhare Huwe the..

⛩DIN KO TAARE NAZAR AAYE...

🛡Bad Sahadat Aasman Itna Tareeq Ho Gaya Tha Ke Din ko Taare Dikhayi Diye Ek Riwayat me Hai Ke 7 Din Tak Aasman Is Qadar Tariq Raha ke Deeware Esi Maloom Hoti thi Goya Suhab Me Rangi Huyi hai Aur Sitare Aapas me Ek Dusre se Takrate Huwe Nazar Aate the...

⛩AASMAN SE KHOON BARSA....

🎴Abu Saeed Farmate hai Ke Duniya Bhar me Jaha bhi Jo bhi Patthar Uthaya Gaya Uske Niche Se Taaza Khoon Nikla Aasman Se Khoon Barsa, Khurasan, Shaam, Koofa Wagera me Har Ghar Ke Darr Wa Deewar Par Khoon Hi Khoon Nazar Aata tha Jinke Kapdo Par Ye khoon Pad Gaya Tha, Unke Kapdo Ka Ek Taar Alag Ho Gaya Magar Khoon Ka Dhabba Nahi Gaya...

⛩SHAFAK KI SURKHI...

🛡Ulema Farmate Hai Ke Shafak Ke Sath Jo Tez Surkhi Dekhi Jati hai Ye Sahadate Imam Se Pehle Na thi, Baad Sahadat 6 Mahine Tak Aasman Ke Kinare Surkh Rahe Fir Surkhi Zahir Huyi...

⛩BARKAT WALA DARAKHT...

🎴Hazrat Umme Ma'bad Ki Bahen Ki Sahabzadi Hazrat Hind ka Bayan hai Ke Ek Martaba Allah Ke Rasool ﷺ Mere Kheme Me Tashrif Laye, Kuch Der Aaram Farmane Ke bad Jab Bedar Huwe To Pani Talab Farmaya Apne Dono Hatho Ko Dhoya Aur Kulli Farmayi...

🛡Kheme Ke Bahar Jhadiyo Me Jaha par Huzur ﷺ ne Kulli Ka Pani Dala tha Subha Humne Dekha to Waha Ek Ajeeb Kism Ka Darakht Paida ho Gaya Jisme Bade Bade Phal Lage Huwe Hai Jinme Ambar Jesi Khooshbu Aur Sehad Jesi Mithas hai..

🎴Un Phalo me Ye Khasiyat thi Ke Agar Bhooka Khata To Sair Ho Jaye Aur Pyasa Khaye to Sairab ho Jaye Beemar Khaye to Shifayab Ho Jaye Aur Koi Ount Ya Bakri Uska Phal Kha le To Uska Doodh Zyada ho Jaye Humne Uska Naam Shajr-E-Mubarika(Barkat Wala Darakht) Rakha tha...

🛡Aetraf Wa Jawanib Se Qaseer Ta'dat me Log Aate the Aur Usse Faiz Hasil Karte the, Achanak Ek Subha ko Humne Dekha ke Us Darakht ke Tamam Phal Gir Gaye Hai Aur Patte Sukhe Huwe hai Hum Log Bahut Pareshan Huwe Esa Kyo Huwa ??

🎴Itne me Ittela Mili Ke Allah Ke Pyare Habib ﷺ Ka Wisal Ho Gaya hai Fir Kuch Dino bad Darakht me Naye Patte Aa gaye Phal Bhi Lag Gaye....

🎴Is Waqiye ke 30 Baras Ba'ad Ek Subha ko Fir Humne Dekha Us Darakht ke Tane se Lekar Upar Tak Kaante Paida Ho Gaye Aur Phal Gir Gaye Hai Hum Log Sakht Tashwish me Mubtila Ho Gaye ki Zarur koi Hadsa Huwa hai...

🛡Waha Tak Ittela Mili ke Hazrat Ali-E-Murtuza رضی الله عنہ Ne Sahadat Ka Jaam Nosh Farma Liya hai, Uske Bad Us Darakht me Phal nahi Lage Mehaz Patte Baki Reh Gaye Hum Log Unhi Patto se Faiz Hasil Karte Rahe..

🎴Kuch Dino Bad Ek Subha ko Humne Ye Dekha Ke Us Mubarak Darakht Se Taaza Khoon Jari hai Patte Sukhkar Gir Gaye Hum Logo ne Gumaan kiya Ke Shayad Fir koi Bada Hadsa Ru'nooma Huwa hai, Din Isi Wehshat Aur Pareshani Ke Aalam Me Guzra Raat ke Waqt Us Darakht se Rone ki Aawaz Aayu Jisse Hum Logo Ki Wehshat Aur Badh Gayi..

🛡Yaha Tak Ke Dusre Din Ittela Mili ke Saiyedna Imam-E-Hussain رضی الله عنہ Aur Apke Ahle Bait Aur Dusre Sathiyo Ko 3 Din ki Bhook-Wa-Pyaas Ke Aalam Me Medane Karbala Me Yazeediyo Ne Saheed Kar Diya Fir Wo Darakht Kabhi Shadab(Hara) Nahi Huwa....

⛩Allahu Akbar....

⛩SAFED KABOOTAR...

🎴Jis Waqt Saiyedna Imame Hussain رضی الله عنہ Ne Sahadat Payi, Ek Safed Kabootar Udta Huwa Aaya Aur Apne Baal-Wa-Parr Ko Imam-E-Aali Maqam Ke Khoon me Tarr kiya Aur Udd Gaya...

🛡Hatta ke Ye Kabootar Udta Huwa Madina Taiyeba Pahucha Tawaf Jese Andaz me Huzur ﷺ Ke Roza-E-Paak Ke Gird Udta tha Aur Uske Paro se Khoon Ke Katrat Tapak Rahe the...

🎴Ahle Madina Uski Ye Kefiyat Dekhkar Hairan The Ke Muammla Kya hai Aur Jab Kuch Dino Ke Bad Unhe Imame Aali Maqam ki Sahadat ki Khabar Mili to Unhone Samjha Ke Sabse Pehle Zahiri Tor pe Ye Khabar Pahuchane ke Liye Ye Kabootar Hazir Huwa hai...

🛡Buzurgo ne Irshad Farmaya Ke Surkh Rang ke Jo Kabootar Aaj Paye Jate hai Wo Usi Kabootar ki Nasl se hai...

⛩AJEEB PARINDA...

☣Kanzul Garaeeb Ke Hawale se "SAHIBE ROZATUSH SOHDA" Likhte hai,

🎴Ek Yahoodi Tha Uski Ladki Zahiri Shakl Wa Soorat me Bahut Achi thi Lekin Achanak Wo Nabina Ho Gayi Aur Hatho-Wa-Pero me Kodh Ka Marz Ho Gaya, Muhalla Wa Pados ke Log Is Ladki ko Shadeed Nafrat ki Nigah se Dekhte The, Yaha Tak ke Yahoodi Apni Ladki ko Lekar Sehar se Bahar Apne Ek Baagh Me Mukeem Ho Gaya..

🛡Din Bhar Sehar me Karobar Karta Shaam ko Baag me Ladki ke Pas Aa jata Ek Din Ittefaq Esa Huwa ke Yahoodi Karobar me Itna Masroof Ho Gaya Shaam ko Baag me Wapas na Aa saka..

🎴Ladki ne Tanha Ek Darakht ke Niche Raat Guzari Subha Us Ladki ne Kareeb hi Ek Darakht Par Ek Parinde ki Giryazari Ki Dardnaak Aawaz Suni...

🛡Use Taabe Zabt na Rahi Kisi Trah Ghasitti Huyi Us Darakht ke Niche Pahuchi Agarche Nabina thi Lekin Apne Ser ko Upar ki Janib Uthakar Rone Wale Parinde ki Janib Mutawajjah Ho Gayi..

🎴Achanak Us Parinde Ke Parr se Khoon Ka Ek Garam Qatra Uski Dahini Aankh Me Tapka Uski Wo Aankh Roshan Ho Gayi..

🛡Fir Khoon ka Ek Qatra Uske Dahine Hath Par Tapka Wo Hath Durust ho Gaya Ladki ne Ye Kefiyat Dekhkar Baya Hath Fela Diya Uspar Bhi Ek Qatra Tapka wo Hath Bhi Durust ho Gaya Is 

Qatra-E-Khoon Ko Ladki ne Apni Bayi Aankh Par Mall Liya Wo Aankh bhi Roshan Ho Gayi...

🎴Iske Bad Ladki ne Kuch Qatro Apne Hatho Par Lekar Pure Badan Par Laga Liya Jisse Wo Pure Tor par Sehatyaab Ho Gayi Goya Koi Marz Tha hi Nahi....

🎴Ab Ladki Uthi Aur Apne Baap ki Talash Me Baag Ke Gird Ghoomne Lagi Itne me Wo Yahoodi Bhi Aa gaya Lekin Apni Ladki ko Pehchan Na Saka Ajnabi Aurat Samajkar Puchne Laga...

🛡Aye Aurat Tu Koun hai Me Is Baag me Ek Apahiz Ladki ko Chod Gaya tha, Tujhe Kuch Uska Haal Maloom hai ? Wo Kaha Gayi ? Kyonke Baag Me Use Jaha Me Chodkar Gaya tha Waha Wo Nazar nahi Aa rahi Hai.. 

🎴Ladki ne Kaha Ke Aye Baap Tune Muje Nahi Pehchana, Me hi Teri Wo Apahiz Ladki Hi Jise Tu Baag me Chodkar Gaya tha....

🛡Yahoodi Intehayi Khushi me Behosh Ho Gaya, Kuch Der ke Bad Jab use Hosh Aaya To Ladki ne Sara Waqiya Bayan kiya Aur Yahoodi ko Us Darakht ke Niche Le aayi Jispar wo Parinda Abhi Tak Betha Huwa Girya'zari Kar Raha Tha...

🎴Yahoodi ne Us Parinde ki Janib Mukhatab Hokar Kaha ke Aye Mubarak Parinde Tere Girya'zari Ka Sabab Kya hai ??

🛡Jinse Esi Barkat Ka Zahoor Huwa Ke Allah Taa'la ne Us Parinde Ko Kuwwat Goyayi Ata Farmayi Usne Ba-Huqme Ilahi Kalam Kiya.....

🎴Parinde Ne Kalam Kiya ke Aye Yahoodi Hum parindo Ki Ek Jama'at Fula Jungle Me Rehti thi, Humara Ma'mool Tha Ke Subha Apne Ghoslo Se Uddkar Atraf Wa Jawanib Me Chale Jate Aur Dana Pani Hasil Karne ke Bad Dophar Tak Apne Ghoslo Me Wapas aa Jate Aur Jisne Jo Kuch Khaya Piya ho Wo Apas me Ek Dusre ko Khabar Dete...

🛡Achanak Ek Din Humne Ek Nida(Awaz) Suni Ke Nawasa-E-Rasool Imam-E-Hussainرضی الله عنہ Ne Tapti Huyi Dophar me Karbala Ki Sarzameen Par Sahadat ka Jaam Nosh Kiya hai Aur Aye Parindo Tum Darakhto Ke Saye Me Bethkar Aaram Kar Rahe ho....

🎴Ye Aawaz Sunkar Hum Tamam Parinde Karbala Ki Sarzameen Ki Taraf Rawana Ho Gaye Jis Waqt Hum Waha Pahuche Dekha Ke Jigar Gosha-E-Rasool Saiyedna Imam-E-Hussain رضی الله عنہ Saheed Ho Chuke hai Aur Unke Jism Sharif se Abhi Tak Taza  Khoon Jari hai...

🛡Ye Kefiyat Dekhkar Tamam Parinde Girya-Zari Me Mashgool Ho Gaye Mujme Taab-E-Zabt na Rahi Mene Apne Aap ko Unke Behne Wale Khoon Sharif me Gira Diya Apne Chehre Apne Baal-Wa-Parr ko Khoon me Tarr kiya Aur Waha se Udkar Yaha Aa gaya hu,

Aur Is Mubarak Khoon Sharif ke Qatre Jaha par Tapakte the Waha Khair-O-Barkat ka Zahoor Hota hai...

🎴Parinde ki Zuban Se Ye Guftagu Sunkar Yahoodi ne Kaha Agar Imam Hussain رضی الله عنہ Ke Nana Janab Muhammad Mustafaﷺ Haq Par Na Hote to Unke Nawase Imam-E-Hussain رضی الله عنہ Ke Khoone Paak Ke Qatro Se Esi Khair-O-Barkat ka Zahoor na Hota..

🛡Aur Meri Apahiz Beti Ko Shifa na Milti Chunache Yahoodi Apne Pure Ghar ke Sath Musharraf-Ba-Islam Ho Gaya Aur Kabhi Koi Uske Islam Lane ki Wajah Puchta to Is Waqiye Ko bahut Tafseel Se Bayan Karta....

⛩WAA BUL KHUZAYI....

🎴Waa Bul Khuzayi Ke Ladke ka Bayan hai Ke Inteqal ke Waqt Mere Baap Ka Chehra Siyah(Kala) Ho Gaya Mene Intihayi Raazdari ke Sath Bager Kisi ko Ittela Diye Use Dafan Kar diya Lekin Apne Baap ki Ye Kefiyat Me Bahut Ranjida Aur Malool Rehta tha...

🛡Ek Raat Mene Khawab me Dekha Ke Mere Baap ki Shakal Bahut hi Noorani Ho Gayi hai Aur Umda Safed Noorani Libas Pehne Huwe Hai, Mene Pucha Aye Baap ! ALLAH RABBUL IZZAT NE TERE SATH KYA MUAMMLA KIYA !

🎴Jawab Diya ke Allah Taa'la ne Muje Baksh Diya Mene Kaha ke Marte Waqt Tera Chehra Siyah Aur Zuban Gungi Ho Gayi thi Mere Baap ne Jawab Diya Ke Sharab Pine ki Wajah se Marte Waqt Mera Chehra Siyah ho Gaya tha..

🛡Aur Me Qabr me Isi Halat me Tha ke Allah ke Pyare Habib Janabe Akram Huzure Aqdas ﷺ Tashrif laye Aur Muje Dekhkar Farmaya Tu WAA BUL HAI ?? Mene Adab se Arz kiya Ya Rasoolallah ﷺ Me Waa Bul hi hu,

🎴Sarkare Do Aalam ﷺ Ne Farmaya ke Mere Jigar Goshe Hussain-W-Digar Sohda Ki Sahadat ke Mutallik Tumne Jo Ash'aar Likhe hai Muje Apni Zuban se Suna Sarkare Do Aalam ﷺ Ka Itna Farmana Tha ke Meri Zuban ko Goyayi Mil gayi..

🛡Aur Jo Ash'aar Mene Sohda-E-Karbala ke Mutallik Likhe The Unhe Sarkar Ko Sunaya Allah Ke Pyare Habib ﷺ Un Ash'aar Ko Sunkar Aab Didah Ho Gaye Aur Farmaya ke Tune Sach kaha..

🎴Aur Meri Bakshish ki Duwa ki Jisse Mera Chehra Roshan Ho Gaya Aur Apna Libas Mubarak Muje Inayat Farmaya Jise me Is Waqt Pehne Huwe hu...

⛩JINNO(JINNATO) KA NOHA...

🎴Qabeela Bani Tayy Ke Ek Saksh Ka Bayan hai Ke Mene Jinno Ko Noha Karte Huwe Suna..

↘TARJUMA:-

🛡Rasoolallah ﷺ Ne Jinki Peshani ka Bosa Diya Jiske Rukhsar-E-Taaba Wa Darkhasa Unke Aaba-Wa-Ajdah Aala-Wa-Akhir Khandan Se Talluk Rakhte hai...

🎴Jab Madina Munawwara Me Baa'az Badbakhto Ne Khutba Dete Huwe Hazrat Imame hussain رضی الله عنہ Ki Sahadat Par Khushi Ka Izhar Kiya to Us Shab Madina Munawwara Me Ma'darja Zail Ye Ash'aar Sunayi Dene Lage, LEKIN INKA PADHNE WALA NAZAR NAHI AATA THA...

🛡AYE IMAM-E-HUSSAIN رضی الله عنہ KO ZIHALAT SE QATL KARNE WALO TUMHE SAKHT RUSWA KUNN AZAB KI KHUSHKHABRI HO, AASMAN ME JITNI BHI MAKHLOOK HAI KHAWAH WO AMBIYA YA MALAIKA SAB TUMPAR HALAKAT KI DUWA KARTE HAI, TUMPAR LAA'NAT BA'ZUBANE SULEMAN IBNE DAWOOD AUR ISA ALEYHISSALAM JO SAHIBE INJEEL HAI....

🏵KARBALA SE KOOFA TAK..

⛩KARBALA SE RAWANGI....

🎴Ibne Sa'ad Ne Gulshane Fatmi Taar'aj Karne ke Bad 12 Muharram Tak Medane Karbala me Thehra Raha, Apne Lashkar Ke Maqtool Jahannamiyo ki Lasho Ko Jama Karke Namaze Janaza Padhi Aur Kafan-Wa-Dafan Ki Rasm Itminan Se Ada ki....

🛡Lekin Us Shaki Azali Ko Ye Toufiq na Huyi Ke Lasha-E-Sohda Ke Kafan-Wa-Dafan ka Intezam Karta, Aur Ye Toufiq Use Naseeb bhi Kese hoti Jab Ke Shaqawat Uske Liye Mukaddar Ho Chuki thi...

🎴Neez Khudaye Kadeer Ko Ye Gawara Na Huwa ke Meri Raah me Saheed Huwe Mere In Mehboob Bando par Yazeediyo ka Koi Bhi Ehsan Rahe, Lihaza Ibne Sa'ad Ya Kisi bhi Yazeedi Ko Is Bat ka Khayal Tak na Aaya...

🛡Ba'az Riwayato se Is Bat ki Sahadat Milti hai Ke Yazeediyo Ke Chale Jane Ke bad Nehre Furat Ke Kinare Aabad "GAZRIYA" Naami Ek Gaanw Ke Log Aaye Aur Bade Adab O Ehtaram K Sath Sohda Ki Lasho Ke Kafan-Wa-Dafan Ki Rasm Ada ki...

🎴Yazeediyo ne Sohda-E-Kiram ke Sero Ko Aaps me Baant liya 12 Ser Qabeela HAWAZUN Ko Diye gaye, 13 Ibne Ash'at Ko 14 Bani Tameem Ko Baki Ser Dusre Mukhtalif Qabeele Walo ne Liye..

🛡Ser-E-Paake Imam Aali Maqam رضی الله عنہ Khawli ko Diya gaya Khawli Bin Yazeed Lashkar ki Rawangi se Pehle hi Janibe Koofa Chal Pada..

🎴13vi Muharram Ki Subha Yazeedi Lashkar Loota Huwa Qaflaye Hussaini Ko Apni Hirasat me Lekar Koofa ki Janib Rawana hota hai Nezo par Sohda Ke Ser hai Ahle Bait ki Iffat'Maab Khawatin ko Ke Jinke Sero se Begairat Aur Be'haya Yazeediyo ne Dupatta Tak Cheen Liya Hai Be'parda Wa Be Hijab Ounto par Bager Mahmil-Wa-Kuniwah Bitha diya hai...

🛡Hazrate Aabid Beemar رضی الله عنہ Jinhe Bimari Ki Shiddat ne Hadd Darja Naheef-Wa-Natwa Kar Diya hai, Yazeediyo ne Pero me Bedi Hatho me Hathkadi Pehnakar Harame Muhammadi Ke Ounto ki Naqeel Aapke Hath me De di hai..

🎴In Yazeediyo se Itna bhi na Ho Saka ke Jigar Gosha-E-Rasool Ke Liye bhi Sawari ka Intezam Kar dete Aur Intezam Karte bhi kese Unhe to Zulm-O-Sitam Ke Ek-Ek Harbe Ko Aale Rasool Par Aazam Kar Apni Zalimana Fitrat Ki Pyas Bujhani Thi.

🛡Imame Hussain رضی الله عنہ Ke Ladle Chahite Farzand Pa'piyada Ounto ki Muhar Pakde Chal Rahe hai, Jis Waqt Ahle Bait ka Mazloom Kafla Maqtale Sohda Se Guzra to Izterari Tor par Unki Cheenkhe Buland ho Gayi Yaas-Wa-Hasrat Bhari Huyi Nigaho se Is Andohnaak Manzar ko Dekhte Huwe Kafla Aage Badh Gaya...

⛩GOSHT KHOON BAN GAYA...

🎴Din Bhar Safar Karne Ke Bad Shaam ko Jab Yazeedi Apni Pehli Manzil Par Theharte Hai To Ahle Baite Athar Se Cheena Huwa Ek Ount Zibah Kiya Lekin Jab Khane Bethe to Sara Gosht Khoon Ban Gaya Aur Usse Aag Ke Bhadakte Huwe Shole Nikalne Lage Nachar Khajur ka Shira Pikar Raat Guzari Aur Subha Fir Rawana Ho Gaye..

⛩GAYBI HATH..

🛡Aaj Jab In Zaleem Yazidiyo ne Dusri Manzil Par Qayam Kiya To Samne Hi Ek Girza Nazar Aaya Lihaza Jin Nezo Par Ye Zaleem Sohda Ke Sero ko Uthaye Huwe The, Unhe Bajaye Zameen Par Ghadne Ke Ya Kisi Dusre Maqam Par Rakhne Ke Lejakar Girze Ki Deewar Par Tikakar Khada Kar Diya Sohda-E-Kiram ke Ser-E-Muqaddas se Barabar Khoon ke Qatre Tapak-Tapak Kar Unki Hayate Javeda Ka Saboot Pesh Kar Rahe the,

🎴Achanak Girze ki Deewar Shaak Ho Gayi Aur Usse Ek Hath Namoodar Huwa Jisme Lohe ka Kalam Tha, Us Hath ne Lohe Ke Kalam Ko Sohda Ke Khoon Me Dubokar Girze Ki Deewar Par Ye Sher Likha...

📿ATRAJU AMAT QATLAT HUSSAINA, SHAFA'ATO JADDEHI YOUMAL HISAB...

↘Tarjuma:-

📿KIYA HAI QATL JINHONE HUSSAIN PYARE KO HAI KYA UNHE BHI UMMID SHAFA'AT MEHSHAR ME...

🎴Jab Yazeediyo ne Is Sher ko Padha Aur Apne Bhayanak Anjam Par Gour kiya To Saraseema Ho Gaye Aur Ghabrakar Yaha se bhi Aage Ki Janib Nikal Gaye...


🎴Jab Yazeedi Apni Teesri Manzil Par Pahoche To Waha bhi Ek Girza Dekha Aur Ye Sher Uski Deewar Par Pehle Se Hi Likha Huwa tha Padri ko Bulakar Pucha Ke Girze ki Deewar par Ye Sher Kisne Likha hai?? Aur Kab Likha hai???

🛡Padri ne Jawab Diya Ke Is Zamane Ka Likha Huwa Nahi hai Balke me Apne Aaba-Wa-Ajdad Se Sunta Aya Hu Ke Nabi-E-Akhiruzzama Ki Pedaish Se 500 Saal Pehle Ye Sher Is Girza ki Deewar Par Likha Paya gaya hai Aur Us Waqt Se Lekar Aaj Tak Wesa Hi Moujood hai..

🎴Lekin Tum Log Ye Batao Ke Tum Koun ho ?? Aur Is Sher Ke Mutallik Kyo Dariyaft Kar Rahe ho Koofiyo ne Jawab Diya Ke Koi Khas Wajah Nahi, Padri Ne Sohda Ke Sero ke Mutallik Pucha Ke Ye Kin Logo ke Ser hai Jinhe Tumne Nezo Par Chada Rakha hai Yazeediyo ne Jawab Diya Ke Ameer'ul'Momineen Yazeed ke Baghiyo Ke Ser hai..

📿(MAAZ'ALLAH)

⛩PADRI KA MUSALMAN HONA...

🎴Padri ki Nazar Ser-E-Paake Imam Par Padi Aur uspar ek Ajeeb Kefiyat Taari Ho Gayi Us Girje Ke Padri ne Kaha ki Ek Raat ke Liye Ser-E-Imam-E-Paak Muje De Do Uske Badle Me Ap logo ko 10,000 Dirham Dunga....

🛡Duniya ke Kutte Yazeedi 10,000 Dirham Ki Peshkash Ko Thukra Na Sake Aur Thukrate Bhi Kese Jabke Isi Duniyawi Maal-O-Zarr Ki Lalach Me Apne Deen-Wa-Aqibat Ko Tabah-Wa-Barbad Kar Chuke The Turant Raazi Ho Gaye Aur Raat Bhar ke Liye Imam-E-Aali Maqam Ka Ser-E-Paak Us Padri Ke Hawale Kar Diya...

🎴Padri Ne Imam Ke Ser-E-Paak ko Lekar Gulaab-Wa-Kewda Se Dhoya Aur Ek Sandali Chowki Par Mushq-Wa-Ambar Se Bada Huwa Makhmali Gilaf Chadhakar Ser Mubarak Ko Rakh Diya Aur Raatbhar Mu'addab Hokar Hath Bandhe  Samne Khada Ye Purkaif Manzar Dekhta Raha Ke..

📿SER-E-AQDAS SE EK NOOR NIKALKAR AASMAN KI JANIB BULAND HOTA HAI JISSE ZAMEEN-O-AASMAN SARI FIZA MUNAWWAR HO JATI HAI..

🛡Sari Raat Se Subha Tak Anwar-Wa-Tajalliyat Ka Mushaheda Karke Be'sakhta Pukar Utha Ke Aye Ibne Rasool Aap Mare Nahi Balki Zinda hai Aur Us Batpar Gawah Rahiye Ke Me Padhta Hu "Ashhadu An Lailaha Illallahu Wa'Ashhadu Anna Muhammadan Abduhu Wa Rasooluh"

🎴Ser-E-Imame Paak ki Ye Zinda Karamat Nahi To Aur Kya hai Ke Jis Raah se Guzar Ho Raha hai Iman-Wa-Islam Ki Doulat Bantta Ja Raha hai, Gair Muslim Halka Bagoshe Islam Bante Ja Rahe hai Lekin Islam-Wa-Imaan Ke Dawedar Ese Bad Kismat Ke Naapak Duniya ki Hirs-Wa-Hawas Me Deen-Wa-Imaan Ki Doulat Tak Loota Bethe...

⛩DIRHAM KHAAK HO GAYE..

🎴Agle Din Subha Jab Koofiyo Ne Us Nou Muslim Se 10,000 Dirham Liye Aur Ser-E-Aqdas Ko Lekar Koonch Kar Diya Jab Raaste me Un Dirhamo Ko aapas me Baantna Chaha ro Aalam ye tha ke Kuch Dirhamo ke Alawa Baki Sab khaak ho Chuke the..

🛡Aur Un Bache Huwe Dirhamo Me Ek Taraf Ye Ayat-E-Kareena Munkash Thi..

⬇TARJUMA...

📿ZULM KARNE WALO KE ZULM SE ALLAH KO  BE KHABAR NA SAMJO..

🎴Aur Dusri Taraf Ye Ayate Kareema tehrir thi..

📿YANI WO WAQT QAREEB HAI KE ZALIMO PAR KESI-KESI MUSIBATE PADE...

⛩KHAWLI AUR USKI BIWI...

🎴Jis Raah Se Ye Bad'Nihad Koofi Safar Kar Rahe the, Usi Raah Me Khawli bin Yazeed Ka Ghar Tha, Jab Khawli Bin Yazeed Apne Maqam Me Pahucha To Ek Raat Ke Liye Apne Makan me  Thehar Gaya...

🛡Imam-E-Aali Maqam رضی الله عنہ Ke Ser Mubarak Ko Le'jakar Ghar ke Tanoor Me Rakh diya Aur Apni Biwi Ke Puchne Par Jawab Diya Ke Ek Saksh Yazeed Ka Mukhalif Ho Gaya Tha Usi Ka Ser hai..

🎴Khawli Ki Biwi Ek Aabeda-Wa-Saleha Khatoon Thi Raat ko Tahajjud ke Liye Uthi to Dekha Ke Tanoor Se Tez Kism ki Roshni Nikal Rahi hai Sochne Lagi Ke Tanoor me Aag Ki ek Bhi Chingari Nahi thi Fir Ye Roshni Kaha Se Aayi..

🛡Abhi Hairat Me thi Aur Ye Kefiyat Khatm bhi Na huyi Thi Ke Dekha kuch Muqaddas Bibiya aayi Aur Tanoor se Ek Ser Nikala Khawli ki Biwi ne Gour se Dekha To Wo Noorani Shu'aye Usi Ser-E-Anwar se Nikal rahi thi..

🎴Un Aane Wali Muqaddas Khawatin Ne Ser-E-Paak ko Mushq-Wa-Gulab se Gusl Diya Aur Badi Shaf'kat-Wa-Muhabbat se Ek Khatoon-E-Mohtaram ne Ser ko Apne Seene Se Laga Liya Aur Aankho Se Aansu ki Dhaar Phoot Padi Uske Bad Farmaya..

📿AYE MERE LAKHTE JIGAR AYE MERE SAHEED MAZLOOM, HAQQ TAA'LA BAROZ-E-MEHSHAR TERE KHOON-E-NA'HAQQ KA INSAF FARMAYEGA AUR MERE HATHO SE US WAQT TAK ARSHE RABKA KANGURA NA CHUTEGA JAB TAK ME TERA PURA-PURA KHOON BAHA NAA LE LUNGI...

🛡Kuch Der Bad Wo Mohtaram Khawatin Ser-E-Mubarak ko Tanoor me Rakhkar Wapas Chali Gayi Wo Noorani Shuwaye Bhi Khatm ho Gayi...

🎴Ye Manzar Dekhne Ke bad Khawli Ki Biwi Fouran Uthi Aur Tanoor se Ser-E-Anwar ko Bahar Nikalkar Gour se Dekhne Lagi, Chunke Barha Imam-E-Aali maqam Ki Ziyarat Ka Sharf Hasil Kar Chuki Thi Pehchan Liya ke Ye To Jigar Gosha-E-Rasool Ka Ser Mubarak hai..

🛡Ek Cheenkh mari Aur Behosh Hokar Gir Padi Aur Behoshi Ke Alam Me Dekhti hai Ke Kuch Buzurg Tashrif Laye Hai Aur Farmate hai Ke aye Afifa Hirasa Na Ho Zurm Tere Sohar ne Kiya, Baaz Purs Usse Hogi..

🎴Usne Pucha Jo Khawatin Aayi Thi Wo Koun hai ?? Jawab mila Ke Bari-Bari Ser Ko Seene se lagane Wali Saiyeda fatima Zahra Aur Hazrate Khadijat-Ul-Qubra Thi, aur Zaar Wa Qatar Rone Wali Hazrat Siddiqa Aur Hazrate Mariyam Binte Imran Thi Uske Bad Fouran Khawli Ki Biwi ko Hosh aa gaya..

🛡Ser-E-Aqdas Ko Intehayi Tazeem se Ek Buland maqam par Rakhkar Apne Sohar Ko Jagaya Aur Kaha Ke Aye Siyah Bakht Tune To Kaha Tha Ki Ye Yazeed ke Ek Baaghi Ke Mukable Ke liye gaya tha, ye Usi Ka Ser Hai Saaf kyo Nahi Kehta Ke Apni Sehwate Azali Ki Wajah se Jigar Gosha-E-Rasool Ke Muqable Me Gaya tha...

🎴Aur Ye Unhi Ka Ser hai Kaan Kholkar Sun le Ke Mujhse Ab tera koi wasta nahi Ne Duniya-Wa-Akhirat Dono Jagah Tujhse Bezar Hu Ye Kehkar Chadar Odhi Aur ghar se Bahar Nikal gayi Fir Kisi Ko Ye Na Maloom Ho Saka Ke wo kaha gayi...

⛩HUSSAINI QAFLA KOOFE ME...

🎴Garz Ke Mukhtalif Manzile tay Karta huwa Ahle baite Athar 12 Afrad ka Loota Huwa Qafla 

Askiya-E-Koofa Ki Hirasat me Koofa Pahoch Jata hai...

🛡Ahle Koofa Ne Apne Sehar Ke Kuncha-Wa-Bazar me Aane Wale Ba'wikar Muazziz Mehmano Ki Alam Angez Mazloomiyat Ka Nazara Kin Aankho Se Dekha Aur Kis Dil se Bardasht kiya Yeh Dardnaak Dastan hai...

🎴Governer Koofa Ibne Ziyad khabees Apne Darul Imarat Ko Aarasta Kiye Huwe Puri Rau'nat Ke Sath Sa'date Majlis bana Betha hai, Ahle Baite Athar Qaidiyo Ki Trah Bhare Darbar me Bulata Hai Medane Karbala me Shimar, Ibne Sa'ad, Khawli, Sinan, Ibne Anas, Wagera Khandane Nabuwwat ki Izzat-O-Aabru Se khel chuke hai...

🛡Aur Ab Ibne Ziyad ki Bari thi Imam-E-Aali Maqam ka ser Mubarak Ibne Ziyad Ke Samne rakha huwa hai Zaleem Intehayi Khushi Ke Alam Me Kehta hai Ke Khuda Ka Shukr Hai Ke Humne Dushmano Par Fateh Payi..

🎴Humare Dushmano Par Allah Ne Sakhti Dali, Batil Mitt Gaya Aur Haqq Galib Raha...

📛Maaz'allah...

🎴Hazrate Zainab رضي الله تعالى عنها Ibne Ziyad ki Ziyadah Goyi Ki Taab Na La saki Aur Barjasta Farmaya..

📿TAMAM TARIFE ALLAH TAA'LA KE LIYE JISNE MUHAMMAD ﷺ KE ZARIYE HUME MUA'ZZAZ-W-MUQARRAM KIYA AUR HUMARI KHOOB TATHIR FARMAYI..

🛡Be'haya Ibne Ziyad Ne Fir Ahle Baite Athar Ko Mukhtab Kiya Aur Kamale Be'sharmi Se Kaha..

📿TUMNE ALLAH TAA'LA KI QUDRAT DEKHI ??

🎴HAZRATE Zainab رضي الله تعالى عنها Ne jawab diya..

📿AN'QAREEB ALLAH TAA'LA HUMKO AUR TUMKO JAMA KARKE INSAF FARMAEGA..

🛡Sath Hi Sath Ibne Ziyad Ki Fuzul Bakwas Par Hazrate Zainul Aabedin رضی الله عنہ Ka Jazba-E-Siddaq Goyi Bhi Ubhar Aaya Aapne Zalim ko Mukhatab Karke Farmaya..

📿OYE IBNE MARJANA KYA TERA DIL AUR TERA ZAMEER IS JOOTHE QOUL KI TASDEEK KAR RAHA HAI KE(MAAZ'ALLAH) HUSSAIN BATIL PARAST THE AUR YAZEED HAQ PARAST KYA SHARM-O-HAYA AUR GAIRAT NAAM KI KOI CHEEZ BHI TERE PAS BAKI NAHI, AFSOS TERE TIRGAYE AQAL PAR KE WO HUSSAIN JO WAFADARE KHUDA-W-RASOOL HAI UNKO BATIL PARAST KAHE AUR US YAZEED KO JO KHUDA-W-RASOOL KA BAGHI HAI HAQ PARAST KAHE..

🎴Ibne Ziyad Is Rast Goyi ko Bardasht na kar Saka Aur aag babula ho gaya...

🎴Hazrate Zainul Aabedin رضی الله عنہ Ki Is baat Ko sunkar Ibne Ziyad Aag Babula ho gaya Aur Bar'Afrokhta Hokar Pucha Ke Ye Koun hai?? Kisi ne Kaha Ye Imame Hussain رضی الله عنہ Ke SEHZADE Hai..

🛡Ibne Ziyad Ne Shaf'kakana Lehze Me Kaha Ki Me Khandane Hussain me Kisi Mard ko Zinda Dekhna nahi chahta Inhe Bhi Lejakar Qatl Kar do, kotwal Sehr Is Niyyat se Aage Badha Ke Hazrat Imam Zainul Aabedin رضی الله عنہ Ko Qille Se Bahar Lejakar Saheed Kar de..

🎴Itne Me Hazrate Zainab رضي الله تعالى عنها Aage Badhi Aur Lakhte Jigar-E-Imame Hussain ko Apni Aagosh Me Lekar Farmaya..

📿AYE IBNE ZIYAD ! AGAR ZAINUL AABEDIN KO QATL KARNA HAI TO PEHLE HUM SAB KHAWATIN-E-AHLE BAIT KO QATL KAR DE KYONKI NASLE FATMA SE YAHI EK LADKA HAI JO HUMARA MEHRAM HAI...

🎴Neez Usi Waqt Majme me Abdullah Bin Afeeq Naami Ek Sahabi Moujud The, Wo Pukar Uthe Aye Ibne Ziyad Bajaye Iske Ke apne Kiye Par Sharminda Hone Ke Tu Khushi-W-Masharrat Ka Izhar Kar Raha hai Aur Nasle Hussain ki aakhri Shama ko bhi Bujha dena Chahta hai..

🛡Khabardar Imam Zain-ul-Aabedin Ko Qatl Ka Irada Naa Karna Warna Tera Bura Anjam Ahle Koofa Abhi Isi Waqt Bhare Majme Me Dekhenge, Ibne Ziyad Janta tha Ke Abdullah Bin Afeeq Ka Giroh Ilaqa-E-Shaam Me Bahut Bada Hai Lihaza Khamoshi  me Hi Apni Aafiyat Samji....

📿AHLE BAIT KE SABR AUR JAZBE KO SALAM HAI..

🎴Ibne ziyad ne Ek Chadi Uthayi Aur Imame Hussain رضی الله عنہ Ke Ser Mubarak Ki Janib Dekhkar Gustakhana Andaz Me Haste Huwe chadi se Labha-E-Mubarak Par Zarab Lagane Laga Aur Chaha Ke Munh ke Andar chadi Dakhil Karke Dandane Mubarak Ko Saheed Kar De...

🛡Hazrate Zaid Ibne Akram رضی الله عنہ Ibne Ziyad Ki Is Gustakhana Jasarat Ko Dekhkar Cheenkh Pade Aur Farmaya Aye Khabees Ibne Ziyad Labha-E-Imam se Fouran apni Napak Chadi Ko Hata Le Rabbe Qaba Ki Kasam Mene Bar-Bar Huzur Sarware Qaynat ﷺ Ko In Paak Labo ko Choomte Huwe Dekha hai...

🎴Ye Sunkar Ibne Ziyad Gusse se Pagal Ho Gaya Aur Kaha Tumhari Zaeefi Dekhkar Reham aata Hai Warna Abhi Gardan Uda deta, Hazrate Zaid Ibne Akram رضی الله عنہ Ne Kaha Tujhe Aale Rasool Par Reham Nahi Aya To Tu Mujhpar Kya Reham karega....

🛡Aur Aye Ibne Ziyad Ek Gussa Dilane wali Bat Aur Bhi Sun Le, Mene Kayi Bar Huzur ko Dekha Hai Ke Ek Zaanu Par Hazrate Imam-E-Hasan Aur Dusre Zaanu par Saiyedna Imam-E-Hussain رضي الله عتهما ko Bithaye Dono Sehzado Ke Sero Par Apna Daste Aqdas Ferte Ja Rahe hai Aur Irshad Farmate Ja rahe Hai ki...

📿YA ILAHI MENE TERE PAS AUR TERE MOMINEEN SALEHIN KE PAS YE DONO AMANATE SUPURD KAR DI HAI...

🎴To aye Ibne ziyad Tune Amanate Rasoolallah ﷺ Ke sath Jo Bura Salook Kiya Aur Ibne ziyad Ke sathiyo ! Tumne Fatma Zahra Ke Chahite Farzand Hussain ko Qatl Kiya Aur Ibne Ziyad Jese Zalim Ko apna sardar Banaya Allah Taa'la Tumse Kabhi Raazi na hoga...

🎴Ibne Ziyad In Sacchi Bato se Charagapa Ho Gaya Aur Jab Koi Tadbeer Na Sujhi To Khiffat Mitane Ke Liye Mimbar Par Chad Gaya Aur Kehne Laga..

📿ALLAH TAA'LA KA SHUKR HAI KE JISNE HAQ KO ZAHIR KIYA AUR AMEER-UL-MOMINEEN YAZEED AUR UNKI FOUJ KO FATEH-WA-KAMRANI SE NAWAZA AUR KAZIB IBNE KAZIB KO QATL KIYA

(AL-AYAZO BILLAH)

🛡Hazrat Abdullah bin Afiq Moujud The, Fouran Bol Uthe Aye Ibne Ziyad Tu Jootha, Tera Baap Jootha, Aur Tera Ameer-Ul-Momineen Yazeed Jootha, Tuff Hai Tere Upar Ke Siddiqin-Wa-Salehin Ki Jagah Par Khada Huwa Hai Aur Joothi Bakwas Kar Raha hai Aur tujhe Sharm Bhi Nahi Aati...

🎴Aakhir Ibne Ziyad Se Naa raha Gaya Unke Qatl Ka Huqm De Diya Lekin Us Waqt To Hazrat Abdullah Bin Afiq  Ki Qoum Ne Unhe Kisi Soorat me Bacha liya Magar Raat me Ibne Ziyad Ke Aadmiyo ne Unhe Shaeed Kar diya..

🛡Ek Buzurg Farmate hai Ke Jab Serha-E-Sohda Koofa ke Darul Imarat Me Laye Gaye To Mene Dekha ke Labha-E-Imam Zumbish Me hai, Mene Apne Kaano Ko Unke Qareeb Kar diya To Saaf suna Ke Aap ek Ayate Kareema Tilawat farma rahe the...

⬇Tarjuma:-

📿ALLAH TAA'LA KO ZALIMO KE ZULM SE GAFIL NA JANO...

⛩KOOFA SE DAMISHQ TAK..

🎴Ab Teesre Din Shimar Zill Joshan Ki Ser'qadami Me 10 Hazar Sawaro Ki Zere Nigrani Mazloom Hussaini Qafla Koofe Se Janibe Damishq Rawana hota hai..



🛡Kefiyat Ye hai Ke Koofi Ser-E-Imame Aali Maqam Ko Neze Par Tange Ahle Bait ki Muazzaz Khawatin Ko Be'parda Qaidiyo Ki Trah Koofa Ke Koocha-w-Bazar Me Ghumate Huwe, Apni Be'Hayayi Aur Aziziyat Koshi Ka Sharmnaak Muzahera Karte Huwe Jaa rahe Hai..



🎴Aage Neza Par Imam Mazloom Ka Ser hai Aur Piche Mazloomin Ahle Bait ka Qafla, Hazrat Zaid Ibne Akram رضي الله تعالٰی عنه Farmate hai Ke Jab Saiyed'ush Sohda Saiyedna Imame Hussain رضي الله تعالٰی عنه Ka Ser Mubarak Mere Makan Ke Qareeb Se Guzra To Mene Apne Makan Ke Dariche se Saaf Suna Ke Ser Mubarak Se Is Ayate Kareema Tilawat Ki Awaz Aa Rahi Hai..



⬇TARJUMA:-



📿KYA TUMNE JAAN LIYA KE ASHABE KAHEF AUR RAQEEM HUMARI HAIRAT ANGEZ NISHANIYO ME SE HAI...



🎴Hazrat Zaid Bin Akram رضي الله تعالٰی عنه Farmate Hai Kasam Khuda ki Mere Rounghte Khade Ho Gaye, Aur Mera Tamam Jism Larazne Laga Mene Kaha AYE NAWASA-E-RASOOL APKA HAAL TO ASHABE KAHEF SE KAHIN ZYADA HAIRAT ANGEZ rAUR TAJJUB KHAIZ HAI....

🎴Ahle Baite Athar Ki Iffat-Ma'ab Khawatin Aur Imame Hussain رضی الله عنہ  Ke Ser Mubarak Ko Sirf Koofa Ke Kooncha-W-Bazar Me Nahi Ghumaya Balke Jis Gaanw, Jis Qasba, Aur Jis Sehar se Shimar Ka Guzar Huwa Har Jagah Ahle Bait-E-Athar Aur Ser Mubarak Ki Tashir-W-Tahkir Karata Raha..

🛡Aur Apni Kaminagi Ka saboot Deta Raha, Manzile Tay Karta Huwa Jab Ye Qafla Maqame Haran Par Pahucha To Yahya Naami Ek Yahoodi ne Apne Bala Khana Se Sohda Ke Sero Ko Dekha Aur Jab Ser-E-Imam Par Nazar Padi To Dekha Ke Imam-E-Aali Maqam رضی الله عنہ  Ke Labb Mubarak Jumbish Kar rahe hai..

🎴Jab Usne Kaan Lagakar Suna to Aap Qur'ane Paak ki Ye Ayate Kareema Tilawat Farma rahe Hai..

⬇TARJUMA:-

📿WO WAQT QAREEB HAI KE ZALIMO PAR KESI-KESI MUSIBAT PARE..

🛡Yahya Harani ki Hairat ki Inteha Na rahi Fouran Pucha Ke Sabse Aage kiska Ser hai ? Koofiyo ne Jawab Diya Ke Sibte Rasool Imame Hussain رضی الله عنہ  Ka ser hai..

🎴Yahya Kehne Laga Kitne Zaleel Tarr Log hai ? Jis nabi ka kalma Padhte hai Usi Nabi-E-Mohtaram Ke Nawase Ko Qatl Karke Unke Ahle Bait ko Gali Kooncho Me Firakar Inki Touheen-W-Tahkir Kar Rahe hai..

🛡Agar Inke Nana Haq Par Na hote To Unke Nawase Ke Ser Mubarak Se Esi Azeem Karamat Zahir Na Hoti Me Sacche Dil se Touba Karta Hu Aur Yahya Harani Usi Waqt Kalma Padhkar Musharraf ba Islam Ho Gaya...

🏵KOOFA SE DAMISHQ TAK....

⛩YAHYA HARANI KI JAA'NISARI..

🎴Kalma Padhkar Musalman Hone Ke Ba'ad Yahya Harani Ke Dil me Mohabbate Ahle Bait Ne Josh Mara Unse Ye Gawara Naa Huwa ke Ahle Baite Nabuwwat ki Iff'at Ma'aab Khawatin Yun Be'Parda-W-Hijab Rahe..

🛡Usi Waqt Kuch Chadare Aur Kapde 10,000 Dirham Ke Sath Saiyedna Imam-E-Zain'ul'Aabedin رضی الله عنہ Ki Khidmat Me Pesh Kiye..

🎴Bad'Bakht Yazeediyo Ne Dekha To Yahya Ko Daantne Lage Ke Khabardar Ye Ameer-Ul-Momineen Yazeed ke Qaidi Hai Inke Sath Esa Ba'Azmat Sulook Na Karo Warna Tahe Taig Kar Diye Jaoge Kyunki Tumhare Is Bartav Se Muhabbbate Hussain Aur Adawate Yazeed ki Badbu Aa Rahi hai..

🛡Yahya Ki Gairate Imaani Yazeediyo ki Touheen Aamez Aur Imaan Soz Guftagu Bardasht Na Kar saki Talwar Kheench Li Aur Koofiyo par Hamla Kar Diya 5 Koofiyo Ko Qatl Karne Ke Bad Azmate Ahle Bait Par Apni Jaan Nichawar Kar Di....

🎴Ibne Ziyad Ne Imam-E-Hussain رضی الله عنہ Ke Ser-E-Aqdas Ko Uthaya Aur Gour Se Dekhne Laga Magar Uska Hath Larazne Laga Ghabrakar Ser-E-Aqdas Ko Apni Raan Par Rakh Diya..

🛡Usi Waqt Ser-E-Mubarak Se Ek Khoon ka Qatra Tapka Aur Misl Tezab Ke Ibne Ziyad Ki Qaba aur Raan Me Surakh Karta Huwa Takht Par Pahucha Takht Ko Paar Karke Zameen Par Gira Aur Gayab Ho Gaya..

🎴Ye Zakhm Ibne Ziyad Ki Raan me Nasoor Bankar Zindagi Bhar Raha, Aur Isse Itni badbu Aati thi Ke Ba'wajood Nafa Mushkil Bandhne Ke Log Uske Qareeb Bethtte Huwe Nafrat Mehsoos Karte the Aur Zyada Der Na Beth Sakte The..

🛡Jis din Ibne Ziyad Maara Gaya To Uski Badbudar Alamat Ke Zariye Hazrat Ibrahim Ibne Malik Ashrat Ne Usko Pehchana tha..

🎴Itne Zulm-O-Sitam Ke Ba-wajood Jab zalim Ibne Ziyad Ne Apne Seene Me Aatish Zulm Ko Aur Bhadakte Paya to Huqm diya Ke 3 Din Tak Ser-E-Imame Hussain رضی الله عنہ ko Darwaza-E-Koofa Par Latkaya Jaye, Chunache Koofiyo Ne 3 Din Tak Ser-E-Imame paak ko Darwaza-E-Koofa Par Latkaye Rakha......

⛩MASH'HAD NOOKTA...

🎴Haran se chalkar Karwane Ahle Bait Jis Waqt Musal Ke Qareeb Pahucha to Koofiyo ne Imame Hussain رضی الله عنہ Ke Ser Mubarak Ko ek patthar Par Rakh Diya Ser-E-Aqdas Se khoon Ka Ek Qatra Gira Aur Patthar Par Jamm Gaya...

🛡Yun To Wo Hamesha Sukha Raha Karta tha Lekin Muharram Ke Dino Me Taaza Khoon Ban Jata Us Waqt Se Lekar Abdul Malik Bin Marwan Ke Zamane Tak Imame Hussain رضی الله عنہ  Ki Ye Karamat Barabar Zahir Hoti Rahi..

🎴Agarche Ab Wo Qatra-E-Khoon Moujud nahi Kahin Poshida Kar Diya Gaya hai Lekin Mashad Nukta Ke Naam se Waha par Jo Gumbad Banaya Gaya hai Aaj bhi Ziyarat Gaahe Khalaik Hai... 

🛡Shimar ne Chaha ke Sehar Musal Kd Andar Qayam Kare Lekin Musal ke Haqim IMADUD'DOULA AUR BASHINDGANE Sehar Ne Use Lalkar Diya ke Humare Sehar Me Ese Zalim-W-Fasik Ke Theharne Ki Gunjaish Nahi Jiske daman Par Qatle Aulade Rasool ﷺ Ka Daag ho..

🎴Majburan shimar Ko Waha Se koonch karna pada Aur Sehar Nasibain Me Qayam Ka Irada Kiya, Haqime Sehar Nasibain Me Mansoor Bin Ilyas Ne Yazeed Ki Chaplusi Aur Khusamad me Sehar ko Sajaya Aur sehar se bahar Jakar Shimar ka Istiqbal Kiya Chaha ke Shimar Wagera ko lakar Sehar me Thehraye...

🛡Lekin Gairate Haq Ko Jalal aa gaya Ye Bat Gawara Na Huyi Ke Dushmanen Ahle Bait Ko Sukoon-W-Itminan Naseeb Ho, Abhi Sohda-E-Kiram ke Serhaye Mubarak Darawaza-E-Sehar Par Hi The Ke Us Badnaseeb Sehar par Kehre Ilahi Nazil Huwa Ek Beejli Giri Ke Aadhe Se Zyada Sehar Jalkar Raakh Ho Gaya Shimar Pareshan Hokar Yaha se bhi Chal Pada Aur Halb ke Ilake me Pagad par Mamura Naami Gaanw tha Wahi Par Pahad ke Daman me Qayam kiya...

🎴Jab Shimar Ne Sehar Mamura Ki Pahadi me Qayam Kiya to Sehar Mamura Ke Raees Azeez Ne Qafle ki Aamad ki Khabar payi Lekin koi Tawajjo naa Ki Raat ko Jab Soya To Khawab me Dekhta hai ki...

📿HAZRATE MOOSA KALIMULLAH Aur HAZRATE HAROON عَلَيـهِ السَّــلَام TASHRIF LAYE AUR ZAAR-W-KATAR RO RAHE HAI MUA'DDABANA ARZ KIYA KE AYE ALLAH KE KALEEM IS ASHKBARI KA SABAB KYA HAI???

🛡Hazrat Moosa Kalimullah Ne Farmaya Aye Azeez Paigambare Akhiruzzama Ke lakhte Jigar Janabe Imame Hussain Ko Yazeediyo ne Medane Karbala me Saheed Kiya hai Is Damane Koha me Wahi Hussaini Qafla Thehra Huwa hai..

🎴Is Qafle ke Sath Imam Ka Ser Mubarak Aur Unki Rifaqat Saheed hone wale Dusre Sohda Ke bhi Ser hai Tu Jaa aur Nawasa-E-Rasool Ko Humara Salam Pahucha Uske Badle Tujhe Janabe Imam Ki Nek Aur Saleha Qaneez SHIRIN Se Nikah Ka Sharf hasil Hoga..

📿ZAROORI MALOOM HOTA HAI KE AAGE KE WAQEYAT PESH KARNE SE PEHLE HAZRATE SHIRIN KE MUTALLIK EK MUKHTASAR TASHRIH KAR DI JAYE TAKE AAGE KE WAQIYAT SAMAJNE ME ASANI HO JAYE....

⛩HAZRATE SHIRIN...

🎴Saiyedna Umar Farook رضي الله عنه Ke Doure Khilafat Me Jis Waqt Iran Fateh Huwa To Maal-E-Ganimat Ke Sath "SHAH-E-IRAN YAZAK JURD KI BULAND SEHZADI HAZRATE SEHARBANU" Bhi Madina Munawwara Layi Gayi..

🛡Saiyedna Farook-E-Azam رضي الله عنه Ne Unke Khandani Iftekhar Ka Khayal Rakhte Huwe Farmaya Ke Takaza-E-Insaf ye hai Ki Sehzadi Iran Ko Sehzade Rasool ﷺ Imame Hussain رضي الله عنه Se Aqd(Nikah) Kar diya Jaye Taki Sehar Banu ki Azmat-W-Viqar me Char Chand Lag Jaye..

🎴Jab Hazrat Seharbanu Ko Joziyat-E-Imam Me Aane ka Sharf Hasil Huwa To Is Khushi Me Apne Sath Aane Wali 100 Qaneezo Me Se 50 Ko Aazad Farma diya Aur Jab Hazrat Imam Zain-Ul-Aabedin رضي الله عنه Ki Wiladat-Ba-Sa'dat huyi To Is Ne'mat Ke Milne Par Izhare Tashakkur-W-Imtenat Karte Huwe Kuch Aur Qaneezo ko Azad farma diya Baki Bachne Wali Qaneezo Me Se Hazrate SHIRIN Bhi Ek thi..

🎴Ek din Saiyedna Imame Hussain رضی الله عنہ Ne Dourane Guftagu Me Janabe SHIRIN Ke Husn-W-Jamal ki Tarif ki to Hazrate Sehar Banu Ko khayal aya ki Shayad Imame Aali Maqam SHIRIN Ko Zyada Pasand Farmate Hai Apne Unhe Lakar Khidmate Aqdas Me Pesh Kar Diya Aur Arz kiya ke Me SHIRIN ko Huzur Ke Nazr Karti hu...

🛡Imame Aali Maqam Ne Farmaya Ke Tumhari Nazar Muje qabool hai Aur ab Me SHIRIN Ko Azad Karta hu Usi Waqt Hazrate Sehar banu ne Ek umda joda lakar SHIRIN Ko Pehnaya Saiyedna Imame Hussain رضی الله عنہ ne Farmaya Ke Sehar Banu Tumne itni Qaneeze Aazad Ki Lekin Unme se Kisi ke Sath Esa Aezazi Sulook Na kiya Lekin SHIRIN Ke Sath Ye Khususiyat Kyu ??

🎴Aapne Arz Kiya Unko Mene Aazad Kiya tha Aur SHIRIN Ko Aapne, Mene Chaha Ke Meri Azad Kardah Qaneeze Aur Aapki Aazad Kardah Qaneez me Ek Aejazi Imtiyaz baki Rahe..

🛡SHIRIN ko Hazrat Imame Hussain رضی الله عنہ Ne Aazad to Farma diya tha lekin Janabe SHIRIN ne Khadima Ki Hesiyat Se Qadame Imam Se Lipti Rehne Me Hi Apni Sa'dat Jani..

🎴Chunache Madina Munawwara Ki Rahatgaah Se Karbala Ki Imtehan Gaah Tak Damane Imam Ko Nahi Chora Aur Jab Saiyedo Ka Loota Huwa Qafla Karbala Se koofa Aur Koofa Se Shaam Ko Ja Raha tha To SHIRIN Bhi Is Mazloom Qafle Ke Sath Thi...

🎴Jab Sehar Mamura Ke Nazdik Pahad Ke Daman Me Ye Qafla Thehra Huwa Tha To SHIRIN Ne Chaha Ke koofiyo ki Haaris Nigaho Se Mene Apne Jo Zewar Bacha Liye hai Unhe Sehar Me Bechkar Kuch Kapde Kharid Lu Jisse Harame Mohtaram Ki Khawatin-E-Muazzam Ki parda Poshi Ho Sake..

🛡Chunache Idhar Se Hazrat SHIRIN Is Khayal Se Janibe Sehar Rawana Huyi Idhar Sehar Mamura ka Raees  Azeez Yahoodi Khawab se Bedar Hokar Aur Besh Qeemat Kapde Wagera Lekar Qafle Me Aane Ke Liye Rawana Hota hai...

🎴SHIRIN Aur Azeez Dono Ek Hi Sehar Mamura Ke Darwaze Par Pahuchte Hai Darwaza Andar Se Band tha, Jese Hi Hazrate SHIRIN Ne Dastak Di Azeez Yahoodi Ne Fouran hi Andar Se Jawab Diya ke SHIRIN Thehro Me Darwaza Kholta Hu..

🛡Jab Darwaza Khula To Hazrate SHIRIN Ne Azeez Yahoodi Se Pucha Ke Tumne Mera Naam Kese Jana Aur Tumhe Ye Kis Trah Maloom Huwa Ke Dastak Dene Wali Me hi Hu...

🎴Azeez Yahoodi Ne Apne Khawab Ka Pura Waqiya Bayan Kar Diya Aur SHIRIN Ke Sath Hazrat Imam Zain-Ul-Aabedin رضی الله عنہ Ki khidmat-E-Aqdas Me Hazir Hokar Nazar Guzari Aur Musharraf-Ba-Islam Huwa....

🛡Raees-E-Sehar Mamura Azeez Yahoodi Ke Musalman Hote hi Pura Sehar Mamura Bhi Musalman Ho Gaya Sara Sehar Mamura Islam ki Roshni Se Jagmaga Utha Saiyedna Imam Zain-Ul-Aabedin رضی الله عنہ Ne Farmaya Ke Aye Azeez Tumne Humare Ahle Bait Ke Sath Ehsan Kiya hai lihaza Iske badle Me Hum Nawasa-E-Rasool ki Azaf Kardah Qaneez SHIRIN Se Tumhara Aqd(Nikah) Kiye dete hai..

🎴Chunache Usi Waqt Us Majlis me SHIRIN Aur Azeez Ke Nikah ki Rasme Saeed Ada Farmayi....

🎴Sehar Mamura Se Koonch karne ke Bad Shimar ne Huqm Diya Ke Din Me To Sohda Ke Sero Ko Nezo Par Rakha jaye Lekin Raat Me Sandook me Rakhkar Taale laga Diye jaye Aur 50 Muhafezin Raat bhar Pehra Dete Rahe..

🛡Muhafezin Me Se Abul'khunuk Naami Ek Saksh Ne Bayan Diya Ke Ek din Hum Log Jungle Me Thehre Huwe The Raat Kafi Guzar Chuki thi Humare Sath Pehra dene wale Tamam Log So Chuke The Lekin Me Tanha Jaag Raha tha Na Jane kyo Neend Hi Nahi Aa rahi thi..

🎴Mene Achanak Ek Haibatnaak Aawaz Suni Aur Iske bad Dekha Ke Wajeeh Saksh Jinka Rang Gandumi Hai Safed Libaas Pehne Aasman Se Utre Aur Ser-E-Paake Imame Hussain رضی الله عنہ ko Sandook Se Nikala Aur Seene se Lagakar Bahut Roye Mene Chaha Ke unke Hath Se Ser-E-Imam Cheen Lu Ke Achanak Kisi Ne Purzalal Awaz Me Puakara Aur Lalkar Ke Kaha..

📿KHABARDAR YE HAZRATE ADAM SHAFIULLAH HAI...

🛡Abulkhunuk Kehta hai Ke Me Khoufzada hokar Thehar gaya itne me Fir Awaz aayi..

📿YEH NOOH NAJIYULLAH HAI, USKE BAD IBRAHIM KHALIL'ULLAH AUR ISMAIL ZABIULLAH NEEZ DIGAR AMBIYA-E-KIRAM TASHRIF LAYE AUR AAKHIR ME SAIYED'UL'AMBIYA JANABE MUHAMMAD MUSTUFA ﷺ TASHRIF LAYE..

🎴Huzur ﷺ Ke Tashrif lane Ke Bad Tamami Ambiya-E-Kiram Ne Ek Ke bad Ek Saiyedna Imame Hussain رضی الله عنہ Ke ser Mubarak ko Chooma aur Seene Se Lagaya Uske Bad Ek Noorani Kursi Bichayi Gayi Jispar Sarkare Do Aalam ﷺ Tashrif Farma Huwe Aur Tamami Ambiya apke Ird Gird Adab se Khade Ho Gaye..

🛡Ab Ek Farishta Aya Jiske Hath Me Talwar Aur Gurz Aatishi Tha Usne Badhkar Mera Hath Pakda Mene Fariyad Ki Ke Yaa Rasoolallah ﷺ Me To Sarkar Ke Gulamo Se Hu Ye Log Muje Jabran Pakadkar Laye hai Lekin Ye Kehte kehte Us Farishte Ne Muje Ek Tamacha Maar Hi Diya..

🎴Fir Huzur ﷺ Ne Farmaya Ke Ab ise Chod Do Lekin Mare Haibat Ke Me Behosh Ho Gaya Subha Ko Jab Hosh Aaya To Dekhta hu Log Muhafizo Ki Talash Kar rahe hai Lekin Jahapar Jo Muhafiz Soya Tha Waha Siway Raakh Ke Ther Ke Alawa Kuch Na tha..

🛡Abul khunak Ne Jab Shimar Ke Samne Is Waqiye Ko Bayan Kiya To Shimar ne dekha Ke Waqayi Jis Rukhsar Par Farishte Ne Tamacha Mara Tha Wo Bilkul Siyah Tha Usi Waqt Abul Khunak ne ek Poor Zor Aanh Mari Aur Girkar Mar Gaya..

🎴Shimar Is Waqiye Se Itna Gabhra Gaya Ke Fouran Waha Se Aage Koonch Ka huqm De diya...

🎴Raaste Me Shimar Ko Maloom Huwa Ke Musab Ibne Kayika Irada Hai Ke Sab khoon Markar Sohda Ke Sero Ko Cheen Le Raat Huyi Ek Girja Ke Qareeb Qayam Kiya Aur Tamam Sero Ko Sandook Me Mukaffal Karke Tamam Ahle Baite Athar ko Girje Me Bhej Diya Girje ke Padri ne Us Sandook ko Ek Kamre me Band Karke Tala Daal Diya Aur Ahle Baite Athar ko Thehra Diya..

🛡Abu Saeed Damishki Ka Bayan hai Ke Abul Khunak Ke Waqiye se Sab Log Dare Huwe the Sero Ki Hifazat ke Liye Koi Taiyar Naa Huwa Lihaza Girje ke Padri ko Sero Ki Hifazat ke Liye Mutaiyyyan Kar Diya Gaya Padri ne Puri Raat Usi Hujre Ke Qareeb Guzari Jisme Sohda ke Ser rakhe Huwe the..

🎴Jab Raat Ka Kuch Hissa Guzra To Rahib Ne Dekha ke Kamra Achanak Roshni se bhar gaya Aur Itni Tez Roshni ke Aankhe Theharne ka Naam Nahi Leti thi Padri ne Ek Khidki se Kamre Me Jhanka To Dekhta kya hai ke Aasman Ki Chatt Shak hai Aur Kuch Muhafa Zarrin Khubsurat Aurto Ke Zurmut Me Aasman Se Utar Rahe hai...

🛡Achanak Awaz aayi Aye Padri Khidki Se Door Hatt Ja Ye Khawatin Iffat Ma'aab Wo Hai Ke Jinki Iffat Par Farishto Ko bhi Rashk Aata hai Padri Khidki se Alag Hatt Gaya Magar Awaze Barabar Sunta raha Ki...

📿YE HAZRATE HAWWA TASHRIF LA RAHI HAI, YE HAZRATE SARAH, YE HAZRATE SAFURAH, YE HAZRATE AASHIYA, AUR YE HAZRATE KHADIJAT-UL-KUBRA TASHRIF LA RAHI HAI AAKHIR ME SAIYEDA FATEMA ZAHRAرضي الله تعالى عنها TASHRIF LAYI...

🎴In Aane wali Khatoonane Mohtaram Ne Mukhtalif Andaz me Apne-Apne Ghum W Afsos Ka Izhar kiya Mukhtalif Kism Ke Marsiye Padhe Gaye Padri Ne Dobara Fir Jhank Kar Dekhna Chaha to Kuch Naa Dekh Saka Ek Hijabe Noorani Hayil Tha,

🛡Bardasht Naa Kar Saka Uski Nooraniyat Ki Wajah se Behosh Hokar Gir Pada.....

🎴Fir Jab Padri ko Hosh Aya To Naa Wo Roshni Thi Aur Naa Wo Hijabate Noorani Sirf Ye Nazar Aya ki kamre Ka Taala Toota Huwa hai Aur Jin Sandooko Me Sohda ke Ser The Wo Khule Huwe hai...

🛡Padri par Ek Iztetari Kefiyat Taari ho gayi Isi Aalam me Utha Aur Ser-E-Paake Imam Aalim Maqam ko Sandook Se Bahar Nikala Mushk-W-Ambar Se Basakar Ek paakiza Musalle Par 

Adab-W-Ehtaram Se Rakh Diya Aur Do'zanu Hokar Intehayi Adab Se Samne Bethkar Arz karne Laga..

📿AYE IBNE RASOOL ME JAAN GAYA KE AAP UN LOGO ME SE HAI JINKE AWSAF KA TAZKIRA TOURAT-W-INJEEL ME HAI, APKO KASAM HAI KHUDA-E-BUZURG-O-BARTAR KI MUJE HAQIQAT-E-HAAL SE AAGAH FARMAIYE..

🎴Padri ka Itna Kehna tha ke Labha-E-Imam Jumbish Huwe Aur Farmaya..

📿ME MAZLOOM-W-GHUM ZADAH AUR GARIBUDDAR HU ME NABI MUSTAFA ﷺ KA LAADLA BETA AUR ALI-E-MURTUZA رضی الله عنہ KA CHAHITA FARZAND HU..

🛡Padri Ne Jab Ye Baat Suni To Apne Mutallikin Ko Bulakar Sari Kefiyat Bayan Ki Aur Unhi Ke Samne Zunnar Toddkar Ba-awaze Buland Kalma Sharif Padhkar Musharraf Ba Islam Ho Gaya..

🎴Padri ka kalma Padhna tha Ke Uske tamam Saathi Ne Bhi Zunnar Tod Dali Aur Halka Bagoshe Islam Ban Gaye Padri ne Fir Ser-E-Paake Imam Se Mukhatab Hokar Arz Kiya...

📿AGAR HUZUR AAP IJAZAT FARMAYE TO ME APNE MUTALLIKIN KO SATH LEKAR SHIMAR KO USKE KAIFARE KIRDAR TAK PAHUCHA DU SER-E-PAAKE IMAM SE AAWAZ AAYI MASHIYYATE ILAHI KUCH AUR HAI WAQT KA INTEZAR KAR BAHUT JALD YE LOG APNE BURE ANJAM KO PAHUCHENGE....

🎴Garaz Ke Koofa Se Shaam Tak Ke Safar Me Ese Hi Hairat Angez Waqiyat Zahoor Me Aaye Aur Na Jane Kitni Karamato ka Mushaheda Hazaro Insano ne kiya..

🛡Yazeed Ko jab Ittela Mili Ke Saiyedo Ka Loota Huwa Qafla Thodi Hi Der me Qasre Imarat Par Pahuchne Wale hai To Usne Qasre Imarat ko Aarasta karwake Dulhan Ki Trah Saja Diya Aur Shaan-E-Fironiyat Ke Sath Takht Par Bethkar Mazloomin-E-Ahle Bait ka Intezar Karne Laga...

🎴Idhar Yazeed Apni Shaan-O-Shoqat Zahir Karne ki Taiyari Me Mashroof Hai Aur Udhar Qafla-E-Hussaini Dimashq Ke Kooncha-W-Bazar Se Guzarta Huwa Qasre Imarat Ki janib Chala Aa Raha hai..

🛡Ahle Damishq Tamashayi Bankar Nezo Par Chade Huwe Sohda Ke Sero Ko Hairat-W-Istejab Ke Aalam Me Dekh Rahe Hai, Qafla Jese-Jese Qasre Imarat Ki Janib Badhta Ja Raha tha Logo ke Majme Me bhi Izafa Hota Jata tha...

⛩EK MUHIBBE AHLE BAIT...

🎴Hazrat Imam Zain-Ul-Aabedin رضی الله عنہ  Ne Nigah Uthayi To Dekha Us Masroor-W-Shadma Majme Me Ek Saksh Zaar-W-Katar Ro Raha Hai..

🛡Aapne farmaya Ke Har Tamasayi To Khush hai Lekin Aye Saksh Tu Kyo Ro Raha hai ?? Usne Arz Kiya Ke Sarkar Me To Khadim-E-Bargahe Aali hu Hume Rona Ispar Aa Raha hai Ke Muje Apni Zindagi Me Esa din Dekhna Naseeb Ho Raha hai..

🎴Kaash ! Aaj Mere Qabeele Ke Log Yaha Hote To Ahle Dimashq Bajaye Khush Hone Ke Yazeed Ki Tabahi-W-Barbadi Par Matam Kuna Nazar Aate Qasre Yazeed ki Int Se Int Baja Deta Magar Afsos Ke Tanha Hu..

🛡Imam Zain-Ul-Aabedin رضی الله عنہ Ne Uski Aqeedat-W-Muhabbat Aur Jazbe Ko Dekhkar Duwa Di Aur Irshad Farmaya Ke Agar Ho sake to Itna Kara Do Ke Jo Saksh Apne Neze Par Ser-E-Imame Paak رضی الله عنہ  Uthaye Huwe hai Wo Zara Aage Badh Jaye Take Majma Bhi Aage Badh jaye Isliye ke Ahle Baite Athar Ki Iffat-Maab Khawatin Ko Is Majme Se Badi Taklif hoti hai...

🎴Ye Saksh Aage Badha Aur Jis Ount Par Imame Hussain رضی الله عنہ  Ka Ser Tha usko 50 Deenar Dekar Ount Ko Aage Badha Diya Fir Bazar se Kuch Chadare Lakar Ahle Bait Ki Khidmat Me Pesh ki Aur Ek Amama Sharif Lakar Hazrat Imam Zain-Ul-Aabedin رضی الله عنہ  Ki Khidmat me Nazr kiya...

🛡Ba'az Riwayato Se Maloom Hota hai Ke Unka Naam ARZBARR Tha, Aur Ba'az Riwayato Ki Bina Par Ye Bat Sabit hoti hai Ki Ye Suhel Saedi Naami Sahabi The Jo Ba'garze Tijarat Bahar Gaye Huwe the Aur Damishq Me Ayen Us Waqt Pahuche Jab Ke Ser-E-Paake Imam Yazeed ki Qasre Imarat Ki Janib Le jaya ja raha tha.... 

⛩HUSSAINI QAFLA YAZEED KE SAMNE...

🎴Yazeed ke Mizaz Ko Samajne Ke liye Shimar Ne Ibne Malik Ko Samja diya tha Ke jab Sar-E-Paake Imam Ke Mutallik Yazeed Sawal Kare To Keh Dena Ke Unhe Mene Qatl Kiya hai..

🛡Chunache Jis Waqt Yazeed Ne Imame Aali Maqam رضی الله عنہ Ke Sar-E-Aqdas ke Mutallik Sawal Kiya To Bashir Ibne Malik Aage Badha Aur Kaha ke Aye Ameer-E-Shaam Mene Teri Raza Aur Khushi Hasil Karne ke Liye "KHAIR-E-KHALKILLAH" Ka Ser Kaata hai Aur Ab Teri Ata-W-Bakshish Ka Talabgar Hu..

🎴Yazeed ne Jhunjhlakar Kaha Ke Aye Bashir Jab Tu Inhe "KHAIR-E-KHALKILLAH" Manta hai To Qatl Kyo Kiya ?? Aye Jallad Leja Aur Bashir Bin Malik Ko Qasre Yazeed Se Bahar Lejakar Qatl Kar de Ke Ye Jootha Aur Makkar hai Jallad Ne Bashir Bin malik Ko Bahar Lejakar Ek hi Waar me Qatl Kar Diya Bashir Un 10 Aadmiyo me Se Tha Jo Medane Karbala Me Qatle Imam Par RAAZI Hokar Aage Badhe the..

🛡Waqeyat-W-Halat Par Nigah Daali Jaye To Ye Bat Bahut Wazeh Tarike Par Samaj aati hai Ke Askiya Se Sohda-E-Karbala Ke Khoon-E-Nahaqq Ka Inteqam Minjanibe Ilahi Karbala Se Rawana Hone Ke Waqt hi Shuru Ho Gaya Tha Aur Khususi Tour par Pura Zahoor Ho Raha tha...

🎴Shimar ne Mahol Ko Acchi Trah Samajkar Sahadate Imame paak Ki Tafsil Bayan Karna Shuru kar di Aur Jab Apni Shaqawat ki Puri Dastan Bayan Kar Chuka To Yazeed Ne Ek Tasht me Ser-E-Imame Paak Mangwakar Apne Samne Tasht Ko Rakhwaya..

🛡Apne hath ki ek chadi Se Labha-E-Imam Aur Dandan Sharif ko Chune laga Aur Kehne Laga Ke Kitne Haseen Hai Inke Labb Aur Dandan Ke Ab bhi Husn Foota Pada hai....

⛩JALUT HAKEEM...

🎴Jalut Naam ka Ek Yahoodi Hakeem tha Jo Yazeed ka Mualiz Tha, Usne Yazeed Ke Samne Ser-E-Paake Imam Hussain رضی الله عنہ Ko Dekhkar Pucha Aye Yazeed Ye Kiska Ser hai ??

🛡Yazeed Be Behuda Andaz me Kaha ke Ek Kharji Ka Ser Hai, Jatul ne pucha Ke Kya Naam Hai ? Yazeed Kehta hai Ki Inka Naam Hussain Hai Jalut Ne Pucha Inhe Kis wajah Se Qatl Kiya Gaya Yazeed Ne Kaha Inka Irada tha Ke Mujhse Takhte Khilafat Ko Cheen Le..

🎴Jalut Kehta hai Aye Yazeed Tujhpar Laanat hai Ki tune Qatl Karwaya Haqeeqat To Yahi Hai Ke Khilafat Unhi Ka Haq hai Aye Yazeed Kya Tu Janta Nahi Me Hazrat Dawood Paygamber عليه السلام Ki Aulad me Hu Aur Mujhme Aur unme 40 Pushto Ka Fasla hai Lekin aaj bhi Yahoodi Meri Tazeem Karte hai Aur Mujse Barkat Hasil Karte hai..

🛡Aur Abhi to Thoda Hi Zamana Guzra hai Ke Tumhare Nabi Zaheri Tour par Tumhare Darmiyan Tashrif Farma nahi Aur ye Tere nabi ke Nawase hai Tune Unhe Qatl Kiya Aur Ahle Baite Nabi Ki Touheen ki Ye Kehkar Jalut ne Talwar Kheenchi Aur Chaha ke Yazeed par Waar kare Lekin Logo ne Rok Liya....

🎴Uske bad Jalut Hakeem Ser-E-Paake Imame Hussain رضی الله عنہ Ke Kareeb Aaya Ser-E-Aqdas Ko Bosa Diya Aur Kaha ke Aye Imam In Logo Par Allah Taa'la ki La'nat Ho Jinhone Apko Qatl Kiya..

📿AUR JALUT HAKEEM KALMA PADHKAR MUSHARRAF'BA'ISLAM HUWA AUR ARZ KARNE LAGA...

🛡Aye Nawasa-E-Rasool Apne Nanajaan ki Bargah Me Mera Salam Arz Karna Aur Mere Islam-W-Imaan Ki Gawahi Dena..

🎴Ye Kefiyat Dekhkar Yazeed Kehne Laga Ke Me Apni Beemari ki Wajah se Tera Mohtaj Hu Warna Abhi Tujhe Qatl Kat Deta..

🛡Jalut ne Jawab Diya Ke Ab Me Tujhko Shifayabi ki Dawa Na Dunga Balke Esi Dawa Dunga Jo Tujhe Tabah-W-Barbad Kar De..

🎴Ye Sunkar yazeed Aahpe Se Bahar Ho Gaya Aur Jallad Ko Huqm Diya Ke Jalut ko Qatl Kar de Jallad Aage Badha Aur Hazrat Jalut ko Saheed Kar diya

رضی الله عنہ

⛩QAISARE ROUM KA SHAFEER....

🎴Ser-E-Paake Imam رضی الله عنہ Ek Tasht me Yazeed Ke Darbar Me Rakha tha, Yazeed Aur Uske Sathi Sharab Noshi Me Mashroof the Ke Itne me Qaisare Roum Ka Shafeer Uske Darbar me Dakhil Huwa Ye Halat Dekhkar Yazeed se Pucha Aye Yazeed Ye Kesa Ser hai Jiski Moujudgi me Tum Log Sharab Pine Me Mashroof ho Muje Is Haqeeqat se Waqif Karo Take Qaisare Roum ke Darbar Me Iski Tafseel Bayan Kar Saku ??

🛡Yazeed Gustakhana Andaz Me Kehta hai Ke Ek Kharji Ka ser Hai Jisne Humare Basra Aur Koofa Ke Aamil Ibne Ziyad Par Khrooj Kiya tha, Safeer Ne Pucha Ke ye Koun hai, yazeed kehta hai Ke Ye Hussain Ibne Ali(رضی الله عنہ) Hai..

🎴Safeer ne Pucha Inki Walida Majida Ka Naam Kya hai, ? Yazeed Kehta hai Inki Walida majida Ka Naam Fatima Zahra Binte Muhammad Mustafa ﷺ Hai..

🛡Safeer Kehta hai Aye Yazeed Laa'nat hai Tujhpar Aur Teri Is Halat Par Afsos hai Sadd Afsos Yazeed Sun Mere Dada Hazrate Isa عليه السلام' Ke Hawariyo Me The Unme Aur Mujme 40 Pushto se Zyada ka Fasla Hai Lekin Isayi Aaj Bhi Meri Tazeem Karte hai Aur mere Per Ki mitti se barkat hasil Karte hai..

🎴Aur Teri Serkashi Ye Ke tune Apne Nabi ki Sehzadi Ke Lakhte Jigar Par Esa Dardnaak zulm Kiya Tujhe Sharm nahi aayi...????

🎴Shafir ne Kaha  Aye Yazeed Kya Tune "QANISATUL HAAFIR" Ka Zikr nahi Suna ? Yazeed kehta hai Nahi, Shafeer Kehta hai Ke Mulke Kaman Aur Mulk Chin Ke darmiyam 80 Farsakh Murabba Ek Bahut Bada Sehar Hai Usi Sehar Se Yaqoot, Kafur, Ooud, Ambar, Wagera Dusre Mulko Me Jata hai Wo Sehar Isayio Ke Qabze me hai...

🛡Usme Bahut se Girza hai Aur sabse Bade Girza ka Naam "QANISATUL HAAFIR" Hai, Uske Mehrab Me Ek Zanzir Latki Huyi hai Usi me Wo Haafir(Khur) Sone Chandi Yaqoot Wagera se Aarasta Kiya Huwa Rakha hai..

🎴Ye "HAAFIR" Ke Bare me Isaiyo Ka Aqeeda Hai ke Ye "HAAFIR" Us Gadhe Ka hai Jispar Isa  عليه السلام Sawari Farmate the...

🛡Har Saal Kaserr Ta'dat Me Isayi Uski Ziyarat ke Liye Aate hai Uska Tawaf karte hai Aur Bosa Lete hai Aur Use Apne Ser Par Rakhkar Tazeem-W-Takrim Karte hai Aur Uske Waseele Se Apni Hajato Ke Puri Hone ki Duwa Karte hai...

🎴Lekin Aye Yazeed Afsos Hai Tujhpar Aur Hazar Bar Afsos hai Ke Tune Apne Nabi-E-Mohtaram Ke Nawase ke Sath Esa Na'Rawan Suloook Kiya...

🛡Aye yazeed sun Ke Imame Hussain رضی الله عنہ Ke Nana Nabi-E-Barhaqq hai Unhone Logo ko Kufr ki Tariqiyo se Bahar Nikalkar Islam-W-Iman Ka Noor Ata Kiya...

🎴Aur Imam Hussain رضی الله عنہ Ke Walid Hazrat Ali-E-Murtuza رضی الله عنہ  Hai Jo Apne Rasoole Mohtaram ke Huqm Se Qayamat ke Din Pyaso ko Aabe Kousar Pilayenge....

🎴Qaisare Roum se Is Haqiqat Afroz Guftagu ko Sunkar Yazeed Aag Babula ho Gaya Aur Jallad se Kehta hai Ke Shafir ko Qatl Kar de Sunkar Shafir Ne Kaha Ke Aye Yazeed Kya Waqayi Tu Muje Qatl Kar Dega...

🛡Yazeed ne Kaha Me Yakinan Tujhe Qatl Karunga Shafir ne Kaha Aye Yazeed Itni Bat Aur sunle Ke Muje Apne Qatl hone Par Behad Khushi hai Kyunki Raat Khawab me Allah Ke Pyare Habib ﷺ Ne Muje Apne Deedar se Musharraf Farmaya Aur Mere Liye Jannat Ki Zamanat li hai...

🎴Ye Kehkar Safir Ne Buland Aawaz se Kalma-E-Sahadat Padha Aur Aage Badhkar Ser-E-Paake Imame Hussain رضی الله عنہ Ko Seene Se laga liya Aur Bosa Diya Itne me Jallad ne Aage Badhkar Us Shafir ko Saheed Kar diya (رضی الله عنہ )

⛩YAZEED KA ZULM....

🎴Yazeed Ne Jab Uski Chadi ko Imaam Ke Muqaddas Hontho Par Lagaya To Us Majlis me Moujud Hazrat Samrah Bin Jundab  رضی الله عنہ Jo Ek Bade martabe ke Sahabi The Yazeed ki Is Napak Harkat ko Dekhkar Tadap Gaye Aur Yazeed ko Daantte Huwe Farmaya Ke..

📿AYE YAZEED TUJHPAR GAZAB HO KHUDA KA TU IN LABO AUR DAANTO KI TOUHEEN KARTA HAI JINHE SARWARE QAYNAT ﷺ NE BAR-BAR CHOOMA HAI TU MEHBOOBE KHUDA KI PASANDIDA AUR MEHBOOB SHAY KI AHANAT KAR RAHA HAI BAS BAHUT HO CHUKA APNE NAPAK HATH KI NAPAD CHADI KO IN MUQADDAS LABO SE HATA LE JINKI TAKDIS KI FARISHTE BHI KASAM KHATE HAI KHUDA-E-KAHHAR-W-JABBAR TUJH SHAKI KO AUR TERE IN ZALIM HATHO KO FANA KAR DE....

🛡Yazeed Is Nasihat Aur Haq Goyi Ki Talkhi Ko Bardasht na kar saka Gazabnaak Hokar Kehta hai Agar Tumhari Sahabiyat ka Lihaz Na Hota To Abhi Qatl Kar Deta..

🎴Hazrate Samrah Ibne Jundab رضی الله عنہ Ne Farmaya Ke "TAJJUB HAI MERI SAHABIYAT KA ITNA KHAYAL AUR IMAME HISSAIN KI SHARFE AMBIYATE RASOOL KA ZARRA BARABAR BHI EHSAS NAHI" Oye Be'Deen Tune Hi Huqm Dekar Unhe Saheed Karwaya...

🛡Tune Hi Jigar Gosha-E-Rasool ﷺ Ko Para-Para Kiya Tune hi Ameer Muaviyaرضی الله عنہ  Ki Wasiyyat ko Barbad kiya Intezar Kar An'qareeb Tujhe Apna Anjame Badd Isi Duniya me Dekhna Padega Aur Kal Baroze Qayamat Daware Mehshar Ki Adawat me Inka Khooni Kafan hoga Aur tu...

🎴Hazrate Samrah Bin Jundab رضی الله عنہ Ke in Haqiqat Afroz Kalemat Ne kuch esa Asar kiya Ke Sab Zaar-w-Katar Rone Lage Yazeed Ko Gussa to bhot Aaya Lekin Is Darr se Ke Kahin Inke Qatl Se Fitna Aur Badh Jaye Qatl se Ba'az Raha Magar apne Darbar Se Nikalwa diya....

🎴Hazrate Samrah Bin Jundab Ko Yazeed ne Apne Darbar Se Nikalne Ke bad JANANE MOHTARAM Ko Bhare Darbar me Bulaya Hazrate Zainab رضي الله تعالى عنها Ne Yazeed ki Is Badtameezi Par Farmaya ke Aye Be'Haya Yazeed Kya Tujhe Zara Bhi Sharm-W-Gairat Baki Nahi Rahi Ke Tere Ghar ki Aurte Jo Iski bhi Ehliyat(Auqat) Nahi Rakhti Ke Humari Qaneeze Ban Sake Wo Parde me Bethi hai Aur Hum Jo ke Namose Rasool Hai Jinke Ghar Farishte bhi Ijazat Lekar Dakhil hote hai...

🛡Unhe Tu Is Trah Be'naqab-W-Be'hijab Bhare Darbar me Bulakar Ruswa Kare Zulm-W-Sitam Ka Ek-Ek Teer Ahle Bait Ke Seene Sabr-w-Istiklal Par Aazma Liya Hai, Kya Ab bhi Teri Zalimana Pyaas Nahi Bujhi ? Kya Ab Bhi Tera Dil Nahi Bhara Zalim Kahin Esa na ho Ke Gairate Haq Ko Jalal Aa Jaye Aur Qehre Ilahi ki Beejli Isi Waqt Tujhe Kha'k Kar de...

🎴Is Takrir Se Yazeed Ke Badan Par Larza Taari ho Gaya Fouran Tamam Muhazirate Asmat ko Parde me Bhijwa diya, Aur Saiyedna Imam Zain'ul'Aabidin رضی الله عنہ Ko Apne Pas Bulakar Kehne laga Ke Tumhare Walid Ne Chaha ke Mimbaro par Unka Naam Liya Jaye Unke Naam Ka Khutba Padha Jaye Magar Kudrat Ne Ye Qadr-W-Manzilat to Meri Kismat Me Likhi thi...

🛡Unki Ye Aarzu Kese Puri Hoti Allah Ne muje Kamiyab kiya Aur unhe is Ne'mat se Mehroom Rakha...

📿MAA'ZALLAH....

🎴Yazeed ki Bakwas Sunkar Saiyedna Zain'Ul'Aabedin رضی الله عنہ Ki Gairate Hashmi Ko Josh Aa Gaya Aur Farmaya ke Oye Joothe Insaf Se Keh Ke Mimbar Mere Baap-Dada Ne Banaya Yaa Tere Baap-Dada Ne, Khilafat Mere Aaba-w-Ajdad Ka Haq Hai Ya Tere Baap-Dada Ka, Qur'an Tere Baap Dada Par Nazil Huwa Ya Mere Jadde Amjad Janabe Muhammadur Rasoolallah ﷺ Par...

🛡Imam Zain'ul'Aabedin رضی الله عنہ Ki Is Haqeeqat Afroz Takrir Ne Yazeed Ki Aatishe Gaiz-W-Gazab Ko Bhadka Diya Itna Mushtaeel Huwa ke Hawas Baakhta hokar Qatle Imam Zain'ul'Aabedin Ka Huqm De diya..

🎴Hazrat Umme Kulsum رضي الله تعالى عنها Ne Yazeed Ko Daantte Huwe Farmaya Ke "AYE HINDA KE BETE YAZEED KHABARDAR ! QATLE ZAIN'UL'AABEDIN KA IRADA BHI NA KARNA" Abhi Tak to Hum Sab Sabr Se Kaam Lete Aaye hai Agar Ab Tune Nasle Paigambar ki Is Aakhri Nishani ko Mitana Chaha To Hum Abhi Pukarte hai..

📿MUGISE HAR DO QOUNEN JANAB MUHAMMADUR RASOOLALLAH ﷺ KO

 LEKIN YAZEED NE JAB AAPKE IS KEHNE KA KOI ASAR NA LIYA USI WAQT AAP PUKAR UTHI "

📿AYE DO JAHA KE FARIYAD RASS FARIYAD HAI KHAIRUL RASOOL FARIYAD HAI, AAPKE LAKHTE JIGAR HUSSAIN SAHEED HO CHUKE AUR AB APKI NASLE PAAK KI AAKHRI NISHANI BHI MITANA CHAHTE HAI...

🎴Hazrat Umme Kulsum رضي الله تعالى عنها Ki Ye Fariyad Us Waqt Bargahe Nabuwwat Me Sharfe Qabool Pati hai Aur Yazeed Par Esi Haibat Taari Huyi Ke Badan Larazne Laga Fouran Usne Qatle Imam Zain'ul'Aabedin Ka Huqm Wapas Le liya Aur Kehne Laga ke aye Imam Darbare Shahi Ke Aadab-W-Rumoos ka khayal Rakhe...

🛡Aapne Farmaya Ke Muje Tujhse Kya Lena hai Ke Me Aadabe Shahi Ka Lihaz Rakhu Ye Tera aur Tere Hawarin ka farz hai Mujse Esi Tawakko na rakh ke Me Tujh Jese Fasik-W-Fajir ka Adab Karu....

🎴Itne Me Yazeed Ka Beta Aa Gaya Yazeed Kehne Laga Ke Mera Ye Beta Aur Aap Umar Me Barabar Hai Me Chahta Hu Ke Aap Dono Kushti Lade Dekhu Koun Jitta hai...

🛡Aapne Farmaya Agar Tujhe Yahi Sokh Hai Ke Meri Rago Me Doudne Wala Hashmi Khoon ki TaQat-O-Kuwwat Dekhe To Ek Talwar Muje De Aur Ek Apne Bete ko Fir dekha Kiska Waar Bhari hai...

🎴Itne me Yazeed Ke Mehal Sara se Noubat bajne ki Aawaz Aane lagi, Yazeed Ke Bete Ne Kaha Ye Batao Ki Ye Noubat Kiski Bajj Raho hai Tumhare Baap ki Ya Mere Baap ki Abhi Uski Ye Behuda Bakwas Khatm Bhi Na Huyi Thi Ke Masjid Se Azan Ki Aawaz Aayi...

🛡Saiyedna Imam Zain'Ul'Aabedin رضی الله عنہ Ne Farmaya Ke Oye Ibne Yazeed Tere Baap ki Noubat Sirf Tere Is Qasre Nahusat Me Bajegi Aur Sirf Us Waqt tak Jab Tak Nakkara Salamat hai Lekin Masjid Se Mere Jadde Kareem ki Noubat ki Aawaz Aa rahi hai Jiski Goonj Farsh Se Arsh Tak Hai Aur Subhe Qayamat Tak baki Rahegi...

📿AUR YE BATA KI "ASHHADU ANNA MUHAMMADUR RASOOLALLAH"(ﷺ) MERE JADDE AMJAD KE LIYE HAI YA TERR BAAP DADA KE LIYE....

🎴Imam Zain'ul'Aabedin رضی الله عنہ Ki Is Guftagu Se Yazeed Kuch Muttasir Huwa Neez Uspar Kuch Khouf ka Galba bhi tha...

🎴Uske Bad Yazeed Imam Zain'ul'Aabedin  رضی الله عنہ  Se Kehne Laga Aap Mujse Kuch Farmaish Kare Me Use Puri Karunga, Apne Farmaya Muje Ye Tawakko To Nahi Ke Me Kuch bhi Kahunga Use Pura Kare Aur Agar Tu Waqai Apne Qoul me Saccha hai To Mere Mutalebat Hai Unhe Pura Kar..

🛡Awwal To Ye Ke Mere Walid-E-Mohtaram Ke Qatil ko Mere Hawale Kar de Me Use Katl Karu, Dusra Ye Ke Sohda ke Sero ko Muje De De Ke Me Unhe Lejakar Jism ke Sath Mukaddas Dafn Karu, Teesra Ye Ke Aaj Juma Ka Din Hai Muje Ijazat De ke Me Mimbar Par Chadkar Khutba Padhu, Aur Choutha (4th) Ye ke Humare Loote Huwe Qafle ko Madina Munawwara Pahucha de...

🎴Yazeed Un 4 Sawalo Ko Sunkar Sabse Pehle Qatile Imame Hussain رضی الله عنہ Ke Mutallik Pucha Logo ne Kaha Ke Khawli Bin Yazeed Hai, Chunke Bashir Ibne Malik Ka Anjam Khawli Dekh Chuka tha, Lihaza Saaf Inkar Kar Gaya Ke Mene Qatl Nahi Kiya Balke Qatil Sinan Ibne Anas hai...

🛡Sinan Ibne Anas Apna Naam Sunte Hi Jhat se Bol Pada Ke Qatile Imam Par La'nat hai, Qatile Hussain To Shimar Zill Joshan hai, Tamam Darbari bhi Tasdik Karne Lage Ke Waqayi Qatile Imam To Shimar hi hai Magar Shimar bhi Saaf Inkar Kar Gaya...

🎴Yazeed Ne Gusse Se Kaha Ke Akhir Kisi na Kisi ne To Qatl Kiya Hi hoga, Yazeed Ke Tewar Dekhkar Shimar ko bhi Josh Aa Gaya Kehne Laga..

📿ME KYO QATL KARNE LAGA HUSSAIN KO KYA HUSSAIN NE MERI KOI SALTANAT DABA RAKHI THI BALKE ASAL QATIL TO WO HAI JISKO KHATRA THA KE AGAR HUSSAIN ZINDA RAHE TO MERI SALTANAT BAKI NAA RAHEGI QATILE HUSSAIN WO HAI JISNE QABEELE KO JAMA KIYA, UNHE HATHIYAR DIYE JAGIRE DI, ZAR-W-JAWAHIR DIYE AUR QATLE HUSSAIN PAR UBHARA AUR KHUD ISHRAT QADAH ME BETHA RAHA AUR DUSRO KE ZARIYE APNA MAKSAD HASIL KIYA...

🛡Yazeed Samaj Gaya ki Sari Bate Usipar Boli Ja Rahi hai Kehne Laga Tum Sabpar Khuda ki La'nat Ho Sab ke Sab Yaha se Chale Jao...

🎴Uske Bad Yazeed Imam Zain'Ul'Aabedin Se Kehne Laga Ke Qatile Imam Ka Mutalba To Darguzar Kijiye Baki Aapke Tamam Mutalebat(Sawal) Muje Manzoor hai...

⛩YAZEED SAWAL MANZOOR KARNE KE BAD...

🎴Uske Bad Yazeed Jama Masjid Pahocha To Dekha ke Shaan ke Tamami Umra-W-Raees Jama hai Sochne Lage Ke Kahin Esa Na ho Ke Imam Zain'Ul'Aabedin  رضی الله عنہ Ke Khutba Padhne se Mera Bana Banaya Kaam Bigad Jaye Fouran Ek Shami Khatib Ko Ishara kiya Wo Fouran Mimbar par Chadd Gaya Aur Khutba Shuru Kar diya...

🛡Khutba Kya tha ! Jooth Ka Jeeta Jagta Shahkar Tha Jisme Aale Abu Sufyan Ki Beja Tarif Aur Aale Abu Talib Ki Tehkir-W-Tazlil Aur Sibte Payambar ki Buraiya Thi, Imam Zain'Ul'Aabedin رضی الله عنہ  Ki Gayrate Imami Is Galat Bayan ko Bardasht na Kar Saki Aap Khade ho Gaye Aur Aage Badhkar Farmaya...

📿AYE SHAAMI TU INTEHAYI JOOTHA AUR FITNA PARWAR KHATIB HAI EK FASIK FAJIR SIYAHKAR BANDE KI KHUSHNUDI KE LIYE ALLAH TAA'LA KI NA'FARMANI KAR RAHA HAI...

🎴Fir Farmaya Aye Yazeed Tune Mujse Wa'da Kiya Tha Ke Aaj Muje Khutba Padhne ka Mouka Dega Fir Ye Wa'da Khilafi Kesi ??

🛡Yazeed Is Buri Harkat ke Ba'wajood bhi Imam Zain'ul'Aabedinرضی الله عنہ  ko Khutba Padhne Nahi Dena Chahta tha Magar Hazrin-E-Masjid Khade ho Gaye Aur Israr Karne Lage Ke Ahle Bait Ki Shaane Khitabat Badi Be'Misl Hai Aaj Hum Unhi ka Khutba Sunna Chahte hai...

🎴Yazeed Apne Hawariyo se Mashwara Karne Laga Ke Imam Zain'ul'Aabedin رضی الله عنہ Us Khandan Se Talluk Rakhte hai Jiski Fasahat-W-Balagat Ka Arab'W'Ajam Me Danka Baj Raha hai, Kahin Esa Na ho Ke Ye Hashmi Sher Apni Shandar Fasahat-W-Balagat se Pasa Hi Palat de 

🛡Yazeed ke Bahin Khawaho ne Jawab De diya Ke Abhi Bacche haj Itna Salika Kaha Ummad hai Ke Wa'az W Nasihat Karke Khutba Khatm Kar Denge Majboor Hokar Yazeed ne Apko Khutba Padhne ki Ijazat di....

⛩IMAM ZAIN'UL'AABEDIN رضی الله عنہ JAMA MASJID KE MIMBAR PAR...

💈Hazrat Imam Zain'ul'Aabedin رضی الله عنہ Mimbar Par Tashrif Laye Aur Khutba Shuru Farmaya Hamd-W-Naat Bayan Farmane Ke bad Apne Jo Kalemat Irshad Farmaye Unko Allama Abu Ishak Isfaraini رضی الله عنہ Ne Apni Qitab "NOOR'UL'AYEN FEE MASHHADIL HUSSAIN" Me Bahut Tafseel Se Naql Farmaya hai Us Kalemat Ka Mafoom Apke Samne hai..

🎴AYE LOGO ME TUMHE NASIHAT KARTA HU KE BACHO DUNIYA AUR USKE FAREB KARIYO SE KYONKE YE WOH JAGAH HAI JO ZAWAL PAZEER HAI ISKE LIYE BAKA NAHI ISNE GUZISHTA QOUMO KO FANAH KAR DIYA HALANKE TUMSE ZYADA UNKE MAAL THE UNKI UMRE TUMSE KAHIN ZYADA LAMBI THI..

🛡UNKE JISMO KO MITTI NE KHAA LIYA AUR UNKE HALAT PEHLE KI TRAH NAHI RAHE TO AB TUM UNKE BAD DUNIYA-W-MA'FIHA SE KIS TRAH BEHTARI KI UMMID RAKHTE HO, AFSOS AFSOS, KHABARDAR HOSHYAR HO JAO KE IS DUNIYA SE LIPAT REHNA AUR ISI ME MASHGOOL REHNA BE'FAYDA HAI, LIHAZA APNI GUZISHTA AUR AAINDA KI ZINDAGI PAR GOUR KARO...

🎴NAFSANI KHAWAISHAT SE FARIG HONE AUR UMR KI MUDDAT KHATM HONE SE PEHLE IS DUNIYA ME NEK KAAM KARO JINKA ACHA SILA TUMHE AAINDA MILEGA, KYONKE IN UNCHE-UNCHE MEHLO SE BHOT JALD QABRO KI TARAF BULAYE JAOGE...

🛡AUR ACHE BURE KAAMO KE BARE ME TUMSE HISAB LIYA JAEGA KHUDA KI KASAM BATAO KITNE TAJIRO KI HASRATE PURI HUYI AUR JITNE JABIR HAI JO HALAKAT KE GADHDHO ME GIRE JAHA UNHE NADAMAT NE KOI BHI FAYDA NAHI DIYA AUR NA ZALIMO KO USKI FARIYAD RASI NE...

🎴AUR ISI KA SILA UNHONE PAYA JO KUCH UNHONE DUNIYA ME KIYA THA, AUR AYE NABI APKA RABB KISI PAR ZULM NAHI KARTA....

⛩IMAM ZAIN'UL'AABEDIN رضی الله عنہ JAMA MASJID KE MIMBAR PAR KHUTBA DETE HUWE...

⤵Aapne Aage Khutba Irshad Farmaya..

🎴AYE LOGO ! Jo Muje Pehchanta hai Woh Pehchanta hai, Aur Jo Nahi Jante Use Apna Taa'ruf Karwata hu...

🛡Mera Naam Ali hai Aur Me Hussain Ibne Ali Ka Beta hu, Me Fatma Zahra Ka Lakhte Jigar Hu, Me Khadijatul Kubra Ka Farzand AarzuMand hu..

🎴Me Makkah Zaada Aur Safa-W-Marwah Ka Aur Meena Ka Baccha hu, Me Us Zaate Shifat Ka Beta hu Jispar Malayka-E-Aasman Salato Salam Padhte hai...

🛡Me Uska Beta hu Jiske Mutallik Bari Azz-w-Jall Ka Irshad Hai "DANA FATA'DALLA FA'KANA QAB'KOUSEN-AW'ADNA" Me Uska Beta hu Jo Shafa'ate Kubra ka Malik hai Me Uska Beta hu Jo Qayamat Ka Saaqi'E'Kousar Ka Aur Jo Qayamat Ke Din Sahibe Alam Hoga, Me Sahibe Dalaeel Aur Mojizat Ka Beta hu...

🎴Me Uska Beta hu Jo Karamato ka Malik Aur Sahibe Qur'an Hai, Me Uska Beta hu Us Sardar ka Jo Qayamat ke Din Maqam-E-Mehmood par Faeez Hoga...

🛡Me Sahibe Sakha-W-Ata ka Beta Hu, Me Is Sehanshahee Zii Vikar ka Beta hu Jise Darlhashinda Taaj Pehnaya gaya, Me Beta hu Sahibe Burak ka..

🎴Me Aabid-W-Zahid ka Beta hu, Me Wafa Karne Wale Ka Beta hu, ME Khuda-E-Malik-W-Mabood Ke Rasoole Barhaqq Ka Beta hu, Me Abraro Ke Sardar ka Me Beta hu Uska Jispar "SUREH BAQAR NAZIL KI GAYI" Me Uska Beta hu Jiske Liye Bahishto Ke Darwaze Khole Jayenge..

🛡Me Uska Beta hu Jiske Liye Jannate Rizwan Makhsoos hai, Me Uska Beta hu Jiska Ser Hatheliyo par Ghoomaya gaya, Me Uska Beta hu Jisne Pyaase Jaan Di..

📿ME BAANI-E-KARBALA KA BETA HU, ME USKA BETA HU JINKE AMAME AUR CHADARE CHEEN LIYE GAYE, ME USKA BETA HU JISPAR AASMAN KE FARISHTE ROYE...

🎴AYE LOGO ! Khuda Ne Achi Aazmaish ke Sath Humara Imtehan Liya Hume Ilm-W-Hidayat Ata Farmayi Aur Humare Mukhalifo ko Gumrahi Ka Jhanda Pakdaya Aur Hume Jhumla Aalamin Par Buzurgi Ata Farmayi Hume Woh Diya Jo Ahle Aalamin Me Kisi ko Na Diya..

🛡Aur Hume 5 Cheezo Se Makhsoos Farmaya Jo Makhlook me Kisi Me Nahi Payi Jati Yani "ILM, SHUJA'AT, SAKHAWAT, MUHABBATE KHUDA, AUR MUHABBATE RASOOL" Aur Hume Woh Ata Farmaya Jo Makhlook me Kisi ko Ata Nahi Farmaya...

🎴Hazrate Jafar Sadiq رضی الله عنہ Farmate Hai Ke Is Khutba Ka Ye Asar Huwa Ke Log Cheekh-Cheekh kar Rone Lage Aur Is Qadr Hizan Badha ke Yazeed Ne Gabhrakar Muazzan ko Azan Kehne Ka Ishara Kiya Muazzin ne Azan Dena Shuru Kar di...

🛡Jab Muazzin Ne "ALLAHU AKBAR" Kaha To Imam Ne Jawab Diya "BESHAK ALLAH SABSE BADA HAI...

🎴Fir Muazzin Ne Kaha "ASH'HADU AN'LAA ILAHA ILLALLAH" Aur Jab Muazzin Ne Kaha "ASH'HADU ANNA MUHAMMADAR RASOOLALAH"

🛡To Hazrat Imam Zain'Ul'Aabedin رضی الله عنہ Ne Farmaya "AYE MUAZZIN TUJHE KASAM HAI KHUDA KI ZARA CHUP REH JAB MUAZZIN CHUP HUWA" Aapne Yazeed Se Farmaya..

📿AYE YAZEED SACH KEH KYA MUHAMMAD ﷺ MERE NANA HAI YA TERE ? AGAR TU KAHE KE MERE HAI TO TUNE SACH KAHA AUR AGAR TU KAHE KI TERE HAI TO TU JOOTHA HAI...

🎴Yazeed Ne Kaha Beshak Huzur ﷺ Apke Nana hai To Imam Zain'Ul'Aabedin رضی الله عنہ  Ne Farmaya Zalim Jab Tu Ye Sab Janta tha To "KYO QATL KIYA UN KUMBE KO ? AUR KYO GALIYA DI UNKI HARAME MOHTARAM KO ??

🛡Ye Sunkar Yazeed Khamosh Ho Gaya Aur Ahle Masjid Cheekh Markar Rone Lage Aalam Ye Ho Gaya ke Yazeed Ko Apni Jaan ke Laale Padd Gaye Aur Wo Ghabhra Gaya...

⛩YAZEED KA JOOTH...

🎴Yazeed Aapke Khutbe se Aur Apki Is Guftagu se Itna Darr Gaya ki Kehne Laga "Aye Logo Kya Tumhara Guman Hai ke Mene Hussain Ko Qatl Kiya hai ?? Allah La'nat Kare Hussain Ke Qatil Par Aur Unko Qatl Karne Wala Aamile Basra Ubaidullah Bin Ziyad hai...

🛡Uske Bad Fir Yazeed Ne Huqm Diya ke Jisne Imame Hussain Ke Ser-E-Mubarak Ko Jisme Aqdas Se Juda Kiya Hai Aur Jo Uske Madadgar The Un Tamam Ko Mere Samne Laya jaye Sabse Pehle Shish Rabayi Aaya To Yazeed Ne Usse Kaha "Afoso Tujhpar Kya mene Tujhe Qatle Hussain Ka Huqm Diya tha ???

🎴Shish Rabayi Ne Kaha Hargiz Nahi Uspar Khuda ki La'nat ho Jisne Unhe Qatl Kiya Aur Ishara Kiya Khawli Bin Yazeed Ki Janib Yazeed Ne Khawli Se bhi Wahi Sawal kiya Khawli ne Bhi Wahi Jawab Diya Jo Shish Rabayi ne Diya Tha, Garz Ke Sawal-W-Jawab Hote-Hote Hasin Bin Tumair Tak Baat Pahuchi Usne bhi Inkar Kiya Aur Kaha Ki "TU JAAN KI AMAAN DE TO QATILE HUSSAIN KA PATA BATA DU" Yazeed ne Kaha Amaan hai Tumair ne Kaha..

📿AYE AMEER BESHAK YE KAAM USKA HAI JO NISHAN KAYAM KARNE WALA HAI MAAL-W-ZARR DENE WALA HAI, LASHKAR JAMA KARNE WALA HAI JISNE KHATT BHEJKAR WA'DA KHILAFI KARAKE UNHE BULAYA WAHI IMAAM KA QATIL HAI....

🛡Hasin Ibne Nazir Ke Jawab Se Yazeed Maare Gusse ke Aape Se Bahar ho Gaya Aur Jame Masjid se Uthkar Ghar Chala gaya...

🎴Yazeed Ka Jama Masjid se Ghar Aa jane ke Bad Uski Pareshan Haali Ko Dekhkar  Uski Biwi Hindah Qareeb Aayi Aur Kaha Aaj Raat Mene Khawab Dekha Hai Ke Aasmano ke Darwaze Khule hai Farishto ki Jama'ate Aa rahi hai Aur Ser-E-Imam Ke Kareeb Aakar Rukti hai Aur Arz Karti hai "ASSALAMO ALAYKA YA ABU ABDULLAH" Itne me Ek Badal Aasman Se Utra Yun To Usme Bahut Aadmi hai Lekin Ek Saksh Ese Hai ki Chaand se kahin Zyada Unka Chehra Roshan-O-Munawwar Hai Wo Aage Badhe Aur Ser-E-Imame Paak Ke Kareeb Pahochkar Bhot Roye Aur Farmaya...

📿SALAM TUJHPAR AYE MERE LAKHTE JIGAR AFSOS KE TUJHE QATL KIYA AUR EK-EK GHOONT PANI TAK TUJHPAR BAND KIYA TUM YE SAMAJTE HO KE WO LOG TUMHE NAHI PEHCHANTE ME TUMHARA NANA MUSTAFA ﷺ HU YE TUMHARE BAAP ALI-E-MURTUZA HAI YE TUMHARE BHAI HASAN HAI AUR YE TUMHARE CHACHA JAFARE TAIYYAR HAI...

🛡Yazeed Ne Jab Ye Pura Khawab Suna to Mutafakkir Huwa Sochne laga, Iske Bad Saiyedna Iman Zain-Ul-Aabedinرضی الله عنہ Ko Bulaya Aur Kaha Ke Aye Imam Jo Kuch Hona Tha Ho Chuka Agar Aap Rehna Chahe To Bakhubi Qayam Farmaye Me Khidmat ke Liye Hazir Hu Aur Agar Jana Chahe To Safar ka Intezam Karwa du....

🎴Imam Zain'Ul'Aabedin رضی الله عنہ Ne Farmaya Ke Imame Aali Maqam To Humse Juda Ho Hi Chuke Hai Dimashq Me Koi Hashmi Quraishi Baki nahi Unhe Dhoondh-Dhoondh Kar Qatl Kar Diye gaye Ab Yaha Rehne Se Fayda bhi kya Ab To Tamanna Yahi hai Ke Madina Jakar Roza-E-Rehmatul Aalamin Ki Thandi Chaanw Me Baki Ki Zindagi Guzaru....

⛩DIMASHQ SE MADINA MUMAWWARA KO RAWANGI....

🎴Ek Hafte Ke bad Yazeed ne Kuch Umda Libas Aur Kuch Rupiya Hazrate Zainab رضي الله تعالى عنها Ki Khidmat me Pesh Kiya Aur Kehne Laga "AYE ZAINAB YE MAAL MAT'AA AAPKI MUSBAT KE BADLE PESH KARTA HU" Hazrate Zainab رضي الله تعالى عنها Ko Gussa Aya Farmane Lagi...

📿TUJHE SHARM NAHI AATI ROO SIYAH TU MERE BHAI KO QATL KARKE KEHTA HAI YE IWAZ(BADLA) LE LO...

🛡Ye Kehkar Aapne Sara Maal Wapas Kar Diya Aakhir Yazeed ne 1000 Sawaro Ke Sath Apko Madina Munawwara Rawana Kar Diya Aur Rawana Karne ke Waqt Serha-E-Sohda Ko Kafur-W-Mushq Se Mua'ttar Karke Hazrat Imam Zain'Ul'Aabedin رضی الله عنہ Ke Supurd Kar diye...

🎴Sadate Kiram ka Loota Huwa Qafla Dimashq Se Rawana Hokar Jab 20 Safar Ko Medane Karbala Me Pahuchata Hai to Dekha Ke Lashe Sohda-E-Kiram Abhi Wese hi Be'Gour-W-Kafan Padi hai Zakhmo se Usi Trah Taaza Khoon Jari hai Agarche Garmi Ki Shiddat thi Lekin Zara bhi Fark Na Aya tha Imam Zain'Ul'Aabedin رضی الله عنہ Ne Yaha Aakar Qayam Kiya Aur Sohda Ke Sero ko Unke Ajsame Mukaddas ke Sath Milakar Dafn Kiya...

🛡Agarche Riwayato me Ikhtelaf hai Yani Ba'az Hazraat ka Qoul hai Ke Saiyedna Imame Hussain رضی الله عنہ Ka Ser Mubarak Dimashq Sehar se Bahar Dafn Kiya gaya Isi Trah Lashe Sohda Ke Kafan-W-Dafan Ke Silsile Me bhi Ikhtelaf hai....

🎴Allama Abu Ishak Asfirayni To Yahi Likhte hai Ke 20 Safar Ko Hazrat Imam Zain'Ul'Aabedin رضی الله عنہ  Ne Medane Karbala me Lashe Sohda Ko Dafan Kiya Aur Ba'az Logo ne Likha Ke Yazeediyo Ke Medane Karbala se Chale Jane ke bad Nehre Furat Ke Kareeb Aabad "GAZARIYA" Naami Gaanw ke Logo ne Aakar Dafn kiya Jese ke Iska Tazkira Isse Pehle Aa Chuka hai...

🎴Ab Arz Karbala Se Ye Qafla Rehmat-W-Barkat Wali Ser Zameen Yani Madina Ki Janib Rawana Hota hai Kya Kuch Guzarti Rahi Hogi Qalbe Ahle Bait Par Kitni Amal Angez Kefiyat Rahi hogi In Mazloomine Ahle Bait ki Humari KALAM Me Jasarat Nahi Ke Uska Tazkira Kiya Ja Sake..

🛡Bas Ek Qayamat Thi Jo Guzar Gayi Aur Ye Unhi Ke Azam Housla Ki Pukhtagi Thi Ke Muskurate Huwe Masaeeb-W-Aalam Ki Is Purkhar Waadi Ke Har Kaante Ke Zakhm Ko Bardasht Kar Liya Aur Zahir Na Hone Diya Ke "WAFA'SHIARO KE LIYE RAAHE MEHBOOB KA HAR KAANTA PHOOL SE ZYADA NAZUK AUR KUTF ANGEZ" Hota hai...

🎴Jis Waqt Ahle Baite Athar Ka Qafla Jaware Madinaturrasool Me Pahuchata hai To Sabse Pehle Hazrate Jabir Bin Abdullah Ne Iska Khair Qadam Kiya Fir Jese Khabar Hoti Gayi Ahle Madina Jama'at Dar Jama'at Hazir Hote Gaye Hazrate Umme Kulsum رضي الله تعالى عنها Ki Ye Kefiyat thi ke Zaar-W-Qatar Ro Rahi Thi Aur Zabane Paak se Ye Arz Karti Ja Rahi thi...

📿AYE NANA JAAN HUM APKE DAYARE PAAK ME HASRAT BHARE DILO SE LOUT AAYE HAI GAYE THE TO SAYA-E-PIDARI(WALID) HUMARE SERO PAR THA AUR MAAWO KI GOUDE AULAD SE BHARI HUYI THI, LEKIN AAJ HUM IS AALAM ME LOUTE HAI KE SAYA-E-PIDAR HUMSE JUDA HO CHUKA HAI YATEEMI KI KADI DHOOP HUMARE SERO PAR TAPP RAHI HAI MAAWO KI GODIYA SOONI AUR VIRAN HAI...

🛡Aage Arz Karti Hai ! Gaye The to Musharrat-E-Shadmani Qadmo Se Lipti Huyi Thi Aur Aaye hai To Ghum-W-Malal Wabiste Daman hai, Yaha The To Sabr-W-Sukoon Ki Doulat Se Mala Maal The Aur Aaj Loute Hai To Pareshaniya Daman Kusha hai...

🎴Jate Waqt Saiyedna Imame Hussain رضی الله عنہ  Humare Munees-W-Ghum Guzar The Aur Aaj Humare Munees Humse Juda Ho Chuke hai Aur Humari Aankhe Ashqbaar Hai Hume Yakeen hai Ke Har Haal Me Bari Azzwazal Humara Qafeel hai Aur Hum Sabro Raza Par Har Haal me Qayam hai..

🛡Humara Dil Humari Aankhe Agar Ro Rahi hai To Sirf Aur Sirf Firake Hussain me, Hum Apki Chahiti Aur Laadli Betiya hai Lekin Aye Mehboobe Khuda Aaj Humpar Ye Zulm Huwa ke Hum Ounto par Be Hijab-W-Be'parda Sawar hai....

🎴Imam Zain-Ul-Aabedin رضی الله عنہ Salare Qafla Ki Hesiyat se Aage Chal Rahe the, Jis Waqt Pahadiyo Ke Darmiyan Se Rehmatullil alameen Ke Gumbade Khazra Ki Noorani Tajalliya Nazar Aayi Be Sakhta Zabane Paak Par Durood Ke Mubarak Kalemat Jari Ho Gaye..

🛡Zakhmi Dil Ki Ek-Ek Chot Ubharr aayi Imam Zain-Ul-Aabedin رضی الله عنہ Ka Wo Qalbe Mubarak Jo Karbala Se Koofa Aur Koofa Se Shaam Tak Pesh Aane Wale Ek-Ek Masaeeb W Aalam Ka Sangin Chattan Bankar Mukabla Karta Raha, Lekin Gumbade Khazra Nazar Aate hi Use Yaara E Sabr Na Raha, Aankhe Bilak Padi Be Sakhta Pukare..

📿AYE ALLAH KE MEHBOOB, AYE BE'KASO KE FARIYAD RASS, AYE BE'SAHARO KE SAHARE, AAJ ME APKE JIGAR GOSHA SAIYEDNA IMAME HUSSAIN KO DASTE BE'KASHI ME SULAKAR DAYAMI FURQAT-W-JUDAYI KA GHUM LEKAR HAZIRE BARGAH HUWA HU...

🎴Madine Ki Ek-Ek Gali Kuncha Matam Qada Bana Huwa Tha, Ahle Madina Cheenkh Markar Ro Rahe hai, Hazrat Muhammad Bin Hanfiya رضی الله عنہ Beemar The Hakikat Ka Ilm Hote hi Be'qarar Hokar Bahar Nikal Aate hai Kamzori Hadd se Zyada thi Kuch Qadam Chalte Fir Beth Jate Ahle Bait ki Mazloomiyat Ko Dekhkar Zaar Katar Rone Lage Aur Pukare "WA HUSSAINA WA AAQAHO" Shiddate Ghum Ne Unhe Behosh Kar diya Jab Hosh Aya to Farmane Lage..

📿AFSOS ME YAHA RAHA, AUR MERE BHAI HUSSAIN MEDANE KARBALA ME MASAEEB-W-AALAM SE DO CHAR RAHE LEKIN MUJE KHABAR TAK NA HUYI KAASH ME BHI WAHA HOTA AUR UNKE JHANDE TALE APNA SER KATAKAR MUHABBATE AHLE BAIT KA FAIZ HASIL KARTA....

⛩QAFLA-E-AHLE BAIT MADINA SHARIF ME...

🎴Imam Zain-Ul-Aabedin رضی الله عنہ Roza-E-Rasoole Kareem Ke Qareeb Aaye Dast Basta Khade Hokar Arz Karne Lage...

📿AYE NANA JAAN ! DEEN KE DUSHMAN HUMPAR HUKMARANI KAR RAHE HAI AUR KASAM HAI ALLAH AZZWAZAL KI UNHONE HUMSE MUTALLIK APNA HAR MAKSAD HASIL KAR LIYA HAI AYE NANA'JAAN DUSHMANO NE HUMARE WALIDE MOHTARAM KO BADI TOUHEEN-W-TAHKEER KE SATH QATL KIYA HAI...*

🎴AUR Apke Jigar Gosha Aur Mere Walide Mohtaram Imame Hussain رضی الله عنہ Shiddat ki Bhook Aur Pyaas Ke Aalam Me Saheed Huwe Dushmano ne Unka Ser Mubarak Katkar Nezo Par Buland Kiya Lekin Wo Ser Mubarak Nezo par Esa Chamakta tha Jese Aasman Ki Bulandiyo par Choudhvi ka Chand Chamakta hai...

🛡Aur Dushmano Ne Hum Par Mazalim Ke Pahad Tode Humare Maal-O-Asbab Ko Cheen Liya Aur Humare Khemo Ko Loot Liya Humara Koi Maavin Na Madadgaar tha Unhone Humari Hizv-W-'Touheen Karne Ke Liye Ounto ki Nangi Pitho Par Sawar Karke Sehro ke Mashrik-W-Magrib Me Ghumaya Aur Dimashq Me Lakar Yazeed Ke samne Khada kar diya...

🎴Yazeed ne Kaha Me Ne Tumse Apna Maqsad Hasil Kar Liya Aur Tumhare Walide Muazzam ke Qatl se Muje Khushi Huyi Usne To Socha ke muje bhi Qatl Karke Meri Nasl Ko Munqata Kar De Lekin Meri Fufizaad Behan Door se Pukari Aur Hazrin Ne Shor Machaya To Yazeed ne Kaha ke Ise Chor Do Ke Ye Aazado me se hai Aye Nana'jaan Kal Qayamat Me Usse Humara Haq Lijiye Aur Kal Hashr me Faisla Kijiye...

🎴Hazrate Abdullah Bin Hanzala رضی الله عنہ Sahaba Ki Jama'at ko Lekar Hazrat Imam Zain-Ul-Aabedin رضی الله عنہ ki Khidmat Me Hazir Huwe Hazrate Imam Ne Daryaft Farmaya Ke Mujh Jese Musibat Zadah Mazloom Ke pas Aap Hazraat Kis liye Tashrif Laye hai..

🛡Hazrate Ibne Hanzala Aage Bethe the Aur Aane Ka Maqsad Tafseel se Bayan Karne Ke Bad Arz kiya Ke Huzur Hum log Koofi Nahi Hai Sarkare Aali Ke Jadde Amjad Ke Wafa Shiyar Gulaam hai Apni Jaane Hazrat ke Qadmo par Kurban Karne ka Ahad Karte hai Lihaza Hum Gulamo ki Tamanna hai Ke Huzur Apne Daste Mubarak Par Ja'Faroshi ka Ahad-E-Wafa Baandhe...

🎴Ye Sunna Tha Hazrate Zain-Ul-Aabedin رضی الله عنہ Ki Aankho se Aansu Jari Ho Gaye Farmaya Khudara Ab ye Tazkira-E-Bayt-O-Khilafat Mere Samne Naa Chedo Kahin Esa Naa ho Ke Dil Ke Bharne Wale Zakhm Se Fir Khoon Ki Dhaar Foot Pade Mere Zakhmi Dil me Ab Naye Zakhm ki Koi Gunjaish nahi...

🛡Karbala Ka Ek-Ek Manzar Har Waqt Mere Peshe Nazar Hai Bas Ab Mene Us Zaat se Apna Mua'mla Kar Liya hai Jo Be-wafa Nahi, Me Keh Raha hu Wo Sun Raha hai Me Apne Dil Ke Zakhmo ko Use Dikha raha hu Woh Dekh Raha hai Uske Darr ke Ek Sajda-E-Sokh Par Hazaro Takht-O-Taaj Kurban Khudara Ab Muje Us Darr se Hatane Ki Koshish Na karo Mera Dil Bahut Dukhi hai Ab Use Aur Na Dukhawo..

🎴Jab Sahaba Ne Aur Zyada Israr kiya to Aapne Farmaya Ke Agar Mera Is Madina me Rehna Aap logo ko Pasand Nahi to Aaj Hi me Is Garib-W-Mazloom Khandan Ko Sath Lekar Kahin Esi Jagah Chala jaunga Jaha Koi Mera Ghum Dubara Taaza Na kare Sahaba ne Apki Ye Kefiyat Dekhi to Khamosh ho Gaye Aur Hazrat Abdullah Bin 

Hanzala رضی الله عنہ Ki Bayet Ba'Dastoor Baki Rahi.....

🎴Hazrate Abdullah Bin Hanzalaرضی الله عنہ Farmate The ki Khuda ki Kasam Humne Sirf Is Khouf se Yazeed Ki Bayet se Inkar kiya ki Kahin Esa na ho Ke Humpar Aasman Se Patthar Barasne Lage Aur Humare Upar Azabe Ilahi Ka Nuzool Shuru Ho Jaye...

🛡Yazeed Chunke Janta tha Ke Jab Tak Imame Hussain رضی الله عنہ Ka Wajood Baki hai Meri Fasikana-W-Fajirana Tamannao Ko Azadi Naseeb Nahi Ho Sakti Isliye Ke Nawasa-E-Rasool Meri Kajravi Aur Be'Rahvi ko Kisi Keemat par Bardasht na Farmayenge Lihaza Arze NENWA Me Ye Zulm-O-Sitam Ka Ye Drama Stage Kiya gaya Aur Yahi Wajah Thi ke Sahadate Imam Iske Liye Musarrat Ka Baees Huyi..

🎴Hazrat Imam Aali Maqam Ka Is Darefani Se Koonch Karna Tha ke Yazeed Khulkar Khel Khela *ZINA, LAWALAT, HARAMKARI, BHAI BEHAN KA BIYAH, SOOD, SHARAB,* Bilelaan Riwaj Paye Gaye Jaha Tak Uski Shakawat Apne Johar Dikha Saki Gunaho Aur Jurm Ke Jitne Gull Khila Saki Usne Koi Kasar Baaki Na Chori...

⛩AHLE MADINA SE YAZEED KI BAYT NA KARNE PAR YAZEED KI KHABASAT...

🎴Yazeed ki Shaqawat-W-Siyah bakhti ka Isse Andaza Lagaya Ja Sakta Hai Ke Jis Waqt Use Ye Ittela Mili Ke Ahle Madina Ne Uski Bayt Tod Di hai Aur Aamil-E-Madina Usman Ko Sehar se Bahar Nikal Diya hai Isse Wo Aag Babula Ho Gaya Aur Madina Par Hamle ki Taiyyari Shuru Kar di..

🛡Yazeed Ko Madinat-Ur-Rasool ﷺ Par Hamla Karne Wali Shafi Fouz Ke Liye Ese Zaleem-w-Jabir Salar ki Zaroorat thi Chunache Mashoor hai *"JOINDA BAINDA"* Dhoondhne Wala Paa hi Leta hai Yazeed ki Nigaho Ne *"MUSHARRAF BIN UQBA"* Jese Shaqi-Ul-Qalb Ko Khouj Nikala..

🎴Jis Waqt Yazeed Musharraf ke Pas Gaya Aur Madina Munawwara Par Hamla Karne Aur Lootne Ka Naapak Irada Pesh Kiya To Bawajood Ye ki Musharraf Falij Ke Asar Se Qareeb-Qareeb Uthne Bethne se Mazoor Tha Lekin Joshe Shaqawat Se Uthkar Beth Gaya Aur Kasam Khakar Kehta hai Ke Aye Ameer-Ul-Momineen(Yazeed) Apne Husool-E-Maksad ki Khatir Itna Sahi Intekhab Kiya hai Ke Mujse Behtar Koi Dusra nahi Ho Sakta Aur Ye Eham Kaaam Mere Alawa Koi Dusra Anjam Bhi Nahi De Sakta...

⛩YAZEED KI FOUZ KA MADINA PAR HAMLA...

🎴Yazeed Ne Takriban 20,000 Paydal Aur Sawar Fouz Musarraf Ki Ser Qaddagi Me Madina Munawwara Ki Janib Rawana Kar Di Ke Agar Ahle Madina Meri Bayet Qabool Kar le To Behter hai Warna Bila Roktok Musalmano ko Qatl Karna Aur Unka Maal-W-Asbab Loot Lena Aur Kisi Qism ki Ria'yat na Baratna..

🛡Khabees Musarraf Khud To Intehayi Sangdil Jabir-W-Zalim Tha hi Lekin Yazeed Ke Is Huqm Ne Jalti Aag Par Tail(Oil) Ka Kaam Kiya Uski Shaqawat-E-Khabasat Dugni ho Gayi Hathiyaro Se Bhari Yazeedi Fouz Madina Munawwara Par Puri Quwwat se Hamla Aawar Huyi Ahle Madina Yazeed ki Hathiyar Bandh Fouz Ke Hamle ki Taab na Laa Saki...

🎴Musarraf Ne Madina Munawwara Par Galba Pate hi Apni Fouz me Elaan Kar diya Ke Ahle Madina me Se Jise Pawo Qatl Kar do Jo Saman Pawo Loot lo Aur Mene Musalman Aurto ko Tumpar Halal Kar diya.. *Maaz'ALLAH..*

🛡Is Huqm Ka Sunna Tha Ke Yazeedi Khel-Khele Takriban 1700 Muhajirin-W-Ansar Sahaba-E-Kiram-W-Taba'een Uzzam Saheed Kiye gaye, 700 Hafiz-E-Quran 97 Sardarane Quraish Aur Takriban 10,000 Aam Mard-W-Aurat Aur Bacche Qatl Kiye gaye Yazeediyo Ne Aam Musalmano ke Sath Jo Na'Rawa Sulook Kiya Wo To Muhtaje Bayan nahi...

🎴Lekin Muqadddas Sahaba-E-Kiram Ke Gharo Me Zabardasti Dakhil Hokar Wo Loot-Maar Machayi Aur Badtameezi Be'hayayi Ka Nanga Naach Nacha Ke Ek Ba'Gairat Insan Uske Khayal Se Kaanp Uthtta hai Yazeed ke Be'sharm Aur Be''Gairat Fouziyo ne Madina Munawwara ki Muqaddas Khawatin Ki Bil-Jabr Asmat Dari(Izzat ke Sath Khilwad) Ki Aur Unke Damane Iffa'at-W-Asmat Ko Taar-Taar Karke Rakh Diya Jiska Nateeza Ye huwa  Ke 1000 Aurto ke Badan se Najaiz Aulade Payda Huyi..

*Allahu Akbar..*

🎴Wo Muqaddas Masjide Nabawi ﷺ Jiske Farkh Shahi Ko Qadame Naaze Rasool Hi Nahi Balke Saiyed-Ul-Mursalin Ki Roshan Peshani Choomne ka Bhi Sharf Hasil hai Jo Nabi-E-Kareem ﷺ Ke Sahaba ki Ibadat Gaah bhi hai Jiska Ek Tukda Jannat ki Kyari me Se Ek Kyari jai Jisme ek Namaz Ka Sawab 70 Namazo ke Barabar hai..

*📿AAJ YAZEEDI KUTTO NE USI MASJID KE MUQADDAS SUTOON(KHAMBE) KE SATH APNE GHODE BAANDHE HUWE HAI KAYI ROZ TAK MASJIDE NABAWI KUTTO, BILLIYO AUR GHODO KI NAPAKI SE AALUDAH RAHI...*

*🎴ALLAHU AKBAR...*

*⛩EK SAWAL:-*

🛡Aaj Ke Yazeedi Jo Yazeed ki Himayat Me Na Jane Kitne Khud Saakhta Batil Dalaeel Ka Izhar Ja'baja Karte Firte hai Kya Wo Ye Batane ki Zehmat Kar Sakte hai Ki..

*🎴YAZEED* Ko Adawat thi To Ahle Madina Se Isliye ke Unhone Uski Bayet Se Inkar Kar Diya Tha Lekin Masjide Nabawi Sharif Ne Use Kya Nuksan Pahuchaya Tha Uski Konsi Saltanat par Qabza Kar Rakha tha Jis Bina Par Masjide Nabawi Ki Hurmat-W-Taqaddus Se Esa Sharmnaak Ghinowna Aur Naapak Khel Khela Gaya Jiski Misal Rehti Duniya Tak Nahi Mil Sakti Na Mil Sakegi Aur Ye Yazeed ki Kesi Musalmani Thi Ke Ba'naame Islam Khilafat ka Da'wa Aur Markaze Islam Ki Usike Hatho Ye Zillat-W-Ruswayi...

⛩AZAAN KI AAWAZ...*

🎴Hazrate Saeed Ibne Maseeb رضی الله عنہ Farmate hai Ke Jis Waqt Yazeedi Masjide Nabawi Sharif ki Izzat-W-Hurmat ki Barbadi Kar Rahe The Us Waqt Me Hi Jo Dèewana Waar Masjide Nabawi Ke Daro-W-Deewar Se Lipatkar Aansu Bahaya Karta tha...

🛡Shaami Muje Dekhte Aur Haste Huwe Ye Kehte Guzarte Ke Ye Deewana Yaha Na Jane Kya Karta Rehta hai Namaz Ka Waqt Hota To "ROZA-E-MUQADDAS SE AZAN-W-TAKBEER" Ki Awaz Aati Me Usi Se Apni Namaze Ada Kar Leta tha..

🎴YAZEEDIYO Ki Kaminapan Ki Misal Shayad hi Mil Sake Ke Jab Lootte Khasutte Hazrat Saiyedna Abu Saeed Hazri رضی الله عنہ  Ke Makan Me Pahuche Aur Un Ba'Azmat Zaleel-Ul-Qadr Sahaba Ke Yaha Kuch Na Paya To Aapki Daadhi ke Baal Nooch Liye Aur Unhi Baalo ko Lekar Chale Gaye..

🛡Madina Aur Ahle Madina Par Musarraf Ke Mazalim Ki Ijmali Dastan Aapne Padhi Ab Ye Shaqi Azali Madina Munawwara Se Janibe Makkah Rawana Hota Hai Isliye Ke Yazeed Ne Huqm Diya tha Ke Madina Munawwara se Nipat lo Uske Bad Makkah Par Hamla Karna...

🎴MUSARRAF Abhi Makkah Pahucha bhi Nahi tha Ke Raaste me hi Azabe Ilahi ne Use Apne Khoufnaak Panje me Jakad Liya, Uska Pet Mawad Aur Peep Se Bharkar Tanoor Ke Misl Fool Gaya, Aur Itni Taklif Badhi ke Har Waqt Tadapta Rehta tha Aur Esi Shiddat ki Tadap Ke Jiske Liye Mahi-E-Be"aab ki Tadap Ki Misal Koi Munasibat Nahi Rakhti..

🛡Garz Ke Isi Taklif Aur Zillat-W-Ruswayi Ke Sath Mout ne Use Wadi-E-Jahannam Dhakel Diya Marte Waqt Usne Yazeed ke Kehne ke Mutabik Hasin Bin Nazeer ko Apna Charag De diya...

⛩MAKKAH PAR YAZEEDIYO KA HAMLA AUR ABDULLAH BIN ZUBAIR رضی الله عنہ....*

🎴Saiyedna Ameer Muaviya رضی الله عنہ Ke Wisal Ke Bad Jab Yazeed Takhte Hukumat Par Aaya Aur Aamil-E-Madina Ke Pas Ahle Madina Se Bayet Lene Ke Liye Ehkam Bheje To Usi Waqt Saiyedna Abdullah Bin Zubair رضی الله عنہ  Madina Munawwara Se Makkah Sharif Chale Aaye Aur Ahle Makkah Ne Aamile Makkah Ko Nikalkar Hazrat Abdullah Bin Zubair رضی الله عنہ Ke Hath Par Bayet Kar Li Aur Unhi ki Apna Haqim Tasleem(Maan) Liya Tha..

🛡Chunache Us Waqt se Lekar Aaj Tak Jab ke Hasin Ibne Nazir Makkah Par Hamla Karne ki Niyyat se Aa Raha tha, Makkah Sharif me Saiyedna Abdullah Bin Zubair رضی الله عنہ Hi Ki Hukumat Thi...

🎴Hazrat Abdullah Bin Zubair Ka Tazkira Aa Hi Gaya to Aapka Mukhtasar Ta'ruf Karwa Diya jaye Jisse Is Bat Ka Ba'khoobi Andaza Lagaya Ja Sakta Hai Ke Yazeediyat Kesi-Kesi Mutabarrik Aur Muqaddas hastiyo Se Namurad Aazma Huyi Aur Kese Unhe Apne Zulm-O-Sitam ka Nishana Banaya...

🛡Hazrat Abdullah Bin Zubair  رضی الله عنہ Saiyedba Abu'Bakr Siddiq رضی الله عنہ Ki Sahabzadi Hazrat Asma Ke Buland Iqbal Sahabzade hai, Ya'ni Saiyedna Abu Bakr Siddiq رضی الله عنہ Ke Nawase, Jab Huzur Sarware Qaynat ﷺ Aur Musalmano Ne Makkah se Hijrat Karke Madina Munawwara Aa Gaye To Kuffare Makkah Kehte the Ke Musalmananane Madina ki Goud Aulad Se Khali Rahegi Isiliye ke Humne Jaadu Kar diya hai...

🎴Hijrate Nabawi Ke 20 Mahine Bad Musalmano Me Sabse Pehle Jis Bacche Ki Pedaish Huyi Wo Hazrate Abdullah Ibne Zubair رضی الله عنہ Hai, Apki Pedaish Se Khud Huzur Ki Aur Madina Ke Musalmano Ko Intehayi Khushi Huyi thi Hazrate Asma رضي الله تعالى عنها Jab Apko Sarkar Ko Khidmate Aqdas Me Lekar Hazir Huyi To Huzur ne Apni Goud Me Lekar Ek Khajur Dandane Mubarak Se Kuchal Kar Aapke Munh me Daal Di Aur Talwe Par Laga diya Aur Khoob Duwaye Khair-O-Barkat Farmayi...

🎴Yazeedi Fouje Madina Munawwara Me Apni Kamingi Ka Khula Huwa Mujahira Karne Ke Bad Hasin Bin Nazeer Ki Ser Daradgi Me Makkah Muazzama Par Hamla Aawar Huyi Jis Waqt Yazeedi Fouje Makkah Pahuchi, Pehle To Hazrat Ibne Zubair Ne Makkah Ke Bahar hi Hamla Aawaro Ka Mukabla Kiya Lekin Halat ki Saazgar Na Paya to Sehar me Wapas gaye..

🛡Aur Sehar Ke Darwaze Band Kar Diye Yazeediyo Ne Charo Taraf se Makkah Muazzama ko Gher Liya Unki Nigaahe Badd Me Naa To MADINATURRASOOL Ki Koi Azmat-W-Wuk'at Thi Aur Na Baitullah Sharif Ki, Yaha bhi Apni Khabasat Aur Kaminepan Ke Izhar Me Kasar Nahi Rakhi...

🎴Minjanik(Patthar Fekne Wala Hathiyar) Ke Zariye Khana-E-Qaba Par Musalsal Itni Kasarat Se Patthar Barsaye Ke Sehan-E-Qaba Me Har Taraf Pattharo Ke Dher Nazar Aate The, Masjide Haram Ke Kayi Sutoon Saheed Kar Diye Gaye Gilafe Qaba Jala Diya, Baytullah Sharif Ke Darwaze Ka Parda Nikalkar Aag Me Daal Diya...

🛡Yaha Tak Ke Wo *"MENDHA JO JANNAT SE HAZRAT ISMAIL KE FIDIYE ME AAYA THA USKE DONO SING KHANA-E-QABA KI CHATT ME LAGE HUYI THE"* Yazeediyo Ne Unko bhi Na Chora Jalakar Khaak Kar diya...

🎴Garz Ke Kayi Din Tak Khana-E-Qaba Bager Libas Raha, Achanak Ek Din Gairate Haq Ke Jalal Ke Aasar Aasman Se Zahir Huwe Intehayi Tez Aur Pareshan Kunn Hawa Chalne Lagi, Jis Minzanik Ke Zariye Khana-E-Qaba Par Patthar Barsaye Gaye The Wo Minzanik Aur Uske Chalane Wale Sab Ke Sab Jalkar Khaak Siyah Ho Gaye..

🛡Abhi Yazeedi Is Qehre Ilahi ko Dekhkar Sehme Aur Dare Huwe the Ke Usi Din Yazeed Paleed Ki Mout ki Khabar Mili, Hasin Bin Nazeer Aur Uske Kamine Sathi Abhi Qaba Muazzama Ki Izzat-W-Aabru Se Jee Bharkar Khel bhi Na Sake The Ke Marge Yazeed Ne Unme Inteshar Payda Kar Diya Yazeed Ke Shami Fouji Intehayi Sirasimgi ke Aalam me Bhaag Khade Huwe...

🏵YAZEEDIYO KA IBRATNAAK ANJAM🏵*

🎴Qatilane Imame Hussain رضی الله عنہ Aur Unke Sathiyo Me Se Koi Saksh Esa Na Raha Jo Mout se Pehle Zaleel Na Huwa ho Wo Sab Ke Sab Qatl Huwe Ya Aksar Masaeeb Me Giraftaar Huwe..

📚(SHAWAHUDUN NABUWWAH)

*⛩EK LAAKH CHALIS HAZAR(1,40,000)...*

🛡Hazrat Saeed Bin Zubair رضی الله عنہ  Ne Hazrate Abbas رضی الله عنہ  Se Riwayat ki Hai Kr Huzure Akram ﷺ Par Yahya عليه السلام Ki Sahadat Ke Mutallik Wahi Aayi Ke Aye Mehboob YAHYA Bin Zakariya Ke Ser Ke Badle Mene 70,000 Aadmi Maare Aur Apke Laadle Hussain Ke Badle Me 1,40,000 Na'bkaro Ko Halak Karunga..

*⛩AATISHI TABOOT...*

🎴Sahifaye Razviyah Jo Hazrat Ali Moosa رضی الله عنہ Ki Tasnif Hai, Ek Behtareen Qitab hai Usme Aapne Tehrir Farmaya Hai Ke Qatelin Imam Hussain رضی الله عنہ Ek AATISHI TABOOT Me Honge...

🛡Lohe Aur Aag Ki Zanjiro Se Unke Hath Per Bandhe Huwe Honge, Aur Us Taboot se Is Qadr Badboo Aati hogi Ke Dozakh Ke Farishte bhi Khuda se panah Mangenge....

⛩MUAVIYAH IBNE YAZEED....*

🎴Yazeed Ke Marne Ke bad Uske Mushirkaro ne Zabardasti Uske Bete Muaviyah Ibne Yazeed Ko Takht Par Bitha Diya Agarche Wo Barabar Inkar Karta Raha Muaviya Ibne Yazeed Ek Saleh Aur Muttaki Saksh Tha...

🛡Arakine Saltanat Ke Israr Se Majboor Hokar Takhte Hukumat Par Bethkar Ek Khutba Padha Jisme Is Bat ka Saaf Aeteraf-W-Elaan Tha KE Khilafat Na To Mera Haq hai Na Mere Baap-Dada Ka Haq Tha, Lihaza Me Takhte Khilafat Se Dastbardar Hota hu Ye Elaan Karne Ke Bad Muaviya Ibne Yazeed Ne Gosha Nashini Ikhtiyar Ki To 40ve Din Inteqal Ke Bad Us Goshe se Nikle..

🎴Muaviya Ibne Yazeed Ke Inteqal ke Bad Marwan Ibne Haqam Apni Chalaki Aur Ayyari Se Takht Par Qabiz Ho Gaya Lekin Use Zyada Din Huqumat Karne Ka Mouka Na Mila, Sann 65 Hijri Me Mout ne Use bhi Daboch Liya Marte Waqt Usne Apne Bete Abdullah Malik Ibne Marwan Ko Apna Janasheen Banakar Shaam-W-Misr Ki Hukumat Uske Hawale Kar di...

🛡Us Waqt Kefiyat Ye thi Ke Hijaz-W-Aeterafe Hijaz Me Hazrat Abdullah Ibne Zubair رضی الله عنہ Ki Khilafat Qayam thi Aur Shaam-W-Misr me Abdul Malik Ibne Marwan Ki Hukumat thi, Koofa Par Naa to Hazrat Abdullah Ibne Zubair رضی الله عنہ  Ka Asar-W-Iktidar Tha Aur Naa hi Abdul Malik Bin Marwan Ka Koi Ikhtiyar Tha..

🎴Ajeeb Kashmakash Ki Halat thi Is Soorate Haal se Fayda Uthate Huwe Mukhtar Bin Ubaid Saffi Ne Koofa Par Apna Pura Qabza Jama Liya Yeh *"MUKHTAR BIN UBAID SAFFI"* Wahi Saksh Hai Jiske Yaha *"IMAM MUSLIM"* Ne Sabse Pehle Qayam Kiya tha Aur Usi Ke Makan Me Ahle Koofa Se Hazrat *"IMAME HUSSAIN رضی الله عنہKI BAYET LI THI"*

🛡Mukhtar Bin Ubaid Saffi ne Barsare Iqtedar Aate hi Is Baat ka Ahad Kiya ke *"KARBALAYI ZALIMO ME SE EK KO BHI NA CHORUNGA AUR KHOON-E-IMAME HUSSAIN رضی الله عنہ  KA PURA-PURA BADLA LUNGA"* Chunache Mukhtar Ne Yahi Kiya Ke Sabse Pehle Un Zalimo Kamino Ko Giraftar Kiya Jinhone Qatle Imam Ka Beda Uthaya tha...

⛩SHIMAR AUR IBNE SA'AD KA ANJAAM...*

🎴Lihaza Giraftari ke Is Silsile Me Sabse Pehle Shimar Aur Ibne Sa'ad Giraftar Karke Mukhtar ke Samne Pesh Kiye Gaye, Mukhtar Ne Dekhte hi Pucha Ke Tum Log to Wahi ho na *"JINKE HUQM SE SAQI-E-KOUSAR KE NAWASO PAR PAANI BAND KIYA GAYA, AUR KARBALA KI TAPTI HUYI RETILI ZAMEEN PAR TADPA-TADPA KAR SAHEED KIYA GAYA...*

🛡Aye Ibne Sa'ad Aur Aye Shimar Sach-Sach Bata Ke Is Zulme Behad Ke Badle Tumhe Kitni Doulat Mili Zalimo Tumhe Zara bhi Gairat na Aayi Ke Jinka Kalma Tum Padhte The Unhi ke Nawase Par Ye Zulm-W-Sitam, Uske bad Mukhtar Ne Jallad ko Huqm Diya ke In Dono Kamino Ko Mere Samne Tadpa-Tadpa Kar Zibah Kar Taki Inki Ibaratnaak Mout Dusro ke Liye Sabak Aamez ho..

🎴Mout ke Khouf Se Dono Khabees Kampne Lage Chehra Zard Pad Gaya Gidgidakar Reham Ki Bheek Mangi Aur Kaha Ke Humne Azz Khud Koi Kaam Nahi Kiya Balke Ibne Ziyad Ne Hume Huqm Diya tha Mukhtar Ne Kaha Tumhe Aur Reham Ki Bheek Di Jaye Na'Mumkin..

🛡Jab Tumhe Rehmatullilaalameen Ki Aulad Par Reham Nahi Aaya To Mukhtar ko Tumpar Reham Nahi Aa'Sakta Aur Raha Ibne Ziyad ka Muammla To Use bhi Chora Nahi Jaega Tum Aage Jao Ibne Ziyad bhi Tumhare Piche Aa Raha hai Aye Jallad Ab Zyada Der Karne ki Zarurat nahi Inhe Fouran Qatl Kar Taki Jitni Jaldi Ho Sake Zameen Inke Napak Bojh Se Halki ho Jaye..

*📿AMR BIN SA'AD AUR SHIMAR KE QATL KE BAD MUKHTAR NE HUQM DIYA KE MEDAN-E-KARBALA ME JITNE LOG IBNE SAAD KE SATH NAWASA-E-RASOOL KE MUKABLE ME GAYE THE JISE JAHA PAWO QATL KAR DO...*

🎴Is Elaan ka Sunna tha Ke Karbala Ke Medan me Jane Wale Koofi Basra Ki Janib Bhagne Lage, Lekin Mukhtar ki Fouzo Ne Unka Barabar Picha kiya Jisko Jaha Paya Qatl Kar diya Laash Jala di Gayi Aur Makan Ka Sara Maal Loot liya gaya...

*⛩KHAWLI BIN YAZEED...*

🎴Ye Woh Saksh Hai Jisne Imame Hussain رضی الله عنہ Ke Ser Mubarak Ko Jisme Athar Se Juda Kiya tha Aur Neze Par Tanga Tha Jab Ye Giraftar Hokar Mukhtar Ke Samne Laya Gaya To Ise Dekhte hi Mukhtar Gusse se Kaanpne Laga, Huqm Diya ke Iske Hath Peir Kaato Take Duniya Iska Ibratnaak Tamasha Jee Bharkar Dekh Le Chunache Khawli ko Usi Trah Qatl Karke Uski Lash Ko Jalakar Khaak Kar Diya Gaya..

🛡Takriban 6000 Zalim Koofiyo Ko Mukhtar Ne Trah-Trah Ki Taklifo me Mubtila Karke Qatl Kiya, In Zalim Koofiyo Ne Ab Qatl Hote Waqt Jana Ke Be'kasi Me Marne Aur Halate Bechargi Me Qatl Hone Ki Kefiyat Kya Hoti hai Unhe Ye bhi Maloom ho Gaya Ke Deen Chorne Aur Duniya Talab Karne ka Anjaam Kya hota hai..

🎴Fitna Angez Aur Zalim Koofiyo ko Qatl Karne ke Bad Ab Mukhtar Ko Ibne Ziyad Ka Khayal Aaya, Ibrahim Ibne Malik Ashtar Ko Bulaya Aur Kaha Ke Mene Koofiyo Ke Fitna Ko Khatm Karne ke liye tumhe Bulaya hai, Ab Wapas Jakar Ibne Ziyad Ke Mukable Apne Bhaiyo ki Madad Karo Aur Shartullah Ko Bhi Apne Sath Zaroor Lete Jana Ke Iski Barkat Se Tumhe Fateh Naseeb Hogi..

🛡Chunache Ibrahim Ibne Malik Shartullah Ko Lekar Apne Lashkar Pahuche Aur Puri Fouz ko Taiyyar Karke Aage Rawana ho Gaye..

*📿SHARTULLAH KA ZIKR AGLE PART ME KIYA JAEGA.. INSHAA'ALLAH*

*⛩SHARTULLAH...*

🎴Ye Ek *KURSI* thi Jo Hazrat Ali Ke Ek Sahabzade Hazrat Tufail Ke Pas thi Hazrat Ali رضی الله عنہ Isi Kursi Par Bethkar Muqaddamat Ka Faisla Kiya Karte The Jab Apko Sahadat Naseeb Huyi To Ye Kursi Hazrat Tufail Ke Hisse me aayi...

🛡Jab Mukhtar Ne Koofa Me Apni Huqumat Qayam ki To Hazrat Tufail Ki Khidmat Me Besh'qeemat Tahaeef Pesh Karke Unse Wo Kursi Hasil Kar li Aur Jama Masjid Dimashq Me Ek Qeemti Sandook Me Mufassal Karke Rakh Diya Jis Din Jama Masjid Me Wo Sandook Rakha Gaya To Mukhtar Ne Khade Hokar Hazrine Masjid Ke Samne Ek Takrir ki...

📿HAZRAAT ! HUMARE WASTE YE KURSI SHARTULLAH ISI TRAH MO'ATBAR HAI JIS TRAH MUSALMANO KE LIYE MAQAM-E-IBRAHIM AUR BANI ISRAEEL KE LIYE TABOOT SAKINA,YE KURSI JIS LASHKAR KE SATH RAHEGI WOH APNE SE HAZAR GUNA ZYADA LASHKAR PAR BHI GALIB AYEGA FATEH-W-NUSRAT KE FARISHTE USKE SATH HAI YE SHERE KHUDA MOULA ALI KA NISHAN HAI AUR AB DUNIYA BHAR ME SHIYO KA BOL BALA RAHEGA....

⛩IBNE ZIYAD...*

🎴Ye Woh Saksh Hai Jiske Tartib Kardah Progrram Ke Mutabik Medane Karbala Me Zulm-W-Sitam Ka Khel Khela Gaya Tha, Ye Ab Koofa Se Apni Jaan Bachakar Moosal Ki Taraf Ja Raha tha 20,000 Ka Lashkar Sath Tha Ibrahim Ibne Malik ne Use Moosal Pahochne se Pehle hi Raaste me Rok Liya...

🛡Shaam Ho Chuki thi Isiliye Raat me Jung Multavi Kar Di Gayi Us Waqt Ibne Ziyad Ka Salare Lashkar Ibne Aslami Tha, Jo Kabhi Ibrahim Ibne Malik Ka Dost Tha Raat ko Khufya Tarike Par Aakar Ibrahim se Mulakat Ki Aur Kaha ke Me Isliye Aaya hu ke Kal Jab Marka-E-Karzar Garm Ho To Me Apni Fouz ke Sath Tumse Aakar Mil Jaunga Taki Zalim Ibne Ziyad Ko Badtareen Zillat Naseeb ho Aur Muje bhi Uski Gulami se Najat Mile Kya Karu Jabran Iske Sath Hu Amru Bin Aslami ki Is Guftagu Ne Ibrahim Ki Himmat ko Aur Mazboot Kar diya Aur Unhe Apni Fateh ka Yakeen Qameel ho Gaya...

🎴Jab Subha Ko Jung Shuru Huyi to Ibrahim Ibne Malik Ne Dekha ke Amru Bin Aslami Ki Fouz Badi Janbazi Ke Sath Unki Fouz Par Hamlaawar Hai, Kafi Der Intezar ke Bad Jab Amr Bin Aslami Naa Aaya To Ibrahim Par Ye Bat Wazeh Ho Gayi Ke Ye Uski Jungi Tadbeer thi...

🛡Chunache Ibrahim Ibne Malik ne Shartullah Uthayi Aur Pure Josh Ke Sath Ibne Ziyad Ki Shaami Fouj Par Hamla Kar Diya Ibne Ziyad ki Fouz Is Hamle ki Taab Na La Saki Unke Qadam Ukhad Gaye...

🎴Ibne Ziyad Jo Abhi Tak Sharik-E-Jung Naa Huwa Tha Wo Apni Fouz Ki Ye Kefiyat Dekhkar Bahar Nikal Pada Aur Talwar Kheech Kar Puri Shiddat Ke Sath Ibrahim Ki Fouz Par Hamla Kar diya, Sath Hi Sath Pukara Ke Aye Shaami Bahadduro Dushmano ki Ta'dat Bahut Thodi hai Kyo Gabhrate ho ?? Aage Badho Aur Kamiyabi ko Apne Gale se Laga lo..

🛡Ibne Ziyad Ki Is Takrir Se Shamiyo Me Dobara Josh Payda Ho Gaya Lout Pade Aur Ghamasan Ki Ladayi Shuru Kar di Magar Unka Ye Josh Aarzi Tha, Ibrahim Ke Sipahi Shartullah ko Dekhkar Is Qadr Bebak Aur Nidar Hokar Lad Rahe the ke Shamiyo Ki Ek Bhi na Chali Subha Ko Jung Shuru Huyi Thi Aur Shaam Hone ke Qareeb thi...

🎴Is Waqt Ibrahim Ki Fouz Ka Ek Sipahi Aage Badhkar Ibne Ziyad ke Seene Par Barche Ka Esa Waar Karta hai ke Ibne Ziyad Ghode ki Pusht par Ulta jhuk Jata hai Aur Usse Pehle Ke Shaami Use Bacha le Us Koofi ne Talwar ka Dusra Hath Esa Mara Ke Kandhe Se Lekar Kamar Tak Jism ke 2 Tukde ho Gaye...

🛡Ibne Ziyad Ka Qatl Hona tha ke Shaami Fouz Bhaag Khadi Huyi Ibrahim Ne Ibne Ziyad Ka Ser Katkar Mukhtar Ke Pas Koofa Bhej Diya...

🎴Yaha Ye Kefiyat Huyi Ke Mukhtar Ne Ibne Ziyad Ke SER Aane Ke 3 Din Pehle Hi Ye Elaan Kar Diya'tha Ke Bahut Jald Ziyad Ka Ser Koofa ke Darul Imarat Me Aane Wala hai, Is Elaan Se Bate Shuru Ho Gayi Mukhtar bhi Ambiya Ki Trah Dawa-E-Ilme Gaib Karta hai To Tamam Koofi Hairat Zada Reh Gaye..

*📿YAAD RAHE YE WAHI MUKHTAR HAI JO SHURU ME MUHIBBE AHLE BAYET RAHA AUR BAD ME DA'WA-E-NABUWWAT BHI KIYA...*

🛡Jab Ibne Ziyad Ka Ser Mukhtar Ke Pas Pahucha To Usne Koofa ke Darul Imarat Me Ek Azeem Majlis Mun'aqid Ki Aur Jis Jagah Ibne Ziyad Ne Imame Aali Maqam رضی الله عنہ Ke Ser Mubarak Ko Rakha Tha Wahi Mukhtar Ne Uska Ser Rakha Aur Jis Jagah Ibne Ziyad Ne Imam Ke Ser ko Latkaya Tha Wahi Mukhtar ne Uska Bhi Ser Latkaya...

🎴Tirmizi Sharif Me Hai ke Jis Waqt Ibne Ziyad Aur Uske Sathiyo Ke Ser Koofa Ke Darul Imarat Me Mukhtar Ke Samne Rakhe Gaye to Ek Siyah(Kala) Rang Ka Ek Bahut hi Bada Saanp Namudar Huwa Jo Tamam Sero Par Se Ghoomta Huwa Ibne Ziyad Ke Ser Ke Qareeb Aaya Aur Uske Ek Nath Se Andar Ghusa Aur Thodi Der Bad Dusre Nath Se Bahar Nikal Aaya Isi Trah 7 Bar Wo Saanp Ghusa Aur Nikla Fir Gayab Ho Gaya....

*⛩HURMULA BIN KAHIL...*

🛡Ye Wo Shaki Azali Hai Jisne Hazrat Ali Asgar Ke Tishna Hulkume Paak Par Esa Taak Kar Teer Mara Tha Ke Hulkume Paak Ko Cheerta Huwa Baazu-E-Imam Me Pewast Ho Gaya tha, Ispar Minjanibe Ilahi Ye Azab Nazil Huwa ke Pet ke Janib Samne Ke Hisse Me Har Waqt Shadeed Jalan Hoti Rehti thi Aur Pusht Ki Janib Sakht Kism ki Sardi Ka Ehsas Rehta tha Chain Na Milta tha Pet ki Garmi Se Nijat Pane ke Liye Har Waqt Pankha Chalta tha Aur Pith Ki Sardi Dafa Karne ke liye Piche Aag Jalata tha...

🎴Kuch Dino bad Pyaas Ki Shiddat Itni Badh Gayi Ke Har Waqt Pani Pita Rehta tha Magar Pyaas Na Bujhti Aur Ek Din Isi Aalam Me Use Wadi-E-Jahannam Tak Pahucha Diya...

⛩JABIR IBNE YAZEED AZDI...*

🎴Ye Wo Saksh Hai Jisne Imame Hussain رضی الله عنہ Ke Jaame Sahadat Nosh Farmane ke Bad Ser Mubarak Se Amama Sharif Utara Tha, Ye Badnaseeb Pagal Ho Gaya, Gandi Naaliyo ka Paani Pita Aur Janwaro ki Leed(Galazat) Khata Huwa Mara..

*⛩JAWNA HAZRI...*

🛡Ye Wo Bad'nihad Saksh Hai Jisne Bad Sahadat Imam Aali Maqam رضی الله عنہ  Ke Jisme Athar Ke Payrahan Mubarak(Kapde) Utarkar Khud Pehan Liya Tha, Kodhi Ho Gaya Iske Jism Ka Ek-Ek Hissa Sadd Gaya Aur Isi Muzzi Marz Me Iski Napak Rooh Nikli..

*⛩ASWAD BIN HANZALA...*

🛡Ye Wo Khabees Hai Jisne Imame Hussain رضی الله عنہ Ki Talwar Li thi, Marze Baras Me Mubtila Hokar Intehayi Zillat-W-Khwari Ki Halat me Mout Se Hum Kinar Huwa..

*⛩SHIMAR...*

🎴Ye Wo Khabees Tarin Insan Hai Jisne Seena-E-Imame Aali Maqam Par Chadhkar Hulkume Paak Par Khanjar Chalaya tha Iski Badtareen Zillat-W-Khawari Ka Andaza Sirf Is Bat Se Lagaya Ja Sakta hai Ke Jab Ye Mara Tab Iski Shakal Khinzir ki Shakal me Tabdeel ho Gayi thi..

*⛩KHAWLI BIN YAZEED...*

🛡Iska Tazkira Isse Pehle bhi Aa Chuka hai Qatl Hone Se Pehle Khuda-E-Kahhar ki Janib Se Ispar Azab Ke Moakkil Mukarrar Kar Diye Gaye The Har Raat me Usko Undha Latka Kar Uske Niche Aag Jalate the Fir Mukhtar ne Ise Qatl Karwakar Aag Me Jalwa Diya...

🎴Garz Ke Ibne Sa'ad, Shimar, Qais Bin As'at, Khawli Bin Yazeed, Sinan Bin Anas, Ubaidullah Bin Qais, Yazeed Bin Malik Wagera Zalim Karbalaiyo Ko Mukhtar Ne Sakht Tareen Azab Ke Sath Qatl Karke Unki Napak Lasho Ko Ghodo Ki Taanpo De Baandhkar Roonda Kar Haddiya Tak Choor Kar Di Aur Unhe Khaak Me Mila diya...

☢YAZEED PALEED KI MOUT...*

🎴Yazeed Kese Mara ? Is Hakikat ko Janne ke Liye Har Nazar Uthi Huyi Hai Har Kaan Uske Sunne ke Liye Bechain Hai Yazeed ki Mout ke Silsile me 3 Riwayate Milti hai..

🛡Yazeed Ek Din Apne Intehayi Raazdar Musahib Ser-John Ibne Mansoor Ke Sath Shikar Ke Liye Ja Raha tha Raaste me Roomi Nasl Padri Ki Ladki Par Yazeed ki Nigah Pad Gayi, *Hawaskar* to Tha hi Bechain Ho Gaya, Usne Roz Ka Dastoor Bana Liya Ke Us Girje Tak Aata Aur Wapas Chala Jata..

🎴Mehaz Is Khayal Se ke Sabil Nikal Aaye to Apna Maksad Pura Karu, Ek Din Ladki Nahakar Apne Makan Ki Chatt Par Baal Sukha Rahi thi, Yazeed ki Nigah Jab Padi To Taab-E-Zabt Na Rahi Deewana Waar Pukarne Laga Ladki ne Socha Khabees Ki Misal to Esi hai Jese Chand ko Dekhkar Kutta Bhokne Lagta hai..

🛡Ye Hawas Parast Hath Dhokar Uske Piche Pad Gaya, Ladki ne Socha Apne Waqt Ka Badshah Hai Kahin Esa Na ho ki Kisi Waqt Meri Izzat-W-Namos Ko Apni Taqat-W-Kuwwat Ke Zariye Tabah-W-Barbad Kar De, Jab Usne Jab Usne Apne Nabi ki Aal Par Zulm-O-Sitam Karne me Koi Kasar Na Rakhi To Me To Gair hu Iska Daste Zulm Kaha Ba'az Reh Sakta hai...

🎴Lihaza Is Yazeed Ki Hawaskariyo Se Mehfooz Rehne Ka Sirf Ek hi Tarika Hai Ke Is Bulhawas ko Kisi Trah Qatl Kar diya Jaye, Aur Agar Is Silsile me Jaan Se Hath Dhona Pade To Ye Gawara Hai Lekin Apni Izzat ko Daagdar Banaya Jaye Ye Gawara Nahi..

🛡Chunache Us Ladki ne Ye Sochkar Apne Baap se Mashwara Kiya Padri ne Kaha muje Tumhari Raay se Ittefaq hai Uske Bad Jab Fir Yazeed Aaya To Ladki ne Ishara Kiya ke Tu Tanha Aa Tab Mulakat Ki Koi Surat Ho Sakti hai..

🎴Chunache Ye Hawas Parast Dusre din Tanha Padri Ke Makan Par Pahucha Ladki Pehle se Ghode par Zeen Dale Taiyar Khadi Thi Yazeed Ke Pahuchte hi Ghode Par Sawar Hokar Sath Rawana Ho Gayi Yaha Tak ke Dono *"HAMAS"* Ke Qareeb Daste Hawarin Me Pahuch Jate hai..

🛡Yaha Ka Mousam Bada hi Khush Gawar tha, Yazeed Ne Sharab To Pi Hi Rakhi Thi Yaha ki Thandi Hawa Ne Nashe ko Dugna Kar Diya, Ladki ne Mouka Pakar Apne Ghode ko Thoda Piche kiya Aur Chupayi Huyi Talwar Nikalkar Is Zoor Ka Waar kiya Ke Yazeed Ghode se Niche Gir Gaya.. 

🎴Ladki Apne Ghode se Niche Kudi Aur Yazeed ke Seene Par Sawar Ho Gayi Aur Kehne Lagi Aye Badbatin Jab Tune Apne Nabi Ke Nawase Par Reham Na Khaya Aur Us Bargah Me Jaha Tujhe Imaan-O-Islam ki Bheekh Mili Thi Wafadar Na Reh Saka To Tujhse Koun Ummide Wafa Kar sakta hai Bas ab Ye Tera Aakhri Waqt hai..

🛡Ye Kehkar Us Ladki ne Apni Talwar se Yazeed Ke Jism Ke Tukde-Tukde Kar Diye, Do Teen Din Cheel-Kawwe Jism Ke Tukdo ko Nochte Khate Rahe, Uske Bad Uske Bahi-Khah Talash Karte Huwe Pahoche Aur Wahi Dafan Kar diya...

🎴Kasrate Sharab Khori Ne Yazeed Ke Fefdo ko Bilkul Bekar Kar Diya Tha Har Waqt Nashe me Dhoot Rehta tha, Kutte Uske Ird Gird Raha Karte the, Zaani Hadd Darje Ka Tha, Kuch Roz Imraze Qabdi Me Rehkar Dast Firta Huwa Jahannam Rasid Huwa Aur Sehar Dimashk Ke Bahar Usko Dafan kiya gaya..

☢TEESRI RIWAYAT:-

🛡Allama Abu Ishak Isfaraini Ne Apni Qitab *"NOOR-UL-AYEN FEE MASJHADIL HUSSAIN"* ME TEHRIR FARMAYA KE EK DIN YAZEED APNE 1000 LASHKAR Ke Sath Shikar ke Liye Nikalta hai Dimashk Se 2 din Ka Rasta Tay Karke Ek Medan Me Pahuchta hai Achanak Uski Nazar Ek Hiran par Padi Uske Piche Apna Ghoda Laga Diya, Hiran Ek Lak-W-Dak Khaufnak Medan Me Pahuchkar Gayab ho gaya..

🎴Yazeed Ka Pura Lashkar usse Door na Jane Kaha Reh Gaya Albatta Uske 10 Lashkari Uske Sath Yaha Aa Pahuche the Pyaas Ne Itna Tadpaya ke Yazeed Aur Uske Sathi Ediya Ragadte Jahannam Pahuch Gaye Us Din se Waadi Ka Naam *"WADI-E-JAHANNAM"* Pad Gaya..

🛡Hazaro Yazeedi to Mukhtar ki Talwar se Qatl Huwe Bahut se Kism-Kism Ki Taklifo me Mubtila Hokar Mout ke Ghaat Utre, Ba'az ke Munh Siyah Aur Bhayanak Ho gaye Ke Dekhne Walo Par Khouf Ka Galba Ho Jata tha, Ba'az Andhe ho Gaye, Ba'az Bhook se Tadap-Tadap Kar Mar Gaye..

🎴Shamiyo me Se Ek Saksh Jo Qatilane Imam Me se tha Uska Munh Suwwar Jesa Ho Gaya tha Log Uski Taraf Dekhte Huwe Khouf Mehsoos Karte the, Abu Naeem Ne Riwayat kiya ke Karbalayi Zalimo Me Se Ek Ka Uzwe Tanasul(SHARM GAAH) Is Qadr Daraz(Lamba) Ho Gaya tha Ke Woh Kamar ke Gird Lapetkar Ya Kandhe Par Rakhkar Chalta Tha..

📛ALLAHU AKBAR....

☢EK SALAYI....*

🎴Imam Wakdi رضی الله عنہ Ne Riwayat Kiya ke Ek Budha Saksh Andha Ho Gaya Tha, Usse Logo ne Pucha ke Tu Andha Kese ho Gaya ?? Usne Kaha ke Mene Khawab Me Huzur ﷺ Ko Dekha ke Sarkar ke Daste Aqdas me Nangi Talwar Hai Aur Samne Imame Hussain رضی الله عنہ Ke 10 Qatil Zibah Kiye Huwe Pade hai Huzur ﷺ Ne Mujpar Nigahe Gazab Dalte Huwe Farmaya Ke Tune Moujud Rehkar Is Giroh Ka Sath Diya Aur Ye Farmakar Khoone Imam ki Ek Salayi Meri Aankho me Laga di, Jab Subha ko Utha To me Andha Ho Chuka tha...

*☢ISHAR-E-ANGUSHT...*

🛡Ek Budhe Ne Khawab me Huzur ﷺ Ko Dekha Ke Samne Ek Tasht hai, Usme Khoon Bhara Huwa Hai, Kuch Log Hai Jo Huzur ke Samne Pesh Kiye Jate hai, Jab Us Budhe Ki Bari Aayi To Usne Arz kiya Ke Sarkar Me To Moujud na tha, Huzur ne Farmaya Ke Dil Se to Chaha tha, Fir Apni Ungli Mubarak Se Uski Janib Ishara Kiya Subha Utha to Andha tha...

☢KHALEEFA MAMUN RASHID..*

🎴Khaleefa Mamun Rashid Ne Ek Martaba Apne Wazeer Se Kaha ke Ulema me Kisi Ese Aalim Ko Mere Pas Lawo Jisne Koi Intehayi Hairat Angez Baat Suni ho Ya Apni Nigaho se Khud Dekha ho, Wazeer Us Waqt ke Ek-Ek Aalim ke Pas Gaya Lekin Koi bhi Esa na Mila Jo Uske Is Maksad ko Pura Kar Sakta..

🛡Wazeer Ko Khayal Aaya Ke Isi Sehar me Ek Aalema Zaheda Khatoon-E-Mohtaram bhi hai Chalkar Waha Kismat Aazmayi Jaye, Chunache Jis Waqt wazeer Unke Pas Pahucha Un Khatoon-E-Mohtaram Ne Wazeer Ke Sawal Karne Se Pehle hi Farmaya Ke Fula Jagah Par Ek Esa Aadmi hai Jisse Tu Apna Maksad Hasil Kar Sakta hai..

🎴Jab Wazeer Un Aarefa Ke Bataye Huwe Pate Par Pahuchata hai Dekhta Kya hai Ke Waha Ek Esa Saksh Moujud hai Jiske Na Hath hai Na Pair Na Aankhe Bilkul Apahiz Wazeer Ne Socha Kahin Un Khatoone Mohtaram Ne Mazak to Nahi kiya..

🛡Fir Unke Pas Lotkar Aaya Kefiyat Bayan ki Un Aarefa Ne Farmaya ki Aye Wazeer ! Badshah Ko Saksh Ke Hath par Pair Aankh se To koi Matlab Nahi Kaam Zaban Se hai Aur Zaban Uske Munh me Moujud hai, Aye Wazeer Tu Usi Saksh Ko Badshah Ke Pas Le Ja Isiliye Ke Woh Intehayi Ajeeb Aur Umda Bat Janta hai, Chunache Wazeer Usko Howdaz Me Bithakar Mamur Rashid ke Pas le aaya...

🎴Mamun Rashid Ne Usse Sawal Kiya Ki Aye Saksh Tum Ese Hi Apahiz Payda Huwe Ho Ya Bad Me Kisi Hadse Ke Sabab Tumme Ye Ayeb Payda Huwe hai, Usne Jawab Diya Ki Aye Ameer-Ul-Momineen Ye Sab Ek Hadse Ka Natija hai..

🛡Me Ek Bhot Maaldar Tajir Tha Mere Pas Ek Behri Jahaaz Bhi Tha Jiske Zariye me Dusre Mulko me Tijarat Karta tha Ek Martaba Mene Jahaz me Maal Lada Mere Sath 1000 Musalman Mard Bhi the Hum Log Rawana Huwe Ek Din Achanak Ek Chattan Samne Aayi Jahaz Usse Takrakar Tukde-Tukde Ho Gaya..

🎴Sab Log Doob Gaye Mene Kisi Soorat se Ek Takhte Ka Sahara Le Liya Woh Takhta Moujo ki Rawani ke Sath Kabhi Daye Aur Kabhi Baye Rehta Ek Din Moujo Ne Mere Takhte Ko Ek Bhot Bade Pahad ke Suragh Me Dhakel Diya Mera Takhta Us Surakh me Pani ke Upar Na Jane Kab Tak Behta raha Kuch Arse Ke Bad Mene Zameen ki Surat Dekhi Lekin Woh Zameen Ki Trah Na thi Balke Uska Rang Pila(Yellow) Tha..

🛡Mene Waha Utarkar Wuzu Kiya Aur 2 Raq'at Namaz Padhi Namaz Se Farig Hokar Charo Taraf Nigah Doudayi To Kuch Doori par Ek Makan Nazar Aaya Me Uski Taraf Chal Diya Kareeb Pahochkar Maloom Huwa ki Wo bhot hi Shandar Mehal hai....

🎴Mehal Ke Samne Hi Ek Houz Ke Upar Ek Saksh Ko Faansi Par Latka Diya Gaya Kehta hai Ki Us Rabb Taa'la ke Naam Par Jo Rehman-O-Rahim hai Koi Paani ka Ek Ghunt Pila De Me Pyaas se Betab hu...

🛡Aye Ameer-Ul-Momineen Is Manzar ko Dekhkar me Sakht Darr Gaya Aur Mujpar Intehayi Khouf Taari ho gaya Yaha Tak Ke Uthne ki Taqat bhi Na Rahi Lekin Fansi Par Chade Saksh ki Halate Zaar Dekhkar Muje Bada Taras Aaya Mene Kaha Aye Saksh Me Tujhe Pani Pilata Hu Mera Itna Kehna Tha ke Gaibi Nida aayi..

*📿AYE ALLAH KE BANDE KYA TU ALLAH KE DUSHMAN KO PANI PALYEGA..*

🎴Ye Sunkar me Darr gaya Aur Paani Pilane ka Irada tark Karke Mehal me Dakhil ho gaya...

🎴Mehal Ke Andar Ek Jagah Ek Bahut Bada Gadda Dekha Jisme Aag Hi Aag Bhari Huyi Thi Aur Usme Bahut se Log Jal Rahe the Aur Keh Rahe the *"Us Khuda Kareem Ke Liye Jo Rehman-W-Rahim Hai Hume Is Aag Se Nikalo"* Mene Chaha Un Logo ko Aag se Nikalu Lekin Ye Irada Karna Hi Tha Ki Fir Wahi Gaybi Nida Sunayi Padi..

🛡Me Ghabrakar Mehal Se Bahar Nikal Aaya Jis Waqt Us Sooli Par Chade Saksh Ke pas se Nikla To Uski Halat par Muje Bada Reham Aaya Pani Lekar Pilane ka Irada Kiya Fir Wahi Gaibi Nida Sunayi Di *"Humne Tujhe Pehle Bhi Mana Kiya Tha Lekin Tu Ba'az Nahi Aaya *HUM TUJHE YE SAZA DETE HAI KE TERE AA'ZA KHATM HO JAYE* Fir Wahi Huwa Jo Allah Taa''la ne Chaha..

🎴Mere Hath, Pair Aur Aankhe Khatm ho Gayi Aur Ek Nida Sunayi Di Ke Agar Tu Chahe To Ye Azab Duniya Me Bardasht Kar Warna Aakhirat me Isi Trah ke Azab ko Jahannam Me Pasand Kar le, Mene Arz ki Muje Ye Azab Isi Duniya me Diya jaye..

🛡Fir Mene Us Faansi Par Latke Huwe Saksh Aur Aag Ke Gadde me Jalne Wale Saksh Ke Mutallik Sawal Kiya Ke Ye Koun Log hai To Jawab Mila Ke..

*📿"FAANSI PAR LATAKNE WALA YAZEED PALEED HAI AUR QAYAMAT TAK ISI TRAH AZAB ME MUBTILA RAHEGA AUR AAG ME JALNE WALE USKE MADADGAAR WOH LOG HAI JO HUZUR ﷺ KE EHQAMAT KI KOI SHAAN NAHI SAMAJTE AUR SUNNATE RASOOL ﷺ KO ZAYA KARTE HAI AUR USKO HALKA SAMAJTE HAI YE BHI QAYAMAT TAK ISI AZAB ME MUBTILA RAHENGE AUR JAB TAK ALLAH CHAHEGA AZAB ME MUBTILA RAKHEGA...*

🎴YE WAQIYA THA JO MERE SATH PESH AATA THA FIR HAZARO TAKLIFO AUR MUSHAKKATO KE BAD GHAR WAPAS AAYA....

🔮DOZAKH KA SAANP...*

🎴Dozakh Me Ek Bahut Bada Saanp hai Jisko Shadid Kehte hai Har Roz Wo 70 Martaba Larazta Hai Aur Uske Jism Se Zehar Tapakta hai Moula Taa'la Usse Irshad Farmata hai Ke Aye Shadid Kya Chahata hai...

🛡Shadid Arz Karta haii Aye Rabb Qatilin-E-Imam Hussain رضی الله عنہ Ko Muje De De Me Unpar Apna Zehar Dalu Allah Taa'la Irshad Farmata hai Aye Shadid Thehar Ke Qatilin-E-Imame Hussain رضی الله عنہ Ko Me Tere Hawale Karunga Ke Tu Jis Trah Chahe Azab De...

*🔮BADBUDAAR MUNH...*

🎴Imam Hasan Basri رضی الله عنہ Farmate hai Ke Ek Saksh Barabar Mere Pas Aata tha Ke Mujse Masaeel-E-Sharaiyya Sikhe...

🛡Uske Munh se Esi Sakht Badbu Aati Jiska Bardasht Karna Bahut Dushwar Tha Ek Din Mene Usse Is Badbu Ke Mutaallik Pucha Ke Kya Wajeh Hai Ke Tere Munh se Esi Nafrat Angez Badbu Aati hai...

🎴Wo Saksh Intehayi Sharminda Huwa Aur Kehne Laga Ke Me Us Giroh Se Hu Jo Dariya-E-Furat Par Isliye Pehra De raha tha Ke Imame Hussain رضی الله عنہ Ke Kheme me Paani Ka Ek Qatra Tak na Jaye, Waqiya-E-Karbala Ke Bad Ek Raat Mene Khawab Me Dekha ke Qayamat Kayam hai Aur Sakht Pyaas ke Aalam Me hu Charo Taraf Pani Talash Karta hu Lekin Pani Nahi Milta..

🛡Achanak Mene Dekha ke Allah Ke Rasool ﷺ Aur Hazrate Ali Aur Saiyeda Fatma Zahra Aur Hasnain Kareemain رضوان اللہ تعالی عليهم أجمعينٰ Aur Kuch Digar Aqabeer Sahaba-E-Kiram Houz-E-Kousar Ke Kinare Bethe hai Aur Samne Kuch Khade hai Aur Kuch Log Hai Ho Pyaso Ko Aabe Kousar Pila Rahe hai...

🎴Us Waqt Me bhi Sarkare Do Aalam ﷺ Ki Bargah Me Hazir Huwa Aur Jaam-E-Kousar ka Sawal Kiya Kousar Pilane Wale ne Sarkar ki Bargah Me Arz Kiya Ya Rasool Allah ﷺ Ye Saksh Un Logo Me Hai Jo Dariya-E-Furat Par Isi liye Pehra De Rahe The Ke Aapke Jigar Gosha Imam Hussain رضی الله عنہ Ke Kheme Me Ek Qatra Pani Na Jane Paye..

🛡Ye Sunkar Sarkare Do Aalam ﷺ Ne Farmaya Ke *ISKO KITRAAN PILA DO* Chunache Unhone Muje Kitraan Pila Diya Khawab me Kitraan Pina tha ke Me Bedar Ho Gaya Aur Usi Waqt se Ye Badboo Rehti hai...

🎴Yaha Tak Ke Me Jo Cheez bhi Khata Hu Kitraan Ban Jati hai Jiski Wajah se Log Mujse Sakht Nafrat Karte hai Hazrat Imam Basri رضی الله عنہ Farmate hai Ke Ye Waqiya Sunkar Muje Usse Sakht Nafrat Ho Gayi Aur Mene Use Sakhti se Mana Kar Diya Ke Aayinda Mere Pas Mat Aana Chunache Wo Chala Gaya Aur Kuch Dino me Zillat ki Mout Mar Gaya...

🔮SUWWAR JESA MUNH...*

🎴Abul Mafakhir Riwayat Karte hai Ke Ek Saksh Ko Logo ne Harame Qaba Sharif me Dekha Ke Uske Chehre Par Naqab Hai Aur Wo Khana-E-Qaba ka Tawaf Kar Raha hai Aur Tawaf Karte Waqt Ye Kehta hai Ke Ya Allah Muje Baksh De Halanke Tu Muje Na Bakshega Harame Qaba Ke Mashaeekh Ne Usse Kaha Aye Saksh Allah Taa'la ki Rehmat Se Na Ummidi Kufr hai Tu Kitna hi Bada Gunahgaar Sahi Magar Allah ki Rehmat se Na'ummid Na Ho...

🛡Us Saksh Ne Kaha Ke Aye Logo Aawo Mera Kissa Suno Taki Jaan lo Ke Meri Na Ummidi Ki Wajah Kya hai Usne Kaha Me Us Lashkar Me Shamil Tha Jisne Medane Karbala Me Imame Hussain رضی الله عنہ Se Jung ki thi Aur Imame Aali Maqam رضی الله عنہ  Ki Sahadat ke Bad Me Un Sawaro Ke Sath Jo Imam رضی الله عنہ  Ka Ser Mubarak Mulke Shaam Le Ja Rahe the Hum log 50 Aadmi the jo Sohda ke Sero ko Darmiyan Me Rakhkar Charo Taraf se Ghera Dalkar Beth Jate Aur Sharab Noshi Kiya Karte...

🎴Agarche me Unse Door Rehta Aur Kabhi-Kabhi Apni Is Badhaali Par Afsoso Bhi Karta Tha Ek Raat Mere Tamam Sathi Sharab noshi Karke Badmast hokar So Gaye Me Jaag Raha tha Achanak Mene Dekha Ke Ser-E-Paake Imam Hussain رضی الله عنہ  Par Ek Noorani Khema Tana Huwa hai Aur Kuch Noorani Soorate Fiza me Nazar Aa Rahi hai Aur Ek Saksh Sabz Libas Pehne Aur Safed Amama Bandhe Mere Serhane Khada hai..

🛡Mene Pucha Ye Koun log hai ? Jawab Mila ki Ye Allah ki Bargaah ke Muqarrab Farishte hai Fir Thodi Hi Der me *Ambiya-E-Kiram Ki Ek Mubarak Jama'at Bhi Tashrif Layi Aur Sabke Aakhir me Allah ke Pyare Habib ﷺ Apne Ahle Bait-E-Athar Aur Sahaba-E-Kiram Ke Sath Tashrif Laye....

🎴Nabi-E-Kareem ﷺ Ke Tashrif Lane ke bad Ek Ke Bad Ek Ne Imame Aali Maqam رضی الله عنہ Ke Ser Mubarak ko Bosa Diya Aur Pyaar Farmaya, Farishto ki Ek Jama'at Jinke Hath me Aag Ke Gurz The, Sarkare Do Aalam ﷺ Ki Bargah me Arz Karte hai Ke Huzur Ijazat ho to Pehra Dene Wale In Naabkaro Ko Halak Karde, Sarkar ne Unhe Ijazat De di Un Farishto ne Aag Ke Gurzo Se 49 Aadmiyo ko Jalakar Khaak Kar diya Jab Mere Qareeb Aaye to Mene Fariyad ki *AL AMAAN YA RASOOLALLAH ﷺ* Huzur ﷺ Ne Farmaya Door ho Allah Tujhe Na Bakshe....

🛡Lihaza Muje Yakeen ho Gaya Ke Meri Bakshish Na hogi Usse Logo ne Pucha ke tune Chehre par Naqab kyu Daal Rakha hai, To Kehne Laga Us Khoufnaak Waqiye ke bad Se Mera Chehra Badal Gaya hai Jab Logo ne Zyada Israr kiya To Usne Apne Chehre se Naqab Ko Hataya Logo ne Dekha ke Uska Chehra Bilkul *SUWWAR* Jesa Hokar Siyah Ho Gaya hai Aur Daant Inhayi Khoufnaak Tarike par Bahar Nikle Huwe hai...

🎴Mashaeekhe Haram Ne Usse Kaha Aye Saksh Jitni Jaldi Ho Sake Tu Humse Door ho Ja Kahin Esa Na ho Teri Wajah se humpar bhi koi Bala Nazil Ho Jaye Us Saksh ne Chehre Par Naqab Daali Aur Rawana Ho Gaya Abhi 10 Qadam hi Chala hoga Ke Beejli ki Tez Chamak Zahir Huyi Aur Use Jalakar Khaak Kar diya...

🔮KOOFA KA DARUL IMARAT....*

🎴Abdul Malik Kehte hai Ke Mene Koofa Ke Is Darul Imarat Me Imame Hussain رضی الله عنہ Ka Ser Mubarak Ibne Ziyad ke Samne Rakha Huwa Dekha, Uske Bad Isi Jagah Ubaidullah Ibne Ziyad Ka Ser Mukhtaar Bin Ubaid Sakfi Ke Samne Rakha Huwa Dekha, Uske Bad Usi Jagah Mukhtaar Bin Ubaid Sakfi Ka Ser Hazrate Musab Bin Zubair Bin Zubair رضی الله عنہ Ke Samne Rakha Huwa Dekha...

🛡Kehte hai Ke Jab Mene Abdul Malik Bin Marwan Se In Waqeyat ka Zikr kiya To Wo Kaanpne Laga, Aur Fouran hi Darul Imarat Bahar Nikal Kar Khada ho Gaya Aur Darul Imarat ki Janib Dekhkar Kehne Laga Ke Ab Is Makan Ko 5wa Ser Dekhna Nasib Na ho Aur ye Kehkar Darul Imarat ko Girwa diya...

*📿Ye To Yazeed Aur Uske Sathiyo ki Duniyawi Saza Ka Ijmali Tazkira tha Baki Raha Aakhirat ka Azab ka Aalam Kya hoga Aur Uski Kefiyat Kya hogi Uska Ilm Allah Aur Uske Rasool ﷺ Ko Hai, Albatta Isi Duniyawi Azab Ke Aalam ko Dekhkar Aakhirat ke Azab Ka Andaza Lagaya Ja Sakta hai Aur Waha Ke Dardnaak Azab ka Qayas Kiya Ja Sakta hai*

💠IS QITAB KI TARTIB ME MANDARJA ZEL QITABO SE MADA LI GAYI HAI JINKE NAAM HAI *NOOR-UL-AYEN MASHADIL HUSSAIN* *SAWANEH KARBALA* AWRAQE GHUM* *ROZATUSH SHOHDA*

*🔀🇲AZMOON KHATAM...*

🎴Aap Sabhi se Guzarish Hai ki Aap Log Duwa Kare ki *GULZARE SHOHDA* Uske Bad Foran *KARBALA KE BA'AD* In Dono Qitabo Ko Roman English me Translate Karke Aap Tak Pahochaya hai Iske Likhne Me Kuch bhi Galtiya Huyi ho To Allah Taa'la Huzur  ﷺ Ke Waseele Muaf Farmaye Aur Aap Duwa Kare ki Allah Taa'la Meri Is Khidmat ko Qabool Farmaye Aur Iska Sawab Ummate Muslima ke Marhoom Momin Mard Aurat ki Rohaani ko Nazr Farmaye Aur Allah Taa'la *KARBALA KE SOHDA KE SADQE* Meri Aur Mere Ghar Walo ki M.G.M Team Ki Aur Mere Sabhi Azeez Dost Ahbab ki Mahfirat Farmaye Aur Baroze Mehshar *KARBALA KE SOHDA* Ke Qadmo me Jagah Naseeb Farmaye....

آمین بجاه شفیع المذنبین ﷺ

⬆JARI RAHEGA....

JAMATE ALA HAZRAT BRODCAST AUR WHAT APP GRPS  ME ADD HONE KE LIYE IS NUMBER PAR MSG KARE...

+91 99 97 55 16 92

Read More