📖TARJUMA-E-KANZUL IMAAN SHARIF, ALBUM:- 06

📖TARJUMA-E-KANZUL IMAAN SHARIF, ALBUM:- 06
SUREH HOOD..

①.
✏Ye Ek Qitab Hai Jiski Ayate Hiqmat Bhari Hai Fir Tafseel Ki Gayi Hiqmat Wale Khabardar ki Taraf se..
②.
✒Ke Bandagi Na Karo Magar Allah ki Beshak Me Tumhare Liye Uski Taraf se Darr Aur Khushi Sunane Wala hu.
③.
✏Aur Ye ke Apne Rabb se Muafi Mango Fir Uski Taraf Touba Karo Tumhe Bahut Acha Baratna Dega Ek Thehraye Waade Tak Aur Har Fazilat Wale Ko Uska Fazal Pahuchayega Aur Agar Munh Fero To Me Tumpar Bade din Ke Azab Ka Khouf Karta hu..
④.
✒Tumhe Allah Hi ki Taraf Firna hai Aur Woh Har Shay Par Qadir hai..
⑤.
✏Suno Woh Apne Seene Dohre Karte Hai Ke Allah Se Parda Kare Suno Jis Waqt Woh Kapdo se Apna Sara Badan Dhanp Lete hai Us Waqt bhi Allah Unka Chupa Aur Zahir Sab Kuch Janta hai Beshak Woh Dilo ki Baat Janne Wala hai...
⑥.
✏Aur Zameen Par Chalne Wala koi Esa Nahi Jiska Rizk Allah Ke Zimme Karam Par na ho Aur Janta hai Ke Kaha Thehrega Aur Kaha Supurd Hoga Sab-Kuch Ek Saaf Bayan Karne Wali Qitab Me hai..
⑦.
✒Aur Wohi Hai Jisne Aasman-O-Zameen Ko 6 Din Me Banaya Aur Uska Arsh Pani Par Tha Ke Tumhe Aazmaye Tumme kiska Kaam Acha hai Aur Agar Tum Farmao Ke Beshak Tum Marne ke Bad Uthaye Jaoge To Kafir Zarur Kahenge Ke Yeh To Nahi Magar Khula Jaadu..
⑧.
✏Aur Agar Hum Unse Azab Kuch Ginti ki Muddat Tak Hata de To Zarur Kahenge Kis Cheez ne Roka hai Sun lo Jis Din Unpar Ayega Unse Fera Na Jaega Aur Unhe Gher Lega Wohi Azab Jiski Hasi Udate The...
⑨.
✒Aur Agar Hum Aadmi ko Apni Kisi Rehmat ka Maza De Fir Use Usse Cheen le Zaroor Wo Bada Na'ummid Na'Shukra hai...
⑩.
✏Aur Agar Hum Use Ne'mat ka Maza De Us Musibat Ke Bad Jo Use Pahuchi To Zarur Kahega Ke Buraiya Mujhse Door Huyi Beshak Woh Khush Hone Wala Badhai Marne Wala hai...
⑪.
✏Magar Jinhone Sabr Kiya Aur Ache Kaam Kiye Unke Liye Bakshish Aur Bada Sawab hai..
⑫.
✒To Kya Jo Wahi Tumhari Taraf Hoti hai Usme se Kuch Tum Chod Doge Aur Uspar Dil Tang Honge Is Bina Par ke Woh Kehte hai Unke Sath Koi Khazana Kyo na Utra Ya Unke Sath Koi Farishta Aata Tum To Darr Sunane Wale ho Aur Allah Har Cheez Par Muhafiz hai..
⑬.
✏Kya Ye Kehte hai Ke Unhone Use Jise Bana Liya Tum Farmao Esi Banayi Huyi Ke Tum 10 Soorte Le Aao Aur Allah Ke Siwa Jo Mil Sake Sabko Bula Lo Agar Tum Sacche ho.
⑭.
✒To Aye Musalmano Agar Woh Tumhari Is Bat ka Jawab Na De Sake To Samaj Lo Ke Woh Allah Ke Huqm Hi se Utra hai Aur Ye ke Uske Siwa Koi Saccha Ma'bood nahi To Kya Ab Tum Manoge...
⑮.
✏Jo Duniya Ki Zindagi Aur Uski Aaraish Chahta Ho Hum Usme Unka Poora Phal De Denge Aur Usme Kami na Denge...
⑯.
✒Ye Hai Wo Jinke Liye Akhirat Me Kuch Nahi Magar Aag Aur Aqarat Gaya Jo Kuch Waha Karte The Aur Na'bood Ho Gaye Jo Unke Amal The..
①⑦.
✏To Kya Woh Jo Apne Rabb ki Taraf se Roshan Daleel Par ho Aur Uspar Allah ki Taraf se Gawah Aaye Aur Usse Pehle Moosa ki Qitab Peshwa Aur Rehmat Woh Uspar Imaan Late Hai  Aur Jo Uska Munkar Ho Sare Giroh me To Aag Uska Wa'da Hai To Aye Sunne Wale Tujhe Kuch Usme Shak Na ho Beshak Woh Haqq hai Tere Rabb ki Taraf se Lekin Bhot Aadmi Imaan Nahi Rakhte..
①⑧.
✒Aur Usse Badhkar Zalim Koun Jo Allah Par Jooth Bandhe Wo Apne Rabb Ke Huzur Pesh Kiye Jaenge Aur Gawah Kahenge Ye hai Jinhone Apne Rabb Par Jooth Bola Tha Are Zalimo Par Khuda ki La'nat..
①⑨..
✏Jo Allah ki Raah Se Rokte Hai Aur Usme Kaji Chahte Hai Aur Wohi Akhirat ke Munkir hai..
②ⓞ.
✒Woh Thakane Wale Nahi Zameen me Aur Na Allah Se Juda Unke Koi Himayati Unhe Azab Par Azab Hoga Woh Na Sun Sakte the Aur na Dekhte...


②①.
✏Wohi hai Jinhone Apni Jaan Ghaate Me Daali Aur Unse Khoyi Gayi Jo Bate Jodte the...
②②.
✒Khawah Na'Khawah Wohi Akhirat me Sabse Zyada Nuksan me hai...
②③.
✏Beshak Jo Imaan Laye Aur Ache Kaam Kiye Aur Apne Rabb ki Taraf Ruj'u Laye Woh Jannat Wale hai Woh Usme Hamesha Rahenge...
②④.
✒Dono Farik Ka Haal Esa hai Jese Ek Andha Aur Behra Aur Dusra Dekhta Aur Sunta Kya Un Dono ka Haal Ek'Saa Hai To Kya Tum Dhayan Nahi Karte..
②⑤.
✏Aur Beshak Humne Nooh Ko Uski Qoum Ki Taraf Bheja Ke Me Tumhare Liye Sareeh Darr Sunane Wala hu.
②⑥.
✒Allah Ke Siwa Kisiko Na Poojo Beshak Me Tumpar Ek Musibat Wale Din ke Azab Se Darta hu..
②⑦.
✏To Uski Qoum ke Sardar Jo Kafir Huwe the Bole Hum To Tumhe Apne Hi Jesa Aadmi Dekhte hai Aur Hum Nahi Dekhte Ke Tumhari Pairvi Kisi Ne Ki Ho Magar Humare Kamino Ne Sarsari Nazar se Aur Hum Tumme Apne Upar Koi Badhai Nahi Pate Balke Hum Tumhe Jootha Khayal Karte hai..
②⑧.
✒Bola Aye Meri Qoum Batao To Agar Me Apne Rabb ki Taraf se Roshan Daleel Par hu Aur Usne Muje Apne Pas se Rehmat Bakshi To Tum Usse Andhe Rahe Kya Hum Use Tumhare Gale Chipat De Aur Tum Bezar ho...
②⑨.
✏Aur Aye Qoum Me Tumse Kuch Uspar Maal Nahi Mangta Mera Ajr to Allah Hi Par hai Aur Me Musalmano ko Door Karne Wala nahi Beshak Woh Apne Rabb se Milne Wale hai Lekin Me Tumko Neere Jahil Log Pata hu..
③ⓞ.
✒Aur Aye Qoum Muje Allah Se Koun Bacha Lega Agar Me Inhe Door Karunga To Kya Tumhe Dhayan Nahi.
③①.
✏Aur Me Tumse Nahi Kehta Ke Mere Pas Allah Ke Khazane hai Aur Na Ye Ke Me Gaib Jaan Leta hu Aur Na Ye Kehta hu Ke Me Farishta Hu Aur Me Unhe Nahi Kehta Jinko Tumhari Nigahe Haqeer Samajti hai Ke Hargiz Unhe Allah Koi Bhalai Na Dega Allah Khoob Janta hai Jo Unke Dilo me hai Esa Karu To Zarur Zalimo Me Se hu.
③②.
✒Bole Aye Nooh ! Tum Humse Jhagde Aur Bahot hi Zhagde To Le Aao Jiska Hume Wa'da De Rahe ho Agar Tum Sacche ho..
③③.
✏Bola Woh To Allah Tumpar Layega Agar Chahe Aur Tum Thaka Na Sakoge..
③④.
✒Aur Tumhe Meri Nasihat Nafa Na Degi Agar Me Tumhara Bhala Chahu Jab Ke Allah Tumhari Gumrahi Chahe Woh Tumhara Rabb hai Aur Usiki Taraf Firoge..
③⑤.
✏Kya Ye Kehte hai Ke Unhone Apne Jee se Bana Liya Hoga Tum Farmao Agar Mene Bana Liya hoga To Mera Gunaah Mujhpar hai...
③⑥.
✏Aur Me Tumhare Gunaho se Alag Hu Aur Nooh Ko "Wahi" Huyi Ke Tumhari Qoum se Musalman Na Honge Magar Jitne Imaan La Chuke To Ghum Na Kha Ispar Jo Woh Karte hai..
③⑦.
✒Aur Kashti Banao Humare Samne Aur Humare Huqm Se Aur Zalimo ke Bare me Mujse Bat na Karna Woh Zarur Dubaye Jaenge..
③⑧.
✏Aur Nooh Kashti Banata Hai Aur Jab Uski Qoum ke Sardar Uspar Guzarte to Uspar Haste Bola Agar Tum Humpar Haste ho To Ek Waqt Hum Tumpar Hasenge Jesa Tum Haste ho..
③⑨.
✒To Ab Jaan Jaoge Kispar Aata hai Wo Azab Ke Use Ruswa Kare Aur Utarta hai Woh Azab Jo Hamesha Rahe..
④ⓞ.
✏Yaha Tak ke Humara Huqm Aaya Aur Ta,noor Ubla Humne Farmaya Kashti me Sawar Karle Har Jins se Ek Joda Narr-Wa-Mada Aur Jinpar Baat Pad Chuki Hai Unke Siwa Apne Ghar Walo Aur Baaki Musalmano Ko Aur Uske Sath Musalman Na The Magar Thode..


④①.
✒Aur Bola Usme Sawar ho Allah Ke Naam Par Uska Chalna Aur Uska Theherna Beshak Mera Rabb Zarur Bakshne Wala Meharbaan hai..
④②.
✏Aur Woh Unhe Liye Ja Rahi Hai Esi Mojo Me Jese Pahad Aur Nooh Ne Apne Bete Ko Pukara Aur Woh Usse Kinare Tha Aye Mere Bacche Humare Sath Sawar Hoja Aur Kafiro ke Sath Na ho...
④③.
✒Bola Ab Me Kisi Pahad ki Panah Leta hu Woh Muje Paani Se Bacha Lega Kaha Aaj Allah ke Azab Se Koi Bachane Wala nahi Magar Jispar Woh Reham Kare Aur Unke Bich me Mouje Aade Aayi To Woh Doobto Me Reh Gaya..
④④.
✏Aur Huqm Farmaya Gaya Ke Aye Zameen ! Apna Paani Nigal Le Aur Aye Aasman ! Tham Jaa Aur Pani Khushk Kar Diya gaya Aur Kaam Tamam Huwa Aur Kashti Koohe Judi Par Thehri Aur Farmaya Gaya Ke Door ho Be-Insaaf log..
④⑤
✒Aur Nooh Ne Apne Rabb ko Pukara Arz Ki Aye Mere Rabb ! Mera Beta bhi to Mera Ghar Wala hai Aur Beshak Tera Wa'da Saccha hai Aur Tu Sabse Badhkar Huqm Wala...
④⑥
✏Farmaya Aye Nooh ! Woh Tere Gharwalo Me Nahi Beshak Uske Kaam Bade Na'layak Hai Tu Mujse Wo Bat na Mang Jiska Tujhe Ilm Nahi Me Tujhe Nasihat Farmata hu Ke Naadan Na Ban..
④⑦.
✏Arz Ki Aye Mere Rabb ! Me Teri Panah Chahta hu Ke Tujhse Wo Cheez Mangu Jiska Muje Ilm Nahi Aur Agar Tu Muje Na Bakshe Aur Reham Na Kare To Me Ziyakar Ho Jau...
④⑧.
✒Farmaya Gaya Aye Nooh ! Kashti Se Utar Humari Taraf se Salam Aur Barkato Ke Sath Jo Tujhpar Hai Aur Tere Sath Ke Kuch Giroh Par Aur Kuch Giroh Woh hai Jinhe Hum Duniya Baratne Denge Fir Unhe Humari Taraf se Dardnaak Azab Pahuchega..
④⑨.
✏Ye Gaib Ki Khabre Hum Tumhari Taraf "Wahi" Karte Hai Unhe Na Tum Jante the Aur Na Tumhari Qoum Issse Pehle To Sabr Karo Beshak Bhala Andaz Parhezgaro ka...
⑤ⓞ.
✒Aur Aad Ki Taraf Unke Hum Qoum Hood ko Kaha Aye Meri Qoum ! Allah Ko Poojo Uske Siwa Tumhara Koi Maa'bood Nahi Tum Neere Muftari ho.
⑤①.
✏Aye Qoum ! Me Ispar Tumse Kuch Ujrat Nahi Mangta Meri Majdoori to Usi Ke Zimme hai Jisne Muje Paida Kiya To Kya Tumhe Aqal nahi...
⑤②.
✒Aur Aye Meri Qoum ! Apne Rabb Se Muafi Chaho Fir Uski Taraf Ruj'a Lao Tumpar Zor ka Pani Bhejega Aur Tumme Jitni Quwwat hai Usse Aur Zyada Dega Aur Zurm Karte Huwe Roo-Gardani Na Karo...
⑤③.
✏Bole Aye Hood ! Tum Koi Daleel Lekar Humare Pas na Aaye Aur Hum Khali Tumhare Kehne se Apne Khudao Ko Chodne ke nahi Na Tumhari Baat Par Yakeen Laye...
⑤④.
✏Hum to Yahi Khete hai Ke Humare Kisi Khuda ki Tumhe Buri Zhapat Pahuchi Kaha me Allah Ko Gawah Karta hu Aur Tum Sab Gawah ho Jao Ke Me Bezar Hu.
⑤⑤.
✒Aur Un Sabse Jinhe Tum Allah ke Siwa Uska Sharik Thehrate ho  Tum Sab Milkar Mera Bura Chaho Fir Muje Mohlat na do...
⑤⑥.
✏Mene Allah Par Bharosa Kiya Jo Mera Rabb hai Aur Tumhara Rabb Koi Chalne Wala nahi Jiski Choti Uske Qabz-E-Qudrat me Naa ho Beshak Mera Rabb Sidhe Raaste Par Milta hai...
⑤⑦.
✒Fir Agar Tum Munh Fero To Me Tumhe Pahucha Chuka Jo Tumhari Taraf Lekar Bheja Gaya Aur Mera Rabb Tumhari Taraf Auro ko Le Aayega Aur Tum Uska Kuch Na Bigad Sakoge Beshak Mera Rabb Har Shay Par Nigehbaan hai...
⑤⑧.
✏Aur Jab Humara Huqm Aaya Humne Hood Aur Uske Sath Ke Musalmano Ko Apni Remat Farmakar Bacha Liya Aur Unhe Sakht Azab Se Najat di..
⑤⑨.
✒Aur Ye Aad hai Ke Apne Rabb ki Ayato se Munkar Huwe Aur Uske Rasoolo Ki Na'Farmani Ki Aur Har Bade Sarkash Hatt Dharm Ke Kehne Par Chale...
⑥ⓞ.
✏Aur Unke Piche Lagi Duniya me La'nat Aur Qayamat ke Din Sun lo Beshak Aad Apne Rabb Se Munkir Huwe Are Door Ho Aad Hood ki Qoum..


⑥①.
✒Aur Samood ki Taraf Unke Hum-Qoum Saleh ko Kaha Aye Meri Qoum ! Allah ko Poojo Uske Siwa Tumhara Koi Ma'bood nahi Usne Tumhe Zameen se Paida kiya Aur Usme Tumhe Basaya To Usse Muafi Chaho Fir Uski Taraf Ruj'a Lao Beshak Mera Rabb Qareeb hai Duwa Sunne Wala..
⑥②.
✏Bole Aye Saleh Isse Pehle to Tum Humme Honhaar Maloom Hote the Kya Tum Hume Isse Mana Karte ho Ke Apne Baap-Dada ke Ma'boodo ko Pooje Aur Beshak Jis Bat ki Taraf Hume Bulate ho Hum Usse Ek Bade Dhoka Dalne Wale ke Shak me hai..
⑥③.
✒Bola Aye Meri Qoum ! Bhala Batao To Agar Me Apne Rabb Ki Taraf se Roshan Daleel Par hu Aur Usne Muje Apne Pas se Rehmat Bakshi To Muje Usse Koun Bachayega Agar me Uski Na'farmani Karu To Tum Muje Siwa Nuksan Ke Kuch na Badhaoge...
⑥④.
✏Aur Aye Meri Qoum ! Ye Allah ka Naaka hai Tumhare Liye Nishani to Use Chod do Ke Allah ki Zameen me Khaye Aur Use Buri Trah Hath na Lagana Ke Tumko Nazdik Azab Pahuchega...
⑥⑤.
✏To Unhone Uski Konche Kati To Saleh Ne Kaha Apne Gharo me 3 Din Aur Barat lo Ye Wa'da hai Ke Jootha Na Hoga..
⑥⑥.
✒Fir Jab Humara Huqm Aaya Humne Saleh Aur Uske Sath Ke Musalmano ko Apni Rehmat Farmakar Bacha Liya Aur Us Din ki Ruswayi Se Beshak Tumhara Rabb Qavi Izzat Wala hai.
⑥⑦.
✏Aur Zalimo Ko Chinghad ne Aa liya To Subha Apne Gharo Me Ghutno Ke Bal Pade Reg Gaye..
⑥⑧.
✒Goya Kabhi Yaha Base Hi Na The, Sun Lo Beshak Samood Apne Rabb se Munkar Huwe Are La'nat ho Samood Par..
⑥⑨.
✏Aur Beshak Humare Farishte Ibrahim Ke pas Muzda Lekar Aaye Bole Salam Kaha Salam Fir Kuch Der na Ki Ek Bachda Bhuna Le Aaye..
⑦ⓞ.
✒Fir Jab Dekha ke Unke Hath Khane ki Taraf Nahi Pahuchte Unke Upri Samjha Aur Jee Hi Jee me Unse Darne Laga Bole Dariye Nahi Hum Qoum Loot ki Taraf Bheje Gaye hai...
⑦①.
✏Aur Uski Biwi Khadi thi Woh Hasne Lagi To Humne Use Ishak ki Khushkhabri Di Aur Ishak ke Piche Yakub ki...
⑦②.
✒Boli Haye Kharabi Kya Mere Baccha Hoga Aur Me Budhi Hu Aur Ye hai Mere Sohar Budhe Beshak Ye to Achambe ki Baat hai..
⑦③.
✏Farishte Bole Kya Allah ke Kaam Ka Achamba Karti ho Allah ki Rehmat Aur uski Barkate Tumpar Us Ghar walo,Beshak Wahi hai Sab Khoobiyo wala Izzat Wala..
⑦④.
✒Fir Jab Ibrahim Ka Khouf Zaeel Huwa Aur use Khush Khabri Mili Humse Qoum-E-Loot Ke Bare me Jhagadne Laga..
⑦⑤.
✏Beshak Ibrahim Tahammul Wala Bhot Aahen Karne Wala Ruj'a Lane Wala Hai...
⑦⑥.
✏Aye Ibrahim ! Is Khayal me Na Padd Beshak Tere Rabb Ka Huqm Aa Chuka Aur Beshak Unpar Azab Aane Wala hai Ke Fera Na Jaega..
⑦⑦.
✒Aur Jab Loot Ke Pas Humare Farishte Aaye Use Unka Ghum Huwa Aur Unke Sabab Dil Tang Huwa Aur Bola Ye Badi Sakhti Ka Din hai..
⑦⑧.
✏Aur Uske Pas Uski Qoum Doudti Aayi Aur Unhe Aage Hi se Bure Kaamo ki Aadat Padi thi Kaha Aye  Qoum ! Ye Meri Qoum ki Betiya hai Ye Tumhare Liye Suthri hai To Allah se Daro Aur Muje Mere Mehmano me Ruswa na karo Kya Tumme Ek Aadmi Bhi Nek Chalan Nahi..
⑦⑨.
✒Bole Tumhe Maloo'm Hai ke Tumhari Qoum ki Betiyo Me Humara Koi Haq Nahi Aur Tum Zarur Jante ho Jo Humari Khawaish Hai .
⑧ⓞ.
✏Bole Aye Kash ! Muje Tumhare Mukabil Zor Hota ya Kisi Mazboot Paye ki Panah Leta...


⑧①.
✏Farishte Bole Aye Loot ! Hum Tumhare Rabb Ke Bheje huwe hai Woh Tum Tak Nahi Pahuch Sakte To Apne Ghar Walo ko Raato Raat le jao Aur Tumme koi Pith Ferkar na Dekhe Siwaye Tumhari Aurat ke use bhi Wahi Pahuchta hai Jo Unhe Pahuchega Beshak Unka Wa'da Subha ke Waqt hai Kya Subha Qareeb Nahi..
⑧②.
✒Fir Jab Humara Huqm Aaya Humne Us Basti ke Upar ko Uska Nicha Kar diya Aur Uspar Kankar ke Patthar Lagatar barsaye Jo Nishan Kiye Huwe Tere Rabb ke Pas hai..
⑧③.
✏Aur Woh Patthar Kuch Zalimo Se Door nahi..
⑧④.
✒Aur Madiyan Ki Taraf Unke Hum Qoum Shoyeb Ko Kaha Aye Meri Qoum ! Allah Ko Poojo Uske Siwa Koi Ma'bood Nahi Aur Naap Aur Toll me Kami na Karo Beshak Me Tumhe Aasuda Haal Dekhta hu Aur Muje Tumpar Gherlene Wale Din ke Azab Ka Darr hai...
⑧⑤.
✏Aur Aye Meri Qoum ! Naap Aur Toll Insaf ke Sath Pura karo Aur Logo ko Unki Cheeze Ghatakar na Do Aur Zameen me Fasad Machate Naa Firo..
⑧⑥.
✒Allah Ka Diya Jo Bach Rahe Woh Tumhare Liye Behter hai Agar Tumhe Yakeen Ho Aur Me Kuch Tumpar Nigehbaan Nahi.
⑧⑦.
✏Bole Aye Shoyeb ! Kya Tumhari Namaz Tumhe Ye Huqm Deti hai Ke Apne Baap-Dada ke Khudao Ko Chod De Ya Apne Maal me Jo Chahe Na Kare Haan Jee Tumhi Bade Aqalmand Nek Chalan Ho..
⑧⑧.
✒Kaha Aye Meri Qoum ! Bhala Batao To Me Apne Rabb ki Taraf se Ek Roshan Daleel Par hu Aur Usne Muje Apne Pas se Achi Rozi Di Aur Me Nahi Chahta hu ke Jis Bat se Tumhe Mana Karta hu Aap Uske Khilaf Karne Lago Me to Jaha Tak Bane Sanwarna hi Chahta hu Aur Meri Toufiq Allah ki Taraf se hai Mene Uspar Bharosa Kiya Aur Usi Ki Taraf Ruj'a Hota hai..
⑧⑨.
✏Aur Aye Meri Qoum ! Tumhe Meri Zidd Ye Na Kamwa De Ke Tumpar Pade Jo Pada tha Nooh ki Qoum Ya Yahoodi Qoum Ya Saleh ki Qoum par Aur Loot ki Qoum To Kuch Tumse Door nahi...
⑨ⓞ.
✏Aur Apne Rabb se Muafi Chaho Fir Uski Taraf Ruj'a Lao Beshak Mera Rabb Meharban Mohabbat Wala Hai...
⑨①
✒Bola Aye Shoyeb ! Humari Samajh Me Nahi Aati Tumhari Bahot si Bate Aur Beshak Hum Tumhe Apne me Kamzor Dekhte hai Aur Agar Tumhara Kumba Na Hota To Humne Tumhe Pathraw Kar Diya Hota Aur Kuch Humari Nigah Me Tumhe Izzat Nahi...
⑨②.
✏Kaha Aye Meri Qoum ! Kya Tumpar Mere Kumbe Dabaw Allah Se Zyada hai Aur Use Tumne Apni Pith Ke Piche Daal Rakha Beshak Jo Kuch Tum Karte Ho Sab Mere Rabb ke Bas me Hai...
⑨③
✒Aur Aye Meri Qoum ! Tum Apni Jagah Apna Kaam Kiye Jao Me apna Kaam Karta hu Ab Janna Chahte ho Kis Bat Par Aata Hai Wo Azab Ke Use Ruswa Karega Aur Koun Jhoota hai Aur Intezar Karo Me bhi Tumhare Sath Intezar me hu...
⑨④.
✏Aur Jab Humara Huqm Aaya Humne Shoyeb Aur Unke Sath ke Musalmano ko Apni Rehmat Farmakar Bacha Liya Aur Zalimo Ko Chinghad ne Aa liya To Subha Apne Gharo me Ghutno ke Bal Pade Reh Gaye Goya Kabhi Waha Base hi na the...
⑨⑤.
✒Are Door ho Madiyan Jese Door Huwe Samood...
⑨⑥.
✏Aur Beshak Humne Moosa ko Apni Ayato Aur Sareeh Galbe ke Sath Fir'on Aur Uske Darbariyo ki Taraf Bheja..
⑨⑦.
✒To Woh Fir'on Ke Kehne Par Chale Aur Fir'on Ka Kaam Raste Ka Naa Tha...
⑨⑧.
✏Apni Qoum ke Aage Hoga Qayamat ke Din To Unhe Dozakh me La Utarega Aur Woh Kya hi Bura Ghat Utarne ka..
⑨⑨.
✒Aur Unke Piche Padi Is Jahan Me La'nat Aur Qayamat ke Din Kya Hi Bura In'aam Jo Unhe Mila...
①ⓞⓞ.
✏Ye Bastiyo ki Khabre hai Ke Hum Tumhe Sunate hai Unme Koi Khadi hai Aur Koi Katt Gayi...


✏Ye Bastiyo ki Khabre hai Ke Hum Tumhe Sunate hai Unme Koi Khadi hai Aur Koi Katt Gayi...
①ⓞ①.
✏Aur Humne Unpar Zulm Na kiya Balke Khud Unhone Apna Bura kiya To Unke Ma'bood Jinhe Allah ke Siwa Poojte the Unke Kuch Kaam Na Aaye Jab Tumhare Rabb Ka Huqm Aaya Aur Unse Unhe Halak Ke Siwa Kuch Na Badha...
①ⓞ②.
✒Aur Esi Hi Pakad hai Tere Rabb ki Jab Bastiyo ko Pakadta hai Unke Zulm par Beshak Uski Pakad Dardnaak Kadi hai...
①ⓞ③.
✏Beshak Usme Nishani hai Uske Liye Jo Akhirat ke Azab se Dare Wo Din hai Jisme Sab Log Ikatthe Honge Aur Wo Din Hazrika Hai...
①ⓞ④
✒Aur Hum Use Piche Nahi Hatate Magar Ek Gini Huyi Muddat ke Liye..
①ⓞ⑤.
✏Jab Woh Din Ayega koi Be-Huqme Khuda baat na Karega To Unke Koi Badbakht hai Aur Koi Khush Naseeb...
①ⓞ⑥.
✏To Woh Jo Badbakht hai Woh To Dozakh me hai Aur Woh Usme Gadhe ki Trah Regenge...
①ⓞ⑦.
✒Wo Usme Rahenge Jab Tak Aasman Aur Zameen Rahe  Magar Jitna Tumhare Rabb ne Chaha Beshak Tumhara Rabb jab Jo Chahe Kare...
①ⓞ⑧
✏Aur Woh Jo Khush-Naseeb Huwe Woh Jannat Me hai Hamesha Usme Rahenge Jab Tak Aasman wa Zameen Rahe Magar Jitna Tumhare Rabb ne chaha Ye Bakshish Hai Kabhi Khatm na Hogi..
①ⓞ⑨.
✒To Aye Sunne Wale Dhoke me Na Pad Usse Jise Ye Kafir Poojte hai Ye Wesa Hi Poojte hai Jesa Pehle Inke Baap-Dada Poojte The Aur Hum Unka Hissa Unhe Pura Fer Denge Jisme Kami Na hogi..
①①ⓞ.
✏Aur Beshak Humne Moosa ko Qitab Di To Usme Foot Padd Gayi Agar Tumhare Rabb ki Ek Bat Pehle Na ho Chuki hoti To Jabhi Unka Faisla Kar Diya Jata Aur Beshak Wo Uski Taraf se Dhoka Dalne Wale Shak me hai..
①①①.
✏Aur Beshak Jitne hai Ek-Ek Ko Tumhara Rabb Uska Amal Pura Bhar Dega Use Unke Kaamo Ki Khabar hai..
①①②.
✒To Qayam Raho Jesa Tumhe Huqm Hai Aur Jo Tumhare Sath Ruj'ua Laya hai Aur Aye Logo ! Sarkashi Na Karo Beshak Beshak Wo Tumhare Kaam Dekh Raha ha..
①①③.
✏Aur Zalimo Ki Taraf Na Jhuko Ke Tumhe Aag Chuyegi Aur Allah ke Siwa Tumhara Koi Himayati Nahi Fir Madad na Paoge..
①①④.
✒Aur Namaz Qayam Rakho Din Ke Dono Kanaro Aur Kuch Raat ke Hisso Me Beshak Nekiya Buraiiyo ko Mita Deti hai Ye Nasihat hai Nasihat Manne Walo ko..
①①⑤.
✏Aur Sabr Karo Ke Allah Nekiyo ka Neg Zaye Nahi Karta..
①①⑥.
✒To Kyo na Huwe Tumse Agli Sangato me Ese Jinme Bhalai Ka Kuch Hissa Laga Raha hota Ke Zameen me Fasad se Rokte Haan Unme Thode the Wahi Jinko Humne Najat di Aur Zalim Isi Aish Ke Piche Pade rahe Jo Unhe Diya gaya Aur Woh Gunaahgar the...
①①⑦.
✏Aur Tumhara Rabb Esa nahi ke Bastiyo ko Be-Wajah Halak Kar De Aur Unke Log Ache ho..
①①⑧.
✏Aur Agar Tumhara Rabb Chahta To Sab Aadmiyo Ko Ek Hi Ummat Kar Deta Aur Wo Hamesha Ikhtilaf me Rahenge..
①①⑨.
✒Magar Jinpar Tumhare Rabb ne Reham Kiya Aur Log Isliye banaye hai Aur Tumhare Rabb ki Bat Puri ho Chuki Ke Beshak Jahannam Bhar Dunga Jinno Aur Aadmiyo ko Milakar..
①②ⓞ.
✏Aur Sab Kuch Hum Tumhe Rasoolo ki Khabare Sunate hai Jisse Tumhara Dil Thehraye Aur Is Soorat me Tumhare Pas Haq Aaya Aur Musalmano ko Pind Wa Nasihat...


①②①.
✒Aur Kafiro Se Farmawo Tum Apni Jagah Kaam Kiye Jao Hum Apna Kaam Karte hai..
①②②.
✏Aur Raah Dekho Hum Bhi Raah Dekhte hai..
①②③.
✒Aur Allah Hi Ke liye hai Aasmano Zameen ke Gaib Aur Usi Ki taraf Sab Kaamo Ki Ruj'u Hai To Uski Bandagi Karo Aur Uspar Bharosa Rakho Aur Tumhara Rabb Tumhare Kaamo se Gafil Nahi..

SUREH HOOD MUKAMMAL....

Read More

🌃MERAJ KA TAFSEELI JAYEZA...

🌃MERAJ KA TAFSEELI JAYEZA...

HAZRATE YUSUF A'LAIHISSALATU WASSALAM KO PADHNE KE LIYE YAHA CLICK KARE...

GULZARE SHOHDA RADIALLAHU ANHUMA KO PADHNE KE LIYE YAHA CLICK KARE...

KARBALA KE BA'AD KA MANZAR FULL TOPIC KE LIYE YAHA CLICK KARE....

🔀TOPIC...

①AYATE ASRA KI TAFSEEL...

②MUKHTALIF AMBIYA-E-KIRAM KI ME'RAJ AUR USKI TAFSEEL...

③ME'RAJ KYU???"

④ME'RAJ MAKKAH MUKARRAMA SE HI KYU ??

⑤BAYTUL MUQADDAS SE SAFARE AASMAN KI IBTEDA KYU ??

⑥AMBIYA-E-KIRAM SE MULAKAT KI HIQMATE...

⑦ME'RAJ RAAT ME KYU ??

⑧ME'RAJ JISMANI...

⑨ME'RAJ KESE HUYI...

⑩ME'RAJ ME 7(SAAT) AASMAN KI TAFSEEL...

⑪ARSH SE LA-MAQA TAK...

⑫DANA FATA DALLA-FA-QANA QABA KAWSAYNE AW-ADNA...

⑬BAHISHT(JANNAT)..

⑭DOZAKH..

⑮SAFARE ME'RAJ SE WAPSI..

⑯TAZKIRA-E-ME'RAJ BA-ZABANE RISALAT..

⑰BAAQIYAAT..

⑱ME'RAJ PAR AITRAAZ AUR USKE JAWABAT...

🌃SARKAR ﷺ KI MERAJ KA BAYAN QURAN SHARIF ME AAYA HAI.....

⬇QURAN:-

سُبْحَٰنَ ٱلَّذِىٓ أَسْرَىٰ بِعَبْدِهِۦ لَيْلًا مِّنَ ٱلْمَسْجِدِ ٱلْحَرَامِ إِلَى ٱلْمَسْجِدِ ٱلْأَقْصَا ٱلَّذِى بَٰرَكْنَا حَوْلَهُۥ لِنُرِيَهُۥ مِنْ ءَايَٰتِنَآ ۚ إِنَّهُۥ هُوَ ٱلسَّمِيعُ ٱلْبَصِيرُ

📓(SUREH BANI ISRAEEL, AYAT-01)

⬇TARJUMA :- 

🎆Paki Hai Use Jo Apne Bande ko Rato Raat Le gaya Masjid E Haram Se Masjid e Aqsa Tak Jiske Gird O Gird Humne Barqat Rakhhi Ke Use Apni Azeem Nishaniya Dikhae Beshak Wo Sunta Dekhta Hai......

📓(TARJUMA KANZUL IMAAN)

🌃SHAAN-E-NUZUL :-  

🎇Jab Saiyed E Alam صلی اللہ تعالیٰ علیہ وسلم Meraj Ki Raat Me Buland Martabe Aur Unche Darjo Par Faiz Hue To Rab Taa'la Ne Khitab Farmaya Aapse Kaha Muhammad صلی اللہ تعالیٰ علیہ وسلم Ye Fazilat O Sharf Mene Kyo Ata Farmaya Huzur صلی اللہ تعالیٰ علیہ وسلم Ne Arz Kiya Is Liye ki Tune Muje Abdiyat Ke Sath Apni Taraf Mansub! Farmaya Isper Ye Mubarak Ayat Nazil Hui...

📚(TAFSIR-E-KHAZIM)

🎇Meraj Sharif Allah ke Mehboob صلی اللہ تعالیٰ علیہ وسلم Ka Ek Bahot Bada Zalil-ul-Qadr Moziza Aur Allah Taa'la Ki Niyamat Hai Aur Isse Huzur صلی اللہ تعالیٰ علیہ وسلم Ka Wo Qamal E Qurb Aur Allah ke Sabse Nazdeek hona Zahir Hota hai Jo Allah ki Makhluk me Kisi ko Muyassar nahi....

🎆Elan E Nabuwwat ke 20 ve saal SARKAR صلی اللہ تعالیٰ علیہ وسلم Meraj Se Nawaze Gae Mahine me Ilhtilaf hai Magar Jyada Mashoor Rajjab Sharif ke 27 Mi Shab ko Meraj Hui Makka Muqarrama Se Baytul Muqaddas Tak Raat ke Thode Hisse me Tashrif le Jana Quran Se Sabit hai....

🎇Meraj ka Na Manne wala 

Quran se inkar karne wala hai Aur beshak Kafir hai Aur Aasmano ki Ser aur Manzile Qurb me Pahochna Sahi Aur Mashoor Qutabo Se Sabit hai Iska Munkir Gumrah Hai....

🎆Meraj Sharif Ba-Halat E Bedari me Hui Ye aalame Islam ka Aqeeda hai Aur Ashabe Rasool صلی اللہ تعالیٰ علیہ وسلم Ki Bahot si Jamate Huzur صلی اللہ تعالیٰ علیہ وسلم Ke Jalilul Qadr Sahaba Isi Ke manne Wale hai.........

📚(TAFSIR-E-NAEEMI)

🌠AYATE ME'RAJ KI TASHREEH....

🌃KHALEEK-E-KAYNAT NE APNE MEHBOOBE PAAK KE SAFARE ME'RAJ KA TAZKIRA KIS PYARE ANDAAZ ME FARMAYA HAI USKO HUM APKE SAMNE AYATE ASRA KI TAHSRIF SE BATATE HAI...

🌠LAFZ(سُبْحَٰنَ)SUBHAAN...

🎆Hafiz Ibne Kaseer Ne Apni Tafseer Me Likha Hai ke Tasbih Ka Lafz (سُبْحَٰنَ) Ke Lafz Ke Maane Pakar Aur Tasbeeh Ke Maane Paki Bayan Karne ko Hote hai Umure Azeem (Bhot Bada Ya Azeemushaan Kaam) Ke Liye Hota hai...

🎇YE Tasbeeh Umur-E-Azeema ke Liye Istemal Hoti Hai Agar Ye Waqiya(Me'raj) Khawab Ka Hota to Fir Esi Azeem Shey Na Hoti Jiske Liye Tasbeeh ka Lafz Istemal Hota Upar ki Sharah se Ye bat Asani se Samaj me Aati hai Ke Ayate Asra ke Shuru me Lafz "SUBHAAN" Ka Hona Is Baat ki Taraf Ishara Hai Ke Me'raj Koi Kashaf Ya Khawab Ka Waqya Nahi Balke Ye Halate Bedari Ka Mubarak Waqiya hai...

🎆Allah Taa'la Alim Aur Khabeer hai(Sabkuch Janne wala) Wo Janta tha Ke Ye Batin ke Andhe Aur Haqiqat se Na Waqif Logo ke Samne Jab Bhi Me'raj Ka Zikr hoga To Woh Apni Tang Nazri Aur Jahalat ki Wajah se Me'raj Ka Inkar Karenge Unko Ikrar Karne ki Toufeek Na hogi.. 

🎇"SUBHAN" Lafz Hone me Hiqmat Ye hai Ke Un Batin Ke Andhe Logo ko Khabar ho Jaye Ke Jab Unki Nazar Me'raj Ke Ajeeb-O-Garib Waqiye Par Pade Aur Woh Kahe Ke Ye Kese ho Sakta hai To "SUBHAN" Lafz Is Haqiqat Se Wakif Kar de Ke "JISNE ME'RAJ KARAYI WO SABSE BADA KUDRAT WALA HAI" Aazizi Aur Bekasi Aur Majboori se Paak Hai Aur Aazizi Aur Bekasi Uske Liye Na'mumkin Aur Muhal hai Uske Liye Me'raj Se Apne Habib ko Nawazna Kuch bhi Mushkil Nahi....

🎆Arabi Zuban Ke Qanoon Ke Mutabik "SUBHAN" Lafz (ح/ب/س) Ke Maade Se Bana Huwa Hai Aur Lugat Ke Aetebar se Uske Mayne Tez Raftar Ke Hote hai Jesa Ke Arab Ke logo Ka Dastoor hai Ke Jis Waqt Ghoda Tezi se Doudta Huwa Nikal Jaye To Kehte hai "SABHA" Isliye Lafz "SUBHAN(سُبْحَٰنَ)" Ne Is Baat Ka Elaan Kar Diya Ke Aane Wale Mazmoon Me Kisi Khaas Tez Raftar ka Bayan Hone Wala hai....

📚(MERAJ-UN-NABI JILD-01, SAFA-20/21)

🌃LAFZ(ٱلَّذِىٓ)"AL'LAZI":-

🎆Ye Ism'e Mosul Hai Mayne Hote hai Wo Zaat Halanke Ye Ayesa Lafz Hai Ke Har Cheez Par Wo Aa Sakta hai Magar Jis Zaat Ko Qameel Pure Tour se "Al'lazi" Kaha Ja Sakta hai Woh Zaat Hai Parwardigare Aalam Ki Wohi Ma'bood Barhaq Ibadat Ke Layak hai Aur Usi ke Liye Wuzube Zaati(Yani Uski Zaat ka Hona Zaruri Uske Bager Duniya Ka Wajood Ho Nahi Sakta) Lazim Hai Aur Wuzube Zaati "Al'lazi" Ka Kamal Hai Lafz Al'lazi (Yani Daleel Ya Saboot Dene Wala) Aur Allah ki Zaat Madlul Hai...

🌃LAFZ (أَسْرَىٰ) "ASRA":-

🎇ASRA Ka Lafz Waha Par Aata hai Jaha Sair(Ya Kahi Par Jana) Halate Bedari(Hosh Hawas) Me Ho Khawab Ya Kashaf Ki Halat Me Sair Ke Liye Nahi aata Quran me hai..

🌈FARISHTE BOLE AYE LOOT TUMHARE RABB KE BHEJE HUWE HAI WO TUM TAK NAHI PAHUCH SAKTE TO APNE GHAR WALO KO RAATO RAAT...

🎆Aur Hazrate Moosaعليه السلام Ke Waqiye me Hai...

🌈YANI MERE BANDO KO RAATO RAAT LE NIKAL ZAROOR TUMHARA PICHA KIYA JAEGA..

🎇Lafz ASRA Ke Mayne Hai "LE GAYA" Aur Azhab Aur Zahba Ke bhi Mayne Hai "LE GAYA" Lekin "ASRA Aur AZHABA-W-ZAHBABEHI" Ke Mayne Me Ek Fark Hai Woh Ye Ke Agar Jane Wale ke Sath Le Jane Wala Khud Bhi hai To Lafz Asra Bola Jaega Lekin Azhab Aur Zahbabehi Me Jane Wale Ke Sath Le Jane Wale Ka Hona Zaroori Nahi, Aur Lafz ASRA Musarrat W Khushhali Par Laya Jata Hai Magar Azhaba Aur Zahbabehi Me Ye Khusussiyat Nahi...

🎆Lihaza Jo Log Huzur ﷺ Ki Me'raj Jismani Ke Munkir Hai Aur Kehte Hai Ke Insan Ke liye Itni Jaldi Itna Taweel Safar Aur Ajeebo Garib Bato ka Mushaheda Na Mumkin hai Aur Ye ho hi Nahi Sakta  To Yahi Lafz ASRA Unko Jawab De Raha hai Ke Jane Wale Mehboob Ke Sath Lejane Wala Muhib Yani Tamam Aalam Ka Payda Karne Wala Allah Taa'la Bhi to Hai Jiske Liye Ye kaam Zarra Barabar Bhi Mushkil Nahi Yane Ye Lafz Sarkar ke Jismani Me'raj Ki Khuli Huyi Daleel Aur Saboot hai...

📚(MERAJ-UN-NABI JILD-01, SAFA-21/22)

🌃LAFZ(بِعَبْدِه) "BE'ABDIHI" :-

🎇Hafiz Ibne Kaseer Aur Imam Tibri Ne Tashrih Ki Hai Yane Bataya hai Ki Isme Jo Abdaka Lafz Aya Hai Jiska Itlak Rooh May Jasd Par Hota Hai Yani Rooh Ke Sath Jism Ka hona Lazimi Aur Zaroor Haq Sirf Rooh ko Abd Nahi Kaha Ja Sakta, Qurane Paak Me Jaha bhi Abd Aya Hai Rooh Ke Sath Jism Bhi Murad hai...

🌃AL-QURAN:-

🌈AUR AGAR TUMHE KOI SHAK HO JO USME HUMNE APNE UN KHAAS BANDE PAR UTARA....

🌈AUR HUMARE BANDE AIYUB KO YAAD KARO..

🌈BESHAK MERE BANDO PAR TUMHARA KUCH QAABU NAHI..

🌈AASMANO AUR ZAMEEN ME JITNE HUM SAB USKE HUZUR BANDE HOKAR HAZIR HONGE....

🎆Shabe Me'raj Nabi-E-Kareem ﷺ Ki Sair Yane Allah Ki Taraf Jana Aur Allah Ka Banda Hone Ko Sair Allah Aur Raf'a Elas'sama Se Khaas Nisbat Hai Isliye Hazrat Isa عليه السلام Jinhone Apne Apko Abdullah Hone ka Elaan Kiya Unke Liye Bhi Sair Allah Aur Aasman Ki Taraf Ru'ju Hona Bhot Hi Munasib Hai...

🎇Mgar Fark Ye Hai ke Huzur ﷺ Ki Abdiyat Yane Banda Hona Allah Ta'ala  Farma Raha hai Aur Isa عليه السلام Apne Aap Allah Ka Banda Hone Ka Khud Elaan Farma Rahe hai Baat Zahir hai ke Banda Hone Ka Elaan Jo Allah Ki Taraf Se Ho Uska Banda Hona Usse Buland Hai Jo Bazaate Khud Apni Taraf Se Banda Hone Ka Elaan Karta hai Usse Zahir hai Ke Hazrat Isa عليه السلام Aur Nabi-E-Kareem ﷺ Ki Bulandi Me Sama-E-Saani Se Lekar Dana Fatadalla Tak Ka Tafawat Payda Ho Gaya...

🎆Allah Taa'la Is Ayate Kareema me Lafz Abd Se Apne Mehboob Ka Zikr Kiya, Rasool Ya Nabi Ya Habib Ka Lafz Yaha Laya Na Gaya Iska Kuch Maqsad hai...

①.

🎇Hazrat Isa عليه السلام Ko Yahoodiyo ne Jab Qatl Karna Chaha To Allah Taa'la ne Unko Aasman Ki Bulandiyo Par Bula Liya Isa عليه السلام Ki Ye Fazilat Aur Kamal Ko Dekhkar Isaiyo Ne Unko Allah Ka Beta Kehna Shuru Kar diya Jo Khula Huwa Shirk Hai, Allah Taa'la Is Ayat me Apne Mehboob Ki Abdiyat Yani Banda Hone Ka Elaan Farmakar Shirk Ki Jadd Kaat di Aur Batla Diya ke Isa Se Bhi Aage Jane Wala Na Khuda hai Na Khudayi Ka Sharik Balke Khuda Ka Azmato Izzat Wala Mehboob Banda hai...

②.

🎆Jab Huzur ﷺ Aali Maqam Aur Buland Darjo Par Pahoche To Allah Taa'la Ne Sawal Farmaya Ke Aye Mehboob Tumhe Ye Fazlo Kamal Kis Wajah se Hasil Huwa Huzur ne Arz kiya Aye Rabb Ye Tamam Azmat Buzurgi-W-Sharf Abdiyat Bandagi Ki Wajah se Hasil Hai, Usi Waqt Allah Taa'la Ne Ye Ayate Kareema Nazil ki Yani Mehboob Apne Liye Sifat ko Pasand kiya Usi Sifat ke Sath Chahne Wale Allah Taa'la Ne Apne Mehboob ko Yaad Farmaya...

③.

🎇Risalat Ka Hasil Khuda ki Janib Se Chalkar Bando ki Taraf Aana Hai Aur Abdiyat Ka Hasil Makhlook Aur Aalam Ko Chodkar Moula-W-Aqa Ki Taraf Jana hai...

⬇④

🎇Bandagi ka Sabse Bada Kamal Ye hai ke Allah Taa'la Ka Qurb Hasil Ho Jaye, Me'raj Ki Raat Jo Qurbe Khaas Huzur ﷺ Ko Hasil Huwa Woh Na Aapse Pehle Kisi Ko Aur Na Aapke Bad Kisi ko Hasil Hoga...

⬇⑤

🎆Allah Taa'la Is Baat ko Zahir Karna Chahta hai Ke Me'raj Mere Mehboob ki Pehli Sifat Bandagi Ka Sabse Aala Aur Uncha In'aam Hai Ab Is Baat se Ye Andaza Lagana Bhot Hi Mushkil hai Ke Jab Huzur Ki Sabse Pehli Sifat Yane Sifate Bandagi Ki Shaan Raf'iat Aur Itni Buland Hai To Apki Sifat Jo Nabuwwat Risalat-W-Mehboobiyat Hai Uska Kitna Azeem Martaba hoga..

⬇⑥

🎇Ye Lafz Abd Me'raj Jismani Par Ek Nihayat Umda Daleel Hai Isliye Ke Abd Ke to Sirf Na to Jism Ya Rooh ko Kehte hai Ya'ne Jaha bhi Lafz Abd Bola Jayega Usse Jism Aur Rooh Dono Murad Honge Isi liye Ayat Me Lafz Abd Ye Bata Raha haj Ke Safar Me'raj Ka Talluk Khawab-O-Khayalo Ki Duniya se Nahi hai Balke Me'raj Ke Azmat Aur Buzurgi Wale Musafir ka Jisme Athar Aur Rooh Munawwar Ek Sath Muqame Kurb Me Pahoche Aur Musharraf Huwe...

📚(MERAJ-UN-NABI JILD-01, SAFA-24/25)

🌃LAFZ(لَيْلًا) LAYLAM..

🎇Lafz Laylam Arabi Zaban Ke Kayde Ke Hisab Se Nakera Hum Aur Nakera Taklil Ke Liye Aata hai Yane Kisi Cheez Ki Kami Aur Killat Bayan Karne Ke Waste Yaha Par Is Ayat me Laylam ki Tankir se Zahir hota hai...

🎆Logo Ko Maloom Ho Jaye Ke Me'raj Ka Safar Puri Raat Me Nahi Balke Raat Ke Thode Hisse Me Huwa Aur Is Lafz LAYLAM Se bhi Jismani Me'raj Ka Behtarin Saboot Milta hai Ke Agar Me'raj Ka Safar Roohani Hota to Rooh ka Itni Jaldi Safar Kar Dena Koi Ta'jjub Ki Aur Ajab Baat nahi..

🎇Balke Rooh ki Tez Raftari Ke Liye to  Lafz LAYLAM Bhi Kafi Nahi, Yakinan Ye Mubarak Safar Jismani Tha Aur Esi Tez Raftari Ke Sath ke Safar se Wapsi Par Bistar Mubarak Garam Aur Zanzir Bhi Hilti Mili..

🎆ASRA Ke Mayne Hai Raat Me Safar Karne ke Lekin LAYLAM Lafz Ko Yaha Isi Liye Laya Gaya Ke Ye Cheez bhi Zahir Ho Jaye Ke Me'raj Puri Raat me Nahi Balke Ek Khaas Aur Thode se Hisse me Huyi....

📚(MERAJ-UN-NABI JILD-01, SAFA-25/26)

🌃LAFZ(ٱلْمَسْجِدِ ٱلْحَرَام) AL-MASJID'IL HARAM...

🎇Masjide Haram Se Murad Khana-E-Qaba Bhi hai, Aur Woh Mubarak Masjid Bhi Jiske Bich me Khana-E-Qaba Hai, Ye Dono Mayne Le Sakte hai Kyonke Kuch Hadees Batati Hai Ke Aap Harame Qaba Me Tashrif Farma The Aur Kuch Hadeeso Se Ye Maloom Hota hai Ke Aap Hateem Me Tashrif Farma The Jaha Se Apko Me'raj Huyi..

🎆Ba'az Riwayato Me Hai Ke Hazrat Umhani رضی الله عنہ Ke Makan Me Tashrif Farma Hone Ka Zikr Hai Lekin Isse Is Ayate Kareema Se Ikhtelaf Ya Mukhalifat Zahir Nahi Hoti Kyonki Aap Hazrate Umhani Ke Ghar Tashrif Rakhe The Fir Waha se Harame Qaba Ya Hateem Me Ronak Afroz Huwe Jaha se apko Me'raj Mubarak Naseeb Huyi...

🌃LAFZ(ٱلْمَسْجِدِ ٱلْأَقْصَا) AL-MASJID'IL AQSA..

🎇Masjide Aqsa Se Murad Baytul Muqaddas hai Aur Isi Par Tamam Musalman Ulema Ka Ittefaq hai, Lekin Kuch Ulema Ka Ye Kehna hai Ke Masjid ke Mayne Hai Sajda Karne ki Jagah Aur Aqsa Ke Mayne Hai Muntaha Yani Woh Sajda Karne Ka Aakhri Muqam Jiske Bad Koi Makan Ya Jagaj Ka Hona Mumkin Nahi Aur Woh Muqam To Arshe Azam hai In Ulema Ki Tehqiq Se Ye Zahir hota hai Ke Meraj Ke Safar ki Sharu'at Makkah Se Aur Khatam Arshe Azam par hai...

📚(MERAJ-UN-NABI JILD-01, SAFA-26/27)

🌃LAFZ(بَٰرَكْنَا حَوْلَهُۥ) BA'RAKNA HAWLAHU...

🎆Baytul Muqaddas Ko Pehle Guzre Huwe Ambiyao Ka Markaz Hone ka Sharf Hasil hai Aur Unke Mubarak Qadmo ke Tufail Aur Barkat se Sirf Baytul Muqaddas hi Nahi Balke Atraf ke Muqamat Aur Jagah bhi Allah Ke Noor Aur Barkat ka Chasma Aur Khazana Ban Gaya Isi Liye Yaha Kaha gaya "(بَٰرَكْنَا حَوْلَهُۥ) BA'RAKNA HAWLAHU" Iske Aaspas Humne Barkate Rakhi Aur Ye Barkate 2 Tarike Ki hai...

🎇HASTI:- Aabadiya - Khubsurat Baagh Bagiche...

🎆ROOHANI:- Ambiya-E-Kiram Ke Muqaddas Mazarat "BARAKNA FIHE" Na Farmaya Gaya Ke Humne Is Masjid me Barkate Rakhi Hai Kyonke Esa Farmaya Gaya'Hota to Masjid me Barkat ka Saboot Ho Jata Lekin Aaspas ki Barkato ka Saboot na Hota Lekin "HAWLAHU" Farmane Se Is Baat Ki Puri Safayi Ho Gayi Ke Jab Aaspas Barkate Hai To Masjid me hona Awwal Darje Par Sabit hai...

🌃LAFZ(لِنُرِيَهُۥ مِنْ ءَايَٰتِنَآ) LI-NOORIYAHUM MIN AYATINA....

🎇Urf Me Ayat Ka Itlak Azmato Kamal Par Hota hai Aasmani Ayat Zameeni Ayat se Zyada Ajeeb Aur Qamil hai, Isliye Tafsil Rooh'ul Ma'aani Me Hai..

🌈TAKI DIKHAYE HUM UNKO APNI KUDRAT KI NISHANIYA YANE HUM UNKO LE JAYE AASMANO PAR TAKE WAHA PAR JO DEKHNE KE QABIL AJEEB-O-GAREEB NISHANIYA HAI UNKO DIKHAYE...

🎆Lafz Ayaat Ja'maa hai Aur Mutakallim Ki Zameer ki Janib Muddaf Bhi hai Lihaza Usool Ke Qayde se Is Surat me Istagra ke Mayne Payda Ho Jate hai Lihaza Is Tashrih Ki Beena Par Ayate Kareema Ka Maqsood Ye Hoga Ke Me'raj Mubarak Ka Ba-Azmat Safar Isliye Darpesh Aya Ke 

Nabi-E-Kareem ﷺ Kudrat ki Tamam Nishaniyo ka Mushahida Farma le...

📚(MERAJ-UN-NABI JILD-01, SAFA-27/28)

🌃LAFZ(إِنَّهُۥ هُوَ ٱلسَّمِيعُ ٱلْبَصِيرُ) INNA'HU HUWASS SAMI-UL-BASIR..

🎆INNAHU Ki Zameer Yaa To Allah Ki Taraf Ru'jua Hoti Hai Ya Sarkare Do Aalam ﷺ Ki Zaat Ba'Barkat ki Taraf...

🎇Jesa Tafseer Rooh-Ul-Ma'aani Me Hai Ke Ba'az Mufassirin Ne Farmaya Ke Innahu Ki Zameer Ko Allah Ki Taraf Ishara Maana Jaye To Bhi Jaiz Aur Huzur ﷺ Ki Taraf Mana jaye To Bhi Jaiz...

🎆Agar Innahu Ki Zameer Allah Ke Liye Agar Mani Jaye To Matlab Ye Hai Ke Inkar Karne Wale Aur Aetraaz Karne Walo Ko Is Me'raj Ka Khouf Aur Darr Dilaya Ja Raha hai Ke Tum Jo Mere Mehboob ki Me'raj Ka Inkar Karte ho To Hum Usko Sunte aur Dekhte hai Apne Is Jurm ki Bina Par Tum Mere Azaab Se Bach Nahi Sakte Jo Ke Azab Shadid Hai Sakht hai Aur Tumko Pakad Me lega...

🎇Ya Ke Me'Raj Ka Mubarak Taweel Lambi Safar Hai Rawangi Waqt Na Azeezo Aqarib Yane Rishtedar Aur Dost Ahbab Moujud hai Naa hi Jaan Dene Wale Sahaba-E-Kiram Moujud Hai Jo Ke Rukhsat Aur Alvida Ke Alfaz Kehkar Aapke Qalb Mubarak(Dil Ko) Tasalli De...

🎆Ese Waqt Me Parwardigare Aalam Dariya-E-Mohabbat Me Josh Payda Hota hai Aur Har Mouje Mohabbat Zabane Haal se Pukar-Pukar Kar Kehti hai Aye Mehboob Musafir-Zameeno Aasman Ka Ye Mukaddas Safar Mubarak Ho Ghabhrane Ki Baat Nahi Tumhara Chahne Wala Khuda Tumhari Hifazat Karne Wala hai Aur Wohi Tumhari Ek Baat Ka Sunne Wala Aur Har Kaam ko Dekhne Wala hai..

🎇Aur Agar Innahu Ki Zameer Huzur ﷺ Ki Taraf Samji Jaye To Iska Matlab Ye Hoga Ke Kudrat Ki Woh Nishaniya Jo Sunne Ke Qabil Thi Unhe Unhone Aap ﷺ Ne Suna Aur Jo Dekhne ke Layak thi Woh Dekhi..

🎆Zurqani Sharif me Allama Zurqani رحمۃ اللہ تعالٰی علیہ Se Isi Baat Ko Naql Farmate hai Ke Matlab Ye Huwa Kudrat ke Tamam Waqeyat Apne Is Trah Mushahida Farmaye Yaane Dekhe Ke Mushahida Karne Ka Yane Dekhne Ka Haq Hai...

📚(MERAJ-UN-NABI JILD-01, SAFA-28/29)

🌠MUKHTALIF AMBIYA-E-KIRAM KI ME'RAJ AUR USKI TAFSEEL....

🌃ME'RAJ-E-ADAM عليه السلام...

🎆Allah Taa'la Ne Adam عليه السلام Ko Payda Kiya Aur Uske Bad Farishto ko Huqm Diya Ke Adam عليه السلام Ko Sajda Karo Tamam Farishto Me Allah Ke Huqm Se Adam عليه السلام Ko Sajda Kiya Lekin Iblees Ne Inkar Kiya Aur Hamesha Ke liye Usko Allah ki Bargah se Nikal Diya gaya...

🎇Hazrate Adam عليه السلام Ko Huqm Huwa Ke Jannat me Jakar Rahiye Jannat me Dakhil Hone ke Bad Apko Tamanna Huyi Ke Koi Apka Sathi Bhi ho To Allah Taa'la ne Hazrate Hawwa Ko Payda Kiya Aur Adam عليه السلام Ki Ye Tamanna Puri Kar Di Aur Jab Gandum(Gehu ka Dana) Khane ki Wajah se Jannat se Zameen Par Tashrif Laye To Aapne Saalo Tak Ro'kar Aur Gidgidakar Jab Sarkare Do Aalam ﷺ Ke WASEELE Se Duwa ki Aur Arz Kiya..

🌈ALLAHUMMA INNI AS'ALOKA BI'HAQQI MOHAMMADIN ﷺ...

⤵Tarjuma:-

🌈AYE ALLAH ME TUJHSE HUZUR MOHAMMAD ﷺ KE WASEELE SE DUWA MANGTA HU...

🎆Ispar Allah Taa'la Ka Farman Huwa Ke Aye Adam Tumne Mere Habib ko Kese Pehchana Aapne Arz Kiya Ke Aye Allah Mene Tere Arsh Par Tere Naam ke Sath Unka Naam Likha Huwa Dekha tha Usi Waqt se Mene Jaan liya tha Ke Ye Tere Mehboob Ke Alawa Aur Kisi Ka Naam Ho Nahi Sakta...

🎇Allah Taa'la ne Farmaya Aye Adam Tumne Sach Kaha Yaqinan Ye Mere Mehboob Hai Isi Liye Jab Tumne Unke Waseele se Duwa Ki Hai To Me Tumhari Duwa Zaroor Qabool Karunga....

🌈TO SABIT HUWA KI JANNAT ME REHNA AUR WAHA KI CHEEZO SE FAYDA HASIL KARNA YE ME'RAJ HAI HAZRAT ADAM عليه السلام KI..

🌃ME'RAJ-E-IDREES عليه السلام...

🎇Ek Baar Aap Dhoop ki Tapish Me Sakht Garmi me Tashrif Le Ja Rahe the Dophar ka Waqt tha Apko Salkht Taklif Huyi Apko Khayal Aya ke Jo Farishta Aaftab(Suraj) Me Rakha Gaya hai Usko Kitni Taklif Hoti Hogi Aapne Arz Kiya ke Aye Allah Us Farishte Ki Taklif ko Kum Kar..

🎆Fouran Duwa Qabool Huyi Aur Farishte Par Taklif ki Kami Ho Gayi Us Farishte ne Pucha Aye Allah Ye Kami Kis Vajah se Huyi, Allah Taa'la ne Irshad Farmaya Mere Bande Idrees ne Tere Liye Duwa ki Thi Mene Uski Duwa Ko Qabool Ki...

🎇Farishte ne Arz Kiya Aye Allah Tu Muje Ijazat De Ke Me Unki Khidmat me Hazir Howu Ijazat Milne  Par Aapki Khidmat me Hazir Huwa Tamam Waqiya Bayan Kiya Aur Kaha Idrees عليه السلام Se Matlab ho To Kahe Aapne Farmaya Farishte se ki Muje Ek Martaba Jannat me Le Chalo Usne Kaha Ye To Mere Bas ke Bahar ki Baat hai Mere Kaam ka nahi...

🎆Lekin Izraeel Malekul Mout se Mera Dostana hai Usko Lata hu Shayad koi Tadbeer Ya Tarkib Chal Jaye Izraeel عليه السلام Aaye Aapne Unse Farmaya Izraeel عليه السلام Ne Arz kiya Huzur Bagair Mout Ke to Jannat Me Jana Ho Nahi Sakta Idrees عليه السلام Ne Izraeel عليه السلام Se Farmaya Meri Rooh Qabz Kar lo..

🎇Izraeel عليه السلام Ne Khuda Ke Huqm se Apki Rooh Apke Jism Se Badan se Qabz Kar li Aur Fouran Jism Me Daal Di, Aapne Farmaya Muje Jannat Aur Dozakh ki Sair Karwao...

🎆Hazrat Izraeel عليه السلام Dozakh Par Laye Aur Jahannam Ke Tabak Khulwaye Gaye Aap Dekhte hi Behosh Hokar Gir Pade, Izraeel عليه السلام Waha Se Idrees عليه السلام Ko Le Aaye Jab Hosh Aaya To Arz Kiya Ye Taklif Aapne Apne Hatho se Uthayi Fir Jannat Me Le Gaye Waha ki Sair Karne ke Bad Izraeel عليه السلام Ne Apse Chalne Ko Arz kiya Aapne Khayal Na Ka Kiya Fir Dobara Arz Kiya Aapne Jawab Na Diya..

🎇Fir Unhone Arz Kiya To Farmaya Ab Chalna Kesa Jannat me Aakar Bhi Koi Wapas Jata hai Allah Taa'la Ne Ek Farishte ko Unke Darmiyan Faisla Karne ko Bheja Usne Aakar Hazrat Izraeel عليه السلام Se Sabse Pehle Waqiya Suna Fir Idrees عليه السلام Se Arz Kiya Ke Kya Aap Nahi Jate ?? Aapne Irshad Farmaya Ke Allah Taala Farmata hai..

🌈HAR JANDAR KO MOUT KA MAZA CHAKHNA HAI..

🎆Aur Me Mout ka Maza Chakh Chuka hu Aur Farmata hai "TUMME SE HAR EK JAHANNAM KI SAIR KAREGA" Aur Me Jahannam ki Sair Kar Aaya Aur Allah Taa'la Farmata hai "WO LOG JANNAT SE KABHI NAA NIKLENGE" Ab Me Jannat Me Aa Gaya Kyo Jau...

🎇Huqme Ilahi Huwa Ke Mera Banda Idrees Saccha hai Use Chor Do...

📚(MERAJ-UN-NABI JILD-01, SAFA-34)

🌃MERAJ-E-IBRAHIM KHALEELULLAH عليه السلام...

⤵Allah Taa'la Irshad Farmata hai.

🌈AUR ISI TRAH HUM IBRAHIM(عليه السلام)KO DIKHATE HAI SARI BADSHAHI AASMANO AUR ZAMEEN KI AUR ISLIYE KE WO AY'NUL YAKEEN WALO ME HO JAYE...

🎆Tafseer Rooh'Ul'Ma'ani Me hai Ke Hazrat Ibrahim عليه السلام Ke Safar ki Me'raj Ki Tafseel Is Tor par Ki Gayi Hai Ke Buraq Se Tez Raftar Par Sawar Hokar Aasmani Duniya me Tashrif Le Gaye Waha Par Aapki Nigah Se Tamam Parde Hata Diye gaye Aur Aapko Ek-Ek Jagah Nazar Aane Lagi Aur Tamam Makhlook Ke Halaat se Aap Waqif Ho Gaye...

🎇Is Darmiyan Aapne Ek Saksh ko Zameen Par Gunaah Karte Huwe Dekha Us Gunaah Se Nafrat Farmate Huwe Aapne Uski Halaqat aur Barbadi ki Duwa ki Allah Taa'la Ne Us Gunagar ko Wahi HALAK Kar Diya Fir Ibrahim عليه السلام Ne Dobara Nazar ki To Dusre Aadmi ko Gunaah Karta Huwa Paya Uske Liye bhi Halakat ki Duwa ki Wo bhi Mar Gaya Is Trah Ek-Ek Karke 4 Aadmi ko Apne Gunaah Karte Huwe Dekha Aur Jab Uski Halakat ki Duwa ki to Allah Taa'la ne Irshad Farmaya..

🌈AYE IBRAHIM MERE BANDO KI HALAKAT KI DUWA NA KARO ISI LIYE APNE BANDO KE SATH MERA BARTAV 3 TRAH KA HAI...

🎆PEHLA:- Agar Mera Banda Gunaahgar hai Aur Wo Touba Karke Marega To Me Uske Gunaah Muaf Kar Dunga...

🎇DUSRA:- Uski Nek Aulad Payda Hogi Jo Meri Ibadat Karegi Aur Meri Zameen ko Sajdo se Bhar Degi..

🎆TEESRA:- Mera Banda Qayamat ke Din Mere Samne Pesh Hoga To Me Uski Bakshish Kardu Ya  Chahe Use Azab me Daal Du Ye Meri Marzi Hai..

🎇Uske Bad Huqm Hota hai Ke Aye Mere Khaleel Mere Bando ko Halak Hone se Pehle Ab Aap Zameen Par Tashrif Le Jaye...

📚(MERAJ-UN-NABI JILD-01, SAFA-35)

🌃ME'RAJ-E-MOOSA KALIMULLAH عليه السلام...

🎆Hazrat Moosa عليه السلام Ne 40 Roz Tak Roza Rakhne Ke bad Wuzu Karke Paakiza Libas Pehna Aur KOOHE'TOOR Par Tashrif Laye Allah Taa'la ne Ek Badal Ka Tukda Esa Bheja Jisne Charo Taraf se Koohe'Toor Pahad ko Is Trah Dhanp Liya Ke Woh Logo ki Nigaho Se Chup Gaya..

🎇Uske Bad Har Tarah Ke Janwar Yaha Tak ke Chinti(कीडी) Balke Farishto ko bhi Koohe'toor se 21 Meel Door Kar Diya Gaya, Taki Allah Se Moosa عليه السلام Ki Mulakat Aur Batchit Ho Aur Koi Jandar Maloom na Kar sake..

🎆In Tamam Intezam ke Bad Ab Hazrat Moosa عليه السلام Ki Nazro se Tamam Parde Utha liye gaye Aapne Dekha ke Farishte Hawa me Qayam hai Allah Ke Lohe Mehfooz Ke Kalmo ki Awaz Suni Aur Be'Parda Aur Be'Hijab Allah Taa'la ke Arsh Ka Mushahida Farmaya Iske Bad Allah Taa'la Ne Aapse Kalam Farmaya Apne Rabb Ka Kalam Sunkar Apko Wo Qaif Aur Maza Hasil Huwa Ke Deedar-E-Ilahi Allah Ke Deedar ki Tamanna Apke Qalbe Mubarak Me Huyi Apne Arz Kiya Aye Mere Parvardigar Muje Tu Apne Deedar Ka Sharf Ata farma Quran-E-Paak me Iska Zikr Moujud hai..

⤵TARJUMA:-

🌈Aur Jab Moosa Humare Wade Par Hazir Huwa Aur Usse Uske Rabb ne Kalam Farmaya Arz ki Aur Mere Rabb Mere Muje Apna Deedar Dikha Ke Me Tujhe Dekhu Farmaya Tu muje Hargiz Na Dekh Sakega Haan Is Pahad ki Taraf dekh Ye Agar Apni Jagah Thehra Raha To An'qareeb Tu Muje Dekh Lega Fir Jab Uske Rabb ne Apna Noor Chamkaya Use Pash-Pash Kar Diya Aur Moosa Gira Behosh Fir Jab Hosh Huwa Bola Paaki Hai Tujhe Me Teri Taraf Ruju'a Laya Aur Me Sabse Pehla Musalman Hu...

🌈TAFSIR ARA'ESUL BAYAN KE HAWALE SE SEERATE HALBIYAH JILD-01, SAFA-438 PAR YE IBARAT MANQOOL HAI..

🎇Hazrate Abu Huraira رضی الله عنہ Se Riwayat hai Ke Jab Moosa عليه السلام Ne Koohetoor Par Allah Taa'la ka Deedar Aur Kalami Ka Sharf Hasil Kiya To Apke Kaano Ke Sunne ki Taqat Itni Badh Gayi Ke 30 Meel Door Andheri Raat me Saaf Patthar Par Chalne Wali Chunti(कीडी) Ki Aawaz Ko Sun Liya Karte the..

🎆Allah Taa'la Ke Deedar ke Bad Apka Chehra Is Qadr Itna Jalal-W-Noor se Bhar Gaya Tha ke Kisi ki Taqat na Thi Ke Apke Chehre Par Nazar Daal Sake Isliye Aap Apne Chehre Mubarak Par(Naqab) Parde Daale Rehte the..

🎇Ek Martaba Apki Biwi ne Arz kiya Ke Chehre Mubarak Par Parda Hone ki Wajah Se Meri Aankhe Apke Deedar Ko Taras Gayi Hai Kum Se kum Ek Martaba To Chehre Mubarak Dekhne ke liye De, Apne Farmaya Acha Me Apni Aankhe Band Karke Apne Chehre Se Parda Hatata Hu Tum Jee Bharkar Deedar Kar lo Tum Mera Chehra to Dekh Sakti ho Lekin Nigahe Nahi Dekh Sakti...

🎆Isliye ke Allah Taa'la Ke  Jalwa-E-Deedar ke Bad Meri Aankho me Itni Nooraniyat Aa Gayi hai Ke Agar Tumhari Nazre Meri Nazro se Mil Gayi To Tumhari Aankhe Bahar Nikal Ayegi, Apki Biwi Saheba ne Arz Kiya Huzur Aap Chehre se Naqab Hatakar Aankhe Khuli Huyi Rakhe Me Ek Aankh Band Karke Ek Aankh se Deedar Kar Lungi Aankh Jaegi Lekin Apki Aankho ke Waseele se Allah Taa'la Ke Noor ka Jalwa Nazar Ayega...

🎇Hazrat Moosa عليه السلام Ne Farmaya Acha Tum Apni Ek Aankh Band Kar lo Me Apne Chehre se Naqab Hatata hu Biwi Saheba ne Ek Aankh Band Kar li Hazrat Moosa عليه السلام Ne Jese hi Chehre Mubarak Se Parda Hataya Aur Apki Biwi Saheba Ki Aankh Jese hi Apki Aankho se mili Fouran Biwi Saheba ki Ek Aankh Bahar Nikal Aayi Lekin Is Aankh ka Bahar Nikalna tha ki Aapne Dusri Aankh bhi Khol Di Aur Woh Aankh bhi Bahar Nikal Aayi..

🎆Hazrate Moosa عليه السلام Ne Farmaya Ye Tumne Kya Kiya Dono Aankhe Zaya(Barbad) Kar di Kya Tumhe Taklif ka Ehsas na huwa Biwi Saheba Ne Arz kiya Ke Huzur Jese hi Mene Apki Aankho me Allah Ka Noor Chamakta Huwa Dekha Achanak Be'khabri me Dusri Aankh bhi khul Gayi Taklif to Zaroor Huyi Lekin Allah ki Tajalli ka Deedar Itna Qaif-O-Suroor Aur Dil Ko Sukoon Dene Wala Tha Ke Taklif Maloom Tak nahi huyi...

🎇Sochiye Ke Janab Moosa عليه السلام Ne Allah Taa'la Ki Zaat Ko Nahi Balke Unki Ek Tajalli Ko Dekha tha Woh Bhi Nigah Bharkar Nahi Dekh Sake Balke Behosh Hokar Gir Pade Lekin Ye Majra Tha ki Koi Na Aapse Nazre Mila Sakta tha Aap Chehre Mubarak Par Parda Daal Ralhte the, To Fir Woh Zaat Aali Martabe Wali Jisne Faqat Jalwo Ko Nahi Balke Khaas Allah Ki Zaat ko Dekha Aur Is Andaz Se Dekha ke Palak Kabhi Na Jhabki Tak'taki Baandhkar Dekha Us Chehre Mubarak Ka Haal Kya hoga...

🎆Konsi Aankh hai Jo Dekh Sake Magar Iske Bawajood Bhi Siddiq-E-Akbar, Farook-E-Azam, Usman-E-Ghani, Aur Ali-E-Murtuza Shere Khuda رضوان اللہ تعالی عليهم أجمعينٰ Is Chehre Mubarak Aur Khuda Ke Deedar Karne Wali Aankho ka Rozana Dekhte The Kayi-Kayi Bar Jee Bharkar Dekhte The Aur Bhot Nazdik Se Dekhte the Esa kyu ??

🎇Mulla Ali Qari رضی الله عنہ Farmate hai Ke Mustafa ﷺ Ke Chehre Mubarak Ke Jamal Ka Partav Deewaro Par Padta tha To Wo Deeware Aayine Ki Trah Jagmaga Uthtti Thi Aur Us Kamal Ke Sath Samne Wala Saksh Is Roshan Deewaro Me Apni Surat Ka Aqs Dekh Liya Karta tha Yane Aayine Ki trah Apna Chehra Usme Dekh Liya karta tha...

🌈ALLAH TAA'LA NE APKE HUSNO JAMAL KA AKSAR HISSA APKE SAHABA SE CHUPA DIYA THA ISLIYE KE RASOOLE KAREEM ﷺ KA HUSNO JAMAL AGAR TAMAM-W-KAMAL ZAHIIR HO JATA TO KISI KO AAPKI TARAF MAJALE NAZAR NA HOTI JESA KE BA'AZ ULEMA-E-KIRAM KA QOUL HAI...

🎆Yaha Par Moosa عليه السلام Aur Habib Huzur ﷺ Ka Ek Fark Bhi Samje Ke Kaleem Ko To Apne Chehre Ke Jalwo Aur Nooriyat Ko Chupane ke Liye Khud Parda Dalna Pada Lekin Mehboob Ke Chehre Par Machalne Wale Jalwo Ke liye Kudrat Ne Khud Apni Janib Se Hijabe Bashariyat Ka Intekhab Farmaya Chahne Walo Ki Taqat ke Mutabik Mustafa  ﷺ Ke Jamal Ko Zahir Farma Diya Aur Sare Husn Ko Libase Bashri Me Lapet Liya "RAHA JAMAL PE TERE HIJABE BASHARIYAT"....

🌃MERAJ-E-ISAA عليه السلام...

🎆Ek Martaba Aap Mimbar Par Tashrif Farma Hokar Aam Majme me Isa عليه السلام Wa'az Farma Rahe the, Is Darmiyan Me Aapne Farmaya Ke Allah Taa'la Ne Tourat Me Moosa عليه السلام Ke Liye Sanichar(Saturday) Ka Din Mubarak Bataya Tha Us Din Siway Ibadat ke Tamam Kaam Najaiz The..

🎇Lekin Ab Allah Taa'la Ne Is Huqm Ko Radd Kar Diya Aur Injeel Me Farmaya Hai ke Sanichar(Saturday) Ke Badle Itwar(Sunday) Ka Din Mubarak Hai, Aye Logo Itwar Ke Din ki Izzat Karo Aur Is Din Ibadat Ke Siwa Duniya ke Tamam Kaamo Se Bacho...

🎆Is Huqm Ka Sunna Tha Ke Yahoodi Gabhra Gaye Unke seene Me Gaiz-O-Gazab Aur Gusse ki Aag Bhadak Uthi Kehne Lage Moosa عليه السلام Baad Bhot Se Ambiya-E-Kiram Tashrif Laye Lekin ye Elaan Na Kiya Ke Shariyat Ko Radd Kar Diya Gaya Aur Ye Humari Shariyat Mabsookh(Radd Batate) Hai Ye Humare Bardasht Bahar ki Baat hai...

🌃HUZUR SAIYED'UL'AMBIYA MOHAMMAD MUSTAFA ﷺ KI ME'RAJ...

🎆Pichle Parts Me Aapne Kuch Ambiya-E-Kiram Ki Me'raj Ki Tafsil Ko Padha Aur Jana, Jaha Tak Rasool-E-Khuda ﷺ Ki Me'raj Ka Mu'ammla Hai Wo Bhot Hi Mumtaz(Sabse Aala Aur Afzal) Aur Munfarid Hai,

🎇Allah Ke Habib Buraq Par Sawar Hokar Farishto Ki Bhot Si Jama'at Ke Sath Harame Qaba Se Masjide Aqsa Tashrif Laye Yaha Par Ambiya-E-Kiram ki Imamat Farmayi Fir Aasmano ki Sair Farmate Huwe Sidratul Muntaha Aur Arsh Se Guzar Kar La'maka Me Tashrif Le Gaye...

🎆Zaate Bari(Allah Taa'la) Ko Ser ki Aankho Se Taktaki Bandhkar Dekha Fir Digar Ajaeeb-W-Garaeeb ko Bi'tafsil Mushaheda Farmate Huwe Zameen Par Tashrif Laye..

🎇Garaz Ke Me'raje Rasoole Kareem ﷺ Har Aetebar Se Munfarid-W-Mumtaz Hesiyat Rakhti hai Jiski Tafsil Ab Aap Aane Wale Parts Me Mulahiza Karenge...

🌹HUZUR ﷺ KI MERAJ KO YAAD KARKE IMAM-E-ISHQ O MOHABBAT IRSHAD FARMATE HAI...

🎆Namaz-E-Aqsa main tha yehi seer Ayan Hoon Ma’ani Awwal Akhir..

🎇Ke Dast Basta The Pichey Hazir Jo Salatanat Aagay kar Gaye Thay.

🌠ME'RAJ KYU ????

🌃HAQQUL YAQEEN :- 

🎇Huzur صلی اللہ تعالیٰ علیہ وسلم. To Allah Taa'la Ki Tajalliyo ko Barabar Dekhte Rahe Lekin Meraj Isi liye Karai Gai ke Kisi Cheez ka Sunne Se Guzar Kar Khud Dekhne Tak Pahoch Jae Manzil E Ilmul Yaqeeb Se Aage Badhkar Aynul Yaqeen ki Manzil par Faaiz Ho Uske Bad Zevar e Haqqul Yakeene Se Aarasta ho Jae.....

🌃AZMATE BARTARI :- 

🎆Apki Fazilat-O-Buzurgi Ambiya par Sabit ho jae Isliye Jab Ap Baitul Muqaddas Me Tashrif Lae To yaha Adam Aleyhissalam Se Leker Isa Aleyhissalam Tak Ek ek Nabi Aur Rasool ne Aap Ki Iqtida me Namaz Ada Karke Padhi Aur Apni Ita"at Ka Shuaari Ka Saboot Pesh Kiya Aur Jab Aap Aasmano par Tashrif le Gae to Baytul Mamur me Farishto ne Apko Apna Imaam Banaya Aur Apki Azmato Bartari Yane Buland Aur Tamam Me Afzal Hona Usko Pure Tor se Qubul Kiya.....

🌃KHAZANE KI KUNJIYA:- 

🎆Badshah Jab Kisi ko Apna Muqarrab Banata hai To Apne Khazano ki Chabiya Uske Hawale Kar deta hai Aur Apna Khazana Uske Supurd Kar deta Hai Isliye Sarkar E Do Alam صلی اللہ تعالیٰ علیہ وسلم. Allah ke Mehboob Hai To Chahne Wale Malik O Moula Ne Shab e meraj Me Apne Pas me Bulakar Apne Khazano ki Kunjiya Apko Ata Farmai Jaisa Ke Khud Sarkar e do Alam Sallahu Alayhi Wasallam Ne Farmaya...

⤵HADEES :- 

🎇ZAMEEN MERE WASTE LAPETI GAI YAHA TAK KE USKE MASHRIK AUR MAGRIB MUJE DIKHAE GAE.....

🎆AUR IS INAAM O IQRAM KE SATH APKO YE IKHTIYAR BHI DIYE GAE KI JISKO APKI SHAFAA'AT KA MUBARAK SHARF ATA FARMA DE WO MUBARAK O MAQS'OOD HO JAEGA......

AZAAN KI TALEEM

🎇Allah Ki Ye Mashiyat Huyi Ke Apne Pyare Habib ﷺ Ko Azan Ki Taleem Di jaye Jaisa Ke WAQIYATE Meraj Shahid-W-Gawah hai Ke Jab Aap Aasmano Ko Paar Karke Arsh-W-Kursi Loh-w-Kalam Ki Haddo se Guzarkar Hijaye Khaas ke Pas Jalwa Afroz Huwe Yani Allah ke Khaas Qareeb Me Pahoche to Waha Aapko Azan Ki Aawaz Sunayi Di...

🌃SHAR'FE DEED...

🎆Kyonke Islam Ka Shuru Zamana tha Makkah Wale Islam Ki Tabligh ko Rokne ke Liye Hamesha Kammar Bandhe The Aur Qadam-Qadam Par Aapki Raah me Mushkilo Aur Taklifo Ke Pahad Khade Kar dena Chah Rahe the, Mushriko Aur Kafiro ki Ye Zyadti Ki Wajeh se Aapka Qalbe Paak Ghumgin Tha Lihaza Bari Taa'la Ki Ye Marzi Huyi Ke Apko Apne Kurbe Khaas Me Yane Apne Khaas Qareeb Bulakar Sharfe Deedar Se Nawaza Taki Aapke Qalbe Paak ko Taskin Ho Jaye...

🌃SARI QAYNAT ZERE QADME RASOOL ﷺ...

🎇Tamam Cheeze Arsh Ke niche hai Aur Shabe Me'raj Arsh Sarkar ke Qadme Paak Ke Niche Tha, Jiska Saaf Matlab Ye Hai ke Qaynat Ka Ek-Ek Zarra Mere Aqa Ke Zere Qadam Hai, Do Jaha Aapke Niyazmand Hai Lekin Aap Apne Rabb Ki Bargah ke Siwa Kisi Ke Niyazmand nahi...

🎆Isi Liye Yun Alfaz Badalkar bhi Kaha Ja Sakta hai Ke Har Cheez ko Aapki Gulami Ki Nisbat Par Fakhr Ho Jaye Jaisa Ke Aap ﷺ Ne Irshad Farmaya hai..

🌃HADEES:-

🎇ME PEHLA SAKSH HU JO ZAMEEN SE BAHAR AAKAR MEDANE QAYAMAT ME AAUNGA AUR YE KUCH FAKHR KI BAAT NAHI, AUR LAWAUL HAMD MERE HATH ME HOGA AUR YE KUCH FAKHR KI BAT NAHI HAZRAT ADAM عَلَيـهِ السَّــلَام AUR UNKE ALAWA MERE JHANDE TALE HONGE AUR YE KUCH FAKHR KI BAAT NAHI, JANNAT KA DARWAZA SABSE PEHLE ME KHAT'KHATAUNGA  AUR YE KUCH FAKHR KI BAAT NAHI...

🎇Is Hadeese Paak Ka Matlab Ye hai ke Ye Bat Sarkar ke Liye Ba'ees E Fakhr nahi Balke Zaat-E-Risalat Ma'aab ﷺ Ke Sath Nisbat Payda Kar Dene Se In Cheezo Ko Fakhr Hasil hai...

🌃WAHI-BIL-WASTA..

🎆Wahi Ki Kuch Kisme hai Pehle Tarike Ki Wahi Ye Hai ke Ke Jisme Jibraeel عَلَيـهِ السَّــلَام Ko Bhi Wasta Naa ho Isiliye Shabe Me'raj Bari Taa'la Ne Jibraeel Ke Waste Ke Bager Apne Habib Se Kalam Kiya Jese Quran Me Irshad Farmaya..

🌈"FA-AWHA ILA ABDIHI MA AWHA"

🎇Mufassirin Farmate hai Ke Sureh Baqar ki Aakhri Ayate Huzur ne Me'raj ki Raat me Bila Wasta-E-Jibraeel عَلَيـهِ السَّــلَام  Barahe Rast Allah Taa'la Se Suni thi Yani Aap ﷺ Ne Ye Ayate Khud Khuda Taa'la Se Suni Thi Jibraeel عَلَيـهِ السَّــلَام Ye Ayate Lekar Na Aaye The..

🌃UMMAT KI BUZURGI...

🎆Is Raat me Apko Apki Ummat ke Liye Khas-Khas In'aam-W-Ikram Diye Gaye, Jinki Wajah Se Ummat ko Azmat-W-Buzurgi Aur Izzat Hasil Ho Jaye Yahi Wajah Hai Ke Qayamat Ke Roz Adam عَلَيـهِ السَّــلَام Se Lekar Isa عَلَيـهِ السَّــلَام Tak Har Nabi Ki Zaban Par Nafsi-Nafsi Hoga Lekin Aapki Zaban Mubarak Par Ummati-Ummati Ki Aawaz Hogi..

🎇Zahiri Tor Par Ye Bat Kahi Ja Sakti Hai Ke Bajaye Ummati-Ummati Ke Agar Rabbi-Rabbi Hota to Kitna Acha hota Ke Is Houlnaak Mouke Par Allah Ka Zikr Zyada Behtar Hota Lekin Ye Bilkul Satthisi  Baat hai Agar Gour Se Socha Jaye To Is Ummati-Ummati Me Rabbul Aalameen Allah Taa'la ki Yaad bhi Chupi Huyi hai Isiliye Ke Ayse Haybat Naak Mouke Par Ummati-Ummati Kehne Ka Matlab Ye Hai ke Aye Bari Taa'la Me'raj ki Raat me Tune Meri Ummat ke Liye Jo In'aam Dene Ka Wa'da Kiya jai Unhe Ata Farma....

🌃ITMINAN-E-QALB...

🎆Qayamat Ka Din Bhot Hi Haybatnaak Hoga Har Saksh Apne-Apne Muammle me Esa Pareshan Hoga Ke Dusro Ki Taraf Use Tawajjo Karne Ka Aur Khayal Karne ka Mouka Hi Na Milega Sirf Sarkar Rehmate Aalam ﷺ ki Zaat-E-Paak Hogi Jo Ummat ki Yaad Me Bechain Hogi Aur Ummati "ANA'LAHA-ANA'LAHA" Kehkar Gunahgaro ko Apne Damane Shafa'at Me Panah Lene Kr Liye Awaz De rahi hogi..

🎇Isi Liye Huzur ﷺ Ko Khuda Ne Shabe Meraj Malkoot ki Sair Karayi Aur Jannat Aur Dozakh Ke Darjo ko Bataye Gaye Taki Qayamat Ki Howlnaaki Se Qalb Mubarak Pareshan Na ho Aur Qayamat ki Is Ghadi Me Bila Kisi Jhijhak Gunahgaro Ki Shaf'at Farmaye..

🎆Isko Yun Samaj Lijiye Ke Insani Fitrat Ka Taqaza Hai Yane Insan ki Adat Hai Jab Koi Khaas Bat Achanak Samne Aati hai To Insan Ka Dil Pareshan Ho Jata Hai Aur Wohi Cheez Bar-Bar Samne Aaye To Darr, Khouf, Ghabrahat Ka Naamo Nishan Nahi Rehta...

🎇Jesa Ke Moosa عَلَيـهِ السَّــلَام Fir'on Ke Darbar Me Jane se Pehle Jab Allah Ke Huqm se Apne Asa Ko Zameen Par Dalte hai To Wo Azdaha(Saanp) Ban Jata Hai Aur Jab Usko Pakad Lete hai To Fir Asa Ban Jata hai, Fir'on Ke Darbar Me Jane se Pehle Allah Taa'la Ne Moosa عَلَيـهِ السَّــلَام Ko Is Haqiqat Ka Mushahida Isi Liye Karwa Diya Take Jab Fir'on Ke Samne Asa Azdaha Ban Jaye To Hazrate Moosa عَلَيـهِ السَّــلَام Pareshan Na ho jaye Balke Pure Sukoone Qalb se Fir'on Ka Dandaan Shiqan Jawab Dete Rahe...

🎆Isi Trah Sarkar Ne Shabe Me'raj Duniya-W-Aakhirat Ke Waqiyat Ka Tafsili Mushahida Farma Liya Take Qayamat Ke Howlnaak Waqt Me Qalbe Mubarak Kisi Sadma-W-Malal Se Do-Char Na Ho Jaye Balke Puri Himmat-W-Tawanayi Ke Sath Ummat Ki Shafa'at ke Liye Kosha Rahe...

🌃GUNAAH ZYADA HAI YA REHMATO MAGFIRAT KA DARIYA..*

🎆Ek Raat Sarkare Do Alam ﷺ Apne Makan Me Aaram Farma Rahe the Hazrate Jibraeel عَلَيـهِ السَّــلَام Aapki Bargah Me Hazir Hokar Arz Karte hai Ke Allah Taa'la Aap Par Salam Bhejta hai Aur Irshad Farmata hai Ke Ummat ki Bakshish ki Duwaye Mange, Itna Paygam Arz Karne ke Bad Hazrat Jibraeel عَلَيـهِ السَّــلَام Apko Batha-E-Makkah Me Le Gaye Jaha Apke Ummatiyo ke Chote Bade Gunaah Moujud the Allah Taa'la Ka Irshad Huwa Ke Jis Nabi Ki Ummat Itni Gunaahgar ho Kya woh Nabi Aaram Ki Neend So Sakta hai...

🎇Sarkare Do Aalam ﷺ Ne Arz Kiya ke Parvardigar Kya Esi bhi koi Soorat hai Ke Jisse Mere Ek-Ek Ummati ke Gunaho ki Muafi Ho Jaye...

🎆Irshade Ilahi Hota hai Ke Aapki Ummat Ke Gunaho Ki Muafi Aapka Raat Bhar Jagne Se Wabasta hai, Agar Puri Ummat ko Bakshwana hai To Puri Raat Jage Aur Aadhi Ummat ko Bakshwana hai To Aadhi Raat, Aur Teesre Hisse ki Ummat ko Bakshwana hai To Tihayi Raat Tak Meri Ibadat Kare..

🎇Aur Agar Ummat Ke Do Tihayi Gunaho ki Bakshish Ka Khayal ho To Do Tihayi Raat Tak meri Ibadat Kijiye Maksood Ye hai Ke Apke Ummatiyo Ke Gunaho ki Bakshish Aapki Shab Bedari Par Moukuf hai....

🌃CHAR(4) MASAEEL...

🎇Barbaka-E-Muhamadiya Sharhe Tarika-E-Mohammadiya Me Ye hai Ke Meraje Rasoole Kareem ﷺ Me Ek Nukta Ye bhi Hai ke Bade Darje Ke Farishto Me 4000 Saal Se 4 Mas'alo Par Bahas Ho Rahi Thi Lekin Wo Uska Hall Nahi Kar Pate The....

🎆Jab Allah Ke Rasool ﷺ Is Aalam Me Tashrif Laye To In Farishto Ne Is Bat Par Yakeen Kar Liya Ke Ab Inke Charo Mas'ale Hal Ho Jaenge Isi Liye Allah Taa'la ko Badi Aazizi Ke Sath Arz ki Ke Aye Allah Humari Mushkil Ko Asan Kar, Allah Taa'la Ne Apne Habib ko Apni Taraf Bulaya Aur "QABA KOUSAIN" Aur *"AW -ADNA FA AWHA ILA ABDI FI MA'AWHA"* Ke Mukam Se Musharraf Kiya...

🎇Is Qurb Ke Muqam Me Jo Wahi Huyi Usme Se Ek Ye Hai Ke Sarkar Ne Irshad Farmaya ke Mene Apne Rabb Kareem Ko Sabse Behtarin Surat Ya'ni *AHSAN* Surat Me Dekha Fir Mere Rabb Ne Farmaya Ke Aye Mehboob Wo Konse Mas'ale Hai Jisme Bade Darje Ke Farishte Behas Kar Rahe hai, Mene Kaha Aye Mere Rabb Tu Hi Khoob Janta hai Allah Taa'la Ne Apna Be'misal Mere Dono Kandho Ke Darmiyan Rakha Yaha Tak Ke Allah Ke Faiz Ka Zahoor Mene Apne Seene me Paya...

🎆Uske Bad Allah Taa'la ne Farmaya Aye Pyare Mohammad Jante ho wo Konsae Mas'ale hai Jinme Bade Darje ke Farishte Behas Kar Rahe hai Aur Uljhe Huwe hai, Aur Uska Hall Nahi Kar Sakte Mene Arz kiya Haan Wo Char Mas'ale *"KUFARAT, MUNJIYAT, DARJAT, MOHLEKAT"* Hai..

🎇Allah Taa'la Ne Farmaya Sach Kaha Tune Aye Pyare Mohammad ﷺ Uske Bad Allah Taa'la ne Farishto Se Irshad Farmaya Mere Farishto Ab Tum Apni Mushkilat Hal Karne Ka Mouka Paa Liya Tumhe Chahiye ke Apni Mushkile Hal Karwa Lo Chunache Hazrat Israfil عَلَيـهِ السَّــلَام Ne Kaha *KAFARAT* Kya hai ( yani Wo Konse Kaam hai Jinki Wajah se Allah Taa'la Bando Ke Gunaah Baksh Deta hai)....

🎇Huzur ﷺ Ne Irshad Farmaya Wo 3 Kaam Ye hai Ke *"SAKHT SARDI ME PURA WUZU KARNA YANI TAMAM AAZA-E-WUZU PAR ACHI TRAH PANI BAHANA TAKI WUZU QAMEEL HO JAYE AUR GUNAHO KI MAGFIRAT KA SABAB BANE Dusra Ye Ke NAMAZ KO JAMA'AT SE ADA KARNE KI NIYYAT SE PEHLE MASJID JANA, Aur Teesra Ye ke EK NAMAZ KI ADAYGI KE BAD DUSRI AANE WALI NAMAZ KA INTEZAR KARNA..*

*🌃DARJAT:-*

🎆Fir Mukaeel Aalame Arz Kiya "DARJAT KYA HAI" Yani Wo Konse Kaam Hai Jinse Insan Ke Darje Buland Hai..

🎇Huzur ﷺ Ne Irshad Farmaya Allah Taa'la ki Khushi Hasil Karne Ke liye Bhooko Ko Khana Khilana Aur Salam Ko Logo me Aam Karna Aur Raat Ke Waqt Nafil Namaz Padhna Jab Log Soye ho...

*🌃MUNJIYAT:-*

🎆Fir Jibraeel عَلَيـهِ السَّــلَام Ne Arz Kiya Munjiyat Kya Hai "Sarkare Do Aalam ﷺ Ne Irshad Farmaya Zahiri Aur Batini Halat me Har Trah Aur Hamesha Allah Taa'la Ka Khouf Rakhna Aur Kisi Bhi Haal me Miyanarvi Ikhtiyar Karna Aur Gazab Aur Narmi me Adal Aur Insaf Ikhtiyar Karna..

*🌃MOHLEKAT:-*

🎇Fir Hazrate Jibraeel عَلَيـهِ السَّــلَام Ne Arz Kiya Ke MOHLEKAT Kya hai(Yani Wo Konse Kaam Hai Jisko Karne se Insan Halak Ho Jata hai) Huzur ﷺ Ne Irshad Farmaya Ke Bukhl ki Ita'at Ki Jaye ke Ek Bukhl Jis Trah Huqm De Uspar Amal Kare Dusra ye ke Khahishe Nafsani Ki Itteba Ki Jaye Teesri Ye ke Insan Apne ko Dusre se Acha Jane..

🎆Ab Iske Bad Allah Taa'la Ka Irshad Hota hai Muhammad ﷺ Ne Sab Bato ke Jawab Durust Bataye Hai Aur sach Kaha hai...

*🌈"JO UKDA MALAYIK HALL NA KARE, KAYI MUDDAT SAAL HAZARO ME, WOH RAAZ IS KAMLI WALE NE, BATA DIYA KUCH ISHARO ME...*

🌃ZAMEEN-O-AASMAN...

🎆Jab Huzur ﷺ Apne Jisme Aqdas Ke Sath Zameen Par Tashrif Laye To Zameen Ne Aasman Par Fakhr Kiya Aur Kaha Ke Mera Martaba Tujhse Zyada Ho Gaya Isliye ke Mujhpar Allah Ke Mehboob Jalwa Farma Hai...

🎇Zameen Ki Ye Bat Sunkar Aasman Ne Bargahe Ilahi Me Arz Kiya Aur Duwa Ki Ke Aye Parwardigar Apne Mehboob ko Mere Upar Bulandi De Taki Muje Bhi Unki Qadam Bosi Ka Sharf Hasil Ho Jaye, Allah Taa'la Ne Zameen Aur Aasman Ko Barabari Ka Darha Dene Ke Liye Apne Mehboob Ko Aasman Par Bulwaya Aur Me'raj Karwayi Take Aasman Ko Zameen Ke Barabar Ki Izzat Hasil ho..

🌃SHOKH-E-ZIYARAT...

🎆Aasman Ke Crodo Farishte Ese Hai Jo Zameen Par Nahi Aa Sakte Lekin Unke Dil bhi Huzur ﷺ Ki Ziyarat Ke Liye Bechain The, Isiliye Allah Taa'la Ne Unki Duwa Qabool Farmayi Aur Huzur ﷺ Ko Meraj Ke Liye Aasman Par Bula Liya Taki Farishto ki Ziyarat Ka Shokh Bhi Pura Ho Jaye...

🌃ITMINAN KA TIRYAK...

🎇Waqiyat ki Duniya Me Surate Haal Ye Hai ke Pehle Musibato Aur Taklifo Se Guzarna Padta Hai Uske Bad Bulandi Raf'at Aur Izzat Hasil Hoti hai Shabi Aabi Tallib me Pure 3 Saal Qaid Rehne ke bad Jab Sarkare Do Aalam ﷺ Apne Makan Par Tashrif Laye To Thode hi Dino me Yani Takriban Ek Mahine Me Abu Talib Aur Hazrate Khadija رضي الله تعالى عنها Ka Inteqal Ho Jane se Aap ﷺ Ko Bhot Sadma Pahucha Tha Makkah Sharif Me Har Jandar Ke Liye Panah thi Lekin Rasool-E-Khuda ﷺ Ke Liye Makkah ki Ek-Ek Inch Zameen Khatre se Khali na thi...

🎆Jis Waqt Musibat Aur Taklif ke Siyah Badal Aap ﷺ Ke Ser Par Chaye Huwe The to Allah Taa'la Rahim Kareem ne Apne Lutfo Karam Se Sukoon-O-Itminan Ka Tiryak Ata Kiya, Qudsi Aur Paak-W-Muqaddas Sifat Wale Nabi-W-Mehboob Is Khaakdan Zameen Se Shabe Me'raj Uske Khalik ki Bargah me Pahuche Jiski Shaan hai *"NOOR'USS SAMAVATI WAL ARD"*..

🌃SALTANAT-E-ISLAMIYA KI RAJDHANI...

🎇Jis Trah Duniya me Hukumat Ke Intezam Aur Mamlo ko Baki Rakhne Ke Liye Aur Hukumat Ke Huqm Ko Jari Karne ke liye Badshah Apne Nayib Ya Madadgar Aur Dusre Wazeer Wagera Qayam Karte hai Isi Trah Zameen-O-Aasman Ke Payda Karne Wale Allah Taala Ne Zameen Par Apni Marzi Aur Na'marzi Aur Apni Raza Aur Narazgi ko Zahir Karne ke liye Apne Nayib Aur Khaleefawo Ko Duniya me Bheja Jinko Nabi Ya Rasool Kaha Jata hai...

🎆Jis Trah Badshah ke Wazeer-O-Wazra Bharose Wale Hote hai Ese hi Ambiya-E-Kiram Aur Tamam Rasool ALLAH TAA'LA Ke Farmano Aur Huqmo ki Khabar Rakhne Wale Aur Raazdar hote hai..

🎇Kabhi Esa Bhi Hota hai Ke Saltanat ke Khaas Aur Bhedi Kaam Aur Bat Jo Kisi Bhi Trah Use Zahir Karna Munasib Nahi Hota Badshah Apne Ek Khaas Nayib Ko Bulakar Bhot hi Ehtiyat Ke Sath Apne Darbar me Bulakar In Khaas Aur Bhedi(Raaz) Ki Bato Ko Aur Sarkari Khufiya Policy ko Aur Tamam Raaz ko Batla Deta hai..

🎆Isi Trah Allah Taa'la ne Apne Nayibo ko Unke Martabo ke Mutabik Izzat Bakshi Isiliye Hazrate Ibrahim عَلَيـهِ السَّــلَام Ko *"MALAKUSSAMAWATI, WAL'ARD"* Yane Zameen-O-Aasman Ka Mushahida Karaya, Yani Ibrahim عَلَيـهِ السَّــلَام  Ki Meraj thi, Hazrat Moosa Kalimullah عَلَيـهِ السَّــلَام  Ko Waadi-E-Seename Bulakar Koohetoor Par Hum Kalami Ki aur 10 Ehkam Diye Ye Moosa عَلَيـهِ السَّــلَام KI Meraj Thi...

🎇Lekin Apne Sabse Bada Aur Azeem Nayib Tamam Rasoolo Ke Sardar Aur Tamam Ambiyawo Ke Imam Janab-E-Akram Noor-E-Mujassam, Ahmade Mujtaba, Mohammad Mustafa ﷺ Ko Shab-E-Meraj Jo Aezaz O Izzat Bakshi Wo Sabse Azeem Badi Aur Mumtaz Aur Behter thi...

🎆Meraj Ke Safar ki Khalik-O-Malik Ki Taraf se Us Waqt Talab Huyi Ke Jab Aap ﷺ Ne 12 Saal Tak Musibat Aur Pareshaniyo Me Guzare Iske Ba'wajood Bhi Aap ﷺ Islam ki Tabligh Aur Islam ko Tarakki Dene me Mashgool Rahe, woh Karam Jaha Har Jandar ko Panah Thi Amaan Tha Lekin Kuffar ki Sarkashi Aur Zulm Ka Ye Haal Tha Ke Allah Ke Mehboob Aur Unke Gulamo Ko Haram ki Mukaddas Aur Paak Zameen Par bhi Satate Aur Apne Zulmo Sitam Ka Nishana Banane se Pargez nahi Karte the Balke Uspar Fakhr Karte th...

🎇Unhi Halat Ke Peshe Nazar Aayinda Saal Sarkar ko Aur Apke Ja'nisar Sahaba ko Makkah Se Hijrat Karke Madina Munawwara Jise Kudrat Ne Apne Mehboob ki Aakhri Aaramgaah Aur Saltanate Islamiya ki Rajdhani ke Liye Chuna tha Uspar Islami Aadil Aur Insaf Wali Hukumat ka Qiyam Amal Me Aya tha Aur Yahi se Islam Ka Danka Bajne Wala Tha..

🎆Ye Kis Qadr Aham Khaas Aur Bade Azeem Waqiye Ke Zahir Hone Ka Khaas Waqt Tha, Isliye Bargahe Ilahi Se Tabalka Parwana Lekar Hazrat Jibraeel Aap ﷺ Ki Khidmat Me Hazir Hote hai, Safare Meraj Ka Sara Intezam Kudrat ki Taraf se Kiye Gaye The Aur Fir Raaz Ki Raaz Rakhne Ke Liye Sawari Aur Rufqa Yani Sathi Sabke Sab Barghe Rabbul Alameen Hi se Aye the...

🎇Muhib(Allah Taa'la) Aur Mehboob (ﷺ) Ke Darmiyan Jo Guftagu Aur Raaz-O-Niyaz Ki Baate Huyi Aur Bari Taa'la Ne Jo Raaz Aap Par Zahir Kiye Unko Dekhne Me Apki Aankh ki Palak Tak Na Jhabki Aur Dil bhi Na Dhadhka Aankhe Jo Kuch Dekhti Rahi Dil Barabar Uska Idrak Karta Raha Yani Qabool Karta raha Aur Anakhe Wahi Dekh Rahi thi Jiska Sath Dil Aur Dimag De Rahe the Yani Huzur ﷺ Ne Hosho Hawas Aur Dilo Dimag Ki Bedari Me Allah Taa'la ki Zaat Ka Didar Kiya Aur Raaz-O-Nyaz ki Bate ki....

🌃TAQMEEL-E-SAHADAT...*

🎇Khuda Ki Zaat-O-Sifat Kousar Aur Tasnim Jannat Dozakh Sawab Aur Azab ki Khabar to Har Ek nabi Aur Rasool Ne Di Magar Unka Khabar Dena Wahi Aur Ilham Ke Zariye Tha Khuda ko Dekhkar Aur Uske Qareeb Bethkar Bat Karna Nahi Farmaya tha..

🎆Yani Unki Gawahiya Apni Aankh Se Dekhi Huyi na thi Balke Suni Huyi Thi Aur Sahadat Usi Waqt Mukammal Aur Puri Tor se Hoti hai Ya To Sahadat Dene Wale Ne Hone Wale Waqiyat Khud Apni Aankh Se Dekha ho Ya Dekhne Wale Se Suna ho Isliye Zarurat thi Ke Ambiya Ki Jama'at Me Ek Esi bhi Hasti Ho Jisne Apni Muqaddas Aankho Se In Sabko Dekha ho..

🎇Shab-E-Meraj Sarkare Do Aalam ﷺ Ne Allah Taa'la Ki Zaat Aur Sifat Aur Jannat Aur Dozakh Ko Apni Aankho se Dekha Isliye Aaj Ye Pehla Mouka hai Ke Duniya Ne Apni Aankho se Allah Ko Dekhne Wale Ko Paa liya Jisne Sunkar Nahi Balke Apni Mathe Ki Aankho se Dekhkar Har Cheez Ki Gawahi Di Aur Hamesha Ke liye Fayda ke Khaas Aham Maksad Ki Taraf Duniya ki Rehnumayi Ki Yane Aapne Apni Aankho se Mushahida Karke Duniya ko Sacchi Aur Nek Raah Batayi..

🎆Allah Taa'la ne Quran Me Irshad Farmaya "AYE MEHBOOB HUMNE TUMKO GAWAHI DENE WALA AUR BASHARAT DENE WALA AUR DARR SUNANE WALA BANAKAR BHEJA HAI..

🎇Is Ayat me Isi Janib Ishara Hai Aur Yahi Wajah Hai ke Huzur ﷺ Khatimul Ambiya Kaha Gaya Kyonke Apki Apni Sahadat ne Sahadat ki Takmeel Farmayi Aur Ab Kisi Dusri Sahadat ki Koi Zarurat Baki nahi...

🎆Agar Hindustan Ka Director Of Education Urope Ke Doure Par Jaye Take Waha Ke Taleem Aur Uske Usool Ko Dekhkar Uski Roshni Me Hindustan Ki Talim Ko Aala Aur Behtar Banaye Aur Yahi Director Sahab Urope Jakar Jise Dekhna Chahate hai Wo Urope Ki Chupi Huyi Qitabo Me bhi Moujud hai Jinko Director Sahab Padh Chuke hai..

🎇Lekin Ek Kahawat Mashoor hai *"SUNI HUYI CHEEZ KESE DEKHI HUYI KE BARABAR HO SAKTI HAI"* Isi Liye Director Sahab Ki Koshish Aur Shokh Aur Talab ki Tarkib Aur US Waqt Tak Na Hogi Jab Tak Ke Woh Jakar Apni Aankho se Dekh Na Le Aur Is Hakikat se Inkar Nahi Kiya Ja Sakta Ke Mua'yna Aur Dekhta Apni Nazro Ke Bad Naye-Naye Nukte Samne Aate hai Jo Sunne se Bilkul Hasil nahi hote..

🎆Isliye Urope se Wapsi Par Director Sahab Apne Tajurbe Se Aur Urope Ke Tarike se Mulk Ke Talim Ke Nizam Aur Bandobast Me Islah Aur Sudhar Aur Tabdili Karte hai Jisme Tamam Mulk ko Fayda Hota hai Aur Mulk Apne Ser ko Fakhr se Uncha Kar Leta hai..

🎇Huzur ﷺ Ne Safare Me'raj Se Wapas Aane Ke Bad Insani Jahan Aalame Insaniyat ke Ilm Me Izafa Kiya Aur Roohani Tarakki ke Liye Roshni Ata ki Wahi Par Aalame Insaniyat Ko Fakhr Se Ser Uncha Karke Ye Kehne Ka Mouka Naseeb Huwa Ke Humare Hidayat Karne Wale Ba'kamal Ke Ilm Aur Ma'refat Ka Roshni Ka Diya Be'Guzar Saaf-Suthra hai..

🎆Iska Ilm Sirf Ilhami Allah Ke Wali Ke Dil Par Allah Ki Taraf se Ek Farishta Jo Baat Dalta hai Wo Ilham Kehlata hai Aur Qitabi Haddtak Ya Kisi Se Sunna Ki Hadd me Mehdood Nahi Raha Balki Aankh Se Dekhi Huyi Roshni se Iska Ilm Aaftabe Darakhsha ki Trah Roshan Jagmaga Raha hai...

*🌃JAAM-E-US'SIFAT..*

🎆Jis Nabi Ko Jo Bhi Martaba-W-Kamal Hasil Huwa Wo Zaat-E-Muhammad ﷺ Me Jama Hai Jaise Ibrahim عَلَيـهِ السَّــلَام Aap Par Aag Gulzar (Bagicha) Ho Gayi To Janab Muhammad ﷺ Ka Ye Moziza Ke Apne Jis Dastarkhwan Se Apne Hath Mubarak Aur Munh Sharif ko Poncha tha Wo Tandoor ki Aag Me Bhi Na Jala..

🎇Hazrate Isa عَلَيـهِ السَّــلَام Ne Murdo ko Zinda Kiya Aur Unse Apni Nabuwwat Risalat ki Gawahi Di To Huzur ﷺ Ne Sookhi Lakadiyo Aur Kankariyo ko Zinda Karke Kalma Padhwaya Hazrate Moosa عَلَيـهِ السَّــلَام Ne Apna Asa(Ek Trah Ki Laathi) Patthar Par Markar Nadiya Jari ki To Huzur ﷺ Ne Hudebiya ke Mouke Par Apni Ungliyo Ke Bich se Pani Ke Chahsme Jari Kar Diye Jisse 1500 Sahaba-E-Kiram Ne Wuzu Banaya Pani Piya Aur Apne Janwaro ko Bhi Sairab Kiya Aur Apne Mashkize bhi Bhar liye..

🎆Isi Trah Hazrate Moosa عَلَيـهِ السَّــلَام Ne Koohetoor Par Allah Ki Tajalli Ko Dekha Aur Hum Kalami Bhi Ki Aur Hazrate Isa Chouthe Asman Par Tashrif Le Gaye Isi liye ye Zaroori Tha ke Humare Sarkar Ko bhi Me'raj Ka Sharf Hasil Ho Jo Sabse Afzal Aur Behter hai...

🎇Ise Yun Kahiye Ke Moosa Kalimullah To Koohe Toor Par Tashrif Le Gaye Aur Isa Chouthe Aasman Par Lekin Allah Ke Habib ﷺ Aasmano Se Door Arsh Se Aage La'maqa Me Tashrif Le gaye...

🌃JANNAT QEEMAT ME..*

🎆Qayda Hai Ke Jiske Marefat Koi Souda Hota hai To Us Saksh Ke Liye Zaroori Hai Ke Woh Keemat Ko Bhi Janta ho Aur Maal bhi Uska Dekha Huwa ho, Is Usool Ke Hisab se Agar Is Ayat Par Gour Kiya Jaye To Me'raj Mubarak Badi Pyari Hikmat Samaj Me Aati hai..

*🌈TARJUMA:-*

🎇Beshak Allah ne Musalmano se Unke Maal Aur Jaan Khareed Liye hai Iske Badle me Unke liye Jannat hai..

*📓(Qur'an)*

🎆Lene Wala Khuda Pesh Karne Wale Musalman Aur Ye Sab Kuch Janab Muhammad ﷺ Ke Marefat Ho Raha hai, Sarkare Do Aalam ﷺ Ne Musalmano Ki Jaano Aur Maalo Ko To Dekh Hi Liya Tha Momino ki Har Cheez Aur Har Ghadi Sarkar Ki Nazro Ke Samne Hai, Isliye Zaroori Huwa ke Keemat Bhi Yani Jannat Ko bhi Dekh Le Taki Koi Kasar Na Reh Jaye..

*🌈SAWAL:-*

🎇Agar Ye Kaha Jaye Ke Jaan-O-Maal To Momino Ka Hai Ke Jannat Ko to Musalmano ko Dekhna Chahiye Naa ki Sarkar ko...

*🌈JAWAB:-*

🎆Ye Sawal To Us Waqt Payda hota hai Ke Momineen Apni Jaano Ke Malilk hote Magar Qur'an Me Allah Taa'la Irshad Farmata hai *"YE NABI MUSALMANO KA UNKI JAAN SE ZYADA MALIK HAI"* Isi Liye Nabi-E-Kareem ﷺ Hi Ko Keemat Dekhne Aur Souda Karne Ka Haq Hai Momino Ke Dekhne ka Koi Sawal hi nhi..

🎇FIQHA Ka Qanoon Hai *"IMAM KI QIR'AT MUQTADI KI QIR'AT HAI"* Imam Ke Piche Muqtadi ki Qir'at Zaroori Nahi Imam Ka Padhna Kafi hai, Isi Liye Sarkar ka Jannat ka Mushahida Karna Ummati Ka Mushahida Karna Hai Sarkar ﷺ Aage Rehne Wale Imam Aur Peshwa hai Aur Momin Muqtadi Piche Apke Nakshe Qadam par Chalne Wale hai...

🌃TAKLIF KA SILA:-*

🎆Makkah Ke Kuffaro Ne Huzur ﷺ Aur Sahaba Kiram Ko 3 Saal Tak Shabi Abi Talib Me Is Trah Qaid Rakha Tha Ke Zindagi Ke Sare Zariye Kaat Diye Gaye, Musibato Aur Taklifo ka Ek Toofan Tha Jo charo Taraf se Umad Kar Aa Raha tha Itna Sakht Bycott Tha ke Isse Zyada Khayal Bhi Nahi Kiya Ja Sakta...

🎇Magar Ek Qayda Hai Ke Agar Koi Cheez Ek Taraf se Dabayi Jaye to Dusri Taraf Uska Ubharna Zaroori Hai, Jab Ek Taraf se Taklifo Aur Musibato Ka Dabaw Badhta Gaya To Parwardigare Aalam Ne Is Sabr ke Badle Sarkar Ko Me'raj Sharif Se Nawaza Taki Allah Ke Nabi Ke Mitane Wale Unki Bulandi Aur Rif'ate Aur Bulandiya Roz-Ba-Roz Badhti Jaengi Mitne Aur Ghatne Ka Khayal Bhi Nahi Kiya Ja Sakta...

*🌃MUQAME ASLI:-*

🎆Huzur ﷺ Ka Noor Tamam Makhlook Se Pehle Allah Taa'la Ke Nooor Se Payda Huwa Aur Na Jane Kab Tak Ye Noor Bargahe Rabb Me Apne Rabb ko Hamd-O-Sana Karta Raha Aur Fuyooz-O-Barkat Se Malamal Hota Raha, Lekin Jab Libase Bashri Me Is Duniya me Jalwa Afroz Huwa To Duniya Me Aane ke Bad Fir *MUQAME ASLI* Ka Shokh Payda Huwa Isliye Shabe Meraj Allah Taa'la Ne Apne Khaas Qurb Me Bulakar Sukoon Aur Karar Ki Doulat Di..

*🌃DARMIYANI DEEN, DARMIYANI UMMAT:-*

*🎇ELAN-E-NABUWWAT* Karne Ke Bad Huzur ﷺ23 Saal Duniya Me Tashrif Farma Rahe Jiska Aadha 11 Saal Aur 6 Mahine Hai Me'raj Sharif Nabuwwat Ke Zahir Karne ke 11 Saal Aur 6 Mahine Bad Rajab Ke Peer ki Raat Ko Huyi, Nabuwwat Ke Elaan Ka Saal Rabi-Ul-Awwal Sharif Se Shuru Hota hai Rajab Saal Ka Darmiyani Mahina Hai Isiliye Sharayi Tor par Hafte Ki Shuru'at Jumma se Hoti hai Isi Liye Peer Hafte ka Darmiyani Din hai...

🌠ME'RAJ MAKKAH MUKARRAMA SE HI KYU ??*

*🌃ANWARE TAJALLIYAT...*

🎆Allah Taa'la Ne Apne Fazl-O-Karam se Makkah Sharif Aur Madina Sharif ki Darmiyani Zameen ko Is Tarike se Nawaza Ke Apne Habib-E-Paak Ko Makkah sharif Se Me'Raj Karwayi Take Shabe Mer'aj Anwar-E-Tajalliyat*(ALLAH KE NOOR AUR TAJALLI)* Ki Jo Barish Ho Uske Faiz Se Makkah Sharif Se Lekar Madine Sharif Tak ki Zameen Munawwar Aur Mujalla Aur Roshan Ho Jaye..

🎇Aur Me'raj Ki Barkato Se Malamal Ho Jaye, Warna Agar Madina Sharif Se Me'raj Karayi Hoti To Makkah Sharif Aur Madina Sharif Ke Bich Ki Zameen Barkato Se Mehroom Reh Jati Aur Hamesha Ispar Afsos Karti Rehti...

*🌃BAYTULLAH:-*

🎆Jis Trah Bacche ki Maa Ke Pet Me Naaf Se Giza(Khana) Milti Hai Ese Hi Zameen Ko Tamam Barkate Baytullah Sharif Se Milti Rehti hai Isiliye Usko Zameen ki Naaf Kaha Jata hai..

🌃BAYTUL MUQADDAS..*

🎆Baytul Muqaddas Qayamat ke Roz Logo ke Jama Hone ki Jagah hai Us Din Barkat ke Haqdar Logo ko Jo bhi Barkate Milengi Wo Baytul Muqaddas Se Milengi Yahi Wajah Hai Ke Zameeni Safar Ki Shru'at Makkah Sharif Se Huyi Aur Aakhri Band Hona Baytul Muqaddas Me Huwa Taki Duniya Aur Akhirat Ki Barkato Ke Ye Dono Nadiya Sarkare Do Aalam ﷺ Ke Anwar Se Faiz Hasil Kar Le, Jo Is Me'raj ki Raat me Zahir Huwe..

*🌃MASAWAT:-*

🎇Makkah Sharif Se Meraj Ki Shur'uat Isliye Huyi Take Shuru'at Aur Aakhir Me Barabari Rahe, Yane Meraj Sharif Ka Wo Safar Jiski Nisbat Zameen Se hai Ek Khana-E-Qaba se Shuru Hokar Dusre Baytullah(Baytul Muqaddas) Me Khatm Hai Is Haqiqat Ko In Lafzo Me bhi Kaha Ja Sakta hai Ke Allah Ke Mehman Allah ke Ghar se Chala Allah Ki Taraf ja Raha hai Allah Taa'la ke Ghar me Gaya (मिन्हुल बिदाया व अलैहिन्न्नहाया) Isi Se Shuru Hai Aur Isi Tak Maksood ki Inteha hai...

*🌃ISMI MUNASIBAT:-*

🎆Makkah Sharif Ka Ek Naam (हुदा लील आलमीन) Bhi hai Aur Humare Huzur ﷺ Rehmatullil Alameen Hai Isi Liye Aapke Safare Meraj Ke Liye Munasif Yahi Tha Ke (हुदा लील आलमीन) Se Uski Ibteda Ho Taki Makkah Sharif Aur Sarkar Ke Naam Mubarak Me Jo Jo Munasibat Hai Usme Aur Nazdiki Payda ho Jaye...

🌠BAYTUL MUQADDAS SE SAFAR-E-AASAMAN KI IBTEDA KYO ??????*

*🌃MOHAR-E-KHAMOSHI:-*

🎆Baytul Muqaddas se Safar Aasman Ki Ibteda Me Ye bhi Hiqmat hai Ke Aitraaz Karne walo Aur Mukhalifo Par Haq Bat Puri Trah Samne Aa jae..

🎇Isi liye Ke Agar Makka Sharif Se hi Aasman Ki Taraf Safar Karte To Dushmano ki Zidd Zor Mukhalifat Ke Muqable Me Wazahat Aur Haq Bat ka Zahiri Tor se Koi Zariya Na Hota...

🎆Lekin Baytul Muqaddas kyonke Unka Dekha hua Tha Aur Waha ki Nishaniyo Se bhi Unko Waqfiyat Thi Wo Log Jante the Aur Makka Se Baytul Muqaddas Tak ka Fasla Bhi Unko Maloom tha Isi liye Jab Baytul Muqaddas Se Aasmani Safar Ke Aagaz Ka Tazkira Mukhalifo ne Suna To Puchne Lage Ke Baytul Muqaddas Ki Alamate Kya hai ???

🎇Aapne Ek Alamat Bayan Farma Di Qaflo ke Haal Maloom kiye To aapne Unke Tafsili Halat Balke Aane Tak ka Waqt Din Aitraz Karne wale Apne Aitraaz Ke Masqut Jawab Pakar Mabhut Reh Gae Aur Khamosh Ho gae...

📔(MAWAHIB-E-LADUNNIYA)

📚(MERAJ-UN-NABI JILD-1 PAGE NO 74)

🌃SUTUN KI TAMANNA :-*

🎆Masjid-e-Aqsa Sharif Ke Ek Sutun Ne Arz kiya Aye Parwardigar Muje Tere Har Nabi ki Barqat Se Sharf Mila hai Ab Mujko Hazrat Muhammad Mustufa صلی اللہ تعالیٰ علیہ وسلم. Ki Ziyarat ka Sokh hai Bas Humari Dua Qabool Farma Aur Unki Ziyarat ka Sharf Ata Farma de...

🎇Is Mubarak Sutun Ki ye Dua Bargah-e-Ilahi me Qubul hoti hai Aur Aap صلی اللہ تعالیٰ علیہ وسلم. Ke Safar e Meraj Ki Shuruat Baytul Muqaddas se Hoti hai Take Ye Sutun Apne Mubarak Maqsad ko Paye aur Uski Ye  Tamanna Puri Ho jae...

📔(TAFSIL FATHUL MANAAN)

*🌃UMMAT KE LIYE AASANI :-*

🎆Baytul Muqaddas Se Safar e Aasman Ki Ibtida Isliye Hui Ke Aapke Qadam Sharif Ke Asar Se Waha Barqat Aa jae Aur Is Barqat Ke Sabab Qayamat Ke Din Waha Par Aapki Ummat Ko Aasani Ho Kyoke Wohi Tamam Makhluk Ke Jama Hone ka Muqam hai.....

📒(FATHUL MANAAN)

*🌃DO HIJRATE :-*'

🎇Baytul Muqaddas Se Safare Aasman Ki Ibteda Ka Sabab Apko Dono Hijrato Se Faizyab Karna Hai Kyonki Baytul Muqaddas Aksar Ambiya-E-Qiram Ki Hijrat Gaah Hai Isi liye Huzur صلی اللہ تعالیٰ علیہ وسلم.Ko Meraj Ki Raat Waha ka Safar Darpesh Hua Take Is Safar Ke Sabab Aap Mukhtalif Tarah Tarah ke Fazail Jama Kar le.....

📚(MERAJ-UN-NABI JILD-1 PAGE NO 74/75)

🌃DARWAZA-E-AASMAN...*

🎆Kyonke Aasman Ka Darwaza Baytul Muqaddas Ke Samne Waqey Aaya huwa hai Isiliye Baytul Muqaddas se Safare Aasmani Ka Aagaz Huwa Aur Wapsi Par Bhi Waha se Guzre Jese Burhanuddin Halbi Likhte hai..

*🌈BAYTUL MUQADDAS SE ME"RAJ HONE ME EK HIKMAT YE BHI HAI KE AASMAN KA DARWAZA JAHA SE FARISHTE UPAR CHADHTE HAI JISE MAS'OOD-E-MALAYKA KAHA JATA HAI WO BAYTUL MUQADDAS KE BILKUL MUKABIL YANE SAMNE HAI ISI LIYE MALOOM HUWA KE WAHAZSE AASMANO PAR JANE KA RASTA SIDHA HAI TEDHA NAHI...*

📔(SEERAT-E-HALBIYA)

*🌃FARISHTE UTARTE CHARTE HAI...*

🎆Huzur ﷺ Ko Baytul Muqaddas Se Me'raj Isi Liye Huyi Ke Zameen Se Aasman Par Jane ka Rasta Allah Taa'la ke Nazdik Is Sidhi se Mukarrar Hai Jis Sidhi se Sarkar Bazri-E-Buraq Me'raj Gaye, Aur Aaye, Is Sidhi Ke Bare me Buzurgo Ne kaha Ke Naz'aa Ke Waqt(Jab Aakhri Saans Li Jaye Us Waqt) Insan ko Ye Sidhi Nazar Aa Jati hai Jisse Usko Farishte Chadte Aur Utarte Nazar Aate hai *Yahi Wajah Hai Ke Us Waqt Insan ki Aanakhe Khuli Ki Khuli Reh Jati hai Jese Koi Cheez Dekh Raha ho...*

*🌠AMBIYA SE MULAKAT KI HIKMATE...*

*🌃IBLIS KI DUSHMANI :-*

🎆Adam Aleyhissalam ko Jannat Se Zameen Par Tashrif Lana Pada Goya Iblees Ki Dushmani Ki Vajah Se Pareshaniyo Ka Samna Hua Aur Jannat Se Bahar Tashrif Lae Isi Trah Makka Walo ne Huzur صلی اللہ تعالیٰ علیہ وسلم. Ke Sath Dushmani ki Inteha Kardi To Sarkar ko Makke Sharif Se Hijrat Karke Madina Sharif Tashrif le Jana Pada....

🎇Aur Jis Trah Adam Aleyhissalam Ka Zameen Par Tashrif lana Beshumar Hiqmato Se Khali Nahi Isi Trah Sarkar ka Madina Sharif Tashrif le Jana bhi Hiqmato Se khali nahi Bahot si Hiqmate Hai....

*🌃YAHOOD KI SARKASHI:-*

🎆Jis Trah Hazrat Isa Aleyhissalam Aur Yahya Aleyhissalam Ko Yahoodiyo Ne Sataya tha Ese hi Hijrat Ke Bad Madina Munawwara Me Yahoodiyone Sarkar Ko bhi Taklife Di Kabhi Zeher Se Bhara Hua gosht Khilaya Aur Kabhi Deewar ke Upar Se Vazandar Paththar Ser Mubarak Par Girana Chaha Wagera.....

*🌃IZHARE NADAMAT PE BARISH-E-REHMAT:-*

🎇Jis Trah Hazrat Yusuf Aleyhissalam ko Allah Taa'La Ne Huqumat Takht-o-Taj Ki Nemato Se Nawaza Aur Apke bhai Dil me Zazba-E-Nadamat Liye Hue Yane Afsos Zahir Karte hue Hazir hue To Aapne Irshad Farmaya *"LA TASRIBA ALAYKUM-LYOUM"* Aaj Tum Par Koi Malamat nahi....

🎆Isi Trah Jab Fateh Makka Ke Din Ahle Makka Ummid Aur Khouf Aur Darr Ki Halat me Sarkare Do Alam صلی اللہ تعالیٰ علیہ وسلم. KI bargah me Hazir hue To Aapne bhi Irshad Farmaya Ke Aaj Me Tumse Wohi Kahunga Jo Hazrat Yusuf Aleyhissalam ne Apne Bhaiyo Se Kaha tha Yane *"LA TASRIBA ALAYKUM-LYOUM"* Aaj Tum Par Kisi Trah ki Koi Malamat Nahi....

*🌈AUR FARMAYA TUM LOG AAZAD HO TUMNE APNE KIYE KA ANZAM DEKH LIYA AUR MENE APNE RAB KI MEHERBANIYO KA HUZUM DEKHA...*

*📚(MERAJ-UN-NABI JILD-1 PAGE NO 79/80)

🌃SABSE PEHLE :-*

🎆Jis Trah Hazrat Idris Aleyhissalam Ko Sabse Pehle Likhna Ata Hua Ese hi Huzur صلی اللہ تعالیٰ علیہ وسلم. Ne Waqt Ke Badshaho Ke Pas Khat Bheje Yaha Tak ke Najashi-Makokash Aur Umanka Shah Imaan Lae Aur Kesaro Kisra Jese Azeem Huqmara Bade Bade Haqim Apke Roub Aur Nabuwwat Ke Dabdabe Se Larazne Lage Aur Tharrane Lage....

*🌃MEHBOOBIYAT :-*

🎇Jis Trah Hazrat Haroon Aleyhissalam Apni Qoum me Mehboob The Ese hi Huzur صلی اللہ تعالیٰ علیہ وسلم. KI Mohabbat Quraish Ke Dil me Samai Hui thi Ke Aapse Ladte The Lekin Bad me Ser Jhuka kar Imaan Laye Aur Ja Nisar Aur Jane Qurban Karne Wale hue......

*🌃JIHAD:-*

🎆Jis Trah Hazrat Moosa Aleyhissalam Ko Mulke Shaam ke Logo Se Jung Ka Huqm Hua Aur Amalka Jesi Zalim Aur Jabir Qoum Ko Shikasht Deker Zaleel Aur Ruswa Kiya Aur Bani Israil Ghalib Aaye Aur Jite ....

🎇Ese hi Huzur صلی اللہ تعالیٰ علیہ وسلم. Jung Ki Yaha Tak ki Gazwa-E-Tabuk me Apko Fateh Hasil hui Aur Domtul Jandal Ke Ameer ne Shikasht Khakar Juziya Dena Qabool Kiya Makkah Muqarrama Fateh Hua Aur Sahaba E Kiram Ne Itminan Aur Sukoon Se Apne Watan e Azeez Ko dekha.....

*🌃HAJJ AUR TAWAF :-*

🎆Jis Trah Hazrat Ibrahim Aleyhissalam Ne Qaba Banaya Aur Logo Ko Hajj ke liye Bulaya Isi Trah Huzur صلی اللہ تعالیٰ علیہ وسلم. Ne 1,24,000/- Sahaba ke Sath Baytullah Sharif Ka Tawaf kiya Aur Hajj Ka Fariza Ada Kiya...

⤵REF BY:-

*📚(NASIMURRIYAZ AUR ROOHUL BAYAN)*

🌃IMAAMUL HARMAIN :-*

🎆Qutub-E-Saab ( PEHLE KI AASMANI QITABE JO AMBIYA PAR UTRI) Me Huzur صلی اللہ تعالیٰ علیہ وسلم. Ka Ek Laqab Imamul Harmain Bhi Bayan Kiya Hai Haram-E-Qaba Me To Sarkar Imamat Farma Rahe the. Lekin Aaj Shab-E-Meraj Baytul Muqaddas me Ambiya Ki Imamat Farma Rahe hai Jisse Apke Is Laqab-E-Paak Yane *IMAAM-UL-HARMAIN* Ki Muqammal Yane Puri Tasdeeq Ho Rahi hai.....

*🌃AWWAL AUR AAKHIR :-*

🎇Sarkar E Do Alam صلی اللہ تعالیٰ علیہ وسلم.Ki Sifat Awwal Hona Bhi hai Aur Aakhir hona bhi hai Aakhir hona to Is Tor  par Sabit hai ki Aap Tamam Ambiya ke Bad Tashrif Lae Lekin Aaj Masjid-E-Aqsa Me Tamam Ambiya Saf Bandhe Piche khade hai Aur Sarkar صلی اللہ تعالیٰ علیہ وسلم. Sabke Aage Imamat Ke Musalle Par Tashrif Farma hai Aur Apki Sifat Awwal Hone ka Puri Trah Se Zahir Ho Raha hai....

🌈ISI LIYE IMAAM E ISHQ O MOHABBAT NE KUCH YUN FARMAYA....

*NAMAZ-E-AQSA ME THA YAHI SIRR...*

*AYA HO MA'NE AWWAL AAKHIR...*

*KE DAST BASTA HAI PICHE HAZIR...*

*JO SALTANAT AAGE KAR GAE HAI...*

🌠ME'RAJ RAAT ME HI KYU ???*

*🌃MUQAM-E-MUHABBAT...*

🎆Meraj Ko Raat Me Khaas Karna Ke Raat Mohabbat ke Muqam ke Liye Khaas hai Kyonke Allah Taa'la Ne Huzur ﷺ Ko Apna Habib Aur Khaleel Banaya Hai Aur Raat Dosto Ko Jama Karne Ke liye Banayi Gayi hai Aur Muqam-E-Khuluwat Jo Raat Ko Hasil Hota hai Wo Din Ko Hasil nahi Hota...

*📚(TAYBUL'WARDA)*

*🌃IMAAN-BIL-GAIB....*

🎆Bahot Se Aalimo Ne Farmaya Ke Me'raj Ka khaas Tor par Raat Ko Mukarrar Hona Isiliye hai ke Imaandar Logo Ke Iman Bil Gaib(Yani Gaib Ki Bato Par Iman Lane) Me Zyadti Ho jaye Aur Kafiro ka Fitna Aur Zyada Ho Jaye Iski Wajah Ye hai ke Raat ke Kaam Din Ke Aetbar Se Chupe Huwe Hote hai...

🎇Isi Liye Ke Jo Maan Lenge Unka Imaan Bil Gaib Zyada Ho Jaega Aur Jo Inkar Karenge Unka Kufr Zahir ho Jaega Yani Is Me'raj Ke Waqiye se Saccha Aur Kafir Aur Kafiro se Bhi Badttar Me Imtiyaz Aur Fark Maloom ho Jaega...

🌃QAYNAT KE WAJOOD KA SURAJ...*

🎆Ba'az Ulema-E-Kiram Ne Kaha Hai Ke Ek Martaba Din Ne Raat se Kaha Muje Tere Upar Fazilat hai Me Tujhse Behter hu Isi liye ke Suraj Mere Andar Chamakta hai, Allah Taa'la ki Janib Se Khitab Huwa Aur Farmaya ke Aye Din Tujhe Ye Zeba Nahi Ke Fakhr Kare Agar Tere Waqto me Duniya ka Suraj Chamakta hai To Qaynat Ke Wajood Aur Zahoor ka Suraj Raat Ke Waqt Aasman Par Tulu'a Hoga Yani Aasman Par Chadega..

*🌃DIL JOYI-E-SHAB...*

🎇Ba'az Aarifo ka Qoul hai Ke Raat Me Me'raj Hone Me Hiqmat Ye hai Ke Jab Allah Taa'la ne Raat ki Nishani ko Mita Diya Aur Din ki Nishani ko Dekhne Ke Liye Baki Rakha To Raat Ghumgin Aur Pareshan Ho Gayi Thi Isi Wajah Se Allah Taa'la ne Huzur ﷺ Ko Raat Ke Waqt Me'raj Karayi Take Din Aur Raat Me Barabari Ho Jaye Addal Aur Insaf Ya Barabari Kayam Rahe..

📚(TAYBUL WARDA)

🎆Allama Jalauddin Suyuti رضی الله عنہ Apni Is *Tafsire Ittekan* Me Farmate Hai Ke Allah Taa'la Ne Chand Aur Suraj Ki Pehle Barabar Roshan Payda Kiya tha Jiski Wajah Se Raat Aur Din Me Pehchan Mushkil Thi Lihaza Allah Taa'la Ne Hazrate Jibraeel Ko Bheja Unhone Apne Parr se Chand Ki Roshni ko Kum Kar Diya Aur Unhi Parr Ke Asar Se Chand me Ek Daag Bhi hai Jab Chand ki Chandani Suraj se Kum Ho Gayi To Din Aur Raat me Kafi Fark Nazar aane Laga Allah Taa'la Ne Quran-E-Paak Me Irshad Farmaya..

*🌈AUR HUMNE RAAT AUR DIN KO DO NISHANIYA BANAYA TO RAAT KI NISHANI MITI HUYI RAKHI AUR DIN KI NISHANIYA DIKHANE WALI..*

🎇Lugat ki Istelah Me Ayse Izale ko Kehte hai Jisme Kuch Asbat Baki Ho...

🌃JUDAYI GAWARA NA HOTI....*

🎆Agar Me'raj Din Ko Hoti Aur Hazrat Jibraeel عَلَيـهِ السَّــلَام Farishto Ko Lekar Aate Taki Aapko Buraq Par Sawar Karke Aasmano Par Le Jaye To Wo Sahaba Jo Aap Par Apni Jaan Nisar Karte the Wo Apki Judayi Kese Bardasht Karte Aur Unko Kese Sabr Aur Sukoon Hasil hota..

🎇Sab Ke Sab Apke Daman Se Lipatkar Arz Karte ki Aaqa Hum Apki Judayi Bardasht Nahi Kar Sakte Aur Fir Huzur Rehmatullilaalamin Hai Sahaba Ke Is Rone Par Kese Gawara Farmate Ke Unse Daman Chudakar Aage Badhe Isiliye ke Apki Sifat hai *"BIL MOMENINA RAUF'URR RAHIM"* Yahi Sabab Hai Ke Raat ko Meraj Huyi Take kisi bhi Trah Apke Raste me Rukawat na aaye...

*🌃RAAT DIN SE PEHLE HAI....*

🎆Ba'az Ulema Ne Farmaya Ke Raat Me Me'raj Hone ki Wajah Ye bhi Hai Ke Huzur ﷺ Choudwi Raat Ke Chand Ke Misl the Aur Chand Raat me Aasmano Me Tulu'a Hota hai Isi liye aap bhi Raat hi ko Aasman Par Tashrif Le Gaye Ya Fir Ye Wajah bhi Ho Sakti hai Ke Quran-E-Paak me Raat Ko Din Se Pehle Bayan Kiya Gaya Hai...

*🌈AUR HUMNE RAAT AUR DIN KO DO NISHANIYA BANAYA...*

🎇Neez Musalmano Ka Saal Aur Mahina Chand Ke Hisab se Hai Suraj ke Hisab se Nahi...

*🌃BHALAYI AUR BURAYI....*

🎆Ye Ke Yaha Par Firqa-E-Sanviya Ka Radd hai Jinka Aqeeda hai Ke Din Bhalayi Payda Karta hai Aur Raat Burayi Payda Karti hai Isi Liye Allah Taa'la Ne Apne Habib ko Raat me Meraj Ki Azmat Aur Bartari Farmakar Ye Zahir Kar diya ke Bhalayi Aur Burayi Dono Allah Taa'la Ke Ikhtiyar me Hai....

🌃JUMMA KA HAM PALLA....*

🎆Jis Raat Me'raj Huyi wo Peer ki Raat thi Allah Taa'la Ne Chaha ke Peer ki Raat ki Shaan Jumma Ke Ham Palla Ho Jaye..

📚(ROOHUL BAYAN)

🎇Aur Ye Bat ke Huzur ﷺ Raat Me Kyo Bulaye Gaye To Ye Sarkare Do Aalam ﷺ Ka Khaas Hone Ki Wajah Se Hai Isliye ke Raat Ka Waqt Akelepan Ki Lutf Aur Khushi ki Ghadiyo Ko Apne Andar Liye Huwe hai Aur Badhshao Ki Majlis Mehfile Zamana Ka Khaas Waqt Yahi Hai Aur Ye Sab Jante hai Ke Badshah Us Waqt ki Khaas Nazam Aur Bethak Me Siwaye Apne Khaas Qareeb Ke Aadmiyo Ke Aur Kisi ko Nahi Bulata...

*🌃CHIRAG AUR CHAND*...

🎆Isi Bare me Allama Ibne Jauzi Radiallahu Anhu Ne Bahot hi Ajeeb Bat Bayan ki Hai Aap Farmate hai Ke *Sarkare Do Aalam ﷺ Ek Chirag Hai Aur Chirag Raat ke Alawa Aur Koi Waqt Me Roshan Nahi Kiya Jata Ya Ye Ke Apki Zaat Maah-E-Qameel(Pura Choudhvi ka Chand) Aur Chand Ka Safar bhi Aasman Par Raat hi Ki Andheriyo Me Shuru Hota hai...*

*📚(ROOHUL MA'AANI)*

🌠ME'RAJ JISMANI....*

*🌃IMAAN QAMEEL:-*

🎆Jo Saksh Allah Taa'la Ko Zaat-Wa-Sifat Ilm Wa Qudsi Azmat Wa Hiqmat Ko Qabool Kar Chuka hai Aur Pura Imaan La Chuka hai Aur Sath hi Sath Huzur صلی اللہ تعالیٰ علیہ وسلم. Ki Nabuwwat Aur Risalat Aur Sadaqat Aur Qamalat Ko Sacche Dil Se Tasdiq Qabool Kar Chuka hai Wo Kisi Bhi Waqt Aur Kisi Bhi Haal me Meraj Ke Waqie Inkar Nahi Kar Sakta....

🎇Isliye ke Agar Allah Taa'la Apne Habib KO Buraq Bhej Kar Zameen Se Arsh Par Bulae Aur Waha ki Ajeeb-O-Gareeb Bato ko Dikhakar Fir Vapas Apne Ghar Pahocha De to ye Cheez Is Qadire Mutlaq(ALLAH TAA'LA) ke Liye Kuch Bhi Dushwar nahi Konsi Cheez Hai Jo Allah Taa'la Ke Bich Me Hail Ho Jae Aur Rukawat Kar Sake....

🎆Is liye Jo Muhammad صلی اللہ تعالیٰ علیہ وسلم.Ki Meraj ka Inkar Karne Wala hai Wo Dar asal Allah Taa'la Ki Qudrat ka Inkar Karne Wala Hai...

🎇Isi Shak Ko Door Karne ke Liye Ayat-E-Asra Ki Shuru Me Lafz "SUBHAN"Kafi Hai Ke Jo Saksh Allah Taa'la Ki Zaat ko Be Aib Janta Ho Wo Muhammad صلی اللہ تعالیٰ علیہ وسلم. KI Meraj Ko Aqal Ki Kasoti Par Janchne Ki Himmat ya Jurrat to Kya Wo Tasawwur Ya Khayal Bhi Nahi Karega....

🎆Madni Aqa Ki Meraj Jismani Thi Aqabeer Sahaba E Kiram Isi Ke Manne Wale Hai Aur Jamhur Salaf Wa Khalf Yane Tamam Ulema Zahiri Aur Batini Bhi Yahi Aqeeda Rakhte  Hai...

🌃QURAN-E-MAJEED....*

🎆Meraje Jismani Ke Daleelo Me Se Ek Daleel Ye Bhi hai Ke Huzur ﷺ Ko Me'raj Jismani Huwi Wo Daleel Allah Taa'la ka Irshad Hai *"ASRA BE ABDIHI"* Isi Liye Ke Lafz "ABDAKA" Aana Hamesha Rooh Aur Jism Dono Par Hota hai..

📚(TAFSEER-E-SIRAJ-E-MUNIR)

🎇Jaise Quran Me hai *Moosa Mere Bando(Bani Israeel) Ko Raat Ke Waqt Misr se Bahar Le Chalo Kyonki Din Ho Gaya to Qabti Tumhara Picha Karenge Aur Jane Nahi Denge..

🎆Isiliye Koi Saksh "ASRA BE ABDIHI" Ke Ye Mayne Bayan Kare Ke Allah Taa'la Apne Bande Muhammad ﷺ Ko Halate Khawab Me Roohani Tor se Makkah Se Baitulla Muqaddas Ki Taraf Le Gaya To Is Dusri Ayat ke Ye Mayne Ho Jate hai ke Aye Moosa Mere Bando ko Neend ki Halat me Misr se Kinaan ki Taraf Le Jao Jo Ke Ye Mayne Kisi Bhi Soorat me Theek Aur Durust nahi ho Sakte...

🎇Maloom Huwa Ke Parwardigare Aalam Apne Habib Mukarram Ko Izhar Ke Liye(Jisko Zahir Karne ke liye) Ayate Karima Me Lafz "ABDI" Ko Laya Gaya Agar Meraj Roohani Hoti To Quran Me Asra Be Abdihi Roohihi Nazil Hoti....

🎆Isliye Sochne ki Baat Hai Ke Agar Lafz "अब्द" Se Murad Sirf Rooh Hai To Ek Saksh Namaz Ke Waqt Bethe-Bethe Keh Sakta Hai Ke Janab Muje Jane ka Mouka Nahi Meri Rooh Masjid me Namaz Padhne Gayi Huyi Hai Lekin Uski Ye Bat Hargiz Qubool Na ki Jaegi,..

🎇Ya Agar Lafz "अब्द" Se Murad Sirf Jism Hai To Marne Ke Bad bhi Murde Par Namaz Ka Ada Karna Wajib Hona Chahiye Lekin Esa Nahi Hai Isse Maloom Huwa Ke "अब्द" Ka Lafz Wahi Bola Jaega Jaha Jism Aur Rooh dono Moujood hai Na Sirf Rooh 

"अब्द" Hai Aur Na Sirf Jism "अब्द" Hai...

🎆Qur'ane Paak Me Saaf Maujood hai Ke Allah Taa'la ne Apne Bande Khaas ko Sair Karayi To Maloom Huwa Ke Fakat Jism Ya Faqat Rooh se Sair Nahi ki Balke Jism Aur Rooh Dono Ne Sath-Sath Sair ki Aur Ayate Rabbani Ka Mushahida Kiya..

🎇Upar ki Sharah se Ye Bat Sabit ho Gayi Ke Huzur ﷺ Ki Meraj Jismani Par Qurane Paak ki Badi Mazboot Sahadat Pesh Kar Raha hai Jisse Inkar ki Koi Gunjaish Nahi....

⤵HADEES SHARIF...

🎆Beshak Rasool-E-Khuda ﷺ Ne Farmaya Ke Jab Mujko Quraish Ne Jhootlaya To Me Hateem Me Mizabe Rehmat ke Niche Thahar Gaya Allah Taa'la Ne Mere Samne Baitul Muqaddas Ko Zahir Farma Diya Fir Mene Unko Uski Nishaniyo ki Khabar Deni Shuru Ki Halanke Me us Waqt Baytul Muqaddas ki Taraf Dekh Raha tha...

*🎇Tafseer-E-Rooh ul Kabeer* Wagera Jesi Mustanad Qitabo Me Hai Ke Ye Hadeese Paak Meraje Jismani Ki Roshan Aur Mazboot Daleel hai Kyonke Meraj Khawab Ka Waqiya Hota to Kuffar ko Jhootlane ki Zarurat hi Kya thi, Aur Fir Jis Waqt Sarkar ne Kuffare Makkah ke Jawab Dete Huwe Nishan Bataye Unki Sacchai Par unhe Inkar ki Gunjaish Na Mili Neez Qaflo ke Jo Halat Bataye Lafz-B-Lafz Sach Sabit Huwe...

🎆Muqaam-E-Rooha Par Thehre Huwe Qafle Ke Jis Pyale Se Sarkar Ne Pani Nosh Farmaya Us Pyale Ka Khali Milna, Buraq Ki Tez Raftar ki Aawaz se Darrkar Ount ka Kudna Aur Uspar se Sawar Aadmi Ka Zameen Par Gir Jana Aur Hath ki Kalayi Toot Jana Wagera Waqiyat Is Baat Ka Behtareen Saboot hai Ke Sarkar ﷺ Ki Meraj Roohani Nahi Ballke Jismani Thi Warna Rooh Pani Nahi Piya Karti Pani Jism Pita hai Sawari Rooh Nahi Karti Balke Ye Jism Ka Khassa hai To Agar Me'raj Roohani Hai to Pyale ka Khali Milna Aur Buraq Par Sawar hona Kya Mayne Rakhta hai...

🎇Natija Zahir hai Ke Hadeese Paak Ki Sahadat Meraj Jismani Ke Haq me Hai Jisse Bilkul Inkaar Nahi Kiya Ja Sakta Aur Agar Koi Inkar Karne Par hi Zidd Karta ho to Uske Liye Sirf Itna kaha jayega...

*🏟AANKH WALA TERE JALWO KA TAMASHA DEKHE...*

*🏟DEED-E-FURKO KYA AAYE NAZAR KYA DEKHE...

🌈QOUL-E-SAHABA...

🌠Hazrat Saiyedna Siddiq-E-Akbar Radiallahu Anhu Se Jab Safar E Meraje Jismani Ke Bare me Daleel Puchi Gai To Aapne Bade Sade Andaz Me Lekin Badi Mustnad Bat Irshad Farmai ke Jo Qadir Mutlaq Khuda Hazrat Jibrail Ko Hazaro Martaba Aasman Se Zameen Par Utara Hai Wahi Khuda Muhammad صلی اللہ تعالیٰ علیہ وسلم. Ko Aasman Ki Bulandi Par Bhi Le gaya...

🌠Imaam Fakhruddin Razi Radiallahu Anhu Ne Apni Tafsir-E-Qabeer Me Hazrat Siddiq-E-Akbar Radiallahu Anhu Ke Is Qoul ko Naqal Karne ke Bad Badi Pyari Sharh Ki Hai Ke Agar Jisme Kasif Ka Marqaz Zameen Se Aasman Ki Traf Jana Mumkin Nahi To To Jisme Latif Ka Apne Marqaz Aasman Se Is Dunia Me Aana Kese Mumkin Hoga...

🌠Is Liye Ke Jo Saksh Rasool E Kareem Ki Meraj-E-Jismani Ka Inkar Karne Wala Ho Wo Jibrail Ke Zameen Par Utarne ka Bhi Inkar Karne Wala hai ...

🌠Isi Liye Jo Saksh Nuzul E Quran (QURAN KA UTARNA) Ka Qail Aur Manne Wala Hai Wo Meraj-E-Jismani Ka Munkir Nahi Ho Sakta...

🌠Isliye ke Jab Usne Qabool Kar Liya Ke Upar Aalam Se Zameen Par Jibrail Ka Utarna Mumkin Hai To Zameen Se Aasmano Taraf Huzur صلی اللہ تعالیٰ علیہ وسلم. Ka Urooj Bhi Mumkin hai Jiski Sacchai Har Shak Aur Shuba Se Barri hai....

📚(MERAJ-UN-NABI JILD-1 PAGE NO 94/95)

🌈RIWAYAT WA DARAYAT...*

🌠Shaad Ibne Aous رضي الله تعالي عنه  Se Riwayat hai Ke Unhone Huzur صلی اللہ تعالیٰ علیہ وسلم. Se Shab-E-Meraj Ke Bare me Pucha Ke mene Raat ko Apki Jagah Talash Ki Aur Mene Apko Na Paya 

Huzur صلی اللہ تعالیٰ علیہ وسلم. Ne Farmaya Muje Jibrail Masjid-E-Aqsa Ki Taraf Le gae the....

📓( Shifa Sharif )

🌠Hazrat Abu Bakr Siddiq رضي الله تعالي عنه Se Riwayat hai Ke Unhone Huzur صلی اللہ تعالیٰ علیہ وسلم. Se Kaha Ke Aaj Raat Mene Apko Apki Jagah Talash Kiya Aur Mene Apko Na Paya Aapne Irshad Farmaya Ke Muje Hazrat Jibrail Aleyhissalam Muje Masjid-E-Aqsa ki Taraf le Gae the....

🌠Imaam Burhanuddin Halbi Likhte hai Ek Riwayat me Aya hai Ki Shab-E-Meraj Huzur صلی اللہ تعالیٰ علیہ وسلم. Hazrat Umme hani رضي الله تعالي عنه  Ke Ghar me Aaram Farma Rahe the Hazrat Umme hani Ka Bayan Hai ki Raat ke Ek Hisse me Mene Huzur صلی اللہ تعالیٰ علیہ وسلم. Ko Na Paya To Us Khouf Se Sarkar ko Koi Taklif Na Pahoche Meri Neend Urr Gai...

🌠Ibne Saa'ad Riwayat Karte Hai ki Shab-E-Meraj Jab Logone Nabi-E-Kareem صلی اللہ تعالیٰ علیہ وسلم. Ko Apki Qiyam Gaah Par Na Paya To Bani Abdul Muttalib Apko Dhoondhne Nikle Jab Apko Talash Karte Hue Hazrat Abbas رضي الله تعالي عنه  Muqam E Zituva Me Pahoche Aur Ya Muhammad صلی اللہ تعالیٰ علیہ وسلم. Kehkar Apko Pukarte The Ke Us Waqt Aap Safar-e-Meraj se Vapas Aa Rahe the ....

🌠Hazrat Abbas رضي الله تعالي عنه Ke Pukarne par Irshad Farmaya *"LABBAIK LABBAIK "* Hazrat Abbas رضي الله تعالي عنه Ne Kaha Ke Aaj Aapne Apni Qoum ko Thaka Dala Aap Kaha Tashrif Le Gae the Irshad Farmaya Baytul Muqaddas ki Taraf Gaya Tha...

🌠Hazrat Abbas رضي الله تعالي عنه Ne Farmaya Aaj Raat ko Aap Waha Gae The Farmaya Haa Aaj Raat Baytul Muqaddas Hi Gaya tha Hazrat Abbas رضي الله تعالي عنه ne Farmaya Aap Har Tarah kheriyat Se To Hai Aapne Irshad Farmaya Haan Bilkul Kheriyat Se hu....

🌠Maloom Hota hai Ke Huzur Ne Safar-E-Meraj Se Vapsi Par Muqam-E-Zitova Me hi Buraq Sr Utarkar Hazrat Abbas Se Ye Bat Ki Hogi...

  

📚(MERAJ-UN-NABI JILD-1 PAGE NO 95/96/97)

🎆Hazrat Shaddad Ibne Awas Hazrat Abu Bakr رضی الله عنہ Aur Hazrat Ummhani رضی الله عنہ  Ka Raat me Sarkar Ko Bistar Mubarak Par Naa Pana Aur Puchne Par Sarkar Ka Ye Irshad Farmana *BAYTUL MUQADDAS KI TARAF GAYA THA* Aur Banu Abdulmuttalib Ka Apko Makke ke Bahar Talash Karna Aur Hazrat Abbas Ke Pukarne par Sarkar ka Labbaik-Labbaik Farmana Kya Sarkar ki Roohani Meraj ki Taraf Ishara Karta hai ? Agar Roohani Meraj Thi to Jism Paak To Apne Muqam Par Moujud Rehna Chahiye Tha, Warna Rooh to Meraj me Gayi thi To Jisme Paak Kaha Gayab ho Gaya tha ??

🎇Maloom Huwa Ke Rooh Aur Jism Dono Meraj Me Gaye the Meraj Jismani Thi Jispar Pichle Guzre Saboot Bahot hi Wazeh Aur Khule Huwe Hai Jise Ek Baccha bhi Aasani se Samaj Sakta hai...

*🌈TAARIKH...*

🎆Jis Waqt Huzur ﷺ Ne Hazrat Wahiya Qalbi رضی الله عنہ Ko Roum Ke Badshahe Kaisar Ke Pas Paygaam Dekar Bheja To Kaisar Us Waqt Baytul Muqaddas ki Ziyarat ko Aaya tha, Hazrat Wahiya Qalbi رضی الله عنہ  Wahi Tashrif Le Gaye Aur Sarkar ka Naama Mubarak(Khat) Pesh Kiya Kaisar ne Jab Huzur ﷺ Ke Khat Mubara ko Padha To Baytul Muqaddas Me Moujood Arab ke Tajiro Ko Bulaya Taki Unse Guftagu Karke Huzur ﷺ Ke Bare me Malumat Hasil Kare....

🎆Unhi Tajeero me Abu Sufyan Bhi the Aur Us Waqt Islaam Na Laye The, Kaisar Ne Unhi se Guftagu ki Shuruat ki Aur Huzur ﷺ Ke Bare me Tafisili Baate Maloom Karne Laga, Hazrat Abu Sufyan Ka Bayan Hai ke mene Jaha Tak Ho Saka Chaha ke Esi Baat Kahu Jisse Huzur ﷺ Ki Nafrat Aur Adawat Kaisar Ke Dil me Payda Ho jaye Lekin Bar-Bar Apna Khayal Bhi Aata Tha Ke Kahin Koi Esi Bat na Nikal Jaye Jise Meri Izzat Chali Jaye...

🎇Isi Liye Sochte-Sochte Mene Kaha Aye Badshah Kya Me Esi Baat Na Batau Jo Muhammad ﷺ Ke Nabuwwat Ke Dawe ko Galat Samajne Ke liye Bhot hi Kaafi Ho, Kaisar ne Kaha Batao To Sahi Wo Konsi Bat hai...

🎆Mene Kaha ki Muhammad ﷺ Ne Ek Din Elaan Kiya Ke Me Raat ke Thode Hisse me Makkah Se Baytul Muqaddas Gaya Aur Baytul Muqaddas se Makkah Wapas Aa gaya Isse Badhkar Aur koi Galat Baat ho Sakti hai Insani Aqal Kisi bhi Qeemat Par Ise Qabool Karne ko Taiyar nahi Abhi Mene ye bat Khatm hi Ki thi Ke Kaisar Ke Chehre se Ye Baat ka Asar Dekhne bhi na Paya tha Ke Baytul Muqaddas ka Sabse Bada Padri Bol Utha *Badshah Muje is Raat ka Ilm hai* Hazrate Abu Sufyan Kehte hai Mujhpar Jese Saqta Taari ho Gaya Kaisare Roum ne Is Padri se Pucha Ke Tujhe Kis Trah Is Raat ka Ilm hai ??

🎇Padri ne Kaha me Rozana Dastoor ke Mutabik Masjid ke Tamam Darwaze Band Kar diya Karta hu Lekin Is Raat Jab Me Darwazo ko Band Karta Huwa Ek Darwaze ke Pas Pahucha Aur Use Band Karna Chaha Puri Taqat Laga di Uske Bawajood Use Jumbish na De saka Yani Hila bhi Na Saka Mene Aur Dusre Sathi ko Madad ke liye Bulaya Aur Sabne Milkar Koshsish ki Lekin Darwaza Apni Jagah se Bilkul na Hila Mene Khayal Kiya ke Shayad Imarat Niche aa gayi hogi Jiski Wajah se Darwazw ki Choukhat par Dabaw Padta hoga Isi Liye Darwaza Band nahi ho raha Subha Karigar Bulakar Durust karwa lunga....

🎆Uske Bad wo Padri Aage Kehne Laga Subha Sawere Jab Masjid Pahocha To Muje Hairat Huyi Ke Darwaze me Khaami Nahi Wo Apni Jagah Bilkul Durust hai Aur Masjid ke Kone me Bade Patthar ka Surakh Zahir hai Aur Esa Maloom Ho Raha hai Ke Koi Sawari Bandi Gayi Hai...

🎇Mene Fouran Samaj Liya ke Aaj Raat Zaroor Koi An'honi Huyi hai, Kuch Der Gour Karne ke Bad Muje Khayal Aaya ke Agli Qitabo Me Isi Baytullah Sharif Se Nabi-E-Aakhirruzzama ﷺ Ke Aasmano Par Jane ki Khabar Milti hai Aur Jab Wo Yaha Tashrif Layenge To Usi Patthar se Sawari Badhenge..

🎆Chunache Aaj Yakeenan Nabi-E-Akhiruzzama ﷺ Yaha Tashrif Laye The Aur Yahi se Aasmano Par Tashrif Le Gaye Yahi Wajah Thi ke Ba'wajood Bahot Koshish Ke Me Aaj ki Raat Masjid Ka Darwaza Band Na Kar Saka Isi Liye Mene Tamam Logo ko Is Haqeeqat Ki Usi Waqt Khabar De Di thi Aur Aagah Kar Diya tha...

*📗(TAFSEER ROOH-UL-BAYAN, JILD-02, SER HALBIYA, JILD-01)*

🌃MERAJ KESE HUYI ???*

*🌈FIQAAH...*

🎆Shariyat ka Qanoon hai Ke Jab Do Cheeze Is Trah Jama Ho Jaye Ke Ek Gaalib Aur Dusri Magloob Ho to Huqm Galib ke Bare me Lagaya Jaega  Jese Ek Saksh Wuzu Kar Chuka hai Ab Uske Munh se Khoon Mila Huwa Thook Nikla To Agar Khoon ka Galba(Zyada) hai To Wuzu Toot Jayega Aur Agar Thook Ka Galba hai To Wuzu Baaki Rahega Ese Hi Agar Khoti Chandi Khalis Chandi me Di Gayi Aur Agar Khoti Chandi Galib Aa gayi To Uske Khotepan ka Huqm Diya Jaega Aur Kahlis Chandi Galib hai To Uspar Khalis Chandi ke Ehkaam Jari Kiye Jaenge....

🎇Sarkare Do Aalam ﷺ (Jo Noor Hi Noor Ho) Unki Nooraniyat Huzur ﷺ Ke Jism Mubarak Par Galib hai To Jism Mubarak Ke Sath Aasman Par Tashrif Le Jana Konsi Mushkil Bat hai Balke Sufiya-E-Kiram Ka to Farman Hai ke Huzur ﷺ Apni Nooraniyat ke Lihaz se Aasman Par Jana Tajjub Ki Bat Nahi Balke Aasman Se Zameen Par Aana Tajjub Ki Bat hai..

*🌈KASHF...*

🎆Shaikh Akbar Mohiyuddin Arabi رحمۃ اللہ تعالٰی علیہ Futuhate Makkah me Meraj Jismani Se Mutallik Badi Pyari Daleel Laye hai Aap Farmate hai..

*🏟Agar Huzur ﷺ Ki Meraj Roohani Hoti Jaisa Ke Koi Saksh Khawab me Koi Waqiya Dekhta hai To Is Baat ka Koi Inkar nahi Karta Aur Na Manna Munh Firana Karta hai Magar Kuffar ne Meraj Ka Inkar Isi Liye Kiya Ke Huzur ﷺ Ne Unko Ye Bataya Tha ke Tamam Muqam Par Muje Meraj Jismani Huyi hai...*

🎇Isi Liye Ye Tajjub Ki bat hai Ke Kuffar To Yakeen Kar Rahe hai Ke Aapke Meraj Jismani Ka Dawa Farma Rahe hai Is Bina par Inkar Kar Rahe hai Magar Islam Ke Dawedar Aapki Meraj ko Roohani Karar De Kitni Hairat Wali Bat hai....

🌈HISR.....*

🎆Ek Bar Ek Filosofer Apni Takrir me Meraj Ka Inkar Karte Huwe Keh Raha tha Ke Is Jism Aasri Ka Aasmano Paar Chala Jana Aqal Qabool Nahi Karti Usi Waqt Ek Musalman Ne Pucha Ke Janab Aap Aankho Par Chashme Laga Lete ho Uske Bad bhi Aap Aasmano Ke Taare Dekh Rahe ho ya nahi ???

🎇Usne Kaha Ye bhi Koi Puchne Wali Bat hai, Musalman Ne Kaha Janab Aapki Aankhe Aur Aasmano ke Bich Shishe ki Deewar Aayi Huyi hai Filoaofar Ne Kaha Ki Shisha Aankho Ki Binayi Ya Roshni Ke Liye Rukawat Nahi Ban Sakta...

🎆Musalman Ne Jawab Diya ke Aye Naadan Agar Teri Aankh Ke Noor Ke Samne Shishe ki Deewar Aad Nahi Ban Sakti To Wo Zaat-E-Muqaddas Wo Paak Zaat Jo Mujassam*(Ser Se Pero Tak Puri Trah se Aapka Jism Mubarak)* Khuda ka Noor hai To Fir Aasman Inhe Kese Rukawat Daal Sakta hai ???

🎆Hazrat Jibraeel عَلَيـهِ السَّــلَام Kyonke Huqm Tha Ke Mehboob Ko Jagane Aur Yaha Tak Laane Me Har Jagah Aadab Ka Khayal Rakhna Isiliye Hazrat Jibraeel عَلَيـهِ السَّــلَام Soch Rahe hai Ke Apne Aaqa Ko Kis Trah Jagau Isi  Bare me Jibraeel ne Farmaya Ke Muje Huqme Ilahi Maloom Tha ke Muje Kafur Se Payda Kiya gaya Lekin Uski Hikamat Maloom Na thi..

🎇Lekin Shabe Me'raj Me Isi Soch Me Tha Ke Allah Ke Mehboob Ko Kaise Jagau To Allah Taa'la Ka Irshad Huwa ke Aye Jibraeel Apne Hotho Ko Mere Mehboob ke Pair Ke Talwo Par Rakh Do Yani Bosa Do Mere Mehboob Ke Talwo Par..

🎆Isliye Jis Waqt Mene Sarkar Ke Talwo Par Bosa Diya To Kafoor Ki Thand Apke Talwo Ko Mehsoos Huyi Aur Aap Jaag Gaye Us Waqt Muje Maloom Huwa Ke MuJe Kafoor se Isi Liye Banaya Gaya Ke Me'raj Ki Raat Adab Se Apko Bedar Kar Saku....

🎇Sarkar Adab Karar ﷺ Jab Bedar Huwe To Jibraeel Ijtehayi Adab se Arz Karte hai...

*🏟Beshak Allah Taa'la Aap Par Salam Bhejta hai Aur Apko Bulata Hai Aur Me Hazir Huwa Hu Take Apko Allah Taa'la ke Pas Le Jau Aaj Raat Allah Taa'la Apko Ayse Ae'zaz-W-Sharf Ata Farmane ka Irada Rakhta hai Jo Aezaz Aapse Pehle Kisi Ko Hasil Naa Huwa Aur Na Apke Aulad Se Kisi Ko Hasil Hoga Aaj Tak Esi Shaan-W-Azmat Kisi Ne Bhi Na Suni Aur Naa Hi Qalb Me Uska Khayal Guzra....*

*📔(Maa'rijunnabuwwah)*

🌈2 YAQOOTI KUZHE...*

🎆Jagne Ke Bad Sarkar Ne Chaha Ke Wuzu Kar le, Abhi Aastin Bhi Na Charhayi Thi Ke Hazrate Ridwan Ne 2 Yaqooti Kuzhe Aabe Kousar se Bhare Huwe Apki Khidmat me Pesh Kiye Aur Sabz Zamrud ka Ek Thaal Jiske 4 Kone The Aur Har Kone Par Ek Aysa Chamakdar Moti Jada Huwa tha Jiski Roshni Ke Partaw Se Aasman Jag'maga Raha tha...

🎇Wo Apke Samne Hazir Kiya gaya Sarkar Ne Gusl Aur Wuzu Kiya Aur Noorani Libas Pehna Aur Ser-E-Mubarak Par Noorani Amama Bandha Jisko Ridwan Ne Adam عَلَيـهِ السَّــلَام Ki Pedaish Se 7 Hazar Saal Pehle Hifazat Se Lapetkar Rakha Tha..

🎆Aur 40,000 Farishte Ta'zeem Ki Niyyat se Is Amama Mubarak Ke Charo Taraf Khade Hokar Tasbeeh Aur Tehleel Kiya Karte The Aur Tasbeeh ke Bad Durood Sharif Padhte the Jis Waqt Hazrat Jibraeel عَلَيـهِ السَّــلَام Is Dastar Mubarak Ko Lekar Sarkar ki Bargah Me Hazir Huwe To 40,000 Farishte bhi Iske Sath Sarkar ki Ziyarat se Musharraf Huwe....

🌈NOORANI LIBAS...*

🎆Noorani Libas Pehenne Ke Bad Hazrat  Jibraeel عَلَيـهِ السَّــلَام Ne Apke Kandhe Par Ek Noorani Chadar Daal Di Aur *Zabarjaddkinalain* Apke Pairo Me Pehna Di Aur Yaaqooti Patka Aapki Kammar Me Baandha Aur Leele Zamrood Ka Ek Chabuk Jisme Mawarid Jade Huwe The Apke Hath Me Diya Gaya...

🎇Uske Bad Sarkar Qa'ba Sharif Me Tashrif Laye Aur 7 Baar Tawaf Karke Thodi Der Hateem Me Aaram Farmaya...

*🌈SHAK-E-SADAR(SEENA CHAK KARNA)...*

🎆Ab Farishto ki Ek Jama'at Hazir Huyi Jinke Pas Ek Neela Thal Tha Jo Zam-Zam Ke Paani se Bhara Huwa Tha Aur Ek Thal Imaan-O-Hikmat se Bhara Tha Sarkar Irshad Farmate hai Ki Mera Seena Upar se Niche Tak Khol Diya gaya Aur Mera Dil Nikalkar Sunheri Thal Me Zam-Zam Me Dhoya Gaya Aur Iman-O-Hikmat se Bharkar Fir Uske Asal Muqam Par Rakhkar Seena Durust Kar Diya...

🎇Jab Jibraeel عَلَيـهِ السَّــلَام  Apke Dil Ko Dho Chuke To Kaha *Apka Dil Paak Mazboot Aur Azam Hai Aur Istiklal Wala Hai Usme 2 Aankhe Hai Jo Dekhti hai Aur 2 Kaan hai Jo Sunte hai* Allama Ismail Haqqi رحمۃ اللہ تعالٰی علیہ Farmate Hai..

*🎆Shak-E-Sadar Ki Kefiyat Sirf Itni Hai Ke Hazrat Jibraeel عَلَيـهِ السَّــلَام Ne Ishara Kiya Sarkar ka Seena Mubarak Khul Gaya Seena Mubarak ko Naa Kisi Hathiyar se Cheera Aur Naa hi Ek Qatra Khoon Baha Aur Na Kisi Tarike ki Taklif Maloom Huyi*...

🌈BATHA-E-MAKKAH...*

🎆In Tamaam Bato Se Farig Hokar Hazrat Jibraeel Sarkar Ko Makkah Sharif Se Bahar Batha-E-Makkah Me Laye Yaha Pehle Se Hi Hazrat Miqaeel Hazrat Israfeel  عَلَيـهِ السَّــلَام Intezar me Khade the In Do Farishto Ke Sath 70,000 Farishte bhi Saff Bandhe Khade the..

🎇Sarkar ﷺ Ko Dekhte hi Sab Ke Sab Ta'zeem Baja Laye Aur Sabne Salam Ke Tohfe Pesh Kiye Aap ﷺ Ne Unke Martabe Aur Roohani Taqat Ke Mutabik Unko In'aam-O-Ikram Se Nawaza Farishto Ne Bade Adab se Raza-E-Ilahi Aur Apko Diye Gaye Izzat-O-Ikram ki Khush Khabri Sunayi....

*🌈BURAQ...*

🎆Ab Sarkar Abad Karar ﷺ Ke Samne Buraq Pesh kiya gaya Is Buraq Ka Seena Yaqoot Surkh Sufed ki Misal Aur Pith ChamakdarMoti Jesi, Tange Leele Zamrood Ke Misal Aur Punch Uski Khalis Marjan Jesi Aur Uske Maathe par *KALMA SHARIF* Likha Huwa tha Aur Raftar me Itna Tez ke Jaha Nazar Khatm hoti Wahi Uska Qadam Padta tha..

🎇Aur Chalne Me Khoobi Ye ke Pahad par Chadhte Waqt Peir Lambe ho Jate Taki Sawar Koi Taklif Mehsoos Na kare Buraq Ki Dayi Janib 80,000 Farishte Aur Bayi Janib 80,000 Farishte Apne Hatho me Noorani Shamma Liye Khade The Jinki Roshni se Pura Batha Roshan-W-Munawwar Tha..

🎆Is Maqam Par Aap Tashrif Laye to Apki Nooraniyat In Shama-E-Aaftabe Nabuwwat Ke Samne Chirag Ke Misal Maloom Hone Lagi, In Shammao Par hi Kya Agar Hazzaro Chand Aur Suraj Nabuwwat ke Samne Bhi Agar Hote to Wo Apke Noore Nabuwwat ke Samne Sharma Jate...

🌈EK HIJAB UTHAYA...*

🎆Ab Hazrate Jibraeel Ko Wahi Huyi Ke Aye Jibraeel Mene Apne Mehboob ke Noor ko 70,000 Hijabat(Pardo) Me Chupakar Rakha Hai Is Waqt Sirf Ek Hijab Uthaya Hai Jiski Ye Kaifiyat Hai ke Arsh Se Jo Sham-E-Roshan Kar Karke Gaye the Sab Ki Sab Jhilmila Rahi hai Mere Habib ka Noor Sab Par Galib hai....

🎇Hazrate Jibraeel Aage Badhe Aur Arz Kiya Ke Sarkar Ab der Na Kare Buraq Hazir hai Sawar ho Aur Aasman ki Bulandiyo Par Tashrif Le Chale Kyonke Aalam-E-Baala Me Tamam Mukarrab Farishte Apke Liye Aankhe Buchaye Huwe Hai Sarkar Unhe Apne Faiz Aur Ata Se Nawaze...

🎆Huzur ﷺ Ne Kuch Tawakkuf Kiya Aur Ser Mubarak Ko Jhuka Diya Allah Taa'la Ka Khitab Huwa Ke Aye Jibraeel Mere Mehboob Se Pucho Ke Rukne ka Sabab Kya hai, Hazrat Jibraeel Arz Karte hai Ya Rasool Allah ﷺ Rukne ka Sabab Kya hai ??

🎇Sarkar Ne Irshad Farmaya Aye Jibraeel Aaj Ki Raat Allah Ki Nawazisho se Nawaza Ja Raha hu Aala Martabe ke Farishte Mere Isteqbal Ke liye Jama Huwe hai Buraq Tez Raftar ke Liye Moujud hai Lekin Is Waqt Qayamat ke Din Apni Ummat ki Be'basi Lachari Yaad Aa Gayi Ke Apni Qabro se Nikalne ke Bad Pulsirat Ka Wo Rasta Jiski Musafari 15,000 Saal hai Bager Sawari Kis Trah Tay Karegi??

🎆Is Waqt Allah Taa'la Ki Taraf se Wahi Aati hai Ke Pyare Habib Aap Ghum na Kare Aapki Ummat Me se Jisko bhi Apne In'aam O Ikram Ke Sath Makhsoos Karunga Usko Sawari Par Salamati Ke Sath Pullsirat Se Guzarkar Jannat me Pahucha Dunga, Qur'an ki Ek Ayat bhi Is Trah Ishara Kar Rahi hai ki *QAYAMAT KA WO DIN JIS DIN PARHEZGARO KO REHMAT KI TARAF LE JAYE MEHMAAN BANAKAR* Tafsir Jalalain Sharif Me hai *WAFAD* Jama Waqid Ayye Raqib Yaate Wahid Ki Jama Hai Aur Uske Maane hai Raqib Yani Sawar Hone ke...

🌈BURAQ KI TAMANNA....*

🎆Ye Khushkhabar Sunne Ke bad Sarkar ne Chaha ke Buraq Par Sawar Ho To Buraq Shokhiya Karne Laga Hazrat Jibraeel Ne Daantte Huwe Kaha Aye Buraq Khabardar Yaha Se Tujhpar Wo Zaat-E-Aala Martaba Sawar Hone Ja Rahi hai Jiska Martaba Allah ke Nazdik Qaynat me Sabse Bada Hai...

🎇Buraq ne Arz Kiya Aye Sardaran-E-Malayka(Farishto Ke Sardar) Apka Farman Bilkul Sahi Hai Meri bhi Ek Tamanna Hai Jise Me'raj Ke Dulha Ki Bargah Me Pesh Karna Chahata Hu Kyonke Agar Ye Waqt Guzar Gaya To Shayad Meri Hasrat Dil Hi me Tootkar Reh Jaye..

🎆Tamanna Sirf Ye hai ke Kal Qayamat Ke Din Mujse Behter Hazaro Buraq Sarkar ki Khidmat Me Pesh Honge Lekin Us Din Bhi Sarkar-E-Aali Mujhi ko Sawari Ka Sharf Ata Farmaye Jese Aaj ki Raat Ayeni Nawazisho Se Nawaza..

*📒(MA'RIJ-UN-NABUWWAH)*

🎇Ba'az Log Kehte Hai ki Buraq Apni Is Jasarat Par Bhot Sharminda Huwa Aur Kaanpne Laga Yaha Tak Ke Paseena Aa gaya Aur Aazizi Inkesari Ko Zahir Karte Huwe Apne Apko Zameen Se Is Qadr Qareeb Kar Liya Ke Huzur ﷺ Uspar Asani se Sawar ho Jaye..

🎆Ab Me'raj Ke Dulha Ki Sawari Is Shaan Se Rawana Huyi Hai Ke Jibraeel Lagam Pakde Huwe hai Hazrat Mikayil Riqab Thame Hai Aur Janab Israfil Zinnposh Uthaye Huwe hai, Lakho Farishte Sath Chal Rahe hai Durood Ki Nichawar Ho Rahi hai Rehmate Nisar Ho Rahi hai Farsh-O-Aasman Tamam Fiza Noor se Jug-Maga Rahi hai...

🎇Aaj Hazrat Jibraeel Ko Lakho Baras ki Ibadat Ka Ye Sila Mil Raha hai Ke Me'raj Ke Dilha Ki Zinndari Ka Sharf Hasil Hai, Jab Sarkar ki Sawari Chali to Batha Ka Pura Meidan Aapke Noor se Jugmaga Raha tha, Jannat se Khushbudar Hawaye Aa Rahi Thi Har Taraf se Salato Salam Ki Purqaif Sadaye Aur Marhaba Ke Na're Buland Ho Rahe the...

🌈CHAR PUKARE...*

🎆Chalte Huwe Hazrat Jibraeel Ne Arz Kiya Sarkar Agar Raaste Ke Darmiyan Koi Aawaz Sunayi De to Uski Taraf Khayal Na Farmaenge, Hazrat Abu Saeed Khudri رضی الله عنہ Riwayat Karte hai Ke Dayi(Right) Taraf se Pukarne Walo ne Pukara Ke Meri Taraf Nazar Farmaiye Aapse Muje Kuch Puchna hai Magar Mene Is Aawaz Ki Taraf Bilkul Khayal Na Kiya..

🎇Isi Trah Bayi(Left) Taraf Se Aawaz Aayi Magar Mene Uspar bhi Khayal Na kiya Uske Bad Samne se Shingaar Kiye Huwe Ek Aurat Ne Pukara Thehariye Muje Apse Kuch Maloom Karna hai Magar Mene Uski Taraf bhi Koi Khayal Na kiya..

🎆Hazrat Jibraeel Ne Kaha Ya Rasoolallah ﷺ Pehle Aapko Pukara Wo Yahoodiyat Ka Da'wa Karne Wala tha Agar Aap Uski Taraf Khayal Karte to Apki Ummat Yahoodiyat ki Taraf Mayil ho Jati Aur Dusra Pukarne Wala Isayiyat Ka Da'wa Karne Wala tha Agar Aap Uski Taraf Khayal Karte To Apki Ummat Isayi Ho Jati...

🎇Aur Samne Se Pukarne Wali Aurat Duniya Thi Agar Aap Uski Taraf Mayil Hote to Apki Ummat Deen Ko Chorkar Duniya ki Taraf Ru'ju Ho Jati,..

🎆Ek Riwayat me Ye bhi Aaya ke Piche Se Bhi Pukarne Wale ne Pukara Lekin Sarkar ﷺ Ne Uski Janib bhi Tawajjoh Na Ki Uspar Hazrat Jibraeel Ne Kaha Ye Pukarne Wala Aatish Parast(Aag ki Pooja Karne wala) Tha Agar Aap Udhar Tawajjoh Farmate to Aapki Ummat Aatish Parast ho Jati...

🎇Huzur ﷺ Aksar Khayal Farmate the Ke Mere Is Duniya se Tashrif Le Jane Ke Bad Meri Ummat Na'Jane Kis Halat me Rahegi Lekin In 4 Pukaaro Ke Bad Apko Sukoon ho Gaya Allah Taa'la Apne Fazlo Karam Se Aapki Ummat Ko Deen-E-Islam Par Qayam Rakhega Esa Na Hoga Ke Agli Ummato Ki Trah Mazhabe Islam Ka Ek Bhi Pairvi Karne Wala Baaki Na Reh Jaye...

*📒(RIYAZ-UL-AZDAH)*

🌈MADINA MUNAWWARAH....*

🎆Makkah Mukarrama Se Rawana Hokar Jab Sarkar ne Kuch Raasta Tay Farmaya to Ek Esi Zameen Par Guzar Huwa Jaha Khajur Ke Darakht Bhot The Hazrat Jibraeel Ne Arz Kiya Ke Sarkar Yaha Utarkar 2 Raq'at Nafil Ada Farmaye..

🎇Jab Sarkar Namaz Padhkar Farig Huwe To Hazrat Jibraeel Ne Kaha Ya Rasoolallah ﷺ Ye Mubarak Zameen Apki Hijrat Gaah (Hijrat Ki Jane Ki Jagah) Aur Hamesha ki Aaramgaah Hai...

*🌈TOOR-E-SEENA....*

🎆Fir Ek Esi Zameen Se Guzre Jiska Rang Safed Tha Hazrat Jibraeel Ne Arz Kiya 2 Ra'qat Nafil Ada Farmaiye Sarkar ne Waha bhi 2 Raqat Nafil Ada Ki, Hazrate Jibraeel ne Kaha Ye Wo *TOOR-E-SEENA* Hai Jaha Allah Taa'la ne Hazrat Moosa عَلَيـهِ السَّــلَام Ko Apni Hum Qalami(Baate Karne ka) Sharf Ata Farmaya tha...

*🌈BAYTUL LAHAM...*

🎇Uske Bad Ek Safed Aur Camakte Rang Ke Pahad Par Guzar Huwa Waha Farishto ki Ek Jama'at Pehle Se Istiqbal Ke Liye Moujud thi, Hazrat Jibraeel Ne Arz Kiya Yaha Bhi Buraq se Utre Aur Namaz Ada Farmaye, Huzur ﷺ Buraq Se Utre Aur 2 Raq'at Namaz Ada Farmayi Hazrat Jibraeel Ne Farmaya *Ye Wo Muqam hai Jaha Hazrate Isa عَلَيـهِ السَّــلَام Ki Pedaish Huyi Hai Iska Naam Baytul Laham hai...*

*📒(Durre Mansoor)*

🌈BAKHT-DOULAT-AAFIYAT....*

🎇Uske Bad Ek Adhed Ek Jawan Aur Ek Budha Saksh Samne Aaya Huzur ﷺ Ne Budhe Aur Adhed ki Taraf To Tawajjo Na Farmayi Magar Jawan Ki Taraf Maayil Huwe Hazrat Jibraeel Ne Kaha Ke Ya Rasoolallah ﷺ Bahot Behter Huwa Jo Aap Aapne Jawan Ki Taraf Tawajjo Farmayi Isi liye ke Budhe ki Surat me Baksha Huwa Nasiba Aur Aadhed Ki Surat me Doulat Zahir Huyi..

🎆Bakht Aur Doulat Dono Mit Jane Wali Hai Unka Koi Aetebar Nahi Lekin Jawan Ki Surat me Aafiyat(Salamati) Samne Aayi Jise Sarkar ne Pasand Farma Liya Hai Isi Aafiyat Ke Zariye Dono Jahan Ki Ne'mate Mayassar Aati Hai Mubarak Ho Aapki Ummat Salamati se Bahramad(Fayda Uthayegi) hogi..

*🌈KHUSH AAMADID...*

🎇Mehman Moazzam ﷺ Ke Istikbal Ke Waqt Ye Waqiya Ek Tarike Ki Khush Aamadid Thi(Yani Isse Apka Istekbal Kiya) Jo Aafiyat Par Nazar Famane Se Zahir Huyi Aur Iske Bad hi Apko Aur Apki Ummat ko Dono Jahan Ki Behtari Aur Salamati Ki Basharat Di Gayi...

*🌈LALCHI...*

🎆Jab Sarkar Aage Badhe To Ek Ese Saksh Ko Dekha jo Lakdiyo Ka Ek Bahot Bada Bojh Banaye Huwe Hai Aur Chahta Hai Ke Usko Apne Ser Par Uthakar Rakh Le Magar Utha Nahi Pata Aur Jab Utha Nahi Pata Aur UthaNahi Sakta to Fir Is Bojh me Aur Lakadiya Bandhta hai Aur Fir Uthane ki Koshish Karta hai Aur Fir Nahi Utha Sakta...

🎇Huzur ﷺ Ne Farmaya ke Ye Kaisa Aadmi hai Jab Lakdiyo Ka Gaddha Itna Bhari hai To Kuch Kum Kar de Taaki Aasani se Utha sake Magar Ye Kum Karne Ki Bajaye Aur Zyada Kar leta hai, Hazrate Jibraeel Ne Arz Kiya Ke Sarkar Ye Aapki Ummat Ka Wo Aadmi Hai Ke Bahot se Logo Ke Haq Uske Upar Hai Jab Unko Ada Nahi Kar Sakta To Aur Dusro Ke Aur Zyada Haq Wo Jama Kar Leta hai Aur Lalach Kar Leta hai...

🎆Ya'ni Logo ke Haq Aur Unki Amanate Ek Tarike ka Wazani Bojh Hai Jisko Agar Koi Utha Na Sake To Zyada bhi Na Karna Chahiye..

*📚(Tafseer Ibne Zareer)*

🌈MUNH NIKLI BAAT...*

🎆Fir Ek Chota Sa Patthar Dekha Jisme Se Ek Bada Sa Bail Payda Hota hai Aur Woh Bail Fir Us Patthar me Dusri Bar Jane ki Koshish Karta hai Lekin Nahi Ja Sakta, Hazrat Jibraeel Ne Kaha Huzur Ye Us Saksh ki Misal hai Jo Ek Buri Bat Munh se Nikale Fir Sharminda Ho Jaye Magar Is Bat ke Wapis Lene par Usko Kudrat Hasil Nahi Ya'ni Buri Nikli Huyi Bat Wapas Nahi Le Sakta...

*📒(Mawahibulladunniya)*

*🌈KHALI DOLL...*

🎇Uske bad Ek Saksh ko Dekha Ke Wo Kunwe me Doll Dalta hai Lekin Jab Usko Nikalta Hai To Doll Ko Pani Se Khali Paata hai, Hazrat Jibraeel ne Kaha ki Ye Saksh Riayakar Hai Dikhawe Ki Ibadat Karta hai Mehnat Karta hai Lekin Qayamat Ke din Iska Usko Koi Badla Na Milega..

*🌈AARZU-E-BAHISHT....*

🎆Kuch Aur Aage Badhe To Ek Bahot Hi Paak Aur Khushbudar Thandi Hawa Chali Aur Usi ke Sath Ek Aawaz Bhi Sunayi Di Hazrat Jibraeel ne Kaha Ye Khushbu Jannat se Aa Rahi hai Aur Aapne Jo Aawaz Suni Wo Bhi Isi Jannat ki Hai, Jannat ne Allah Taa'la ko Darkhwast ki Ke Aye Malik-O-Moula Mere Is Tabrak Resham Sandal Aur Abkari Bahot Kasrat Se Ho Gaye hai Chandi-Sone Ke Glass Aur Katore Bhot Zyada ho Gaye hai Sehad Paani Doodh Aur Sharabe Tahoor bhi Bhot Zyada Ho Gaya hai...

🎇Moti Marjan bhi Bhot Zyada Ho Gaye hai Aye Allah Taa'la Tune Mujse Jo Wada Kiya tha Usko Pura Kar Aur Logo Ko Bhej Jo Unko Kaam Me Lawe Allah Taa'la Ne Farmaya Mene Tere Liye Nek Logo ko Mukarrar Kar diya hai Jo Mard Ya Aurat Islam Laye Aur Mere Sath Shirk Na Kare Aur Jo Apne Dil me Mera Khouf Rakhe Unko Aman Dunga ...

🎆Aur Jo Koi Mujse Mangega Me Usko Dunga Jo Muje Qarz Dega Me Usko Uska Acha Badla Ata Karunga Aur Jo Mujhpar Tawakkal Karega Me Uski Kifalat Karunga Aur Me Hi Ibadat Ke Layak Hu Mere Siwa Koi Aur Ibadat ke Layak Nahi Me Wada Khilaf Nahi Karta Beshak Imandaro ki Bhalayi Hogi Aur Allah Taala Bhot Rehmat Wala Hai Jannat ne Kaha me Raazi Ho gayi....

*📚(Ibne Kaseer)*

🌈DOZAKH KI MAANG....*

🎆Ab Uske Bad Ek Wa'di Par Hokar Guzre To Bahot hi Khoufnaak Aur Darr Wali Awaz Suni Aur Sakht Badbu Maloom Huyi Hazrat Jibraeel Ne Kaha Ke Sarkar Abhi Aapne Jo Aawaz Suni Wo Jahannam ki Hai Wo Apne Rabb Se Keh Rahi hai Ke Aye Rabb Mujse Jo Wa'da Kiya Wo Pura Kare Kyonke Meri Janzire, Shole, Garam Pani, Peep, Aur Trah-Trah Ke Azabo ki Bhot Kasrat Ho Gayi hai Meri Gehrayi Aur Garmi Bhot Sakht hai...

🎇Allah Taa'la ne Kaha Shirk Karne Wale Mard Aur Shirk Karne Wali Aurte Kufr Karne Wale Mard Aur Kufr Karne Wali Aurte Aur Takabbur Karne Wale Aur Qayamat ke Din ka Intezar Karne Wale Wagerao Ko Tere Liye Tazviz Kar Rakha Hai, Dozakh Ne Kaha Me Raazi Hu...

*📚(Durre Mansoor)*

*🌈DOZAKH ME PATTHAR GIRA...*

🎆Uske Bad Ek Dusri Wa'di Me se Guzre Fir Ek Khoufnaak Aawaz Sunayi di Sarkar Ne Farmaya Aye Jibraeel Ye Kaisi Aawaz hai Jise Sunte Hi Insan Gabhra Jaye Aur Log Hairat Me Padd Jaye Hazrat Jibraeel Ne Kaha Huzur Aaj se 1000 Saal Pehle Ek Patthar Dozakh Me Daala Gaya tha Aaj Wo Dozakh Ke Taliya Me Pahocha Hai Ye Usi Ke Girne Ki Aawaz Hai..

🎇Baytul Muqaddas Se Pehle Hi Safar Ke Darmiyan Huzur ﷺ Ek Surkh Teele ke Pas se Guzre To Dekha ke Hazrat Moosa Aleyhissalam Apni Qabr me Namaz Padh Rahe hai, Jis Waqt Sarkar ﷺ In Waqiyat ki Dekhte Huwe Zameen Tay Karke Baytul Muqaddas Pahuche To Be'Shumar Farishte Aapke Istiqbal Ke Liye Waha Moujud The Sab Ne Badi Izzat-O-Tazeem Ke Sath Salato Salam Ka Nazrana Pesh Kiya Aur Me'raj Ke Safar Par Jane ki Mubarakbad di....

🌈SAKHRA...*

🎆Baytul Muqaddas Me Ek Patthar Tha Ambiya Jo Huzur ﷺ Se Pehle Guzre Isi Patthar Se Apni Sawariya Bandha Karte the Lekin Bahot Muddat Ho Jane Ki Wajah se Patthar Ka Wo Surakh Jisme Rassi Dalkar Sawariyo Ko Bandha Jata Tha Band Ho Gaya Tha...

🎇Jibraeel Aleyhissalam Ne Apni Ungli Ka Ishara Kiya Fouran Wo Surakh Zahir ho Gaya Aapne Buraq Isi Jagah Bandh Diya...

*🌈HOORE BAYTUL MUQADDAS ME...*

🎆Jis Trah Farishto Ki Jama'ate Aasman Se Baytul Muqaddas Me Meraji Dulha Ke Liye Utar Aayi Thi Ese hi Jannati Hoore bhi Sarkare Do Aalam ﷺ Ke Istiqbal Ke Liye Aa Gayi thi..

🎇Hazrate Jibraeel Ne Arz Kiya Ke Sarkar ﷺ Kya Aap Apne Rabb Se Darkhwasti Ki Thi Ke Hoore Apko Dikhlaye, Aapne Farmaya Haan Hazrat Jibraeel Alehissalam Ne Arz kiya Ke Ye Hoore Samne Moujud hai Jo Apke Istiqbal Ke Liye Jannat se Aayi hai..

🎆Huzur ﷺ Ne Unhe Salam se Nawaza Unhone Niyazmandi Aur Aazizi Ke Sath Salam Ka Jawab Pesh Kiya Sarkar ﷺ Ne Unse Sawal Kiya ke *Tum Kiske Liye ho?* Unhone Jawab Diya Ke Hum Bahot hi Nek Aur Khoobsurat hai Aur Un Nek Mardo ki Biwiya Hai Jo Paak Saaf Hai, Woh Hamesha Jannat Me Rahenge Aur Kabhi Jannat Se Juda Na Honge Aur Hamesha Zinda Rahenge Kabhi na Marenge....

🌈AWWAL AAKHIR HAASHIR...*

🎆Ab Farishto Ki Ek Jama'at Aayi Aur Allah Taa'la Ki Taraf se Badi Izzat-O-Ehteram Ki Khushkhabri Sunayi Di Aur Yun Salam Arz Kiya ke*(या अव्व्लो या आखिरो या हाशिरो)* Hazrate Jibraeel Se Farmaya Ke Aye Jibraeel In Farishto ne Salam Karne me Muje In Naamo Khaas Tor Par Kyu Pukara...

🎇Hazrate Jibraeel Ne Arz kiya Iski Wajah Ye hai ke Aap Sabse Pehle Shafa'at Karne Wale Hai Aur Aap Hi Aakhri Nabi hai Aur Qayamat Ke Roz Tamam Makhluk Ka Hashr Aapke Qadmo Ke Tale hoga...

🎆Farishte Hi Nahi Balke Hazrat Adam Aleyhissalam Se Lekar Hazrat Isa Aleyhissalam Tak Ke Tamam Ambiya Baytul Muqaddas Me Moujud the Sarkar ke Pahochne Ke Bad Azan Padhi Aur Bad me Fouran Hi Takbeer Padhi Gayi Ek-Ek Nabi Aur Rasool Tamam Farishte Safe Bandhkar Khade hai Aur Intezar me Hai Ke Imamamat Ke Musalle Par Koun Tashrif Farma Hota hai Ke Itne me Hazrate Jibraeel Ne Huzur ﷺ Se Arz Kiya Ke Sarkar Aage Badhe Aur Ambiya ki Imamat Farmaye...

🎇Ye Arz Karna tha Aur Huzur ﷺ Ke Hath Mubarak Ko Thamkar Aage Badha Diya Huzur ﷺ Ne Musalle Par Aakar Namaz Padhayi Ambiya Aur Farishto ne Bade Jhonk Aur Sokh se Aapke Piche Namaz Ada ki....

*🌈SAFO KI TARTEEB...*

🎆Jis Waqt Baytul Muqaddas me Ambiya Huzur ﷺ Ke Piche Namaz Ada ki To Safo ki Tartib Is Trah Thi Ke Pehli Safo Me Aapke Bilkul Piche Hazrat Ibrahim عَلَيـهِ السَّــلَام The Dahini Taraf Hazrat Ismail عَلَيـهِ السَّــلَام Aur Bayi Janib Hazrate Ishak عَلَيـهِ السَّــلَام  The Qull 7 Safe thi Pehli 3 Safo me Woh Ambiya-E-Kiram The Jo Nabuwwat Ke Sath Risalat Ke Martabe Par the Yani Nabi Hone Ke Sath-Sath Wo Rasool bhi the Aur Aakhri 4 Safo Me Sirf Nabi The....

*🌈MEHBOOBIYAT KI KHUSHBU...*

🎆Huzur ﷺ Ko Tamam Ambiya Ne Isliye Apna Imam Banaya Ke Aapki Iqteda Karne Me(Aapki Pairvi Karne me Apke Piche Namaz Padhne me) Aapki Khoobiyo ka Asar Humme Aa Jaye Aur Hume bhi Allah Ki Mehboobiyat Ki Khushbu Hasil ho Jaye...

🎇Isliye ke Imaam Aur Muktadi Me Ek Khass Rabta Hota hai Jiski Bina Par Imam Ki Namaz Muktadi Ki Namaz Ki Mushtimil Hoti hai Yaha Tak Ke Imam Ki Khoobiya Muktadi Me bhi Asar Karne Wali Ho Jati hai...

*🌈KHUTBA-E-ADAM عَلَيـهِ السَّــلَام...*

🎆Jab Namaz Se Sab Farig Huwe to Adam عَلَيـهِ السَّــلَام Ne Khutba Padha Allah Taa'la Ka Shukr Aur Uski Yaad Aur Tarif Karne ke Bad Farmaya *Khuda Taa'la Ka Bada Ehsan hai Ke Usne Muje Mitti se Banaya Aur Farishto ne Muje Sajda Kiya Aur Hawwa Ko Mujse Payda Karke Mera Joda Banaya Aur Jannat ki Be'Shumar Ne'mato se Muje Nawaza....*

*🌈KHUTBAZ-E-IBRAHIM عَلَيـهِ السَّــلَام...*

🎇Hazrat Adam عَلَيـهِ السَّــلَام  Ke Bad Hazrat Ibrahim عَلَيـهِ السَّــلَام Ne Takrir Farmayi Aapne Farmaya ke Tamam Tarife Allah Taa'la Ke Liye Hai Usne Muje Apna Khaleel Banaya Aur Bhot Bada Mulk Ata kiya Aur Muje Ummat Wala Nabi Aur Sahibe Qunoot Banaya Yaha Tak ke Meri Iqteda Ki Jati hai Aur Muje Namrood ki Aag se Najat Ata ki Aur Is Aag Ko Mere Liye Salamati Aur Thandak Banaya....

🌈KHUTBA-E-MOOSA عَلَيـهِ السَّــلَام...*

🎆Aapke Bad Hazrat Moosa Kalimullah عَلَيـهِ السَّــلَام Ne Kaha Ke Sab Tarife Allah Ke Liye Sabit Hai Jisne Muje Apne Kalam-E-Khaas Se Nawaza Aur Muje Pasand Farmaya Aur Mujhpar Apni Qitab Touret Nazil Ki Mere Dushman Fir'on ko Halak Kiya Aur Meri Madadgar Qoum Ko Ayesa Giroh Banaya Jo Haq Ke Sath Hidayat Karte Aur Haqq Ke Muwafiq Addal Karte hai..

*🌈KHUTBA-E-DAWOODعَلَيـهِ السَّــلَام ...*

🎇Ab Hazrat Dawood عَلَيـهِ السَّــلَام  Khade Huwe Aur Allah Taa'la ki Tarif Bayan Karne Ke Bad Kaha Ke Tamam Khubiya Allah Taa'la Ke Liye Sabit hai Usne Muje Ek Bada Mulk Diya Aur Zaboor ka Ilm Ata Farmaya...

🎆Lohe ko Mere Liye Naram Aur Pahado ko Mere Liye Musakhhar(Kabze) Me Kiya Jo Ke Mere Sath Allah ki Tasbeeh Bayan Karte hai Aur Parindo Ko Mera Tabedar Bana Diya Ke Wo Mere Sath Allah Taa'la Ki Tasbeeh Aur Tamjid Karta Rahe Aur Ilm Aur Hikmat Aur Accha Aawaz Ata Farmaya...

*🌈KHUTBA-E-SULEMAN عَلَيـهِ السَّــلَام ...*

🎇Aapke Bad Hazrate Suleman عَلَيـهِ السَّــلَام  Ne Apne Rabb Ki Bargah Me Hamd O Sana Bayan Ki Aur Kaha Ke Sab Tarif Allah Taa'la Ke Liye Hai Jisne Mere Waste Hawa Ko Taabe Kar Diya Jinnat ko Mera Tabedar Bana diya Yaha Tak Ke Agar Me Inse Aalishan Imarate Banwana Chahu To Wo Banate hai Aur Allah Taa'la Ne Muje Parindo ki Zuban Samajne ki Kudrat Ata Ki Aur Muje Esi Saltanat Ata Ki Jo Mere Alawa Kisi ko Naa Mili...

*🌈KHUTBA-E-ISA عَلَيـهِ السَّــلَام ...*

🎆Hazrat Suleman عَلَيـهِ السَّــلَام  Ne Jab Apna Khutba Khatm Farmaya To Hazrat Isa عَلَيـهِ السَّــلَام Khade Huwe Aur Allah Taa'la Ki Hamd-O-Sana Bayan Ki Fir Farmaya Ke Tamam Hamd Allah ke Liye Hai Jisne Muje Apna Maseeh Banaya Aur Muje Hikmate Tourat Aur Injeel Ka Aalim Banaya Aur Muje Woh Taqat Ata Farmayi Ke Mitti ke Parindo ko Foonk Marta hu To Allah Ke Huqm se Udne Lagta Hai, Pedaishi Andhe Aur Kodhi Ko Bilkul Durust Kar Deta hu Aur Murdo ko Allah Ke Huqm se Zinda Kar deta hu....

🌈KHUTBA-E-MUHAMMAD MUSTAFA ﷺ...*

🎆Ab Sabke Bad Khatamun Nabiyyin Janab Huzure Aqdas ﷺ Ne Apne Rabb Taa'la Ki Hamd-O-Sana Ki Iske Bad Farmaya Tamam Khoobiya Sabit hai Us Allah Ke Liye Jisne Tamam Aalam Ke Liye Muje Rehmat Banakar Bheja Aur Sabke Liye Basharat Dene Wala Jannat ki Aur Dozakh Se Darane Wala

Banakar Bheja...

🎇Mujhpar Apni Qitab Quran Sharif Nazil Farmayi Jisme Har Cheez Ka Tafseel Se Bayan hai Meri Ummat ko Sab Ummato Se Behter Banaya Aur Mere Zikr Ko Buland Kiya Muje Awwal-O-Aakhir Banaya(Noor me Awwal Aur Zahoor me Aakhir)...

*🌈AETERAF-E-FAZILAT....*

🎆Huzur ﷺ Ki Ye Takrir Mubarak Sunne ke Bad Tamam Ambiya Ekdum Se Bol Uthe Ke Isme Koi Shak Nahi Ke Aap Hum Tamaam Ambiya Par Fazilat Aur Shaan Aur Martabe Ke Lihaz Se Bahot Aage Badh Gaye...

*📚(Zurqani)*

*🌈EK AYAT...*

🎆Abhi Sarkar Baytul Muqaddas Me Tamam Ambiya Ke Sath Tashrif Farma The Ke Ek Ayat Ka Nuzool Huwa Jiska Tarjuma hai..

*🏟AUR UNSE PUCHO JO HUMNE TUMSE PEHLE RASOOL BHEJE KYA HUMNE REHMAN KE SIWA AUR KHUDA THEHRAYE JISKO POOJA...*

*📓(Paara-25, Ruqu-10)*

🎇Is Mouke Par Is Ayat Ka Nazil Hone Ka Maksad Tamam Ambiya-E-Kiram Se Touheed Par Gawahi Lene Ka Maksad Tha, Tafseer *Mualemul Tanzeel* Me hai Ke Huzur ﷺ Ne Tamam Rasoolo Se Daryaft Na Farmaya Aur *Aynul Mua'ni* Ki Riwayat Me hai Ke Hazrat Jibraeel Ne Janab Miqaeel Se Pucha Huzur ﷺ Ne Ambiya Se Ye Mas'ala Daryaft Farmaya Tha...

🎆Hazrat Miqaeel Ne Kaha ke Huzur ﷺ Ka Yakeen Bahot Qameel Hai Aur Aapka Imaan Bahot Hi Pakka hai Yahi Wajah hai Ke Aapko Puchne ki Zarurat Mehsoos Nahi Huyi Bhala Haqqul Yakeen Wale Ki Ilmul Yakeeb Wale Ki Kya Hajat..

*📗(Tafseere Hussaini, Jild-02)*

🌈SHARAB-E-TAHOOR AUR DOODH...*

🎆Jab Huzur ﷺ Masjide Aqsa Ke Bahar Tashrif laye To Safar Aasmani Shuru Hone Se Pehle Hazrat Jibraeel عَلَيـهِ السَّــلَام Do Bartan Laye Ek Me Sharabe Tahoor Thi Aur Dusre me Doodh Tha Arz Kiya Huzur Jo Chahe pasand Farmaye Aur Nosh Farmaye Huzur ﷺ Ne Doodh Pasand Farmaya Fir Hazrat Jibraeel عَلَيـهِ السَّــلَام Ne Kaha Ki Aaqa-E-Mohtaram Aapne Fitrat Ya'ni Deen-E-Islam ko Pasand Farmaya....

*🌈JUNOOBI HISSA....*

🎇Jis Waqt Huzur ﷺ Ne Buraq Par Sawar Hone ka Irada Farmaya To Aapka Qadam Paak Us Patthar Par Pada Jiska Naam Sakhra Hai Ye Jannat Ke Pattharo Me se Hai Aur Is Waqt Ye Masjide Aqsa Ke Sehan Me Zameen Aur Aasman Ke Bich Latka Huwa hai Jis Trah Aasman Bagir Sutoon ke Qayam hai Ese Hi Allah Taa'la ki Kudrat se Ye Patthar Ke Junoobi Hisse Me Aaj bhi Huzur ﷺ Ke Qadam Sharif Ke Nakshe ki Ehteram Ki Wajah Se Ye Patthar Junoobi Hisse Ki Taraf Jhuka Huwa Hai...

*📒(SHIFA SHARIF)*

🎆Ye Bhi Kaha Jata Hai Ke Duniya Me Jaha Bhi Mithe Paani Ka Wajood Hai Sabka Ma'aab Aur Khazana Isi Sakhra Sharif ke Niche hai Aur Saltanat Banu Umaiyya Me Iske Upar Gumbad Bana Diya gaya hai...

🌈SAFAR-E-AASMAN KI IBTEDA.....*

🎆Ab Jab Ke Huzur ﷺ Ne Aasman Ki Taraf Safar Shuru Kiya To Aasman Se Ek Bhot Khubsurst Sidhi(सीडी) Zahir Huyi Jiski Misal Milna Mushkil hai, Isi Sidhi(सीडी) ke 2 Baazu The Ek Surkh(Red) Yaqoot Ka Dusra Hare(Green) Zamrud ka Uske Darmiyan Se Bahot Se Daade The Jinme Se Ek Daada Sone Ka Tha Isi Sidhi(सीडी) ke 50 Makamat The Aur Har Mukaam Par 70,000 Baras Ki Raah Thi Aur Har Mukaam Par Esa Farishta Mukarrar Tha Jiske Par Khadim Ke Tor Par 50,000 Farishte Har Waqt Mojud Rehte hai....

*🌈AASMANI SIDHI(सीडी)....*

🎇Aasman Se Farishte Jab Zameen Par Aate hai Aur Jab Zameen se Aasman Ki Taraf Jate Hai To Isi Sidhi se Unka Safar Hota hai Jis Waqt Huzur ﷺ Buraq Par Sawar Hokar Is Sidhi se Guzre To Ek Farishte Ne Bhot Hi Ehteram Aur Izzat Ke Sath Aap ﷺ Ki Khidmat me Salam Arz Kiya...

🎆Aur Arz Kiya Ya RASOOLALLAH ﷺ Me Aadam عَلَيـهِ السَّــلَام Ki Pedaish Se 25,000 Saal Pehle Yaha Par Mukarrar Kar Diya Gaya Hu Taaki Aap Par Salat-O-Salam Padhta Rahu Ek Muddat se Aapki Paakiza Mohabbat Mere Dil Me Basi Huyi hai Be'karar Tha Ke Kab Aapke Deedar Ka Sharf Hasil Hoga Shukr hai Us Khuda Taa'la Ka Aaj Apki Ziyarat Aur Deedar Ka Mouka Muje Mil Gaya Aur Muddato ki Tamanna Puri Huyi...

*📒(RIYAZ-UL-AZHAR)*

*🌈HAWAI KURRRA...*

🎇Jab Huzur ﷺ Ki Sawari Aage Badhi To Aapka Guzar Hawai Kurre Se Huwa Ye Kurra Hawa Ka Khazana Hai Jisko 70,000 Janziro Se Baandh Diya Gaya hai Aur Uski Har Ek Janzir Ek Farishte Ke Parr Ke Upar Hai Take Uski Nigaah Khayal Rakhe....

*🌈NAARI KURRA....*

🎆Is Hawai Kurre Ko Tay Farmane Ke Bad Sarkar ﷺ Kurre Naari ko Tay Farmaya...

*📒(ROOH-UL-BAYAN)*

🎇Jis Waqt Qoume Aad Par Hawa Ka Azaab Aaya Tha To Sirf *ANGUTHI KE SURAKH KE BARABAR IS HAWA KA RAASTA KHOLA GAYA THA* Jiski Wajah se Qoum-E-Aad Ka Naam-O-Nishan Mitt Gaya Unke Darakht Aur Imarate Is Tarah Fanah Ke Ghaat Utar Gayi Ke Naamo Nishan Bhi Baaki Naa Raha.....

🌈DARYA-E-QASIYA....*

🎆Hawayi Aur Naari Qurre Paar Karne Ke Bad Huzur ﷺ Jab Aur Aage Badhe To Aapka Guzar Darya-E-Qasiya Par Huwa 200 Saal Ke Barabar Uski Motayi Hai Aur Uska Rang Neela hai Hume Aur Aapko Ye Aasman Jo Neele Rang Ka Nazar Aata Hai Hakikat Ye Dariya Ka Rang hai Jese Samandaro Aur Junglo Me Janwar Hote hai Ese Hi Is Dariya ke Andar Bhi Mukhtalif Kism Ke Janwar hai...

*📒(MA'RIJUNNABUWWAH)*

🎇Is Silsile me Ek Riwayat Milti hai Ke 1 Martaba Khaleefa Mamur Rashid Ka Shikari Ba'az Shikar Ke Liye Udta Huwa Gayab Ho Gaya Thodi Der Ke Bad Ek Machli Munh me Dabaye Huwe Wapas Aaya Mamur Rashid Machli Ko Dekhkar Hairat me Reh Gaya Ke Machli To Dariya Me Hoti hai Hawa me Use Machli Kaha se Mil Gayi..

🎆Shikar Se Wapsi Ke Waqt Us Raah se Guzar Huwa Jaha Imam Taki Rehmatullah Alayhi Raha Karte The, Mamur Rashid Khidmat me Hazir Hokar Puri Kefiyat Bayan Ki Aur Hakikat Maloom Karni Chahi Hazrat Imam Taki Rehmatullah Alayhi Ne Farmaya Ke Tajjub Ki Koi Bat Nahi Isliye Ke Allah Taa'la Ka Ek Dariya Hai Jo Aasman Ke Hawa Me Moujud hai Ye Machli Usi Dariya Ki Hai Aapke Is Wazeh Jawab Se Aur Apke Ilm Ko Dekhkar Mamun Ki Hairat ki Inteha Na Rahi Izhare Nyazmandi Karke Aali Khidmat Se Rawana Ho Gaya....

📝(MALFUZAT-E-TAIYYEBA QIBLA AALAM GOLARVI)

🌃PEHLA AASMAN...*

🎆Is Aasman Ki Motayi 500 Saal Ki Raah Hai, Uske Darwaze Ka Naam Babul Hifz Hai Jo Surkh Yaqoot Ka Bana Huwa hai Is Darwaze Ka Taala(Lock) Motiyo Se Bana hai...

🎇Iske Darban Ka Naam Ismail Hai Aur 10 Farishto Ke Ma'tahat 1 Lakh Farishte Hai In Farishto Ki Tashbih Ye Hai Ke

*(सुबहानल मलेकुल आला, सुबहानल अलल आला, सुबहाना मीन लेसा कमिस्लिही शैउन)*

📒(RIYAZ-UL-AZHAR)

*🌈HUZUR AASMAN-E-AWWAL PAR...*

🎆Zameeno Aasman Ke Darmiyan Tamam Manzilo Aur Ajayab Aur Garayib Ka Mushahida Karte Huwe Huzur ﷺ Pehle Aasman Ke Qareeb Pahuche Hazrat Jibraeel عَلَيـهِ السَّــلَام Ne Aawaz Di Ke Darwaza Khola Jaye Isliye Ke Nabi-E-Aakhiruzzama Tashrif Laye hai...

🎇Ye Aawaz Sunte Hi Aasmane Awwal Ke Darwaze Ke Darwan Ismail Ne Marhaba Kehte Huwe Darwaza Khol Diya Aur Kehne Lage Aaiye Aapka Aana Bhot Hi Accha Hai, Sarkar ﷺ Is Darwaze Se Guzarkar Aasman Par Tashrif Le Gaye....

🌃PEHLA AASMAN AUR FARISHTE QAYAM ME...*

🎆Upar Pahochne Ke Bad Huzur ﷺ Ne Dekha Ke Fariahte Saffe Baandhe Khade Hai Aur Ye Padh Rahe hai *सुब्बुहुंन कुद्दुसुन्न रब्बुना व रब्बुल मलाइकति वर्रुह* Huzur ﷺ Ne Daryaft Farmaya Aye Jibraeel Kya In Farishto Ki Yahi Ibadat Hai ?? Hazrat Jibraeel عَلَيـهِ السَّــلَام Ne Arz Kiya Ki Yaa RASOOLALLAH ﷺ Jabse Aasman Payda Huwa Hai In Farishto Ki Yahi Tasbeeh hai Aur Inki Yahi Ibadat hai Aur Qayamat Tak Yahi Ibadat me Mashgool Rahenge...

🎇Aap Apne Rabb Ki Bargah Me Arz Kare ki ALLAH TAA'LA Apne Fazlo Karam se Is Ibadat Ka Sawab Aapki Ummat ko Ata Farmaye, Huzur ﷺ Ne Bargahe Rabb Me Arz Kiya To Irshad Huwa Ke Humne Aapki Ummat Par Namaz Me *QIYAM* Farz Kiya Isiliye Zaruri Hai ke Aapke Ummati Ise Acchi Trah Ada Kare Fir Huzur ﷺ Ne Jibraeel عَلَيـهِ السَّــلَام Se Pucha Ke In Farishto ki Ta'dat Kya Hogi? Hazrat Jibraeel Ne Arz Kiya Ke Sarkar Inki Taa'dat Siway ALLAH Taa'la Ke Aur Koi Nahi Janta Quran Paak Ki Ek Ayat Bhi Iski Taraf Ishara Karti hai...

⤵TARJUMA:-

*🏟Tere Rabb Ke Lashkaro Ki Taa'dat Siway Rabb Taa'la Ke Aur Koi Nahi Janta....*

📓(PARA-29)

*🌃HAZRATE ADAM عَلَيـهِ السَّــلَام ....*

🎆Huzur ﷺ Jab Aage Badhe To Aapne Adam عَلَيـهِ السَّــلَام Ko Dekha Ke Inki Dayi(Right) Janib Ek Darwaza Hai Usse Khushbudar Hawa Aati hai Aur Ek Darwaza Bayi(Left) Janib Hai Jisse Badboo Aati hai Aur Aap Jab Dayi Taraf Dekhte hai To Khush Hote hai Aur Bayi Taraf Dekhte Hai to Ranjida Hote hai...

🎇Aur Bukhari Sharif ki Riwayat me Hai Ke Hazrate Adam عَلَيـهِ السَّــلَام Ki Dahini Taraf Kuch Soorate Nazar Aayi Aur Kuch Soorate Bayi Taraf, Jab Dahini Taraf Dekhte hai To Haste hai, Aur Jab Bayi Taraf Dekhte hai to Rote hai...

🎆Huzur ﷺ Pahoche Aur Salam Kiya Adam عَلَيـهِ السَّــلَام Ne Salam Ka Jawab Dene Ke Bad Kaha Marhaba FarzandeSaleh Aur Nabi Saleh Hazrat Jibraeel عَلَيـهِ السَّــلَام Ne Arz Kiya Ki Ya RASOOLALLAH ﷺ Daye Aur Baye Nazar Aane Wale Chehre Unki Aulad Ki Roohe Hai  Dayi Taraf Jannatiyo ki Roohe hai Aur Bayi Taraf Jahannamiyo ki Roohe Hai Isliye Jab Dahini Taraf Dekhte hai To Has Padte hai Aur Jab Bayi Janin Dekhte hai To Ro Padte hai....

🌃PEHLA AASMAN AUR ZAKAT NA DENE WALA...*

🎆Uske Bad Kuch Aise Log Dekhe Jinki Sharmgaah Ke Aage Aur Piche Kapde Lapete Huwe Hai Aur Woh Janwaro ki Trah Charr Rahe hai Aur Zakkum Aur Dozakh Ke Patthar Kha Rahe hai...

🎇Huzur ﷺ Ne Jibraeel Se Pucha Ye Koun Log hai Jibraeel Ne Kaha Ye Woh Log Hai Jo Apne Maal ki Zakat Ada Nahi Karte the Faqeero Miskino Par Reham Nahi Karte the Ispar ALLAH Taa'la Ne Irshad Farmaya *Aur Woh Log Jo Jodkar Rakhte Hai Sona Aur Chandi Aur Use Allah ki Raah Me Kharch Nahi Karte Unhe Khushkhabri Sunao Dardnaak Azab Ki...*

*🌃PEHLA AASMAN AUR ZINAAKAR...*

🎆Fir Ese Aadmiyo ko Dekha Jinke Pas 2 Handiya Hai Ek Me Paka Huwa Gosht Hai Aur Dusri Me Kharab Kaccha Gosht Hai, Magar Ye Log Pake Huwe Gosht ko Chorkar Sada Huwa Kaccha Gosht Kha Rahe Hai Huzur ﷺ Ne Pucha Aye Jibraeel Ye Koun Log hai Jibraeel Ne Arz Kiya *Ye Aapki Ummat Ke Woh Log Hai Jo Apni Halal Aur Paakiza Biwi Ko Hote Huwe Gair Aurat Ke Pas Jaye Aur Woh Aurte Jo Halal Aur Paak Khawind Rakhte Huwe Dusre Mard Ke Pas Jaye Aur Uske Sath Bura Kare....

🌈ALLAH TAA'LA QUR"AN ME IRSHAD FARMATA HAI*Aur Badkari Ke Pas Naa Jao Beshak Woh Behayai Aur Bhot Hi Bura Rasta hai...

*🌃PEHLA AASMAN AUR NA'HAQ YATEEMO KA MAAL KHANE WALA....*

🎆Aage Badhe To Ese Log Nazar Aaye Honth Ounto ki Trah Hai Aur Chingariya Kha Rahe hai Aur Aag Ki Woh Chingariya Unke Pet Ko Jalati Huyi Niche Aa Jati Hai Aur Ye Silsila Isi Trah Jari Hai...

🎇Huzur ﷺ Ke Dryaft Karne Par Hazrat Jibraeel Ne Arz Kiya Sarkar Ye Woh Log Hai Jo Yateemo Ka Maal Na'haq Khaya Karte the, ALLAH Taa'la Quran Me Irshad Farmata hai..

*🏟WOH JO YATEEMO KA MAAL NA'HAQ KHATE HAI WOH APNE PET ME NAREE AAG BHARTE HAI AUR KOI DUM JATA HAI KE BHADAKTE GHADE ME JAYENGE...*

*📓(PARA-04, RU'QU-12)*

*🌃MUSAFIRO KO TAKLIF DENE WALA....*

🎆Iske Bad Aise Log Dekhe Jinhe Aam Rasto Par Sooli Par Latkaya Ja Raha hai Aur Un Sooliyo Me Khatarnaak Kism Ke Kaante Hai Ke Is Raah Me Chalne Wale Ke Jism Aur Libas Dono Ko Noch Lete Hai..

🎇Huzur ﷺ Ne Daryaft Kiya Ye Log Koun hai To Bataya Gaya ki Yeh Woh Log Hai Jo Raasto Me Bethkar Raah Me Chalne Walo Ko Taklif Diya Karte the Allah Taa'la Irshad Farmata Hai..

*🏟AUR HAR RASTE PAR YUN NA BETHO KE RAAHGIRO KO DARAWO AUR ALLAH KI RAAH SE UNHE ROKO...*

🌃PEHLA AASMAN AUR AMANAT ME KHAYANAT KARNE WALA...*

🎆Inke Bad Aise Log Dikhayi Pade Jinhone Apni Pith Par Bahot Wazandar Bojh Utha Rakha Hai Ke Is Bojh Ke Wazan Se Wo Hil Bhi Nahi Sakte Magar Iske Ba"wajood Fir Bhi Yeh Kehte Ja Rahe Hai Ke Haan Aur Bojh Rakh Do Isliye Unke Kehne ki Wajah Se Unki Pith Par Aur Bojh Lada Ja Raha Hai...

🎇Huzur ﷺ Ne Pucha Ke Jibraeel Ye Koun Log Hai Hazrat Jibraeel Ne Jawab Diya Ke Ye Logo Ki Surat Misali Hai Jo Amanat Me Khayanat Karte Hai Aur Bahot se Logo ke Huqooq Inki Gardan Par Hai Lekin In Haqqo Ko Ada Karne Ki Bajaye Aur Zyada Haq ko Apne Upar Lete Rehte Hai Jaisa Ke ALLAH Taa'la Irshad Farmata hai..

*🏟AYE IMAAN WALO ALLAH AUR RASOOL SE DAGA NA KARO AUR NAA APNI AMANATO ME JANTE HUWE KHAYANAT KARO...*

*🌃JOOTHE KHUSHAMADI...*

🎆Fir Aise Aadmi Mile Jinke Hontho Aur Zaban Ko Aag Ki Kenchi Se Kaati Ja Rahi Hai Jab Apni Aisi Halat Par Aate Hai Farishte Fir Kaat Dete Hai, Unko Ek Pall Ki bhi Mohlat Nahi Dete Unke Bare Me Huzur ﷺ Ne Pucha Ke Ye Koun Log hai...

🎇Hazrat Jibraeel Ne Arz Kiya Ye Woh Log Hai Jo Badshaho Ke Pas Jakar Unki Joothi Khushamate Karte The Aur Unki Joothi Aur Khuli Huyi Baato Par Haan Me Haan Milate The Ye Log Badshaho Ke Zulm Aur Buri Baate Yani Fisk-O-Fuzur Se Nahi Rokte Aur Naa Unko Insaf Aur Ehsaan Ke Ehkam Sunate Hai ALLAH Taa'la Irshad Farmata hai...

*🏟AUR ZALIMO KI TARAF NA JHUKO KE TUMHE AAG CHUYEGI...*

🌃PEHLA AASMAN AUR MUNAFEEKIN..*

🎆Fir Kuch Log Dekhe Jo Hawa Me Latke Huwe Hai Ke Inki Aankh, Kaan, Naak Se Aag Ke Shole Nikal Rahe Hai Inme Se Har Ek Saksh Par Do-Do Farishte Mukarrar Hai Jinke Hatho Me Aag Ke Gurz Hai Aur Har Gurz Me 70 Shakhe Hai Wo 70 Shakhe Itni Badi Hai Ke Agar Ek Shakh Bade Buland Pahad Par Gir Pade To Wo Ta'ab Na Laa Sake Yani Na Jhel Sake Aur Tukde-Tukde Hokar Bikhar Jaye...

🎇Ye Dono Farishte Is Saksh Ko Saza Dete Hai Aur Ye Tasbeeh Padhte hai *सूबहानल कादेरुलमुक्तदेर सुबहानल मुन्तकेँमो अन्नं-आदआहु सुलतानल मलेकुल अज़ीन* Hazrat Jibraeel Ne Arz Kiya Ki Ye Dagabazo Aur Munafik Log hai ALLAH Taa'la Qur'an Me Irshad Farmata hai..

*🏟BESHAK MUNAFIK DOZAKH KE SABSE NICHE TABKE ME HAI....*

*🌃BE'HUDA GAANA GAANE WALA...*

🎆Fir Ek Aise Giroh Par Guzar Huwa Jinke Seeno Par Aag Ke Tabak Rakhe Hai Inke Chehre Siyah Aur Aankhe Neeli Hai Katran Ke Kapde Pehne Huwe hai Aur Farishte Inko Aag Ke Gurz Se Maar Rahe hai Hazrat Jibraeel Ne Arz Kiya Yeh Woh Log Hai Jo Behuda Gaane Gaya Karte The ALLAH Taa'la Irshad Farmata Hai..

*🏟AUR KUCH LOG KHEL KI BATE KHARIDTE HAI ALLAH KI RAAH SE BE'HUDA KE BE'SAMJE AUR ISE HANSI KHEL BANA LE INKE LIYE ZILLAT KA AZAB HAI...* 

🌃PEHLA AASMAN AUR BADALO KA FARISHTA....*

🎆Fir Ek Farishte Ko Dekha Jo Aadmi Ki Shakal Me Hai Jism Ka Upar Ka Hissa Aag Ka Hai Aur Niche Ka Hissa Barf Ka Hai Lekin Kamal Ye Hai Ke Na To Aag Baraf ko Pighalti hai Aur Naa Hi Baraf ki Thandak Se Aag Sard Hoti hai Aur Woh Farishta Tasbeeh Padh Raha hai...

🎇Huzur ﷺ Ne Hazrat Jibraeel Se Pucha Ye Koun hai Hazrat Jibraeel Ne Arz Kiya Ya RasoolAllah ﷺ Is Farishte Ko ALLAH Taa'la Ne Apni Kudrat Se Payda Farmaya Hai Aur Isko Badalo Par Mukarrar Kar Diya Hai...

🎇Jis Jagah ALLAH Taa'la Ki Mashiyyat Hoti hai Ye Farishta Us Jagah Badalo ko Le Jata hai Iska Naam *RAA'AD* Hai Raa'ad Ke Maayne Garajne ke hai Ye Farishta Jis Waqt Badalo ko Chalata hai Aur Hankta Hai To Iske Hankne Se Jo Garaz Payda Hoti hai Isko Raad Kehte hai ALLAH Taa'la Irshad Farmata hai..

*🏟AUR GARAJ USE SARAHTI HUYI USKI PAAKI BOLTI HAI...*

📓(PARA-13, RU'QU-08)

*🌃PEHLA AASMAN AUR BEHRUL HAIWAN...*

🎆Ab Sarkar Ki Sawari Jab Aage Badhi To Ek Dariya Nazar Aaya Us Dariya Ke Ajaib Aur Garaib Be'Shumar The Usme Behne Wala Paani Doodh Se Zyada Safed Aur Usme Se Uthne Wali Mouje Pahado Se Bhi Unchi Thi Hazrat Jibraeel Ne Arz Kiya Ke Ya RasoolAllah ﷺ Is Dariya Ka Naam *BEHRUL HAYWAN* Hai Jab Qayamat Ke Din Logo Ko Hashr Ke Liye Bulaya Jaega To Is Dariya Se Ek Barish Hogi Jiske Sabab Bosida Haddiya Aur Rezshudah Jism Ke Aa'za Jama Ho Jayenge Aur Insan Ke Jism Ko Khuda Ke Huqm Se Zindagi Mil Jayegi Allah Taa'la Quran Me Irshad Farmata hai.....

*🏟ALLAH HAI JISNE TUMHE PAIDA KIYA FIR ROZI DI FIR TUMHE MAREGA FIR TUMHE ZINDAH KAREGA....*

*🎴NOTE...*

*🖊MERAJ KI POST PEHLE AASMAN PAR KHATM KARKE YAHI PAR ROK DI GAYI HAI BHOT JALD IS MAZMOON KO DUSRE AASMAN SE WAPAS SHURU KIYA JAYEGA, INSHAA'ALLAH....* 

🔀MAZMOON JARI HAI...

Read More